രാ​ജ​ധാ​നി കെ​ട്ടി​ട​ത്തി​ലെ അനധികൃത നിർമിതികൾ പൊളിച്ചുനീക്കിയില്ല; കൗൺസിൽ തീരുമാനം പ്രഹസനമായി

കോ​ട്ട​യം: രാ​​ജ​​ധാ​​നി ഹോ​​ട്ട​​ൽ കെ​​ട്ടി​​ട​​ത്തി​​ലെ അ​ന​ധി​കൃ​ത കോ​ൺ​ക്രീ​റ്റ്​ നി​ർ​മി​തി​ക​ൾ പൊ​ളി​ച്ചു​നീ​ക്കാ​നു​ള്ള കൗ​ൺ​സി​ൽ തീ​രു​മാ​നം പ്ര​ഹ​സ​ന​മാ​യി. ലോ​ട്ട​റി​ക്ക​ട​യി​ലെ ജീ​വ​ന​ക്കാ​ര​ന്‍റെ മ​ര​ണം സം​ഭ​വി​ച്ച്​ ര​ണ്ടു മാ​സ​മാ​വു​മ്പോ​ഴും ഒ​ന്നും ന​ട​പ്പാ​യി​ല്ല. ക​ഴി​ഞ്ഞ ആ​ഗ​സ്റ്റ്​ 17നാ​ണ്​ തി​​രു​​ന​​ക്ക​​ര ബ​​സ്​ സ്റ്റാ​​ൻ​​ഡ്​ ​ഷോ​​പ്പി​​ങ്​ കോം​​പ്ല​​ക്​​​സി​​ൽ പ്ര​​വ​​ർ​​ത്തി​​ക്കു​​ന്ന ഹോ​​ട്ട​​ൽ കെ​​ട്ടി​​ട​​ത്തി​​ലെ ജ​നാ​ല​യി​ൽ മോ​ടി​പി​ടി​പ്പി​ക്കാ​ൻ സ്ഥാ​പി​ച്ച നി​ർ​മി​തി​ വീ​ണ്​ ച​ങ്ങ​നാ​ശ്ശേ​രി സ്വ​ദേ​ശി ജി​നോ മ​രി​ച്ച​ത്. കെ​ട്ടി​ട​ത്തി​നു താ​ഴെ​യു​ള്ള ലോ​ട്ട​റി​ക്ക​ട​യി​ലെ ജീ​വ​ന​ക്കാ​ര​നാ​യി​രു​ന്ന ജി​നോ ക​ട അ​ട​ച്ച്​ പു​റ​ത്തി​റ​ങ്ങി​ നി​ന്ന​പ്പോ​ഴാ​ണ്​ അ​പ​ക​ടം സം​ഭ​വി​ച്ച​ത്.

സം​ഭ​വ​ത്തി​ൽ വ്യാ​പ​ക പ്ര​തി​ഷേ​ധം ഉ​യ​ർ​ന്ന​തോ​ടെ അ​ടി​യ​ന്ത​ര സ്റ്റി​യ​റി​ങ്​ ക​മ്മി​റ്റി​യും കൗ​ൺ​സി​ലും ചേ​ർ​ന്ന്​ ര​ണ്ടു​ദി​വ​സ​ത്തി​ന​കം നി​ർ​മി​തി​ക​ൾ പൊ​ളി​ക്കാ​ൻ തീ​രു​മാ​നി​ച്ചു. ഇ​തി​ന്​ ഒ​ന്ന​ര​ല​ക്ഷം രൂ​പ​യു​ടെ എ​സ്റ്റി​മേ​റ്റും എ​ൻ​ജി​നീ​യ​റി​ങ്​ വി​ഭാ​ഗം ത​യാ​റാ​ക്കി​യി​രു​ന്നു. ക​രാ​ർ ഏ​റ്റെ​ടു​ത്ത​യാ​ൾ നി​ർ​മി​തി​ക​ൾ പൊ​ളി​ക്കാ​ൻ ത​ട്ട്​ അ​ടി​ച്ച്​ പ​ണി​യും ആ​രം​ഭി​ച്ചി​രു​ന്നു. എ​ന്നാ​ൽ, കെ​ട്ടി​ട​ത്തി​നു സ​മീ​പ​ത്തു​കൂ​ടി 11 കെ.​വി ലൈ​ൻ ക​ട​ന്നു​പോ​വു​ന്ന​തി​നാ​ൽ ഓ​ഫാ​ക്കാ​തെ പ​ണി ചെ​യ്യാ​ൻ ക​ഴി​യു​മാ​യി​രു​ന്നി​ല്ല. കെ.​എ​സ്.​ഇ.​ബി​യാ​ണ്​ അ​തി​നു​​വേ​ണ്ട ന​ട​പ​ടി​യെ​ടു​ക്കേ​ണ്ട​ത്. എ​ന്നാ​ൽ, ഇ​തി​ന്​ ന​ഗ​ര​സ​ഭ മു​ൻ​കൈ എ​ടു​ക്കാ​തെ വ​ന്ന​തോ​ടെ ക​രാ​റു​കാ​ര​ൻ പ​ണി ഉ​പേ​ക്ഷി​ച്ചു. ​വി​ഷ​യം ജ​നം മ​റ​ന്ന​തോ​ടെ അ​ധി​കൃ​ത​രും ക​ണ്ണ​ട​ച്ചു. ന​ഗ​ര​ത്തി​ലെ ഏ​റ്റ​വും തി​ര​ക്കു​ള്ള മേ​ഖ​ല​യി​ലാ​ണ്​ ത​ല​ക്കു​മീ​തെ അ​പ​ക​ട​ക്കെ​ണി​യൊ​രു​ക്കി അ​ല​ങ്കാ​ര നി​ർ​മി​തി​ക​ൾ നി​ൽ​ക്കു​ന്ന​ത്. പ​ത്തെ​ണ്ണ​മാ​ണ്​ ആ​കെ ഉ​ണ്ടാ​യി​രു​ന്ന​ത്. ഇ​തി​ൽ ഒ​രെ​ണ്ണം ത​ക​ർ​ന്നു വീ​ണു. ബാ​ക്കി ഒ​മ്പ​തെ​ണ്ണ​മാ​ണ്​ പൊ​ളി​ക്കാ​നു​ള്ള​ത്. ന​ഗ​ര​സ​ഭ​യു​​ടെ മു​ന്നി​ലാ​ണ്​ ഈ ​കെ​ട്ടി​ടം.