ഹർഷിന കേസ്: മെഡിക്കൽ കോളജിലെ രണ്ടു ഡോക്ടർമാർക്കും നഴ്സുമാർക്കു​മെതി​രെ കേസെടുക്കും

കോ​ഴി​ക്കോ​ട്: പ്ര​സ​വ ശ​സ്ത്ര​ക്രി​യ​ക്കി​ടെ പ​ന്തീ​രാ​ങ്കാ​വ് സ്വ​ദേ​ശി​നി ഹ​ര്‍ഷി​ന​യു​ടെ വ​യ​റ്റി​ല്‍ ക​ത്രി​ക കു​ടു​ങ്ങി​യ​തി​ല്‍ കേ​സു​മാ​യി മു​ന്നോ​ട്ടു​പോ​കാ​ന്‍ പൊ​ലീ​സ് തീ​രു​മാ​നം. ചി​കി​ത്സ​യി​ൽ പി​ഴ​വ് സം​ഭ​വി​ച്ചു എ​ന്ന​ത് മെ​ഡി​ക്ക​ൽ ബോ​ർ​ഡ് അം​ഗീ​ക​രി​ച്ച സാ​ഹ​ച​ര്യ​ത്തി​ൽ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ ഹ​ർ​ഷി​ന​യു​ടെ മൂ​ന്നാ​മ​ത്തെ പ്ര​സ​വ ശ​സ്ത്ര​ക്രി​യ​ന​ട​ത്തി​യ ര​ണ്ടു ഡോ​ക്ട​ർ​മാ​ർ​ക്കും ര​ണ്ടു ന​ഴ്സു​മാ​ർ​ക്കും എ​തി​രെ കേ​സെ​ടു​ക്കു​മെ​ന്ന് പൊ​ലീ​സ് അ​റി​യി​ച്ചു. നി​ല​വി​ൽ പ്ര​തി​സ്ഥാ​ന​ത്തു​ള്ള ആ​ശു​പ​ത്രി സൂ​പ്ര​ണ്ട് ഉ​ൾ​പ്പെ​ടെ​യു​ള്ള​വ​രെ കേ​സി​ൽ​നി​ന്ന് ഒ​ഴി​വാ​ക്കും. ഇ​തി​നാ​യി അ​ന്വേ​ഷ​ണ​സം​ഘം കോ​ട​തി​യി​ൽ റി​പ്പോ​ർ​ട്ട് ന​ൽ​കും.

ഹ​ര്‍ഷി​ന​യു​ടെ വ​യ​റ്റി​ല്‍ ക​ത്രി​ക കു​ടു​ങ്ങി​യ​ത് മെ​ഡി​ക്ക​ൽ കോ​ള​ജി​ൽ​നി​ന്നാ​ണെ​ന്ന പൊ​ലീ​സ് റി​പ്പോ​ര്‍ട്ട് ജി​ല്ല​ത​ല മെ​ഡി​ക്ക​ല്‍ ബോ​ര്‍ഡ് ത​ള്ളി​യി​രു​ന്നു. ഇ​തി​നെ​തി​രെ സം​സ്ഥാ​ന അ​പ്പീ​ല്‍ അ​തോ​റി​റ്റി​ക്ക് അ​പ്പീ​ല്‍ ന​ൽ​കാ​നാ​യി​രു​ന്നു പൊ​ലീ​സ് തീ​രു​മാ​നം. കോ​ഴി​ക്കോ​ട് ക​മീ​ഷ​ണ​ർ അ​പ്പീ​ല്‍ ന​ൽ​കാ​നു​ള്ള ഫ​യ​ൽ നീ​ക്കി​യെ​ങ്കി​ലും അ​പ്പീ​ല്‍ പോ​കേ​ണ്ടെ​ന്നും പൊ​ലീ​സ് അ​ന്വേ​ഷ​ണ​വു​മാ​യി മു​ന്നോ​ട്ടു​പോ​കാ​മെ​ന്നും ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​ർ കോ​ഴി​ക്കോ​ട് പൊ​ലീ​സി​ന് നി​ർ​ദേ​ശം ന​ൽ​കി.

കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ല്‍നി​ന്നാ​ണ് ക​ത്രി​ക കു​ടു​ങ്ങി​യ​തെ​ന്നു​പ​റ​യാ​ന്‍ സാ​ധി​ക്കി​ല്ലെ​ന്നു​പ​റ​ഞ്ഞ് പൊ​ലീ​സ് റി​പ്പോ​ർ​ട്ട് മെ​ഡി​ക്ക​ൽ ബോ​ർ​ഡ് ത​ള്ളി​യെ​ങ്കി​ലും ചി​കി​ത്സ പി​ഴ​വു​ണ്ടെ​ന്നു​ള്ള കാ​ര്യം അം​ഗീ​ക​രി​ക്കു​ന്നു​ണ്ട്. ഇ​തി​ന്‍റെ അ​ടി​സ്ഥാ​ന​ത്തി​ല്‍ പ്ര​സ​വ​ശ​സ്ത്ര​ക്രി​യ ന​ട​ത്തി​യ കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ലെ ഡോ​ക്ട​ര്‍മാ​ര്‍ക്കും ന​ഴ്സു​മാ​ര്‍ക്കു​മെ​തി​രെ കേ​സെ​ടു​ത്ത് മു​ന്നോ​ട്ടു​പോ​കാ​നാ​ണ് പൊ​ലീ​സ് നീ​ക്കം. മെ​ഡി​ക്ക​ല്‍ കോ​ള​ജി​ല്‍നി​ന്നാ​ണ് ക​ത്രി​ക കു​ടു​ങ്ങി​യ​തെ​ന്ന് തെ​ളി​യി​ക്കു​ന്ന ശാ​സ്ത്രീ​യ തെ​ളി​വു​ക​ളും പൊ​ലീ​സ് ശേ​ഖ​രി​ച്ചു. വ​യ​റ്റി​ല്‍നി​ന്ന് ക​ണ്ടെ​ത്തി​യ ക​ത്രി​ക കാ​ന്തി​കാ​ക​ര്‍ഷ​ണ​മു​ള്ള​താ​ണെ​ന്ന് ശാ​സ്ത്രീ​യ പ​രി​ശോ​ധ​ന​യി​ല്‍ വ്യ​ക്ത​മാ​യി. ഇ​ങ്ങ​നെ കാ​ന്തി​കാ​ക​ര്‍ഷ​ണ വ​സ്തു ഉ​ണ്ടെ​ങ്കി​ൽ എം.​ആ​ർ.​ഐ സ്കാ​നി​ങ്ങി​ൽ അ​ത് വ്യ​ക്ത​മാ​വു​മാ​യി​രു​ന്നു. ഇ​തു തെ​ളി​യി​ക്കു​ന്ന​തി​നാ​വ​ശ്യ​മാ​യ തെ​ളി​വു​ക​ൾ ശേ​ഖ​രി​ച്ചി​ട്ടു​ണ്ടെ​ന്നും പൊ​ലീ​സ് അ​റി​യി​ച്ചു.

മെ​ഡി​ക്ക​ൽ കോ​ള​ജി​ൽ മൂ​ന്നാ​മ​ത്തെ പ്ര​വ​സ ശ​സ്ത്ര​ക്രി​യ ന​ട​ത്തു​ന്ന​തി​ന്‍റെ 10 മാ​സം മു​മ്പാ​യി​രു​ന്നു ഹ​ർ​ഷി​ന കൊ​ല്ല​ത്തെ സ്വ​കാ​ര്യ ആ​ശു​പ​ത്രി​യി​ൽ​നി​ന്ന് എം.​ആ​ർ.​ഐ സ്കാ​ൻ എ​ടു​ത്ത​ത്. സം​ഭ​വ​ത്തി​ൽ നീ​തി​തേ​ടി ഹ​ർ​ഷി​ന​യും സ​മ​ര​സ​മി​തി​യും 16ന് ​സെ​ക്ര​ട്ടേ​റി​യ​റ്റി​ന് മു​ന്നി​ൽ ഉ​പ​വാ​സം ന​ട​ത്തി​യി​രു​ന്നു.

അ​തി​നി​ടെ, ജി​ല്ല​ത​ല മെ​ഡി​ക്ക​ൽ ബോ​ർ​ഡി​ൽ അ​ട്ടി​മ​റി ന​ട​ന്നു​വെ​ന്ന ഹ​ർ​ഷി​ന​യു​ടെ പ​രാ​തി അ​ന്വേ​ഷി​ക്കാ​ൻ ക​മീ​ഷ​ണ​ർ മെ​ഡി​ക്ക​ൽ കോ​ള​ജ് എ.​സി.​പി കെ. ​സു​ദ​ർ​ശ​ന​നെ ചു​മ​ത​ല​പ്പെ​ടു​ത്തി.