ജില്ല കോടതി കെട്ടിടത്തിൽ പൊതു ശുചിമുറികളില്ല: കക്ഷികൾ ‘അത്യാവശ്യത്തിന്’ പുറത്തേക്കോടണം

കോ​ഴി​ക്കോ​ട്: ജി​ല്ല കോ​ട​തി​വ​ള​പ്പി​ൽ ബ​ഹു​നി​ല ​ആ​ധു​നി​ക കെ​ട്ടി​ട​മു​യ​ർ​ന്നി​ട്ടും പൊ​തു​ജ​ന​ങ്ങ​ൾ​ക്ക് അ​ത്യാ​വ​ശ്യ​ത്തി​ന് ശു​ചി​മു​റി​യി​ൽ പോ​വ​ണ​മെ​ങ്കി​ൽ കെ​ട്ടി​ടം വി​ട്ട് പു​റ​ത്തേ​ക്കോ​ടേ​ണ്ട അ​വ​സ്ഥ. ദി​വ​സ​വും നൂ​റു​ക​ണ​ക്കി​നാ​ളു​ക​ൾ എ​ത്തു​ന്ന കോ​ട​തി​യി​ൽ അ​ത്യാ​വ​ശ്യ​കാ​ര്യ​ങ്ങ​ൾ​ക്ക് വ​ഴി​യി​ല്ലാ​തെ ക​ക്ഷി​ക​ൾ ബു​ദ്ധി​മു​ട്ടു​ക​യാ​ണ്.

കേ​സ് വി​ളി​ക്കു​ന്ന​തും കാ​ത്ത് മ​ണി​ക്കൂ​റു​ക​ൾ ചെ​ല​വ​ഴി​ക്കു​ന്ന​വ​ർ​ക്ക് വ​ലി​യ പ്ര​യാ​സ​മാ​ണു​ള്ള​ത്. ന്യാ​യാ​ധി​പ​ൻ​മാ​ർ​ക്കും അ​ഭി​ഭാ​ഷ​ക​ർ​ക്കും പൊ​ലീ​സു​കാ​ർ​ക്കും കോ​ട​തി ജീ​വ​ന​ക്കാ​ർ​ക്കും വ​ക്കീ​ൽ ഗു​മ​സ്ഥ​ൻ​മാ​ർ​ക്കു​മെ​ല്ലാം ശു​ചി​മു​റി​ക​ളു​ണ്ടെ​ങ്കി​ലും കോ​ട​തി​യി​ലെ​ത്തു​ന്ന പൊ​തു​ജ​ന​ങ്ങ​ൾ​ക്ക് കോ​ട​തി​വ​ള​പ്പി​ന്റെ മൂ​ല​യി​ൽ പ​ണം ന​ൽ​കി ഉ​പ​യോ​ഗി​ക്കാ​വു​ന്ന ഏ​താ​നും മു​റി​ക​ൾ മാ​ത്ര​മാ​ണു​ള്ള​ത്.

പ​ഴ​യ കെ​ട്ടി​ട​ത്തി​ന് പി​റ​കി​ൽ ല​ക്ഷ​ദ്വീ​പ് കോ​ട​തി സ​മു​ച്ച​യ​ത്തി​ന​ടു​ത്തു​ള്ള ഇ​വ​ക്ക് മു​ന്നി​ൽ പ​ല​പ്പോ​ഴും ന​ല്ല തി​ര​ക്കാ​ണ്. കോ​ട​തി​യി​ൽ മ​തി​യാ​യ ശു​ചി​മു​റി​യി​ല്ലെ​ന്ന പ​രാ​തി​ക്ക് ഏ​റെ​നാ​ള​ത്തെ പ​ഴ​ക്ക​മു​ണ്ട്. ​ കോ​ഴി​ക്കോ​ട് കോ​ട​തി തു​ട​ങ്ങി ഇ​രു​നൂ​റ് കൊ​ല്ലം പൂ​ർ​ത്തി​യാ​യ​തി​ന്റെ ആ​ഘോ​ഷ സ്​​മാ​ര​ക​മാ​യി പു​തി​യ ബൈ​സെ​ന്റി​ന​റി കോ​ർ​ട് കോം​പ്ല​ക്സ് വ​രു​ന്ന​തോ​ടെ എ​ല്ലാ പ്ര​​ശ്ന​ങ്ങ​ളും പ​രി​ഹ​രി​ക്കാ​നാ​വു​മെ​ന്നാ​യി​രു​ന്നു മു​മ്പ് പ​റ​ഞ്ഞി​രു​ന്ന​ത്.

