കുതിരവട്ടത്ത് പൊലീസ് പരിശോധന: സുരക്ഷ പരിമിതമെന്ന്, ഹൈകോടതിക്ക് ഉടൻ റിപ്പോർട്ട് നൽകും

കോഴിക്കോട്: ഹൈകോടതി റിപ്പോർട്ട് തേടിയതിനു പിന്നാലെ കുതിരവട്ടം മാനസികാരോഗ്യകേന്ദ്രത്തിൽ സിറ്റി പൊലീസ് പരിശോധന നടത്തി സുരക്ഷാകാര്യങ്ങൾ വിലയിരുത്തി. സ്‌പെഷൽ ബ്രാഞ്ച്‌ എ.സി.പി എ. ഉമേഷ്‌, മെഡിക്കൽ കോളജ് എ.സി.പി കെ. സുദർശനൻ, ജില്ല ക്രൈം ബ്രാഞ്ച്‌ എ.സി.പി അനിൽ ശ്രീനിവാസൻ എന്നിവരടങ്ങിയ സംഘമാണ് തിങ്കളാഴ്‌ച പരിശോധന നടത്തിയത്‌. മാനസികാരോഗ്യകേന്ദ്രത്തിന് മതിയായ സുരക്ഷാസംവിധാനങ്ങളില്ലെന്ന് പരിശോധനയിൽ ബോധ്യമായി. ആവശ്യത്തിന് സുരക്ഷാജീവനക്കാരില്ല, അടുക്കളയിൽ ജോലിചെയ്യുന്നവരടക്കം സുരക്ഷാചുമതല വഹിക്കുന്നു, സി.സി.ടി.വി കാമറകൾ എല്ലാ ഭാഗത്തും ഇല്ല, ഉള്ളതുതന്നെ പലതും പ്രവർത്തനരഹിതമാണ്, ചുറ്റുമതിലിന് വേണ്ടത്ര ഉയരമില്ലാത്തത് ഭീഷണിയാണ്, മരങ്ങളുടെ ശാഖകളിലൂടെ കയറി ചുറ്റുമതിലിന് പുറത്തേക്ക് രക്ഷപ്പെടാനുള്ള സാഹചര്യമുണ്ട്, കാലപ്പഴക്കമുള്ള കെട്ടിടങ്ങൾ ഭീഷണിയാണെന്നു മാത്രമല്ല പലതിന്‍റെ ചുമരുകൾ പെട്ടെന്ന് തുരക്കാൻ കഴിയുന്ന രീതിയിലാണ്, പല സെല്ലിനും വേണ്ടത്ര ഉറപ്പും ബലവുമില്ല എന്നിവയടക്കമുള്ള കാര്യങ്ങളാണ് പൊലീസ് സംഘം കണ്ടെത്തിയത്. എല്ലാ കാര്യങ്ങളും പരിശോധിച്ചതായും ജീവനക്കാരിൽനിന്നടക്കം വിവരങ്ങൾ ശേഖരിച്ചതായും സ്പെഷൽ ബ്രാഞ്ച് അസി. കമീഷണർ എ. ഉമേഷ് പറഞ്ഞു. ഉടൻ ഇവ റിപ്പോർട്ടാക്കി സിറ്റി പൊലീസ് മേധാവി എ. അക്ബറിന് കൈമാറും. ഇദ്ദേഹം ഇത് ഹൈകോടതിക്കും നൽകും.

ഈ വർഷം മാത്രം സ്ത്രീകൾ ഉൾപ്പെടെ പത്തോളം പേരാണ് മാനസികാരോഗ്യകേന്ദ്രത്തിൽനിന്ന് ചാടിപ്പോയത്. മാത്രമല്ല, സെല്ലിലെ സ്ത്രീയുടെ മർദനമേറ്റ് മഹാരാഷ്ട്ര സ്വദേശിനിയായ യുവതി കൊല്ലപ്പെടുകയും ചെയ്തിരുന്നു. ഇതോടെ സുരക്ഷ വർധിപ്പിക്കുന്നതടക്കമുള്ള നടപടികൾ സ്വീകരിച്ചെങ്കിലും അടുത്തിടെ വീണ്ടും സെല്ലിൽനിന്ന് രക്ഷപ്പെട്ടയാൾ മലപ്പുറത്ത് വാഹനാപകടത്തിൽ മരിച്ചു. ഇതിനിടെ ഹൈകോടതി ജില്ല ജഡ്ജിയോടും പൊലീസിനോടും സുരക്ഷ ഉൾപ്പെടെയുള്ള കാര്യങ്ങളുമായി ബന്ധപ്പെട്ട് റിപ്പോർട്ട് തേടുകയായിരുന്നു. ജില്ല ജഡ്ജിയുടെ ചുമതല വഹിക്കുന്ന കെ. അനിൽകുമാറും ജില്ല ലീഗൽ സർവിസസ് അതോറിറ്റി സെക്രട്ടറി എം.പി. ഷൈജലും കഴിഞ്ഞ ദിവസം ആശുപത്രിയിൽ പരിശോധന നടത്തി ഹൈകോടതിക്ക് റിപ്പോർട്ട് നൽകിയിരുന്നു. 

