ആ​ത്മ​ധൈ​ര്യ​ത്തി​ൽ ആ​യി​ഷ നേ​രി​ട്ടു; ജീ​വ​നും​കൊ​ണ്ട്​ ഓ​ടി കള്ളൻ

കോ​ഴി​ക്കോ​ട്​: ആ​സൂ​ത്ര​ണ മി​ക​വോ​ടെ​യെ​ത്തി​യ ക​ള്ള​നെ ആ​ത്മ​ധൈ​ര്യ​ത്തോ​ടെ നേ​രി​ട്ട്​​ ആ​യി​ഷ. മോ​ഷ്​​ടാ​വു​മാ​യു​ള്ള മ​ൽ​പി​ടി​ത്ത​ത്തി​െൻറ ന​ടു​ക്കം വി​​ട്ടൊ​ഴി​ഞ്ഞി​ട്ടി​ല്ലെ​ങ്കി​ലും ആ​യി​ഷ കാ​ണി​ച്ച മ​നോ​ധൈ​ര്യ​മാ​ണ്​ വ​ൻ ക​വ​ർ​ച്ച ആ​സൂ​ത്ര​ണം ചെ​യ്​​തെ​ത്തി​യ മോ​ഷ്​​ടാ​വി​നെ ജീ​വ​നും​കൊ​ണ്ട്​ ഓ​ടാ​ൻ പ്രേ​രി​പ്പി​ച്ച​ത്.

ന​ഗ​ര​ത്തി​ലെ ഗ​ണ്ണി​സ്​​ട്രീ​റ്റ്​ ചാ​ക്കാ​രി​ട മു​ഷ്​​താ​ഖ്​ റോ​ഡി​ലെ പി.​എ ഹൗ​സ്​ വ​ള​പ്പി​ലു​ള്ള സ​ലാ​മി​െൻറ വീ​ട്ടി​ലാ​ണ്​ ഞാ​യ​റാ​ഴ്​​ച പു​ല​ർ​ച്ചെ ക​വ​ർ​ച്ച ന​ട​ന്ന​ത്. ജ​ന​ലി​ലെ മ​ര അ​ഴി​ക​ൾ മു​റി​ച്ചു​മാ​റ്റി അ​ക​ത്തു​ക​ട​ന്ന മോ​ഷ്​​ടാ​വ്​ ​സ​ലാ​മും ഭാ​ര്യ റാ​ബി​യ​യും ഉ​റ​ങ്ങി​യ മു​റി ആ​ദ്യം പു​റ​ത്തു​നി​ന്ന്​ ഷാ​ൾ ഉ​​പ​യോ​ഗി​ച്ച്​ തു​റ​ക്കാ​നാ​വാ​ത്ത വി​ധം കെ​ട്ടു​ക​യാ​യി​രു​ന്നു.

തു​ട​ർ​ന്ന്​ മു​ക​ൾ നി​ല​യി​ലെ ആ​ളി​ല്ലാ​ത്ത മു​റി​യി​ലെ​ത്തി അ​ല​മാ​ര​യ​ട​ക്കം തു​റ​ന്ന്​ സാ​ധ​ന​ങ്ങ​ൾ വാ​രി​വ​ലി​ച്ചി​ട്ടു. ഇ​വി​ടെ നി​ന്ന്​ ഒ​ന്നും ല​ഭി​ക്കാ​താ​യ​തോ​ടെ വീ​ണ്ടും താ​ഴെ സ​ലാ​മി​െൻറ മ​ക​ൾ ആ​യി​ഷ​യു​ടെ മു​റി​യി​ലെ​ത്തി. മു​റി​യി​ൽ പെ​​ട്ടെ​ന്നു​ണ്ടാ​യ ആ​ള​ന​ക്കം കേ​ട്ട്​ ആയിഷ ഞെ​ട്ടി ഉ​ണ​ർ​ന്ന​പ്പോ​ഴാ​ണ്​ ഒ​രാ​ൾ ​ നി​ൽ​ക്കു​ന്ന​ത്​ ക​ണ്ട​ത്.

വെ​പ്രാ​ള​ത്തി​ൽ പെ​​ട്ടെ​ന്ന്​ ബ​ഹ​ളം വെ​ക്കു​ക​യാ​യി​രു​ന്നു​വെ​ന്ന്​​ ആ​യി​ഷ 'മാ​ധ്യ​മ'​ത്തോ​ട്​ പ​റ​ഞ്ഞു. ഇ​തോ​ടെ മോ​ഷ്​​ടാ​വ്​ വാ​യ​പൊ​ത്തി​പ്പി​ടി​ച്ച്​ കൊ​ന്നു​ക​ള​യു​മെ​ന്ന്​ ഭീ​ഷ​ണി​​പ്പെ​ടു​ത്തി. ഭീ​ഷ​ണി​യി​ൽ പ​ത​റാ​തെ പ​ണം വേ​ണോ​യെ​ന്ന്​ ചോ​ദി​ച്ച​തോ​ടെ അ​യാ​ൾ അ​യ​ഞ്ഞു. ​പ​ണം എ​ടു​ത്ത്​ ത​രു​മെ​ന്ന ക​ണ​ക്കു​കൂ​ട്ട​ലി​ൽ പി​ടി​വി​ട്ട​തോ​ടെ ആ​യി​ഷ പ്ര​തി​രോ​ധി​ക്കു​ക​യാ​യി​രു​ന്നു. ഇ​തി​നി​ടെ ആ​യി​ഷ​യു​ടെ മൂ​ന്ന​ര വ​യ​സ്സു​ള്ള മ​ക​ൾ ഇ​നാ​ര​യും എ​ഴു​ന്നേ​റ്റ്​ ക​ര​ച്ചി​ൽ തു​ട​ങ്ങി. ഉ​പ്പ​യും ഉ​മ്മ​യും അ​ടു​ത്ത​മു​റി​യി​ൽ ബ​ഹ​ളം കേ​​ട്ടെ​ങ്കി​ലും വാ​തി​ൽ ബ​ന്ധി​ച്ച​തി​നാ​ൽ ഇ​വ​ർ​ക്ക്​ പു​റ​ത്തി​റ​ങ്ങാ​നാ​യ​തു​മി​ല്ല. ക​ന​ത്ത മ​​ഴ​യു​ണ്ടാ​യി​രു​ന്ന​തി​നാ​ൽ, വീ​ട്ടി​ലു​ണ്ടാ​യി​രു​ന്ന മ​റ്റാ​രും ഒ​ന്നും അ​റി​ഞ്ഞ​തു​മി​ല്ല.

