കൊട്ടാരക്കര: സെന്‍റ് ഗ്രിഗോറിയോസ് കോളജിൽ കെ.എസ്.യു, എസ്.എഫ്.ഐ പ്രവർത്തകർ ഏറ്റുമുട്ടി. വെള്ളിയാഴ്ച വൈകീട്ടായിരുന്നുസംഭവം. ഏറ്റുമുട്ടലിൽ ഇരുഭാഗത്തുമായി അഞ്ച് പ്രവർത്തകർക്ക് പരിക്കേറ്റു. കെ.എസ്.യു, എസ്.എഫ്.ഐ വനിതാ പ്രവർത്തകർ തമ്മിൽ വാട്സ് ആപ്പിൽ തുടങ്ങിയ തർക്കമാണ് സംഘർഷത്തിലെത്തിയത്.
ഇരു വിഭാഗത്തെയും വനിതാ പ്രവർത്തകർ തമ്മിൽ സംഘർഷത്തിലേക്ക് നീങ്ങിയതുകണ്ടെത്തിയ ആൺകുട്ടികൾ തമ്മിൽ ഏറ്റുമുട്ടുകയായിരുന്നു. പരിക്കേറ്റ എസ്.എഫ്.ഐ ജില്ല കമ്മിറ്റി അംഗവും യൂനിവേഴ്സിറ്റി യൂനിയൻ കൗൺസിലറുമായ ഒന്നാം വർഷ ബി.എ ഇംഗ്ലീഷ് വിദ്യാർഥി എം.ആർ. അജു, മൂന്നാം വർഷ ബി.കോം വിദ്യാർഥി നഹാസ്, കെ.എസ്.യു. പ്രവർത്തകരായ ബോബിൻ, ടി.ജി. അഭിജിത്ത്, സൂരജ് എന്നിവരെ കൊട്ടാരക്കര താലൂക്ക് ആശുപത്രിയിൽ പ്രവേശിപ്പിച്ചു. ആക്രമണം നടത്തിയ ഇരു വിഭാഗത്തെയും പ്രവർത്തകർക്കെതിരെ കൊട്ടാരക്കര പൊലീസ് കേസെടുത്തു.
ആക്രമണത്തിനിടയാക്കിയ വനിതാ പ്രവർത്തകർക്കെതിരെയും പൊലീസ് നടപടി സ്വീകരിക്കും. തിങ്കളാഴ്ച നടന്ന കോളജ് യൂനിയൻ തെരഞ്ഞെടുപ്പിൽ എസ്.എഫ്.ഐ വിജയിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.