ചാത്തമംഗലം: കോഴി ഫാമിൽ വളർത്തുന്ന നൂറിലേറെ കോഴികളെ തെരുവുനായ്ക്കൾ കൊന്നു. ചാത്തമംഗലം കണ്ണങ്ങോട്ട്ചാൽ രാവുണ്ണിയുടെ സർക്കാർ അംഗീകൃത ഫാം പ്രിയദർശിനി എഗർ നഴ്സറിയിലെ കോഴികളെയാണ് ശനിയാഴ്ച പുലർച്ചെ നാലോടെ തെരുവുനായ്ക്കൾ കൂട്ടത്തോടെ കൊന്നത്. ഗ്രാമശ്രീ ഇനത്തിൽപ്പെട്ട നാലുമാസം പ്രായമായ കോഴികളാണ് ചത്തത്.
നിരവധി കോഴികൾ പരിക്കേറ്റ് അവശനിലയിലാണ്. 40 വർഷത്തോളമായി ഫാം നടത്തുന്നു. ഇരുമ്പുകൊണ്ടുള്ള നെറ്റ് തകർത്താണ് നായ്ക്കൂട്ടം അകത്തുകടന്നത്. ഈ പ്രദേശത്ത് തെരുവുനായ് ശല്യം രൂക്ഷമാണ്. ഒരുമാസം മുമ്പ് ഇവരുടെ ഒരു ആടിനെ തെരുവുനായ്ക്കൾ ആക്രമിച്ച് കൊന്നിരുന്നു. 25ലേറെ തെരുവുനായ്ക്കൾ പ്രദേശത്ത് തമ്പടിക്കാറുണ്ടെന്ന് പരിസരവാസികൾ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.