നവാബ്, രാഹുല്‍
തൃശൂര്‍: ടൂറിസ്റ്റ് ബസുകളുടെ ചിത്രം പകര്‍ത്തുന്നതിനിടെ 'ജന്മഭൂമി' ഫോട്ടോഗ്രാഫര്‍ ജീമോന്‍ കെ. പോളിനെ കൈയേറ്റം ചെയ്ത കേസില്‍ രണ്ട് ടൂറിസ്റ്റ് ബസ് ജീവനക്കാരെകൂടി പൊലീസ് അറസ്റ്റ് ചെയ്തു. അകലാട് പുന്നയൂര്‍ കറുകാരന്‍ വീട്ടില്‍ നവാബ് (26), തളിക്കുളം തമ്പാക്കടവ് കളപ്പുരക്കല്‍ വീട്ടില്‍ രാഹുല്‍ (36) എന്നിവരെയാണ് ഈസ്റ്റ് സി.ഐ ലാല്‍കുമാറിന്‍റെ നേതൃത്വത്തിൽ അറസ്റ്റ് ചെയ്തത്.
'ജയ്ഗുരു' ടൂറിസ്റ്റ് ബസുടമ സുജിത് സുധാകരന്‍, 'ജീസസ്' ബസുടമ ദിലീഷ് എന്നിവരെ നേരത്തേ അറസ്റ്റ് ചെയ്തിരുന്നു. കഴിഞ്ഞ 12ന് ഉച്ചയോടെയാണ് സംഭവം.
ഹൈകോടതിയുടെ നിര്‍ദേശം ലംഘിച്ച് കളര്‍ കോഡില്ലാതെ തൃശൂര്‍ നഗരത്തിലെത്തിയ ടൂറിസ്റ്റ് ബസുകളുടെ ചിത്രം പകര്‍ത്താന്‍ വടക്കുന്നാഥ ക്ഷേത്ര മൈതാനിയിൽ എത്തിയതായിരുന്നു ജീമോന്‍. ചിത്രം പകര്‍ത്തുന്നതിനിടെ ഫോട്ടോഗ്രാഫറെ കൈയേറ്റം ചെയ്ത് തടഞ്ഞുവെക്കുകയും വധഭീഷണി മുഴക്കുകയും ചെയ്തു. പൊലീസെത്തിയാണ് ജീമോനെ മോചിപ്പിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.