എരുമേലി: എലിവാലിക്കരയിൽ ആടിനെ പുലിപിടിച്ചതായി സംശയം. എലിവാലിക്കര ഈസ്റ്റിൽ പുത്തൻപുരയ്ക്കൽ സാബുവിന്‍റെ ആടിനെയാണ് കാണായതായത്.ഇതിനുപിന്നാലെ ആടിൻകൂടിനടുത്ത് പുലിയെ കണ്ടതായും വീട്ടുകാർ പറയുന്നു. വെള്ളിയാഴ്ച രാത്രി 8.30ഓടെയാണ് ആട്ടിൻ കൂട്ടിൽ ഉണ്ടായിരുന്ന ആറ് ആടുകളിൽ ഒരെണ്ണത്തെ കാണാതായത്. ആടുകൾ ബഹളംവെക്കുന്നത് കേട്ട് നോക്കിയപ്പോഴാണ് ഒരു ആടിനെ കാണാതായതായി അറിയുന്നത്.
വന്യജീവി പിടിച്ചുകൊണ്ടുപോയ ലക്ഷണങ്ങളും സമീപത്ത് കണ്ടതായി സാബു പറഞ്ഞു. ശനിയാഴ്ച രാത്രി വീണ്ടും ശബ്ദംകേട്ട് ബാബുവിന്‍റെ മകൻ എബിൻ ജനലിലൂടെ നോക്കിയപ്പോൾ ആട്ടിൻകൂടിന് സമീപത്ത് പുലിയെ കാണുകയായിരുന്നു. എബിൻ ഒച്ചവെച്ചതോടെ നാട്ടുകാർ ഓടി വന്നു. ഇതിനിടെ പുലി ഓടിമറഞ്ഞു.
നാട്ടുകാർ വിവരം അറിയിച്ചതിനെ തുടർന്ന് വനപാലകരെത്തി തിരച്ചിൽ നടത്തിയെങ്കിലും കണ്ടെത്താനായില്ല. വ്യക്തമായ കാൽപാടുകൾ കണ്ടെത്താനായില്ലെന്നും പ്രദേശത്ത് കാമറ സ്ഥാപിച്ചതായും വനപാലകർ പറയുന്നു. പ്രദേശത്ത് വന്യമൃഗങ്ങളുടെ ശല്യം ഉണ്ടെങ്കിലും പുലി എത്തുന്നത് ആദ്യമായാണെന്ന് നാട്ടുകാർ പറയുന്നു.പുലിയും കുഞ്ഞുങ്ങളും ഇവിടെയുണ്ടെന്ന് അഭ്യൂഹങ്ങളും ശക്തമാണ്. ശനിയാഴ്ച പുലിക്കുഞ്ഞിനെയാണ് കണ്ടതെന്നും നാട്ടുകാർ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.