നെടുമ്പാശ്ശേരി: സംസ്ഥാന ഹജ്ജ് കമ്മിറ്റിയുടെ നേതൃത്വത്തിൽ 410 തീർഥാടകർ കൂടി ഞായറാഴ്ച യാത്ര തിരിച്ചു. തീർഥാടകരുമായി 12.25 നാണ് സൗദി എയർലൈൻസ് വിമാനം യാത്രയായത്. ഇതോടെ 2,460 പേരാണ് നെടുമ്പാശ്ശേരി ഹജ്ജ് ക്യാമ്പിൽനിന്ന് ഇതുവരെ യാത്ര തിരിച്ചത്. തിങ്കളാഴ്ച രാവിലെ 6.55 ന് പുറപ്പെടുന്ന വിമാനത്തിൽ 410 പേർ കൂടി യാത്ര തിരിക്കും. ചൊവ്വാഴ്ച മുതൽ വിമാനങ്ങളുടെ എണ്ണം വർധിക്കുന്നതോടെ ഹജ്ജ് ക്യാമ്പിൽ തിരക്കേറുന്നത് കണക്കിലെടുത്ത് സന്ദർശകർക്കും വാഹനങ്ങൾക്കും നിയന്ത്രണം ഏർപ്പെടുത്തിയിട്ടുണ്ട്. 8, 9 തീയതികളിൽ സന്ദർശകർക്ക് ഹജ്ജ് ക്യാമ്പിലേക്ക് പ്രവേശനം അനുവദിക്കില്ല.
ലക്ഷദ്വീപ് തീർഥാടകർ നാളെ ക്യാമ്പിലെത്തും
നെടുമ്പാശ്ശേരി: ലക്ഷദ്വീപ് തീർഥാടകർ ചൊവ്വാഴ്ച നെടുമ്പാശ്ശേരി ഹജ്ജ് ക്യാമ്പിലെത്തും. ഒമ്പത് ദ്വീപുകളിൽനിന്നായി 142 പുരുഷന്മാരും 133 സ്ത്രീകളും രണ്ട് വളൻറിയർമാരും അടക്കം 277 പേരാണ് ലക്ഷദ്വീപിൽനിന്ന് ചൊവ്വാഴ്ച ഹജ്ജിന് യാത്ര തിരിക്കുന്നത്. മൂന്ന് കപ്പലുകളിൽ രണ്ട് ദിവസങ്ങളിലായാണ് ഇവർ കൊച്ചിയിൽ എത്തിയത്. ശനിയാഴ്ച എത്തിയ എം.വി ലഗൂൺ കപ്പലിൽ 129 പേരും ഞായറാഴ്ച എത്തിയ എം.വി കോറൽസ്, ലക്ഷദ്വീപ് സീ എന്നീ കപ്പലുകളിലായി 148 പേരുമാണ് എത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.