ക​ണ്ട​ശ്ശാം​ക​ട​വ് മാ​മ്പു​ള്ളി​യി​ൽ ക​നോ​ലി പു​ഴ കൈ​യേ​റ്റം ത​കൃ​തി

കാ​ഞ്ഞാ​ണി: ക​ണ്ട​ശ്ശാം​ക​ട​വ് മാ​മ്പു​ള്ളി​യി​ൽ ക​നോ​ലി പു​ഴ കൈ​യേ​റ്റം ത​കൃ​തി. പ​ഴ​യ ഓ​ട്ടു​ക​മ്പ​നി​ക്ക് വ​ട​ക്കു​ഭാ​ഗ​ത്താ​ണ് രാ​ത്രി​കാ​ല​ത്ത്​ പു​ഴ​യോ​രം നി​ക​ത്തു​ന്ന​ത്. ഇ​തി​ന്​ അ​ധി​കൃ​ത​രു​ടെ ഒ​ത്താ​ശ​യു​ണ്ടെ​ന്ന്​ നാ​ട്ടു​കാ​ർ ആ​രോ​പി​ക്കു​ന്നു. മു​ണ്ട​ശ്ശേ​രി ജോ​സ​ഫ് എ​ന്ന​യാ​ളു​ടെ കൈ​വ​ശ​മു​ണ്ടാ​യി​രു​ന്ന 35 സെ​ന്‍റ്​ ഭൂ​മി​യോ​ട് ചേ​ർ​ന്ന് പ​ടി​ഞ്ഞാ​റ് ഭാ​ഗ​ത്താ​ണ് പു​തു​താ​യി പ​റ​മ്പ് വാ​ങ്ങി​യ ലോ​ബി പു​ഴ കൈ​യേ​റി​യ​ത്. മ​ണ​ൽ അ​ടി​ച്ചാ​ണ് പു​ഴ നി​ക​ത്തു​ന്ന​ത്.

മു​മ്പ്​ കെ.​എ​സ്.​കെ.​ടി.​യു​വും സി.​പി.​ഐ​യും കൊ​ടി​കു​ത്തി പു​ഴ കൈ​യേ​റ്റം ത​ട​ഞ്ഞി​രു​ന്നു. അ​ന്ന്​ നി​ർ​ത്തി​യെ​ങ്കി​ലും പി​ന്നീ​ട്​ പു​നഃ​രാ​​രം​ഭി​ച്ചു. കാ​ര​മു​ക്ക് വി​ല്ലേ​ജ്, മ​ണ​ലൂ​ർ പ​ഞ്ചാ​യ​ത്ത്, ക​ല​ക്ട​റു​ടെ കീ​ഴി​ൽ പ്ര​വ​ർ​ത്തി​ക്കു​ന്ന ദു​ര​ന്ത നി​വാ​ര​ണ അ​തോ​റി​റ്റി എ​ന്നി​വ​ക്ക്​ പ​രാ​തി ന​ൽ​കി​യി​ട്ടും പ്ര​ശ്ന​ത്തി​ന് പ​രി​ഹാ​ര​മു​ണ്ടാ​യി​ല്ലെ​ന്ന് നാ​ട്ടു​കാ​ർ ആ​ക്ഷേ​പി​ക്കു​ന്നു.