‘ഒന്നര കോടിയുടെ കാറാണ്, മരിക്കണമെങ്കിൽ ബസിന്റെ മുമ്പിൽ പോയി ചാട്’; ബൈക്കുകാരന് നേരെ ദേവഗൗഡയുടെ മരുമകളുടെ ആക്രോശം

ബം​ഗ​ളൂ​രു: ത​ന്റെ ആ​ഡം​ബ​ര കാ​റി​ൽ ഇടിച്ച ബൈ​ക്ക് യാത്രികന് നേരെ ആക്രോശവുമായി മുൻ പ്രധാനമന്ത്രിയും ജനതാദൾ എസ് നേതാവുമായ എച്ച്.ഡി ദേവഗൗഡയുടെ മരുമകൾ ഭവാനി രേവണ്ണ. ബൈക്ക് യാത്രികനോട് ഇത് ഒന്നര കോടിയുടെ കാറാണെന്നും നിനക്ക് മരിക്കണമെങ്കിൽ ബസിന്റെ മുമ്പിൽ പോയി ചാടെന്നുമൊക്കെ പറഞ്ഞ് ഭവാനി കയർക്കുന്ന വിഡിയോ സമൂഹ മാധ്യമങ്ങളിൽ വ്യാപകമായി പ്രചരിക്കുന്നുണ്ട്. ന​ഷ്ട​പ​രി​ഹാ​ര​മാ​യി 50 ല​ക്ഷം രൂ​പയും ആ​വ​ശ്യ​പ്പെ​ടുന്നുണ്ട്. മൈ​സൂ​രു കെ.​ആ​ർ ന​ഗ​റി​ലേ​ക്ക് യാ​ത്ര ചെ​യ്യ​വെ സാ​ലി​ഗ്രാ​മ​യി​ലെ രാ​മ​പു​ര ജ​ങ്ഷ​നി​ൽ ക​ഴി​ഞ്ഞ​ദി​വ​സ​മാ​യി​രു​ന്നു അ​പ​ക​ടം.

ര​ണ്ടു ഗ്രാ​മ​വാ​സി​ക​ൾ സ​ഞ്ച​രി​ച്ച ബൈ​ക്ക് മ​റ്റൊ​രു ബൈ​ക്കി​നെ മ​റി​ക​ട​ക്കാ​നു​ള്ള ശ്ര​മ​ത്തി​നി​ടെ​യാ​ണ് ഭ​വാ​നി സ​ഞ്ച​രി​ച്ച ടൊ​യോ​ട്ട വെ​ൽ​ഫ​യ​ർ കാ​റി​ലി​ടി​ച്ച​ത്. അ​പ​ക​ട​ത്തെ​തു​ട​ർ​ന്ന് കാ​റി​ൽ​നി​ന്നി​റ​ങ്ങി​യായിരുന്നു ഭ​വാ​നിയുടെ രോഷപ്രകടനം. നി​ങ്ങ​ൾ​ക്ക് മ​രി​ക്ക​ണ​മെ​ങ്കി​ൽ ബ​സി​ൽ പോ​യി​ടി​ക്കാ​നും ഇ​ത് ഒ​ന്ന​ര​​ക്കോ​ടി വി​ല​വ​രു​ന്ന വാ​ഹ​ന​മാ​ണെ​ന്നും കേ​ടു​പാ​ട് വ​രു​ത്തി​യ​തി​ന് 50 ല​ക്ഷം രൂ​പ ന​ഷ്ട​പ​രി​ഹാ​രം ന​ൽ​ക​ണ​മെ​ന്നും അ​വ​ർ ആ​വ​ശ്യ​പ്പെ​ട്ട​താ​യി ബൈ​ക്ക് യാ​ത്രി​ക​ർ പൊ​ലീ​സി​ൽ മൊ​ഴി ന​ൽ​കി. നാ​ട്ടു​കാ​ർ അ​റി​യി​ച്ച​ത​നു​സ​രി​ച്ച് സാ​ലി​ഗ്രാ​മ എ​സ്.​ഐ സ്ഥ​ല​ത്തെ​ത്തി ബൈക്ക് യാത്രികനെതിരെ കേ​സെടുത്തു.

ജെ.​ഡി.എ​സ് എം.​എ​ൽ.​എ​യും പാ​ർ​ട്ടി അ​ധ്യ​ക്ഷ​ൻ എ​ച്ച്.​ഡി. ​ദേ​വ​ഗൗ​ഡ​യു​ടെ മ​ക​നു​മാ​യ എ​ച്ച്.​ഡി. രേ​വ​ണ്ണ​യു​ടെ ഭാ​ര്യ​യാ​ണ് ഭ​വാ​നി.