ദുബൈ: ഏതാനും ദിവസത്തെ ഇടവേളക്കു ശേഷം ദുബൈയിലെ നിർമാണ സൈറ്റിൽ വീണ്ടും തീപിടിത്തം. ജുമൈറ രണ്ടിലെ നിർമാണ സൈറ്റിൽ ഞായറാഴ്ച വൈകീട്ടാണ് തീപിടിത്തമുണ്ടായത്. പ്രദേശത്ത് കൂറ്റൻ പുകച്ചുരുളുകളുയരുന്നതറിഞ്ഞ് സിവിൽ ഡിഫൻസ് സംഘം പാഞ്ഞെത്തി രക്ഷാ പ്രവർത്തനം നടത്തി.
നിർമാണത്തിലിരിക്കുന്ന ഒരു മാളിെൻറ അടിത്തട്ടിൽ നിന്നാണ് തീ ഉയർന്നതെന്നാണ് വിവരം. തീ മറ്റു കെട്ടിടങ്ങളിലേക്ക് വ്യാപിക്കും മുൻപ് നിയന്ത്രണ വിധേയമാക്കിയെന്നും ആളപായങ്ങളൊന്നുമില്ലെന്നും ദുബൈ മീഡിയാ ഒഫീസ് ട്വീറ്റ് ചെയ്തു. ദുബൈ സിവിൽ ഡിഫൻസ് ഡയറക്ടർ ജനറൽ മേജർ ജനറൽ റാശിദ് താലി അൽ മത്റൂഷി സംഭവസ്ഥലത്ത് നേരിെട്ടത്തി പ്രവർത്തനങ്ങൾക്ക് മേൽനോട്ടം വഹിച്ചു. റോഡുകൾ ഭാഗിമായി അടച്ച് ഗതാഗതം വഴി തിരിച്ചു വിട്ടിരുന്നു.
ശുഹദാ, ഇത്തിഹാദ്, പോർട്ട് സഇൗദ്, റാശിദീയ സ്റ്റേഷനുകളിൽ നിന്ന് അഗ്നി ശമന സംഘങ്ങൾ എത്തിയതായി അൽ ഖൂസ് സ്റ്റേഷൻ ഡയറക്ടർ മേജർ ഹുസൈൻ അൽ റഹൂമി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.