കൊറോണയെ ​കൊല്ലാൻ പാത്രം കൊട്ടുന്ന നാടാണിത്​; ഇതിലപ്പുറവും സംഭവിക്കും...

കോവിഡ്​ ബാധിച്ച്​ മരിച്ച സുഹൃത്തായ ഡോക്​ടറുടെ മൃതദേഹം മറവുചെയ്യുന്നതിനിടെ ​ചെന്നൈയിൽ ആൾക് കൂട്ട ആക്രമണത്തിനിരയായ ഡോ. പ്രദീപ്​ കുമാർ അനുഭവം പങ്കുവെക്കുന്നു

‘‘മൃതദേഹവും കൊണ്ട്​ പോയപ്പോൾ ഞങ്ങളെ എറി​ഞ്ഞോടിക്കുകയായിരുന്നു. എനിക്കാ രാത്രി ഓർക്കാൻ കൂടി വയ്യ. ഒരു ശത്രുവിന്​ പോല ും ഈ ഗതി വരരുത്​. ലോകത്ത്​ ഇങ്ങനെ ഒരു ശവമടക്ക്​ ആരും നടത്തിയിട്ടുണ്ടാവില്ല... ഞാനും രണ്ട്​ പയ്യന്മാരും വെറും കൈ യും ഒരു തൂമ്പയും കൊണ്ടാണ്​ 12 അടി താഴ്​ചയുള്ള കുഴിമാടത്തിൽ മണ്ണുനിറച്ചത്​ "- ഡോ. പ്രദീപ്​ കുമാർ വിതുമ്പലോടെ പ റഞ്ഞു തുടങ്ങി.

ശരിയാണ്​. സുഹൃത്തി​​​െൻറ മൃതദേഹവുമായി ശ്​മശാനങ്ങൾ തേടി അലയേണ്ടിവന്ന, ജനക്കൂട്ടത്തി​​​െൻറ ആക്രമണത്തിന്​ വിധേയനായ ഡോ. പ്രദീപിനെ പോലെ ഒരു നിസ്സഹായൻ ലോകത്ത്​ ​വേറെയുണ്ടാവില്ല. കോവിഡ്​ ബാധിച്ച്​ മരി ച്ച സുഹൃത്തും ന്യൂറോ സർജനുമായ ഡോ. സൈമൺ ഹെർക്കുലീസിനെ (55) ഇക്കഴിഞ്ഞ ഞായറാഴ്ച സംസ്​കരിക്കാൻ പോകു​മ്പോഴായിരുന്ന ു ആ ക്രൂരമായ സംഭവങ്ങൾ അരങ്ങേറിയത്. ചെന്നൈ ന്യൂഹോപ്പ്​ ആശുപത്രി സ്​ഥാപകനായ സൈമൺ അപ്പോ​ളോ ആശുപത്രിയിലാണ്​ മ രിച്ചത്​. പ്രദീപ്​കുമാറി​​​െൻറ തന്നെ വാക്കുകൾ കേൾക്കാം: ​

കല്ലും വടികളുമായി അവർ പാഞ്ഞടുത്തു..
ആദ്യം കീഴ്​പ്പാക്കത്തെ ശ്​മശാനമായിരുന്നു ശവമടക്കിന്​ ചെന്നൈ കോർപറേഷൻ തീരുമാനിച്ചിരുന്നത്​. അവിടെ എത്തിച്ചെങ്കിലും ആളുകളുടെ പ്രതിഷേധത്തെ തുടർന്ന്​ അണ്ണാനഗറിലെ ശ്​മശാനത്തിലേക്ക്​ മാറ്റി. എന്നാൽ, അണ്ണാനഗറിൽ മൃത​ദേഹം കൊണ്ടുപോയപ്പോൾ തന്നെ ആംബുലൻസിന്​ നേരെ കല്ലും വടികളും ഇഷ്​ടികക്കട്ടകളുമായി പ്രദേശവാസികൾ പാഞ്ഞടുത്തു.

