ജി​ല്ല വി​ക​സ​ന​ സ​മി​തി യോ​ഗം; ഉപേക്ഷിച്ച പാറമടകളുടെ കണക്കെടുക്കാൻ നിർദേശം

കോ​ട്ട​യം: ജ​ൽ ജീ​വ​ൻ മി​ഷ​ൻ നി​ർ​മാ​ണ​പ്ര​വൃ​ത്തി​ക​ൾ വേ​ഗ​ത്തി​ലാ​ക്ക​ണ​മെ​ന്നും ജോ​ലി​ക​ൾ വൈ​കു​ന്ന​തു​മൂ​ലം റോ​ഡ്​ ന​വീ​ക​ര​ണ​പ്ര​വ​ർ​ത്ത​ന​ങ്ങ​ൾ​ക്കു​ള്ള ഭ​ര​ണാ​നു​മ​തി ന​ഷ്ട​പ്പെ​ടു​ന്ന സാ​ഹ​ച​ര്യം ഒ​ഴി​വാ​ക്ക​ണ​മെ​ന്നും ജി​ല്ല വി​ക​സ​ന​സ​മി​തി യോ​ഗം. ഉ​പേ​ക്ഷി​ക്ക​പ്പെ​ട്ട ക്വാ​റി​ക​ളി​ൽ അ​പ​ക​ട​ങ്ങ​ളു​ണ്ടാ​കു​ന്ന പ​ശ്ചാ​ത്ത​ല​ത്തി​ൽ ജി​ല്ല​യി​ൽ അ​ത്ത​ര​ത്തി​ലു​ള്ള ക്വാ​റി​ക​ളു​ടെ ക​ണ​ക്കെ​ടു​പ്പ്​ ന​ട​ത്താ​ൻ മൈ​നി​ങ് ആ​ൻ​ഡ് ജി​യോ​ള​ജി വ​കു​പ്പി​ന്​ നി​ർ​ദേ​ശം ന​ൽ​കി.

കാ​ഞ്ഞി​ര​പ്പ​ള്ളി ബൈ​പാ​സ് നി​ർ​മാ​ണ​വു​മാ​യി ബ​ന്ധ​പ്പെ​ട്ട്​ ട്രാ​ൻ​സ്‌​ഫോ​ർ​മ​ർ മാ​റ്റം പൂ​ർ​ത്തി​യാ​ക്കി​യെ​ന്നും ഭൂ​ഗ​ർ​ഭ കേ​ബി​ളു​ക​ൾ പ​ത്തു​ദി​വ​സ​ത്തി​നു​ള്ളി​ൽ മാ​റ്റു​ന്ന​ത് പൂ​ർ​ത്തി​യാ​ക്കു​മെ​ന്നും ചീ​ഫ് വി​പ്പ് ഡോ. ​എ​ൻ. ജ​യ​രാ​ജി​നെ കെ.​എ​സ്.​ഇ.​ബി അ​റി​യി​ച്ചു. ഫു​ട്പാ​ത്തു​ക​ൾ കൈ​യേ​റി ക​ച്ച​വ​ടം ന​ട​ത്തു​ന്ന​വ​ർ​ക്കെ​തി​രെ ന​ട​പ​ടി ശ​ക്ത​മാ​ക്കാ​നും ബോ​ർ​ഡു​ക​ൾ സ്ഥാ​പി​ക്കാ​നും പൊ​തു​മ​രാ​മ​ത്തു വ​കു​പ്പി​ന് നി​ർ​ദേ​ശം ന​ൽ​കി.

ദേ​ശീ​യ​പാ​ത 183ന്‍റെ ഭാ​ഗ​മാ​യ കോ​ട്ട​യം-​മു​ണ്ട​ക്ക​യം ഭാ​ഗം നാ​ലു​വ​രി പാ​ത​യാ​ക്കാ​നു​ള്ള ഡി.​പി.​ആ​ർ ത​യാ​റാ​ക്കാ​ൻ അ​നു​മ​തി ല​ഭി​ച്ചി​ട്ടു​ണ്ടെ​ന്നും ഡോ. ​എ​ൻ. ജ​യ​രാ​ജി​നെ ദേ​ശീ​യ​പാ​ത വി​ഭാ​ഗം അ​റി​യി​ച്ചു. ഡി.​പി.​ആ​ർ ത​യാ​റാ​ക്കും​മു​മ്പ് ജ​ന​പ്ര​തി​ധി​ക​ളു​ടെ അ​ഭി​പ്രാ​യം​കൂ​ടി പ​രി​ഗ​ണി​ക്കാ​ൻ ക​ൺ​സ​ൽ​ട്ട​ൻ​സി​ക്ക് നി​ർ​ദേ​ശം ന​ൽ​ക​ണ​മെ​ന്ന് ചീ​ഫ് വി​പ്പ് ആ​വ​ശ്യ​പ്പെ​ട്ടു.

