ആ​ർ​ക്കോ വേ​ണ്ടി തി​ള​ച്ച്​ കി​ണ​റ്റി​ലെ വെ​ള്ളം

കോ​ട്ട​യം: അ​ട​ങ്ങി​യൊ​തു​ങ്ങി കി​ട​ക്കേ​ണ്ട സ​മ​യ​ത്ത്​ തിളച്ചുമറിഞ്ഞ്​ കിണർ വെള്ളം. വാ​രി​ശ്ശേ​രി​ക്ക​ടു​ത്ത്​ മ​ള്ളൂ​ശ്ശേ​രി കു​ഴി​ക്കാ​ട്ടി​ൽ ടി​ന്‍റോ ജോ​സ​ഫി​ന്‍റെ കി​ണറ്റിലാണ്​ അത്​ഭുത പ്രതിഭാസം. ​ഉത്തരഖണ്ഡിലെ ജോഷിമഠിൽ കെട്ടിടങ്ങൾ ഇടിഞ്ഞു താഴുന്ന കാലമായതിനാൽ തിളക്കുന്ന കിണർ അതിവേഗം സമൂഹമാധ്യമങ്ങളിലൂടെ പ്രചരിച്ചു. വിവരമറിഞ്ഞ്​​​ കി​ണ​റി​നു ചു​റ്റും പെട്ടെന്ന്​ ആ​ൾ​ക്കൂ​ട്ട​മാ​യി.

കി​ണ​റെങ്ങാൻ ഇടിഞ്ഞ്​ വീണാൽ ​ലൈ​വ്​ കൊ​ടു​ക്കാ​ൻ ത​യാ​റാ​യി വ്ലോ​ഗ​ർ​മാ​രു​മെത്തി. മാ​ധ്യ​മ​പ്ര​വ​ർ​ത്ത​ക​രും ജാ​ഗ​രൂ​ക​രാ​യി. വെ​ള്ളം തി​ള​ച്ചതിനൊപ്പം പു​ക​കൂ​ടി ഉ​യ​ർ​ന്ന​തോ​ടെ വീ​ട്ടു​കാ​രും നാ​ട്ടു​കാ​രും ഞെ​ട്ടി​. ക​ഴി​ഞ്ഞ ഒ​ന്നാം തീ​യ​തി മു​ത​ൽ വെ​ള്ള​ത്തി​നു ചൂ​ടു​ണ്ടാ​യി​രു​ന്നു​വെന്നാ​ണ്​ വീ​ട്ടു​കാ​ർ പറയുന്നത്​. ദു​ബൈ​യി​ൽ​നി​ന്ന് അ​വ​ധി​ക്കു വ​ന്ന ഗൃ​ഹ​നാ​ഥ​ന്​ ഈ ​ചൂ​ടൊ​ന്നും ചൂ​ടായി​ തോ​ന്നി​യതുമില്ല.

സംഭവമറിഞ്ഞ്​ ന​ഗ​ര​സ​ഭ കൗ​ൺ​സി​ല​ർ ബി​ജു​വും സം​ഘ​വു​മെ​ത്തി പ​രി​ശോ​ധി​ച്ച​പ്പോ​ഴാ​ണ് കാര്യം പി​ടി​കി​ട്ടി​യ​ത്. അ​യ​ൽ​പ​ക്ക​ത്തെ വീ​ട്ടു​കാ​രു​ടെ മോ​ട്ടോ​ർ വെ​ള്ള​ത്തി​ന​ടി​യി​ൽ കി​ട​പ്പു​ണ്ട്. അ​തും മു​ങ്ങി​ക്കി​ട​ക്കു​ന്ന ഇ​ന​ത്തി​ൽ​പെ​ട്ട​ത്. അ​ത്​ ആ​ത്മാ​ർ​ഥ​മാ​യി പ​ണി​യെ​ടു​ത്ത​താ​ണ്​ ദി​വ്യാ​ത്ഭു​ത​മാ​യി അ​നു​ഭ​വ​പ്പെ​ട്ട​ത്. വെ​ള്ളം പു​റ​ത്തേ​ക്ക്​ ഒ​ഴു​ക്കാ​നു​ള്ള ഹോ​സ്​ മോ​ട്ടോ​റി​ൽ​നി​ന്ന്​ വി​ട്ടു​പോ​യി​രു​ന്ന​തി​നാ​ൽ കി​ണ​റ്റി​ലെ വെ​ള്ളം കി​ണ​റ്റി​ലേ​ക്കു​ത​ന്നെ​യാ​ണ് പ​മ്പു​ചെ​യ്തു​കൊ​ണ്ടി​രു​ന്ന​ത്. മ​ണി​ക്കൂ​റു​ക​ൾ പി​ന്നി​ട്ട​​പ്പോ​ൾ മോ​ട്ടോ​ർ ചൂ​ടാ​യി, പി​ന്നെ വെ​ള്ള​വും. കി​ണ​റ്റി​ൽ നിന്ന്​ അ​ങ്ങ​നെ​യാ​ണ്​ ആവി പൊങ്ങിയത്​. അ​യ​ൽ​പ​ക്ക​ത്തു​ചെ​ന്ന്​ മോ​ട്ടോ​ർ ഓ​ഫാ​ക്കിയിട്ടും പ്രവർത്തനം നിലച്ചില്ല.

അത്​ മറ്റൊരത്​ഭുതമായി. ഒടുവിൽ ഫ്യൂ​സ്​ ഊ​രി​യ​പ്പോഴാണ്​ യന്ത്രം നിലച്ചത്​. മോ​ട്ടോ​ർ പൊ​ക്കി​യെ​ടു​ത്ത്​ ക​ര​ക്ക്​ ക​യ​റ്റി​യതോടെ കിണർ ശാന്തനായി. മോ​ട്ടോ​റി​ന് ഒ​രു കു​ഴ​പ്പ​വും ഇ​ല്ല എ​ന്നത്​ മറ്റൊരു കൗ​തു​കം. വെള്ളം കൃ​ഷി​ക്ക്​ ഉ​പ​യോ​ഗി​ക്കാ​നാ​ണ്​ അ​ടു​ത്ത വീ​ട്ടു​കാ​ർ ഈ കി​ണ​റ്റി​ൽ മേ​ട്ടോ​ർ സ്ഥാ​പി​ച്ച​ത്. മെ​യി​ൻ സ്വി​ച്ചു​മാ​യി ബ​ന്ധി​പ്പി​ച്ചി​രു​ന്ന​തി​നാ​ൽ ഇ​ത്​ ഓ​ണാ​യ​ത്​​ ആ​രും അ​റി​ഞ്ഞ​തു​മി​ല്ല.