ക​ര​യു​ന്ന മ​ക​ളി​ലേ​ക്ക്​ മോ​ഷ്​​ടാ​വ്​ തി​രി​യാ​തി​രി​ക്കാ​ൻ പെ​​ട്ടെ​ന്ന്​ കൈ​കൾ കൂ​ട്ടിപ്പി​ടി​ച്ച്​ ആ​യി​ഷ ഇ​യാ​ളെ ത​ള്ളി​മു​റി​ക്ക്​ പു​റ​ത്തേ​ക്കാ​ക്കി. ഇ​തോ​ടെ ക​ള്ള​ൻ ​പോ​ക്കറ്റി​ലെ ക​വ​റി​ൽ സൂ​ക്ഷി​ച്ച മു​ള​കു​പൊ​ടി മു​ഖ​ത്തേ​ക്ക്​ എ​റി​ഞ്ഞു. എ​ന്നാ​ൽ ഒ​ഴി​ഞ്ഞു​ മാ​റി​യ​തി​നാ​ൽ മു​ള​കു​പൊ​ടി ആ​യി​ഷ​യു​ടെ ക​ണ്ണി​ലാ​യി​ല്ല. ഇ​തോ​െ​ട നേ​ര​ത്തെ തു​റ​ന്നു​െ​വ​ച്ച വാ​തി​ൽ വ​ഴി ക​ള്ള​ൻ പു​റ​ത്തേ​ക്കോ​ടു​ക​യാ​യി​രു​ന്നു.

കു​ടും​ബം പൊ​ലീ​സി​ൽ വി​വ​രം അ​റി​യി​ച്ച​തി​നെ തു​ട​ർ​ന്ന്​ ക​ൺ​ട്രോ​ൾ റൂ​മി​ലെ ​പ​ട്രോ​ളി​ങ്​ സം​ഘം എ​ത്തി മേ​ഖ​ല​യി​ലാ​കെ തി​ര​ച്ചി​ൽ ന​ട​ത്തി​യെ​ങ്കി​ലും ആ​രെ​യും ക​ണ്ടെ​ത്താ​നാ​യി​ല്ല. മേ​ൽ​ക്കൂ​ര​യി​ലെ ഓ​ടി​ള​ക്കി അ​ക​ത്തു​ക​യ​റാ​നു​ള്ള ശ്ര​മം വീ​ടി​ന്​ മ​ച്ചു​ള്ള​തി​നാ​ൽ പ​രാ​ജ​യ​പ്പെ​ട്ട​തോ​ടെ​യാ​ണ്​ മോ​ഷ്​​ടാ​വ്​​ ജ​ന​ൽ അ​ഴി ഹാ​ക്​​സോ ബ്ലേ​ഡോ മ​റ്റോ​ ഉ​പ​യോ​ഗി​ച്ച്​ മു​റി​ച്ചു​മാ​റ്റി ഉ​ള്ളി​ൽ ക​ട​ന്ന​ത്​. വി​ര​ല​ട​യാ​ളം പ​തി​യാ​തി​രി​ക്കാ​ൻ ഇ​യാ​ൾ കൈ​യു​റ​ക​ൾ ധ​രി​ച്ചി​രു​ന്നു.

െഡ​പ്യൂ​ട്ടി പൊ​ലീ​സ്​ ക​മീ​ഷ​ണ​ർ സ്വ​പ്​​നി​ൽ മ​ഹാ​ജ​ൻ, ടൗ​ൺ അ​സി. ക​മീ​ഷ​ണ​ർ പി. ​ബി​ജു​രാ​ജ്, സ്​​പെ​ഷ​ൽ ബ്രാ​ഞ്ച്​ അ​സി. ക​മീ​ഷ​ണ​ർ എ. ​ഉ​മേ​ഷ്, ടൗ​ൺ ഇ​ൻ​സ്​​പെ​ക്​​ട​ർ പി. ​രാ​ജേ​ഷ്, എ​സ്.​ഐ ഷൈ​ജു എ​ന്നി​വ​രും വി​ര​ല​ട​യാ​ള വി​ദ​ഗ്​​ധ​ൻ പി. ​ശ്രീ​രാ​ജ്, ഡോ​ഗ്​ സ്​​ക്വാ​ഡ്​ എ​ന്നി​വ​രും സ്​​ഥ​ല​ത്തെ​ത്തി തെ​ളി​വു​ക​ൾ ശേ​ഖ​രി​ച്ചു. ടൗ​ൺ പൊ​ലീ​സ്​ കേ​സെ​ടു​ത്ത്​ അ​ന്വേ​ഷ​ണം തു​ട​ങ്ങി.