60ഓളം പേർ വാഹനത്തി​ന്റെ നാലുഭാഗത്തുമുള്ള ചില്ലുകൾ തച്ചുതകർത്തു, കല്ലേറിൽ ഡ്രൈവറുടെയും സഹായിയുടെയും തലപൊട്ടി ചോരയൊലിച്ചു. കുഴിയെടുക്കാൻ വന്ന ജെ.സി.ബിയും എറിഞ്ഞുതകർത്തു. ശ്മശാന ചുമതലയുള്ള രണ്ട് ഉദ്യോഗസ്ഥർക്ക് സാരമായി പരിക്കേറ്റു. കോർപറേഷൻ ഏർപ്പാടാക്കിയ മൂന്ന് പേർക്കും മർദനമേറ്റു. കേണുപറഞ്ഞിട്ടും ജനക്കൂട്ടം പിന്തിരിഞ്ഞില്ല. ഒടുവിൽ മൃതദേഹവും വഹിച്ച്​, ചോരയൊലിക്കുന്ന തലയുമായി ഡ്രൈവർ ആശുപത്രിയിലേക്ക്​ ആബുലൻസ്​ തിരിച്ചുവിട്ടു. പിന്നാലെ കാറിൽ ഞാനും ഡോക്​ടറുടെ കുടുംബവും.

ഡ്രൈവർക്കും സഹായിക്കും​ നല്ല പരിക്കേറ്റിരുന്നു. അവരുടെ ചികിത്സക്കുള്ള ഏർപ്പാട്​ ചെയ്​തു. രാത്രി തന്നെ മൃതദേഹവുമായി ഞാൻ ആംബുലൻസ്​ ഓടിച്ച്​ ശ്​മശാനത്തിലെത്തി. ആശുപത്രിയിലെ ഹെൽപർമാരായ രണ്ട്​ യുവാക്കളെയും കൂടെ കൂട്ടിയിരുന്നു.

ശ്മശാനത്തിനുള്ളിൽ ആരും ഉണ്ടായിരുന്നില്ല. അക്രമം ആവർത്തിക്കപ്പെടുമെന്ന് ഞങ്ങൾ ഭയപ്പെട്ടതിനാൽ തിടുക്കത്തിൽ മൃതദേഹം കുഴിയിലേക്ക് ഇറക്കി. 12 അടി താഴ്​ചയുള്ള കുഴിമാടത്തിൽ ഞങ്ങൾ മൂവരും ചേർന്നാണ്​​ മൃതദേഹം ഇറക്കിവെച്ചത്​. നഗ്നമായ കൈകളും ഒരു തൂമ്പയും ഉപയോഗിച്ചാണ്​​ ആ കുഴിമാടം മൂടിയത്​. എല്ലാം കഴിയുമ്പോഴേക്കും രാത്രി 1.30 ആയിരുന്നു.

അദ്ദേഹത്തോട്​ ഇത്​ ചെയ്യരുതായിരുന്നു
ഹൃദയ ഭേദകമായിരുന്നു​ കാര്യങ്ങൾ. അദ്ദേഹം (ഡോ. സൈമൺ ഹെർക്കുലീസ്) മാന്യനും ദയാലുവുമായ ഡോക്ടറായിരുന്നു. ആർക്കും വെറുക്കാൻ കഴിയുമായിരുന്നില്ല. ഇത്തരമൊരു അന്ത്യയാത്രയായിരുന്നില്ല ഡോക്​ടർ അർഹിച്ചിരുന്നത്​. അന്ത്യചടങ്ങിൽ പ​ങ്കെടുക്കാൻ അദ്ദേഹത്തി​​​െൻറ കുടുംബത്തെപോലും ജനക്കൂട്ടം അനുവദിച്ചില്ല.

