ചികിത്സ വേണം, അടിമാലി താലൂക്ക്​ ആശുപത്രിക്ക്​

അ​ടി​മാ​ലി: ഹൈ​റേ​ഞ്ച്​ മേ​ഖ​ല​യി​ലെ പ്ര​ധാ​ന ആ​ശു​പ​ത്രി​ക​ളി​ലൊ​ന്നാ​യ അ​ടി​മാ​ലി താ​ലൂ​ക്ക്​ ആ​ശു​പ​ത്രി​യി​ൽ എ​ത്തു​ന്ന​വ​രു​ടെ ദു​രി​തം തീ​രു​ന്നി​ല്ല.

22 ഡോ​ക്ട​ർ​മാ​രു​ള്ള ഈ ​ആ​ശു​പ​ത്രി​യി​ൽ പ​ല​സ​മ​യ​ത്തും ഒ.​പി​യി​ൽ ഡോ​ക്ട​ർ​മാ​രെ കാ​ണാ​നി​ല്ലെ​ന്ന​താ​ണ്​ പ്ര​ധാ​ന പ​രാ​തി. രാ​വി​ലെ എ​ട്ടു മു​ത​ൽ 12 മ​ണി വ​രെ​യാ​ണ് ഒ.​പി. എ​ന്നാ​ൽ, ഒ​മ്പ​ത്​ മ​ണി ക​ഴി​ഞ്ഞേ ഒ.​പി​യി​ൽ ഡോ​ക്ട​ർ​മാ​ർ എ​ത്താ​റു​ള്ളൂ. ഇ​ത് രോ​ഗി​ക​ളെ കൂ​ടു​ത​ൽ ദു​രി​ത​ത്തി​ലാ​ക്കു​ന്നു. ആ​ക്ഷേ​പം പ​രി​ഹ​രി​ക്കാ​ൻ സൂ​പ്ര​ണ്ട് പ്ര​ത്യേ​ക നി​ർ​ദേ​ശം ന​ൽ​കി​യെ​ങ്കി​ലും ന​ട​പ​ടി​യു​ണ്ടാ​യി​ല്ല. പ​ല​പ്പോ​ഴും ആ​ശു​പ​ത്രി​യി​ൽ​നി​ന്ന്​ മ​രു​ന്നു​ക​ളും കി​ട്ടു​ന്നി​ല്ല. ഭൂ​രി​ഭാ​ഗം മ​രു​ന്നും പു​റ​ത്തേ​ക്ക്​ കു​റി​ച്ചു ന​ൽ​കു​ക​യാ​ണെ​ന്നും ആ​ക്ഷേ​പ​മു​ണ്ട്.

ദേ​വി​കു​ളം, ഉ​ടു​മ്പ​ൻ​ചോ​ല, ഇ​ടു​ക്കി താ​ലൂ​ക്കു​ക​ളി​ലെ ഭൂ​രി​ഭാ​ഗം ജ​ന​ങ്ങ​ളും ആ​ശ്ര​യി​ക്കു​ന്ന പ്ര​ധാ​ന ആ​ശു​പ​ത്രി​യാ​ണ് അ​ടി​മാ​ലി താ​ലൂ​ക്ക്​ ആ​ശു​പ​ത്രി. ഒ.​പി​യി​ൽ എ​ത്തു​ന്ന​വ​ർ​ക്ക് ​നി​ൽ​ക്കാ​നോ ഇ​രി​ക്കാ​നോ സൗ​ക​ര്യ​മി​ല്ല. ഡോ​ക്ട​റെ കാ​ണാ​ൻ മ​ണി​ക്കൂ​റു​ക​ൾ കാ​ക്കു​ക​യും വേ​ണം. ദേ​വി​കു​ളം താ​ലൂ​ക്കി​ലെ 135 ആ​ദി​വാ​സി കോ​ള​നി​ക​ളി​ലെ ആ​ദി​വാ​സി​ക​ളും തോ​ട്ടം - കാ​ർ​ഷി​ക മേ​ഖ​ല​യി​ലെ തൊ​ഴി​ലാ​ളി​ക​ളും നി​ർ​ധ​ന ക​ർ​ഷ​ക​രും പ്ര​ധാ​ന​മാ​യി ആ​ശ്ര​യി​ക്കു​ന്ന​ത് ഈ ​ആ​ശു​പ​ത്രി​യെ​യാ​ണ്. പ്ര​തി​ദി​നം 1200 പേ​രി​ല​ധി​കം പേ​ർ ഇ​വി​ടെ ഒ.​പി​യി​ൽ എ​ത്തു​ന്ന​ത്. 