നി​രീ​ക്ഷ​ണ കാ​മ​റ​ക​ൾ സ്ഥാ​പി​ച്ച​തോ​ടെ ച​ങ്ങ​നാ​ശ്ശേ​രി ന​ഗ​ര​ത്തി​ൽ പൊ​തു​സ്ഥ​ല​ത്ത് മാ​ലി​ന്യം ത​ള്ളു​ന്ന​തി​ൽ കു​റ​വു​വ​ന്നി​ട്ടു​ണ്ടെ​ന്നും ളാ​യി​ക്കാ​ട് ബൈ​പാ​സി​ൽ മാ​ലി​ന്യം ത​ള്ളു​ന്ന​ത്​ ത​ട​യാ​ൻ കൂ​ടു​ത​ൽ കാ​മ​റ സ്ഥാ​പി​ക്ക​ണ​മെ​ന്നും ജോ​ബ് മൈ​ക്കി​ൾ എം.​എ​ൽ.​എ പ​റ​ഞ്ഞു. ഫാ​ത്തി​മാ​പു​രം ഡ​മ്പി​ങ്​ യാ​ർ​ഡി​ലെ മാ​ലി​ന്യ​നീ​ക്കം വേ​ഗ​ത്തി​ലാ​ക്ക​ണ​മെ​ന്ന് ജോ​ബ് മൈ​ക്കി​ൾ എം.​എ​ൽ.​എ ആ​വ​ശ്യ​പ്പെ​ട്ടു. മ​ഴ മാ​റി​യാ​ൽ ഉ​ട​ൻ മാ​ലി​ന്യ​നീ​ക്കം വേ​ഗ​ത്തി​ലാ​ക്കു​മെ​ന്ന് ച​ങ്ങ​നാ​ശ്ശേ​രി ന​ഗ​ര​സ​ഭ​യും ശു​ചി​ത്വ​മി​ഷ​നും അ​റി​യി​ച്ചു.

വാ​ഴ​പ്പ​ള്ളി സ്‌​കൂ​ളി​നു മു​ന്നി​ലെ റോ​ഡി​ലെ കു​ഴി​ക​ൾ അ​ട​ച്ചെ​ന്നും ഓ​ട​ക​ൾ വൃ​ത്തി​യാ​ക്കി​യ​ശേ​ഷം ച​ങ്ങ​നാ​ശ്ശേ​രി ന​ഗ​ര​ത്തി​ലെ ഫു​ട്പാ​ത്തി​ന്‍റെ അ​റ്റ​കു​റ്റ​പ്പ​ണി പൂ​ർ​ത്തീ​ക​രി​ക്കു​മെ​ന്നും ദേ​ശീ​യ​പാ​ത വി​ഭാ​ഗം എം.​എ​ൽ.​എ​യെ അ​റി​യി​ച്ചു. പാ​യി​പ്പാ​ട് കൊ​ച്ചു​പ്പ​ള്ളി​യി​ൽ ജ​ല അ​തോ​റി​റ്റി​യു​ടെ വാ​ട്ട​ർ​ടാ​ങ്ക് ചോ​രു​ന്ന​ത് അ​പ​ക​ട​ഭീ​ഷ​ണി സൃ​ഷ്ടി​ക്കു​ന്നു​ണ്ടെ​ന്നും അ​ടി​യ​ന്ത​ര ഇ​ട​പെ​ട​ൽ വേ​ണ​മെ​ന്നും എം.​എ​ൽ.​എ ചൂ​ണ്ടി​ക്കാ​ട്ടി.

ചെ​മ്മ​ന​ത്തു​ക​ര ഐ.​എ​ച്ച്.​ഡി.​പി ന​ഗ​ർ നി​വാ​സി​ക​ൾ​ക്കു പ​ട്ട​യം ന​ൽ​കു​ന്ന​തു​മാ​യി ബ​ന്ധ​പ്പെ​ട്ട ന​ട​പ​ടി​ക​ൾ ആ​ഗ​സ്റ്റി​ൽ പൂ​ർ​ത്തി​യാ​ക്ക​ണ​മെ​ന്ന്​ സി.​കെ. ആ​ശ എം.​എ​ൽ.​എ ​ആ​വ​ശ്യ​പ്പെ​ട്ടു. വൈ​ക്കം കാ​ട്ടി​ക്കു​ന്ന് തു​രു​ത്ത് പാ​ലം പൂ​ർ​ത്തി​യാ​യെ​ങ്കി​ലും സ്ഥ​ല​മേ​റ്റെ​ടു​ത്ത് ന​ഷ്ട​പ​രി​ഹാ​രം ന​ൽ​കു​ന്ന ന​ട​പ​ടി​ക​ൾ​ക്കു വേ​ഗം​പോ​രെ​ന്ന് എം.​എ​ൽ.​എ ചൂ​ണ്ടി​ക്കാ​ട്ടി​യി​രു​ന്നു. പ​ഴ​യ സ​ർ​വേ രേ​ഖ​ക​ൾ പ്ര​കാ​രം സ​ർ​വേ ന​ട​ത്തി റി​പ്പോ​ർ​ട്ട് ന​ൽ​കാ​ൻ ക​ല​ക്ട​ർ ആ​വ​ശ്യ​പ്പെ​ട്ട​തു​പ്ര​കാ​ര​മു​ള്ള ന​ട​പ​ടി​ക​ൾ ആ​രം​ഭി​ച്ച​താ​യി സ​ർ​വേ വ​കു​പ്പ് അ​റി​യി​ച്ചു.