ഞങ്ങൾ ആക്രമിക്കപ്പെടുമ്പോൾ ഡോ. ഹെർക്കുലസി​ന്റെ കുടുംബം അവിടെ ഉണ്ടായിരുന്നു. ഭാര്യയും മകനും വന്നു. പക്ഷേ ആൾക്കൂട്ടം വന്നശേഷം അവർക്ക് രക്ഷപ്പെടേണ്ടിവന്നു. കോവിഡ് -19 പോസിറ്റീവ് ആയ മകൾക്ക്​ അവസാനമായി പിതാവി​ന്റെ മുഖം പോലും കാണാൻ കഴിഞ്ഞില്ല.

കൊറോണയെ "കൊല്ലാൻ " പാത്രം ​കൊട്ടുന്ന നാടാണിത്​
മെഴുകുതിരി കത്തിച്ചും പാത്രം കൊട്ടിയും കൊറോണയെ ''തുരത്തുന്ന" നാടാണിത്​. അവരെ കുറ്റപ്പെടുത്തുന്നില്ല. സോഷ്യൽ മീഡിയയിലും മറ്റുമുള്ള ധാരാളം വ്യാജ വാർത്തകളാണ്​ അവർ വിശ്വസിക്കുന്നത്​. വൈറസ് ബാധിത​​​െൻറ ശവസംസ്കാരം നടന്നാൽ അയൽപക്കത്തുള്ളവർക്ക്​ പകർച്ചവ്യാധി വരുമെന്ന തെറ്റിദ്ധാരണ മൂലമാണ് അവരുടെ എതിർപ്പ്. പൊതുജനങ്ങൾക്കിടയിൽ അവബോധമില്ല.

രാത്രി ഒമ്പതുമണിക്ക് ഒമ്പത് മെഴുകുതിരികൾ കത്തിക്കുന്നത് കൊറോണ വൈറസിനെ കൊല്ലുമെന്ന് എ​​െൻറ സ്വന്തം അമ്മ കരുതി. ഒരു ഡോക്ടറുടെ അമ്മ!. എനിക്ക് അമ്മയെ കാര്യങ്ങൾ ബോധ്യപ്പെടുത്താൻ കഴിയുന്നില്ലെങ്കിൽ ലോകത്തെക്കുറിച്ച് ചിന്തിക്കുക. ആളുകൾ കരുതുന്നത്​ കൊറോണ ശ്മശാനത്തിലൂടെ പടരുമെന്നാണ്​. അങ്ങനെ പടരി​ല്ലെന്ന കാര്യം അവർക്കറിയില്ല. മൃതദേഹവുമായി ഞങ്ങൾ അവിടെ നിന്ന്​ പോകണമെന്നാണ്​ ജനക്കൂട്ടം ആഗ്രഹിച്ചത്​. അതിനുവേണ്ടി അവർ ഞങ്ങളെ ആക്രമിച്ചു, തല്ലി, രക്തമൊഴുക്കി, ഞങ്ങളെ ഓടിച്ചു വിട്ടു.

ഞങ്ങൾ മാറിനിന്നാൽ ഇവിടെ ശവങ്ങൾ കുന്നുകൂടും..
ഞങ്ങൾ [ഡോക്ടർമാർ] നിങ്ങളെപ്പോലെ കൊറോണ വൈറസിനെ ഭയപ്പെടുന്നു. എന്നാൽ, ഭയം കാരണം ഞങ്ങൾ ചികിത്സ നിർത്തിയാൽ കൂടുതൽ അപകടങ്ങളുണ്ടാകും. മൃതദേഹങ്ങൾ കുന്നുകൂടും. ശവം കുഴിച്ചിടാൻ നിങ്ങളുടെ സ്വന്തം ബന്ധുക്കൾ പോലും വരില്ല. ആരോഗ്യ പ്രവർത്തകരെ പിന്തുണക്കണം എന്നുമാത്രമാണ്​ അഭ്യർഥന.