കോളജ് യൂനിയൻ തെരഞ്ഞെടുപ്പിൽ കൊല്ലം എസ്.എൻ വിമൻസ് കോളജിൽ ചെയർപേഴ്സനായി
തെരഞ്ഞെടുക്കപ്പെട്ട ജനിത ജെയെ എടുത്തുയർത്തി ആഹ്ലാദം പങ്കിടുന്ന എസ്.എഫ്.ഐ പ്രവർത്തകർ
കൊല്ലം: കേരള സർവകലാശാലയുടെ കീഴിലെ കാമ്പസുകളിൽ നടന്ന തെരഞ്ഞെടുപ്പിൽ ജില്ലയിൽ എസ്.എഫ്.ഐക്ക് മികച്ച വിജയം. 18 കാമ്പസുകളിൽ പതിനേഴും എസ്.എഫ്.ഐ സ്വന്തമാക്കി.
11 ഇടത്ത് നോമിനേഷൻ അവസാനിച്ചപ്പോൾ എതിരില്ലാതെ വിജയിച്ചിരുന്നു. കൊല്ലം എസ്.എൻ കോളജ്, എസ്.എൻ വനിത കോളജ്, എസ്.എൻ ലോ കോളജ്, ഫാത്തിമ മാതാ നാഷനൽ കോളജ്, ചവറ ബി.ജെ.എം ഗവ. കോളജ്, കരുനാഗപ്പള്ളി വിദ്യാധിരാജ കോളജ്, കൊട്ടിയം എൻ.എസ്.എസ് ആർട്സ്, ചാത്തന്നൂർ എസ്.എൻ, കടയ്ക്കൽ പി.എം.എസ്.എ, നിലമേൽ എൻ.എസ്.എസ്, പത്തനാപുരം സെന്‍റ് സ്റ്റീഫൻസ് എന്നിവിടങ്ങളിലാണ് എതിരില്ലാതെ ജയിച്ചത്.
കഴിഞ്ഞ തവണ നഷ്ടമായ ചാത്തന്നൂർ എസ്.എൻ, കൊട്ടാരക്കര എസ്.ജി കോളജുകൾ ഇത്തവണ പിടിച്ചെടുത്തു. ശാസ്താംകോട്ട ഡി.ബി കോളജ് കെ.എസ്.യു നിലനിർത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.