തിരുവനന്തപുരം: തലസ്ഥാനത്ത് ഐ.എ.എസ് ക്വാർട്ടേഴ്സ് നിർമാണത്തിന് 36.37 സന്റെ് ഭൂമി അനുവദിച്ച് ഉത്തരവ്. ശാസ്തമംഗലം വില്ലേജിൽ ബ്ലോക്ക് നമ്പർ ഒന്നിൽ റീസർവേ 49 ൽ ഉൾപ്പെട്ട ഭൂമി ഐ.എ.എസ്. ക്വാർട്ടേഴ്സ് നിർമാണത്തിനായി അനുവദിക്കാമെന്ന് ലാൻഡ് റവന്യൂ കമീഷണർ റിപ്പോർട്ട് നൽകിയിരുന്നു. അതിന്റെ അടസ്ഥാനത്തിലാണ് ഈ ഭൂമിയുടെ ഉടമസ്ഥാവകാശം റവന്യൂ വകുപ്പിൽ നിലനിർത്തി നിബന്ധനകളോട് അനുമതി നൽകി റവന്യൂ പ്രിൻസിപ്പൽ സെക്രട്ടറി ടിങ്കു ബിസ്വാൾ ഉത്തരവായത്.
തിരുവനന്തപുരം താലൂക്ക് ചെറുവയ്ക്കൽ വില്ലേജിൽ ബ്ലോക്ക് 20 റീസർവേ 647/1 ൽ പ്പെട്ട 83.80 ആർ ഭൂമിയും നിർമിതി കേന്ദ്രത്തിന്റെ കൈവശമുള്ള കവടിയാർ വില്ലേജ് ബ്ലോക്ക് 101 ൽ റീസർവേ 88 ൽപ്പെട്ട 24 സെൻറ് ഭൂമിയും അനുവദിച്ച് നിർമാണ പ്രവർത്തനത്തിനായി പൊതുമരാമത്ത് വകുപ്പിനെ ചുമതലപ്പെടുത്തി നേരത്തെ ഉത്തരവായിരുന്നു.
എന്നാൽ, കവടിയാർ വില്ലേജിൽ അനുവദിച്ച ഭൂമിയിൽ നിർമാണ പ്രവർത്തനങ്ങൾ ചെലവേറിയതും ദുഷ്കരവുമാണെന്ന് കണ്ടെത്തി. ഈ ഭൂമിക്ക് പകരമായി ശാസ്തമംഗലം വില്ലേജിൽ സിവിൽ സർവീസ് ഓഫീസേഴ്സ് ഇൻസ്റ്റിറ്റ്യൂട്ടിന് അനുവദിച്ചിട്ടുള്ള ഭൂമിയോട് ചേർന്നുള്ള പുറമ്പോക്ക് ഭൂമി അനുവദിക്കാൻ തീരുമാനിച്ചത്. ഈ ഭൂമിയുടെ ഉടമസ്ഥാവകാശം നിക്ഷിപ്തമായിട്ടുള്ളത് സംസ്ഥാന തെരഞ്ഞെടുപ്പ് കമീഷനിലായിരുന്നു. സംസ്ഥാന തെരഞ്ഞെടുപ്പ് കമീഷന് ആസ്ഥാന മന്ദിരം നിർമിക്കുന്നതിന് വേറെ ഭൂമി അനുവദിക്കുകയും നിർമാണം പൂർത്തിയാക്കുകയും ചെയ്തിട്ടുണ്ട്. അതിനാൽ ഈ ഭൂമി വിട്ടുനൽകുന്നതിൽ ആക്ഷേപമില്ലെന്ന് സംസ്ഥാന തെരഞ്ഞെടുപ്പ് കമീഷൻ അറിയിച്ചിരുന്നു. തുടർന്നാണ് അനുമതി നൽകിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.