ബുറൈദ: ഖസീം പ്രവാസി സംഘം സെൻട്രൽ, ഷമ്മാസ് ഏരിയ കമ്മിറ്റികൾ സംയുക്തമായി സംഘടിപ്പിച്ച ‘ഓണനിലാവ് 2023’ ആഘോഷ പരിപാടി ബുറൈദയിലെ മലയാളി കുടുംബങ്ങൾക്ക് വേറിട്ട അനുഭവമായി. കുട്ടികളുടെയും മുതിർന്നവരുടെയും കലാപരിപാടികൾ ഹരം പകർന്നു. വിഭവസമൃദ്ധമായ ഓണസദ്യയും കുടുംബവേദി വനിതകൾ അവതരിപ്പിച്ച തിരുവാതിര, ഡാൻസ്, ഓണപ്പാട്ടുകൾ എന്നിവയും ആഘോഷത്തിന് മാറ്റുകൂട്ടി. ഗാനസന്ധ്യയും അരങ്ങേറി.
പരിപാടിയോടനുബന്ധിച്ച് നടന്ന സാംസ്കാരിക സമ്മേളനം ആക്ടിങ് സെക്രട്ടറി ഉണ്ണി കണിയാപുരം ഉദ്ഘാടനം ചെയ്തു. പ്രവാസി സംഘം പ്രസിഡൻറ് നിഷാദ് പാലക്കാട്, കുടുംബവേദി രക്ഷാധികാരി സുൽഫിക്കർ അലി, സെക്രട്ടറി ഫൗസിയ ഷാ, ട്രഷറർ റഷീദ് മൊയ്തീൻ, സെൻട്രൽ ഏരിയ സെക്രട്ടറി ഷൗഖത്ത്, ഷമ്മാസ് ഏരിയ പ്രസിഡൻറ് നജീബ് എന്നിവർ സംസാരിച്ചു. സ്വാഗതസംഘം ചെയർമാൻ അശോക് ഷാ സ്വാഗതവും കേന്ദ്ര കമ്മിറ്റി അംഗം പ്രമോദ് കോഴിക്കോട് നന്ദിയും പറഞ്ഞു. 2023ലെ വിദ്യാഭ്യാസ മേന്മ പുരസ്കാരവും ചടങ്ങിൽ വിതരണം ചെയ്തു. വിവിധ യൂനിറ്റുകളിൽനിന്ന് നിരവധി കുടുംബങ്ങളും പ്രവർത്തകരും പരിപാടിയിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.