ദുബൈ: ഇന്ത്യയിൽ നിന്ന് യു.എ.ഇയിലേക്ക് യാത്രാവിലക്ക് ജൂൺ 30 വരെ നീട്ടി. യു.എ.ഇയുടെ ഔദ്യോഗിക എയർലൈനായ എമിറേറ്റ്സ് എയർലെൻസാണ് ഇക്കാര്യം അറിയിച്ചത്. നേരത്തെ ജൂൺ 14 വരെയുള്ള വിമാനങ്ങൾ റദ്ദാക്കിയെന്നായിരുന്നു അറിയിച്ചിരുന്നത്.
എമിറേറ്റ്സിെൻറ വെബ്സൈറ്റിലെ പുതിയ അപ്ഡേഷൻ പ്രകാരം ജൂൺ 30 വരെ ഇന്ത്യയിൽ നിന്ന് യു.എ.ഇയിലേക്ക് വിമാനങ്ങൾ ഉണ്ടാവില്ലെന്ന് അറിയിച്ചിട്ടുണ്ട്. ജൂൺ 14ഓടെ വിലക്ക് നീക്കാൻ സാധ്യതയുണ്ടെന്ന് ഇന്ത്യയിലെ യു.എ.ഇ അംബാസഡർ അഹ്മദ് അൽ ബന്ന അറിയിച്ചിരുന്നു. ഇതോടെ മലയാളികൾ അടക്കമുള്ള പ്രവാസികൾ പ്രതീക്ഷയിലായിരുന്നു. ഉടൻ യു.എ.ഇയിൽ എത്തിയില്ലെങ്കിൽ ജോലി നഷ്ടപ്പെടുമെന്നും വിസ കാലാവധി കഴിയുമെന്നുമുള്ളവരാണ് ഇതോടെ പ്രതിസന്ധിയിലായത്.
രണ്ടാഴ്ചക്കിടെ ഇന്ത്യയിൽ സന്ദർശനം നടത്തിയവർക്കും യു.എ.ഇയിലേക്ക് വരാൻ കഴിയില്ല. അതേസമയം, യു.എ.ഇ പൗരൻമാർ, ഗോൾഡൻ വിസക്കാർ, നയതന്ത്ര ഉദ്യോഗസ്ഥർ തുടങ്ങിയവർക്ക് യാത്ര ചെയ്യാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.