കോട്ടയം: പാലാ ചങ്കാണെന്ന മാണി സി. കാപ്പൻ എം.എൽ.എയുടെ പ്രസ്താവനക്ക് മറുപടിയുമായി കേരള കോൺഗ്രസ് നേതാവ് ജോസ് കെ. മാണി എം.പി. പാലാ എന്നത് ഹൃദയ വികാരമാണെന്ന് ജോസ് കെ. മാണി മാധ്യമങ്ങളോട് പറഞ്ഞു.
പാർട്ടിയുടെ രാഷ്ട്രീയ നിലപാട് ദിവസങ്ങൾക്കുള്ളിൽ പ്രഖ്യാപിക്കും. അതിന് ശേഷം പാലാ സീറ്റ് സംബന്ധിച്ച് പ്രതികരിക്കൂവെന്നും ജോസ് കെ. മാണി വ്യക്തമാക്കി.
പാലായെ കൈവിട്ടുള്ള രാഷ്ട്രീയം ചിന്തിക്കാൻ കഴിയില്ലെന്ന് എൻ. ജയരാജ് എം.എൽ.എയും പ്രതികരിച്ചു. ഏത് മുന്നണിയിലായാലും പാലാ സീറ്റ് വേണം. അതിനാണ് മുൻതൂക്കമെന്നും എൻ. ജയരാജ് പറഞ്ഞു.
മാണിസാറിന് പാലാ ഭാര്യയായിരുന്നെങ്കിൽ തനിക്ക് ചങ്കാണെന്നാണ് മാണി സി. കാപ്പൻ രാവിലെ മാധ്യമങ്ങളോട് പറഞ്ഞത്. വിട്ടിട്ട് പോകുന്ന പ്രശ്നമില്ല. പാർട്ടി ജയിച്ച സീറ്റുകൾ വിട്ട് നൽകേണ്ടതില്ലെന്നാണ് ദേശീയ നേതൃത്വത്തിന്‍റെ തീരുമാനം. രാജ്യസഭ സീറ്റ് ആർക്ക് വേണമെന്നും അദ്ദേഹം ചോദിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.