തെലങ്കാനയിൽ യുവതിയെ ബലാത്സംഗം ചെയ്ത് മർദ്ദിച്ച് കൊലപ്പെടുത്തിയ ശേഷം മൃതദേഹത്തിലും ലൈംഗിക അതിക്രമം തുടർന്ന 25കാരനായ യുവാവ് അറസ്റ്റിൽ. ഹൈദരാബാദിൽ നിന്ന് 50 കിലോമീറ്റർ അകലെയുള്ള ചൗട്ടുപ്പാൽ ടൗണിലാണ് ദാരുണമായ സംഭവം നടന്നത്.
കൺസ്ട്രക്ഷൻ സൂപ്പർവൈസറായി ജോലി ചെയ്തിരുന്ന പ്രതി ഭർത്താവിനൊപ്പം വീടിന് സമീപത്തെ കെട്ടിടത്തിൽ താമസിച്ചിരുന്ന 24കാരിയെ പിന്തുടർന്ന് കീഴ്പെപടുത്തുകയായിരുന്നു. യുവതിയുടെ
ഭർത്താവ് അടുത്തുള്ള കോളജിൽ വാച്ച്മാനായി ജോലി ചെയ്യുന്നയാളാണ്. ഇയാൾ ജോലിക്കുപോയ തക്കത്തിനാണ് പ്രതി ഇവരെ സമീപിച്ചത്. മേയ് ഒമ്പതിനാണ് സംഭവം.
പ്രതി സ്ത്രീയെ മൂർച്ചയുള്ള വസ്തു കൊണ്ട് തലയിൽ അടിച്ച് കൊലപ്പെടുത്തുകയും മൃതദേഹം ബലാത്സംഗത്തിന് ഇരയാക്കിയതായും ചൗട്ടുപ്പാൽ അസിസ്റ്റന്റ് കമ്മീഷണർ ഓഫ് പൊലീസ് (എ.സി.പി) ഉദയ് റെഡ്ഡി പറഞ്ഞു. കുറ്റകൃത്യങ്ങൾ ചെയ്ത ശേഷം അയാൾ യുവതിയുടെ സ്വർണ്ണാഭരണങ്ങൾ മോഷ്ടിക്കുകയും സംഭവസ്ഥലത്ത് നിന്ന് രക്ഷപ്പെടുകയും ചെയ്തു. ഇരയുടെ ഭർത്താവ് നൽകിയ പരാതിയുടെ അടിസ്ഥാനത്തിൽ പൊലീസ് ബലാത്സംഗം, കൊലപാതകം എന്നീ വകുപ്പുകൾ പ്രകാരം കേസെടുത്തു.
ഇയാളുടെ കൈയിൽ നിന്ന് മോഷ്ടിച്ച ആഭരണങ്ങൾ കണ്ടെടുത്ത പൊലീസ് ഇയാളെ കോടതിയിൽ ഹാജരാക്കി റിമാൻഡിൽ അയച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.