മഹാത്മാഗാന്ധി കൾചർ ഫോറം യാബ് ലീഗൽ സർവിസസിന്‍റെ സി.ഇ.ഒ സലാം പാപ്പിനിശ്ശേരിയെ ആദരിക്കുന്നു
ഷാർജ: ഗാന്ധി ജയന്തിയോടനുബന്ധിച്ച് യു.എ.ഇയിലെ സാമൂഹിക സാംസ്കാരിക പ്രവർത്തകനും യാബ് ലീഗൽ സർവിസസിന്‍റെ സി.ഇ.ഒയുമായ സലാം പാപ്പിനിശ്ശേരിയെ മഹാത്മാഗാന്ധി കൾചറൽ ഫോറം (ഐ.എം.ജി.സി.എഫ്) ഷാർജ ആദരിച്ചു. ഐ.എം.ജി.സി.എഫ് മുൻ പ്രസിഡന്‍റ് പി.ആർ. പ്രകാശ് സ്നേഹോപഹാരം കൈമാറി. ആഘോഷങ്ങളുടെ ഭാഗമായി ഷാർജ ഇന്ത്യൻ അസോസിയേഷനിൽ ഹൃദയപൂർവം ബാപ്പുജിക്ക് എന്ന പേരിൽ രക്തദാന ക്യാമ്പും സംഘടിപ്പിച്ചു.
എമിറേറ്റ്സ് ഹെൽത്ത് സർവിസസുമായി സഹകരിച്ച് നടത്തിയ ചടങ്ങിൽ മഹാത്മാഗാന്ധി കൾചർ ഫോറം പ്രസിഡന്‍റ് പ്രദീപ് നെന്മാറ അധ്യക്ഷത വഹിച്ചു. കേരള ഗതാഗത മന്ത്രി ആൻറണി രാജു പരിപാടിയുടെ ഉദ്‌ഘാടന നിർവഹിച്ചു. കഴിഞ്ഞ 10 വർഷക്കാലമായി യു.എ.ഇയിൽ പ്രവർത്തിച്ചുവരുന്ന സംഘടനയാണ് മഹാത്മാഗാന്ധി കൾചറൽ ഫോറം. ചടങ്ങിൽ മഹാത്മാഗാന്ധി കൾചറൽ ഫോറം ഷാർജ വൈസ് പ്രസിഡന്‍റ് ഫാസിൽ മാങ്ങാട്, യാബ് ലീഗൽ സർവിസസിന്‍റെ എച്ച്.ആർ മാനേജർ ഫർസാന അബ്ദുൽ ജബ്ബാർ തുടങ്ങിയവർ സന്നിഹിതരായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.