ജിദ്ദ: ‘അബ്ശിർ’ആപ്ലിക്കേഷൻ രാജ്യത്തെ പൗരന്മാരും വിദേശികളും സ്വന്തം സ്മാർട്ട് ഫേ ാണുകളിൽ ഇൻസ്റ്റാൾ ചെയ്യണമെന്ന് പാസ്പോർട്ട് ഡയറക്ട്രേറ്റ് ആവശ്യപ്പെട്ടു. ഇത് ഫോണുകളിലുണ്ടെങ്കിൽ ഗുണഭോക്താക്കൾക്ക് വിവിധ പാസ്പോർട്ട്, ഇഖാമ ഉൾപ്പെടെ വിവിധ ഒൗദ്യോഗിക രേഖകളുടെയും കാലാവധി ഉൾപ്പെടെയുള്ള വിവരങ്ങളും ജവാസത്തിൽ നിന്നുള്ള അറിയിപ്പുകളും അപ്പപ്പോൾ അറിയാൻ കഴിയും.
സേവനം ലഭിക്കാൻ സ്മാർട്ട് ഫോണുകൾക്ക് വേണ്ടിയുള്ള ‘അബ്ശിർ’ആപ്ലിക്കേഷനിൽ പ്രവേശിച്ച് ‘മൈ ഇൻഫർമേഷൻ’എന്ന െഎക്കൺ തെരഞ്ഞെടുത്താൽ മതി. പിന്നീട് ടൈംലൈൻ െഎക്കൺ തെരഞ്ഞെടുക്കുക. ശേഷം തീതതി (ഹിജ്റ അല്ലെങ്കിൽ ഗ്രിഗോറിയൻ കലണ്ടർ) തെരഞ്ഞെടുക്കണം. ഏത് തരം സേവനം (മി ആൻഡ് ഫാമിലി, വാഹനം, ഗാർഹിക തൊഴിലാളി, ട്രാഫിക് നിയമലംഘനം) എന്നത് തെരഞ്ഞെടുക്കുകയും കാലാവധി അറിയിപ്പ് ജവാസത്തിൽ നിന്ന് ലഭിക്കേണ്ടത് ഏതിനൊക്കെയാണ് എന്ന് സെലക്ട് ചെയ്യുകയും ചെയ്യുക. അപ്പോൾ ‘തീയതി ചേർക്കുക’എന്ന വാചകം പ്രത്യക്ഷപ്പെടും. അതിലൂടെ ആവശ്യമായ അലർട്ട് തീയതി നിർണയിക്കപ്പെടുന്നു. പിന്നീട് ‘ചേർക്കുക’എന്ന െഎക്കണിൽ അമർത്തുക.
എല്ലാ പൗരന്മാരും സ്മാർട്ട് ഫോണുകളിൽ അബ്ശിർ ആപ്ലിക്കേഷൻ ഉപയോഗിക്കണമെന്നും അപ്പോൾ പാസ്പോർട്ട് വകുപ്പിെൻറ ഇലക്ട്രോണിക് സേവനങ്ങൾ അവർക്ക് ഉപയോഗപ്പെടുത്താനാകുമെന്നും പാസ്പോർട്ട് ഡയറക്ടറേറ്റ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.