ഭരണഘടന സാക്ഷരത കാമ്പയിൻ

കൊട്ടാരക്കര: ദി സിറ്റിസൺ സമ്പൂർണ ഭരണഘടന സാക്ഷരത കാമ്പയിന് നെടുവത്തൂർ പഞ്ചായത്തിൽ വിളംബര റാലിയോടെ തുടക്കം. കാമ്പയിന്‍റെ പഞ്ചായത്തുതല ഉദ്ഘാടന യോഗം ജില്ല പഞ്ചായത്ത് വൈസ്​ പ്രസിഡന്‍റ്​ വി. സുമലാൽ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ്​ ആർ. സത്യഭാമ അധ്യക്ഷതവഹിച്ചു. വൈസ്​ പ്രസിഡന്‍റ്​ ജലജ സുരേഷ്, പഞ്ചായത്ത് സ്ഥിരം സമിതി ചെയർമാൻ ആർ. രാജശേഖരൻ പിള്ള, ബ്ലോക്ക് പഞ്ചായത്തംഗങ്ങളായ ലതീഷ്, മിനി, ബി.എസ്​. ഗോപകുമാർ, നീലേശ്വരം സദാശിവൻ എന്നിവർ സംസാരിച്ചു. കൊട്ടാരക്കരയിൽ ആറിന്​ ഗതാഗത നിയന്ത്രണം കൊട്ടാരക്കര: കൊട്ടാരക്കര മഹാഗണപതി ക്ഷേത്രത്തിലെ മേടത്തിരുവാതിര ഉത്സവ ഘോഷയാത്രയോടനുബന്ധിച്ച് ആറിന്​ വൈകീട്ട് മൂന്നുമുതൽ കൊട്ടാരക്കര നഗരത്തിൽ ഗതാഗത നിയന്ത്രണം ഏർപ്പെടുത്തും. പുനലൂർ ഭാഗത്തുനിന്ന്​ കൊട്ടാരക്കര വഴി കൊല്ലം ഭാഗത്തേക്ക് പോകേണ്ട വാഹനങ്ങൾ ചെങ്ങമനാടുനിന്ന്​ ഇടത്തോട്ട്​ തിരിഞ്ഞ് വെട്ടിക്കവല, സദാനന്ദപുരം, പ്ലാപ്പള്ളി, നെല്ലിക്കുന്നം, അമ്പലപ്പുറം വഴി അമ്പലത്തുംകാല എത്തി പോകണം. പുനലൂർനിന്ന്​ കൊട്ടാരക്കര വഴി അടൂർ ഭാഗത്തേക്ക് പോകേണ്ട വാഹനങ്ങൾ കിഴക്കേതെരുവുനിന്ന്​ വലത്തോട്ട്​ തിരിഞ്ഞ് പാലനിരപ്പ്, പാറക്കടവ് വഴി മുട്ടമ്പലത്ത് എത്തിയാണ്​ പോകേണ്ടത്​. പുനലൂർനിന്ന്​ കൊട്ടാരക്കരയുള്ള വാഹനങ്ങൾ കോട്ടപ്പുറം ജങ്ഷനിൽ യാത്ര അവസാനിപ്പിക്കണം. എം.സി റോഡിൽ അടൂർനിന്ന് ആയൂർ ഭാഗത്തേക്ക്​ പോകുന്ന വാഹനങ്ങൾ മൈലം വില്ലേജ് ഓഫിസ്​ ജങ്ഷനിൽനിന്ന്​ ഇടത്തേക്ക്​ തിരിഞ്ഞ് ഗോവിന്ദമംഗലം റോഡ് സൻെറ് മേരീസ്​ സ്​കൂൾ വഴി കരിക്കത്തെത്തി പോകണം. അടൂർ ഭാഗത്തുനിന്ന്​ കൊല്ലം ഭാഗത്തേക്ക്​ വരുന്ന വാഹനങ്ങൾ പുത്തൂർ മുക്കിൽ തിരിഞ്ഞ് മാറനാട് വഴി ചിരങ്കാവിൽ എത്തിയോ വള്ളക്കടവിൽനിന്ന്​ വലത്തേക്ക് തിരിഞ്ഞ് ആലഞ്ചേരി, മൂഴിക്കോട് നെടുവത്തൂർ വഴിയോ പോകണം. ആയൂർ ഭാഗത്തുനിന്ന്​ അടൂർ ഭാഗത്തേക്ക് എം.സി റോഡ് വഴി നിയന്ത്രിത ഗതാഗതം അനുവദിക്കും. പുത്തൂർനിന്ന്​ കൊട്ടാരക്കരയ്ക്ക് വരുന്ന വാഹനങ്ങൾ മുസ്​ലിം സ്​ട്രീറ്റിൽ യാത്ര അവസാനിപ്പിക്കേണ്ടതും ഓയൂർ ഭാഗത്തുനിന്ന്​ കൊട്ടാരക്കരക്ക്​ വരുന്ന വാഹനങ്ങൾ തൃക്കണ്ണമംഗലിൽ യാത്ര അവസാനിപ്പിക്കുകയും വേണം. കെട്ടുകാഴ്ച ആരംഭിച്ചാൽ ക്ഷേത്ര പരിസരത്തോ കൊട്ടാരക്കര പുലമൺ റോഡിലോ വാഹനഗതാഗതവും പാർക്കിങ്ങും അനുവദിക്കില്ല.