എ​ന്നാ​ൽ, ആ​റു​നി​ല കെ​ട്ടി​ടം ഉ​ദ്ഘാ​ട​നം ചെ​യ്തെ​ങ്കി​ലും അ​തി​ലു​ള്ള മു​ഴു​വ​ൻ ശു​ചി​മു​റി​ക​ളും ഇ​പ്പോ​ൾ ജീ​വ​ന​ക്കാ​ർ​ക്ക് മാ​ത്രം ഉ​പ​യോ​ഗി​ക്കാ​വു​ന്ന​താ​ക്കി മാ​റ്റി. അ​ത്യാ​വ​ശ്യ കാ​ര്യ​ത്തി​ന് ശു​ചി​മു​റി​ക്ക് മു​ന്നി​ലെ​ത്തു​ന്ന​വ​ർ ‘സ്റ്റാ​ഫ് ഓ​ൺ​ലി’ ബോ​ർ​ഡ് ക​ണ്ട് കെ​ട്ടി​ട​ത്തി​ന് പു​റ​ത്തേ​ക്കോ​ട​ണം. സ്ത്രീ​ക​ള​ട​ക്കം വി​വി​ധ ആ​വ​ശ്യ​ങ്ങ​ൾ​ക്കെ​ത്തു​ന്ന​വ​ർ എ​ന്ത് ചെ​യ്യ​ണ​മെ​ന്ന​റി​യാ​തെ കു​ഴ​ങ്ങു​ന്നു.

നേ​ര​ത്തേ കോ​ട​തി വ​ള​പ്പി​ൽ ഗാ​ന്ധി​ഗൃ​ഹം ഭാ​ഗ​ത്തെ കാ​ന്റീ​ന് സ​മീ​പ​വും കോ​ർ​ട്ട് റോ​ഡി​ൽ​നി​ന്നു​ള്ള പ്ര​വേ​ശ​ന ക​വാ​ട​ത്തി​ന​ടു​ത്തും ശു​ചി​മു​റി​യു​ണ്ടാ​യി​രു​ന്നെ​ങ്കി​ലും പ​രി​പാ​ല​ന​മി​ല്ലാ​തെ ന​ശി​ച്ചു. നൂ​റു​ക​ണ​ക്കി​ന് വ​ക്കീ​ൽ ഗു​മ​സ്ത​ൻ​മാ​ർ​ക്ക് അ​വ​രു​ടെ ഓ​ഫി​സു​ക​ൾ​ക്ക​ടു​ത്തു​ള്ള ചെ​റി​യ മു​റി​യാ​ണു​ള്ള​ത്.

അ​ത്യാ​വ​ശ്യം നി​ർ​വ​ഹി​ക്കാ​നാ​വാ​തെ ത​ങ്ങ​ളു​ടെ ക​ക്ഷി​ക​ൾ കു​ഴ​ങ്ങു​മ്പോ​ൾ പ​ല​പ്പോ​ഴും ക്ല​ർ​ക്കു​മാ​ർ ​ശു​ചി​മു​റി​യു​ടെ താ​ക്കോ​ൽ ന​ൽ​കി ര​ക്ഷ​ക​രാ​വു​ക​യാ​ണി​പ്പോ​ൾ. ബൈ​സെ​ന്റി​ന​റി കെ​ട്ടി​ടം പു​തി​യ​താ​ണെ​ങ്കി​ലും 2011ൽ ​ര​ണ്ട് കൊ​ല്ലം കൊ​ണ്ട് പൂ​ർ​ത്തി​യാ​ക്കാ​ൻ ല​ക്ഷ്യ​മി​ട്ട​ പ​ദ്ധ​തി​യി​ട്ട​താ​ണ്. ഇ​ക്കാ​ര​ണ​ത്താ​ൽ പ​ഴ​യ കാ​ഴ്ച​പ്പാ​ടി​ലു​ള്ള അ​ത്യാ​വ​ശ്യ​ത്തി​ന് മാ​ത്രം ശു​ചി​മു​റി​ക​ളു​ള്ള കെ​ട്ടി​ട​മാ​ണി​തെ​ന്ന​തും പോ​രാ​യ്മ​യാ​ണെ​ന്നാ​ണ് പ​രാ​തി.