ഭോപ്പാൽ: പരോളിലിറങ്ങിയ പ്രതി മൂന്ന് മൂന്ന് വയസുകാരിയെ ബലാത്സംഗം ചെയ്തു കൊന്നു. മധ്യപ്രദേശിലെ റായ്ഗഢിലാണ് സംഭവമുണ്ടായത്. ബലാത്സംഗ കേസിലാണ് ഇയാളെ പൊലീസ് അറസ്റ്റ് ചെയ്തത്. തുടർന്ന് പരോളിലിറങ്ങുകയായിരുന്നു.
ഇക്കാലയളവിലാണ് ഇയാൾ വീണ്ടും കുറ്റകൃത്യത്തിൽ ഏർപ്പെട്ടത്. കൊലപാതകം, ബലാത്സംഗം, പോക്സോ ആക്ടിലെ വിവിധ വകുപ്പുകൾ എന്നിവ പ്രകാരമാണ് ഇയാൾക്കെതിരെ കേസെടുത്തിരിക്കുന്നതെന്ന് പൊലീസ് അറിയിച്ചു. രക്ഷിതാക്കൾക്കൊപ്പം ഉറങ്ങുകയായിരുന്ന പെൺകുട്ടിയെ സമീപത്തെ കാട്ടിലേക്ക് കൊണ്ടു പോയി ബലാത്സംഗം ചെയ്ത് കൊലപ്പെടുത്തുകയായിരുന്നു. ഇതുമായി ബന്ധപ്പെട്ട് ആദേശ് പേട്ടലാണ് റായ്ഗഢ് പൊലീസിന്‍റെ പിടിയിലായത്.
സംഭവം പുറത്തറിഞ്ഞതിന് പിന്നാലെ റായ്ഗഢിൽ വലിയ പ്രതിഷേധങ്ങളുണ്ടായി. പ്രതികൾക്കെതിരെ കർശന നടപടി ആവശ്യപ്പെട്ടാണ് പ്രതിഷേധം. കേസിന്‍റെ വിചാരണക്കായി ഫാസ്റ്റ്ട്രാക്ക് കോടതി വേണമെന്ന് സോഷ്യൽ ആക്ടിവിസ്റ്റ് വൈശാലി പാട്ടിൽ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.