കണ്ണങ്കോട് ക്ഷേത്രത്തിൽ മോഷണം

കൊട്ടാരക്കര: വെട്ടിക്കവല കണ്ണങ്കോട് സുബ്രഹ്​മണ്യക്ഷേത്രത്തിൽ മോഷണം. 16000 രൂപയും അരപ്പവൻ സ്വർണവും അപഹരിച്ചു. ബുധനാഴ്ച രാവിലെയാണ് മോഷണം നടന്നതായി കണ്ടത്. ക്ഷേത്രത്തിന്​ മുന്നിലെ വഞ്ചി തകർത്ത് 10,000 രൂപ അപഹരിച്ചു. ശേഷം ക്ഷേത്രത്തിനുള്ളിലെ ഓഫിസിൽ നിന്നാണ്​ അരപ്പവൻ തൂക്കം വരുന്ന പൊട്ട്, വേൽ, ചുട്ടി, താലി എന്നിവയും 1000 രൂപയും മോഷ്ടിച്ചത്​. സമീപത്തെ മേശ തകർത്തശേഷം അതിനുള്ളിലുണ്ടായിരുന്ന 5000 രൂപയും കവർന്നു. കൊട്ടാരക്കര പൊലീസ്​ സ്​ഥലത്തെത്തി തെളിവെടുപ്പ് നടത്തി. കൊല്ലത്തുനിന്ന് ഡോഗ് സ്​ക്വാഡും വിരലടയാള വിദഗ്ധരും സ്​ഥലത്തെത്തി പരിശോധന നടത്തി.