റി​യാ​ദ്​ സീ​സ​ൺ; ഇനി കളിപ്പാട്ട ഉത്സവം

റി​യാ​ദ്​: കു​ട്ടി​ക​ളു​ടെ ക​ളി​പ്പാ​ട്ട ഉ​ത്സ​വ​ത്തി​ന്​ തു​ട​ക്കം. റി​യാ​ദ്​ സീ​സ​ണി​ന്റെ ഭാ​ഗ​മാ​യ ടോ​യ്​​സ്​ ഫെ​സ്​​റ്റി​വ​ലി​നാ​ണ്​ ആ​രം​ഭ​മാ​യ​ത്. റി​യാ​ദ്​ സീ​സ​ണി​​ന്റെ മു​ഖ്യ​വേ​ദി​യാ​യ ബൊ​ളി​വാ​ർ​ഡ് ന​ഗ​ര​ത്തി​നു​ സ​മീ​പ​ത്താ​ണ്​ മൂ​ന്നാ​മ​ത്​ ടോ​യ്​​സ്​ ഫെ​സ്​​റ്റി​വ​ൽ ന​ട​ക്കു​ന്ന​ത്. ലോ​ക​ത്തെ ഏ​റ്റ​വും വ​ലി​യ ഗെ​യി​മി​ങ്​ ഫെ​സ്​​റ്റി​വ​ലു​ക​ളി​ൽ ഒ​ന്നാ​ണി​ത്. റി​യാ​ദ് സീ​സ​ണി​​ന്റെ ഭാ​ഗ​മാ​യി ത​ല​സ്ഥാ​ന​ത്തെ വി​നോ​ദ​പ​രി​പാ​ടി​ക​ൾ​ക്കു​ള്ള ഏ​റ്റ​വും വ​ലി​യ സൈ​റ്റാ​ണ് ടോ​യ്​​സ്​ ഫെ​സ്റ്റി​വ​ൽ.

ജ​നു​വ​രി ഒ​ന്നു​വ​രെ നീ​ളു​ന്ന ഫെ​സ്​​റ്റി​വ​ലി​ൽ കു​ടും​ബാം​ഗ​ങ്ങ​ൾ​ക്ക്​ ര​സ​ക​ര​വും പു​തി​യ അ​നു​ഭ​വ​ങ്ങ​ളും ന​ൽ​കു​ന്ന​തി​നാ​യി 30ല​ധി​കം വി​നോ​ദ കോ​ർ​ണ​റു​ക​ളും വി​നോ​ദ​രം​ഗ​ത്തെ 40ല​ധി​കം ബ്രാ​ൻ​ഡു​ക​ളു​മു​ണ്ട്.

പെ​ൺ​കു​ട്ടി​ക​ൾ​ക്കും കു​ട്ടി​സ​ന്ദ​ർ​ശ​ക​ർ​ക്കു​മാ​യി ‘ഡൗ​ൺ ടൗ​ൺ’ ഏ​രി​യ, വി​ഡി​യോ ഗെ​യി​മു​ക​ളും കാ​റു​ക​ളും ഉ​ൾ​ക്കൊ​ള്ളു​ന്ന ‘അ​ഡ്രി​ന​ൽ വാ​ലി’ ഏ​രി​യ, പ്രീ ​സ്കൂ​ൾ കു​ട്ടി​ക​ൾ​ക്കാ​യി ‘ക​ൺ​ട്രി സൈ​ഡ്​’ ഏ​രി​യ എ​ന്നീ ഉ​പ​മേ​ഖ​ല​ക​ളും ഫെ​സ്​​റ്റി​വ​ലി​ലു​ണ്ട്. പ്ര​ത്യേ​ക പ​രി​പാ​ടി​ക​ളോ​ടെ​യാ​ണ് ഫെ​സ്​​റ്റി​വ​ൽ സ​ന്ദ​ർ​ശ​ക​രെ സ്വാ​ഗ​തം ചെ​യ്യു​ന്ന​ത്.

തി​യ​റ്റ​റു​ക​ളി​ൽ നി​ര​വ​ധി വി​നോ​ദ​പ​രി​പാ​ടി​ക​ളു​ടെ ത​ത്സ​മ​യ പ്ര​ദ​ർ​ശ​ന​മു​ണ്ട്. ഏ​റ്റ​വും ജ​ന​പ്രി​യ​മാ​യ ബ്രാ​ൻ​ഡു​ക​ളും കു​ട്ടി​ക​ളു​ടെ പ്രി​യ​പ്പെ​ട്ട ക​ഥാ​പാ​ത്ര​ങ്ങ​ളു​മു​ള്ള ചി​ല പ​രി​പാ​ടി​ക​ൾ ആ​ദ്യ​മാ​യി അ​വ​ത​രി​പ്പി​ക്കു​ന്ന​താ​ണ്. പ്ര​വൃ​ത്തി ദി​വ​സ​ങ്ങ​ളി​ൽ വൈ​കീ​ട്ട്​ നാ​ലു മു​ത​ൽ രാ​ത്രി 12 വ​രെ സ​ന്ദ​ർ​ശ​ക​ർ​ക്കാ​യി ഫെ​സ്​​റ്റി​വ​ൽ തു​റ​ക്കും. വാ​രാ​ന്ത്യ​ങ്ങ​ളി​ൽ രാ​ത്രി ഒ​രു മ​ണി വ​രെ​യാ​യി​രി​ക്കും. https://riyadhseason.sa/event-details.html?id=601/ar_Riyadh_Toy_Festival എ​ന്ന ലി​ങ്ക് വ​ഴി എ​ൻ​ട്രി ടി​ക്ക​റ്റു​ക​ൾ ബു​ക്ക് ചെ​യ്യാം.