കുതിരവട്ടത്ത്​ അന്തേവാസിയായ യുവതി ആത്മഹത്യക്കു​ ശ്രമിച്ചു

കോ​ഴി​ക്കോ​ട്​: സു​ര​ക്ഷാ​കാ​ര്യ​ങ്ങ​ൾ വി​ല​യി​രു​ത്തി റി​പ്പോ​ർ​ട്ട്​ ന​ൽ​കാ​ൻ ഹൈ​കോ​ട​തി നി​ർ​​ദേ​ശ​പ്ര​കാ​രം പൊ​ലീ​സ്​ പ​രി​ശോ​ധ​ന ന​ട​ത്തി മ​ണി​ക്കൂ​ർ പി​ന്നി​ട​വെ കു​തി​ര​വ​ട്ടം മാ​ന​സി​കാ​രോ​ഗ്യ​കേ​ന്ദ്ര​ത്തി​ൽ യു​വ​തി ആ​ത്മ​ഹ​ത്യ​ക്കു ശ്ര​മി​ച്ചു. മു​പ്പ​തു​കാ​രി​യാ​ണ്​ വാ​ർ​ഡി​ലെ ജ​ന​ൽ​ക്ക​മ്പി​യി​ൽ തി​ങ്ക​ളാ​ഴ്ച ഉ​ച്ച​യോ​ടെ തൂ​ങ്ങി​മ​രി​ക്കാ​ൻ ​ശ്ര​മി​ച്ച​ത്.

ക​ഴു​ത്തി​ൽ കു​രു​ക്കി​ട്ട​ത്​ ശ്ര​ദ്ധ​യി​ൽ​പെ​ട്ട​തോ​ടെ ആ​ശു​പ​ത്രി​യി​ലെ ജീ​വ​ന​ക്കാ​ർ കു​രു​ക്ക​ഴി​ച്ചു​മാ​റ്റി ഇ​വ​രെ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലെ​ത്തി​ക്കു​ക​യാ​യി​രു​ന്നു. തു​ണി ഉ​പ​യോ​ഗി​ച്ചാ​ണ്​ ഇ​വ​ർ കു​രു​ക്കു​ണ്ടാ​ക്കി​യ​ത്. ന​ഗ​ര​ത്തി​ൽ അ​ല​ഞ്ഞു​തി​രി​ഞ്ഞ ഇ​വ​രെ കോ​ട​തി​നി​ർ​ദേ​ശ​ത്തെ തു​ട​ർ​ന്ന്​ നേ​ര​ത്തേ ചേ​വാ​യൂ​രി​ലെ അ​ഗ​തി​മ​ന്ദി​ര​ത്തി​ലേ​ക്കു​ ​മാ​റ്റു​ക​യാ​യി​രു​ന്നു. ഇ​വി​​ടെ​നി​ന്ന്​ മാ​ന​സി​ക വി​ഭ്രാ​ന്തി കാ​ണി​ച്ച​തോ​ടെ​യാ​ണ്​ കു​തി​ര​വ​ട്ട​ത്തേ​ക്കു​ മാ​റ്റി​യ​ത്. യു​വ​തി ആ​രോ​ഗ്യ​നി​ല വീ​ണ്ടെ​ടു​ത്തി​ട്ടു​ണ്ടെ​ന്നും സം​ഭ​വ​ത്തി​ൽ കേ​സെ​ടു​ത്തി​ട്ടി​ല്ലെ​ന്നും​ മെ​ഡി​ക്ക​ൽ കോ​ള​ജ്​ പൊ​ലീ​സ്​ അ​റി​യി​ച്ചു. നേ​ര​ത്തേ​യും കു​തി​ര​വ​ട്ടം മാ​ന​സി​കാ​രോ​ഗ്യ കേ​ന്ദ്ര​ത്തി​ൽ അ​ന്തേ​വാ​സി​ക​ൾ ആ​ത്മ​ഹ​ത്യാ​ശ്ര​മം ന​ട​ത്തി​യി​രു​ന്നു.