എ​രു​മേ​ലി തെ​ക്ക് വി​ല്ലേ​ജ് ഓ​ഫി​സ് പു​തി​യ കെ​ട്ടി​ട​ത്തി​ൽ പ്ര​വ​ർ​ത്തി​ക്കാ​നു​ള്ള ന​ട​പ​ടി​ക​ൾ വേ​ഗ​ത്തി​ലാ​ക്കാ​ൻ ഹൈ​കോ​ട​തി സ്റ്റേ ​എ​ത്ര​യും പെ​ട്ടെ​ന്ന് നീ​ക്ക​ണ​മെ​ന്ന് അ​ഡ്വ. സെ​ബാ​സ്റ്റ്യ​ൻ കു​ള​ത്തു​ങ്ക​ൽ എം.​എ​ൽ.​എ ആ​വ​ശ്യ​പ്പെ​ട്ടു. ദേ​വ​സ്വം ഭൂ​മി​യാ​ണെ​ന്നു സ്വ​കാ​ര്യ​വ്യ​ക്തി ന​ൽ​കി​യ ഹ​ര​ജി തെ​റ്റാ​ണെ​ന്നു തെ​ളി​യി​ക്കാ​നു​ള്ള രേ​ഖ​ക​ൾ സ​ഹി​തം കാ​ര്യ​വി​വ​ര​പ​ട്ടി​ക സ​മ​ർ​പ്പി​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ച്ചി​ട്ടു​ണ്ടെ​ന്ന് അ​ഡീ​ഷ​ന​ൽ ജി​ല്ല മ​ജി​സ്‌​ട്രേ​റ്റ് വ്യ​ക്ത​മാ​ക്കി. പ​മ്പാ​വാ​ലി പ​ട്ട​യ​വി​ത​ര​ണം പൂ​ർ​ത്തീ​ക​രി​ക്കാ​നു​ള്ള ന​ട​പ​ടി​ക​ൾ വേ​ഗ​ത്തി​ലാ​ക്ക​ണ​മെ​ന്നും എം.​എ​ൽ.​എ ആ​വ​ശ്യ​പ്പെ​ട്ടു. മു​ണ്ട​ക്ക​യം പു​ത്ത​ൻ​ച​ന്ത സ്റ്റേ​ഡി​യം ന​വീ​ക​ര​ണ​ത്തി​ന് കാ​യി​ക​വ​കു​പ്പി​ൽ​നി​ന്ന് ഒ​രു​കോ​ടി രൂ​പ അ​നു​വ​ദി​ച്ചി​ട്ടു​ണ്ടെ​ന്നും സ്റ്റേ​ഡി​യ​ത്തി​ൽ കൂ​ട്ടി​യി​ട്ട മ​ണ​ൽ ഉ​ട​ൻ നീ​ക്കം​ചെ​യ്യ​ണ​മെ​ന്നും എം.​എ​ൽ.​എ ആ​വ​ശ്യ​പ്പെ​ട്ടു.

ജി​ല്ല ക​ല​ക്ട​റാ​യി ജോ​ൺ വി. ​സാ​മു​വ​ൽ ചു​മ​ത​ല​യേ​റ്റ ശേ​ഷ​മു​ള്ള ആ​ദ്യ ജി​ല്ല വി​ക​സ​ന​സ​മി​തി യോ​ഗ​മാ​യി​രു​ന്നു ശ​നി​യാ​ഴ്ച ന​ട​ന്ന​ത്. ക​ല​ക്ട​ർ ജോ​ൺ വി. ​സാ​മു​വ​ൽ അ​ധ്യ​ക്ഷ​ത വ​ഹി​ച്ചു. ജി​ല്ല പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ്​ ജോ​സ് പു​ത്ത​ൻ​കാ​ല, അ​ഡീ​ഷ​ന​ൽ ജി​ല്ല മ​ജി​സ്‌​ട്രേ​റ്റ് ബീ​ന പി. ​ആ​ന​ന്ദ്, സ​ബ് ക​ല​ക്ട​ർ ഡി. ​ര​ഞ്ജി​ത്, പ്ലാ​നി​ങ് ഓ​ഫി​സ​ർ ലി​റ്റി മാ​ത്യു എ​ന്നി​വ​ർ പ​ങ്കെ​ടു​ത്തു.