ചെക്യാട് കൊയമ്പ്രം പാലത്തിനു സമീപം തീപിടിത്തത്തിൽ കത്തിനശിച്ച ഇരുനില വീട്
നാദാപുരം: ചെക്യാട് കൊയമ്പ്രം പാലത്തിന് സമീപം ശനിയാഴ്ച രാവിലെ പത്തരക്കുണ്ടായ തീപിടിത്തത്തിൽ ഇരുനില വീട് കത്തിനശിച്ചു.
മേച്ചിക്കാട്ട് ജാഫറിന്റെ ഇരുനില വീടാണ് കത്തിനശിച്ചത്. ഷോട്ട് സർക്യൂട്ട് മൂലമാണ് അപകടം. നാദാപുരത്തുനിന്ന് അസിസ്റ്റന്റ് സ്റ്റേഷൻ ഓഫിസർ നന്ദകുമാറിന്റെ നേതൃത്വത്തിൽ അഗ്നിരക്ഷാസേന സംഭവസ്ഥലത്തെത്തി തീയണച്ചു. വീടിന്റെ മുകൾനില പൂർണമായും കത്തിയ നിലയിലാണ്.
വീടിനകത്തെ ഉപകരണങ്ങൾ, വൈദ്യുതി ഉപകരണങ്ങൾ എന്നിവ കത്തിനശിച്ചു. അലമാരയിൽ സൂക്ഷിച്ച വിലപിടിച്ച രേഖകളും ശനിയാഴ്ച വിദേശത്ത് പോകാൻ തയാറായി നിൽക്കുകയായിരുന്ന ഉടമ ജാഫറിന്റെ പാസ്പോർട്ടും കത്തിയതായി ബന്ധുക്കൾ പറഞ്ഞു. മൂന്നുലക്ഷം രൂപയുടെ നഷ്ടം കണക്കാക്കുന്നു. ഒന്നരമണിക്കൂർ സമയം പ്രയത്നിച്ചാണ് തീ നിയന്ത്രണവിധേയമാക്കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.