ദമ്മാം: കോവിഡ് -19 വ്യാപനത്തെ തുടർന്ന് സൗദി അറേബ്യ പ്രഖ്യാപിച്ച ലോക്ഡൗണിൽ പെട്ട് ബുദ് ധിമുട്ടനുഭവിക്കുന്നവരെ നാട്ടിലെത്തിക്കുന്നതിനുള്ള സർക്കാർ ശ്രമങ്ങൾക്ക് നവോദ യ സാംസ്കാരിക വേദി കിഴക്കൻ പ്രവിശ്യ ഘടകം പിന്തുണ നൽകും. ഇതിെൻറ ഭാഗമായി ഓൺലൈനിൽ വി വരശേഖരണം ആരംഭിക്കും.
അടിയന്തര ചികിത്സ ആവശ്യമുള്ള കോവിഡ് ഇതര രോഗികൾ, സന്ദർശക വിസയിൽ എത്തി തിരിച്ചുപോകാൻ കഴിയാത്ത പ്രായമായവർ, നാട്ടിൽ പഠിക്കുന്ന വിദ്യാർഥികൾ, ഗർഭിണികൾ തുടങ്ങി നാട്ടിൽ പോകാൻ താൽപര്യമുള്ളവരുടെ വിവരശേഖരണം നടത്തി സർക്കാറിന് കൈമാറുകയാണ് ഉദ്ദേശിക്കുന്നത്. ഗൂഗ്ൾ ഡോക്യുമെൻറിൽ പ്രവാസി രജിസ്ട്രേഷൻ ഫോം എന്ന പേരിലുള്ള ഫോറത്തിൽ പേര്, വയസ്സ്, മൊബൈൽ നമ്പർ (സൗദി), താമസസ്ഥലം (സൗദി), മൊബൈൽ നമ്പർ (ഇന്ത്യ), പാസ്പോർട്ട് നമ്പർ, ഇഖാമ നമ്പർ, ലിംഗം, ജില്ല, പഞ്ചായത്ത്, നാട്ടിലെ വിലാസം, കോവിഡ് സംബന്ധിച്ച വിവരങ്ങൾ, തിരിച്ചുപോകുന്നതിനുള്ള കാരണങ്ങൾ, പുറപ്പെടേണ്ടതും എത്തിച്ചേരേണ്ടതുമായ വിമാനത്താവളങ്ങളുടെ പേര് തുടങ്ങിയ വിവരങ്ങളാണ് നൽകേണ്ടത്.
ശേഖരിക്കുന്ന വിവരങ്ങൾ കേരള സർക്കാറിെൻറ ശ്രദ്ധയിൽ പെടുത്തി മുൻഗണനാക്രമത്തിൽ നാട്ടിലെത്തിക്കുന്നതിന് ആവശ്യമായ സഹായം ചെയ്യുകയാണ് നവോദയ ലക്ഷ്യമിടുന്നതെന്ന് ഭാരവാഹികൾ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.