ഒ.​പി 12 മ​ണി വ​രെ; പി​ന്നെ ക്യൂ ​അ​ത്യാ​ഹി​ത വി​ഭാ​ഗ​ത്തി​ൽ

അ​ടി​മാ​ലി താ​ലൂ​ക്ക്​ ആ​ശു​പ​ത്രി​യി​ൽ 12 മ​ണി വ​രെ​യാ​ണ് ഒ.​പി ഉ​ള്ള​ത് പി​ന്നെ വ​രു​ന്ന​വ​ർ അ​ത്യാ​ഹി​ത വി​ഭാ​ഗ​ത്തി​ലെ ഡോ​ക്ട​റെ​യാ​ണ് കാ​ണു​ന്ന​ത്. ഇ​വി​ടെ​യാ​ണെ​ങ്കി​ൽ ഒ​രു ഡോ​ക്ട​ർ മാ​ത്ര​മാ​ണു​ള്ള​ത്. 300നും 350​നും ഇ​ട​യി​ൽ രോ​ഗി​ക​ൾ അ​ത്യാ​ഹി​ത വി​ഭാ​ഗ​ത്തി​ൽ എ​ത്തു​ന്നു. ഇ​തി​ന് പു​റ​മെ അ​പ​ക​ട​ങ്ങ​ളി​ലും മ​റ്റ് അ​ത്യാ​വ​ശ്യ​ങ്ങ​ളു​മാ​യി ധാ​രാ​ളം പേ​ർ എ​ത്തു​ന്നു. ഇ​തോ​ടെ അ​ത്യാ​വ​ശ്യ ഘ​ട്ട​ങ്ങ​ളി​ലെ​ത്തു​ന്ന​വ​ർ​ക്കു പോ​ലും മ​തി​യാ​യ ചി​കി​ത്സ ല​ഭ്യ​മാ​കു​ന്നി​ല്ല. ഈ ​പ്ര​ശ്നം പ​രി​ഹ​രി​ക്കാ​ൻ വൈ​കീ​ട്ട് ആ​റു വ​രെ ഒ.​പി നി​ർ​ബ​ന്ധ​മാ​ക്ക​ണ​മെ​ന്നാ​ണ് ആ​വ​ശ്യം.

താ​ലൂ​ക്ക്​ ആ​ശു​പ​ത്രി​യി​ൽ ലാ​ബ്, എ​ക്സ്റേ, സ്കാ​നി​ങ്​ ഉ​ൾ​പ്പെ​ടെ സൗ​ക​ര്യ​ങ്ങ​ൾ ഉ​ണ്ടെ​ങ്കി​ലും വൈ​കീ​ട്ട് അ​ഞ്ചോ​ടെ ഇ​തി​ന് പൂ​ട്ട് വീ​ഴും. ഇ​തി​ന് ശേ​ഷം എ​ത്തു​ന്ന​വ​ർ സ്വ​കാ​ര്യ ലാ​ബു​ക​ളെ ആ​ശ്ര​യി​ച്ചു വേ​ണം പ​രി​ശോ​ധ​ന റി​പ്പോ​ർ​ട്ടു​ക​ൾ വാ​ങ്ങാ​ൻ. ഇ​തി​നാ​ണെ​ങ്കി​ൽ ഭീ​മ​മാ​യ തു​ക ചെ​ല​വാ​ക്കേ​ണ്ട​താ​യും വ​രു​ന്നു​വെ​ന്നും ആ​ക്ഷേ​പ​മു​ണ്ട്.