കൊല്ലം: വർക്ക്ഷോപ്പ് മാനേജരെ സ്േപ്ര പെയിൻറിങ് ഗൺെവച്ച് തലക്കടിച്ച് കൊലപ്പെടുത്താൻ ശ്രമിച്ച ജീവനക്കാരൻ അറസ്റ്റിൽ. പാരിപ്പള്ളി പാമ്പുറം എസ്.എസ് ഭവനിൽ എസ്. സുമേഷ് (25) ആണ് പിടിയിലായത്. തെറ്റിക്കുഴിയിലുള്ള വാഹന വർക്ക് ഷോപ്പിലെ തൊഴിലെടുക്കുന്നതുമായി ബന്ധപ്പെട്ട് ഇരുവർക്കുമിടയിലുള്ള തർക്കമാണ് കൊലപാതക ശ്രമത്തിൽ എത്തിയത്. കഴിഞ്ഞ ആറിന് വൈകുന്നേരം ജോലി കഴിഞ്ഞ് വീട്ടിലേക്ക് മടങ്ങുകയായിരുന്ന അഭിലാഷിനെ ഇയാൾ തടഞ്ഞുനിർത്തുകയായിരുന്നു.
പരസ്പരമുണ്ടായ വാക്കേറ്റത്തിനൊടുവിൽ കൈവശമുണ്ടായിരുന്ന സ്േപ്ര പെയിൻറിങ് ഗൺ ഉപയോഗിച്ച് തലക്കടിക്കുകയായിരുന്നു. തലക്ക് ഗുരുതരമായി പരിക്കേറ്റ ഇയാളെ പാരിപ്പള്ളി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. തൊഴിൽ സമയത്ത് അലസമായി ഇരുന്നത് മാനേജർ ചോദ്യം ചെയ്ത വിരോധമാണ് ആക്രമണത്തിന് ഇടയാക്കിയത്. സ്ഥലത്തെത്തിയ പൊലീസ് സംഘം പ്രതിയെ പാമ്പുറത്തുനിന്ന് പിടികൂടുകയായിരുന്നു.
പാരിപ്പള്ളി ഇൻസ്പെക്ടർ എ. അൽജബറിെൻറ നേതൃത്വത്തിൽ സബ് ഇൻസ്പെക്ടർമാരായ അനൂപ് പി. നായർ, അജിത് കുമാർ എ.എസ്.ഐ അഖിലേഷ്, സി.പി.ഒമാരായ ബിജു, സലാഹുദ്ദീൻ എന്നിവരടങ്ങിയ സംഘമാണ് ഇയാളെ പിടികൂടിയത്. ഇയാളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.