ജീവനെടുത്ത് സംസ്ഥാന പാതയിലെ കുഴികൾ; പാ​ടെ ത​ക​ർ​ന്ന് കു​ന്നം​കു​ളം-​പെ​രു​മ്പി​ലാ​വ് റോ​ഡ്

കു​ന്നം​കു​ളം: സം​സ്ഥാ​ന പാ​ത​യി​ലെ കു​ണ്ടും കു​ഴി​യും വി​ല്ല​നാ​കു​മ്പോ​ൾ അ​പ​ഹ​രി​ക്ക​പ്പെ​ടു​ന്ന​ത് മ​നു​ഷ്യ ജീ​വ​ൻ. ബൈ​ക്ക് യാ​ത്രി​ക​ൻ പാ​റേ​മ്പാ​ടം കൊ​ങ്ങ​ണൂ​ർ വി​ള​ക്കു​മാ​ട​ത്തി​ൽ വീ​ട്ടി​ൽ ശ​ശി​ധ​ര​ന്റെ (62) ജീ​വ​നാ​ണ് ഒ​ടു​വി​ൽ പൊ​ലി​ഞ്ഞ​ത്. ക​ഴി​ഞ്ഞ വ്യാ​ഴാ​ഴ്ച രാ​ത്രി ഒ​മ്പ​തോ​ടെ പാ​റേ​മ്പാ​ടം കു​രി​ശ് പ​ള്ളി​ക്കു സ​മീ​പ​മു​ച്ചു​ണ്ടാ​യ അ​പ​ക​ട​ത്തി​ലാ​ണ് ഗൃ​ഹ​നാ​ഥ​ൻ മ​ര​ണ​ത്തി​ന് കീ​ഴ​ട​ങ്ങി​യ​ത്. റോ​ഡി​ലെ കു​ഴി​യി​ൽ ചാ​ടി​യ ബൈ​ക്ക് നി​യ​ന്ത്ര​ണം വി​ട്ട് എ​തി​ർ​ദി​ശ​യി​ൽ വ​ന്ന കാ​റി​ലി​ടി​ച്ചാ​യി​രു​ന്നു അ​പ​ക​ടം. ഗു​രു​ത​ര പ​രി​ക്കേ​റ്റ് എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ ചൊ​വ്വാ​ഴ്ച​യാ​ണ് മ​രി​ച്ച​ത്.

കു​ന്നം​കു​ളം-​തൃ​ശൂ​ർ റോ​ഡി​ലെ മു​ണ്ടൂ​ർ മു​ത​ൽ ചൂ​ണ്ട​ൽ വ​രെ റോ​ഡ് ത​ക​ർ​ന്ന് കി​ട​ക്കു​ന്ന​തു പോ​ലെ​യാ​ണ് കു​ന്നം​കു​ളം മു​ത​ൽ പെ​രു​മ്പി​ലാ​വ് വ​രെ​യു​ള്ള റോ​ഡി​ന്റെ​യും അ​വ​സ്ഥ. എ​ങ്ങോ​ട്ടെ​ടു​ത്താ​ലും കു​ഴി​യോ​ടു കു​ഴി​യാ​ണ്. ഈ ​പ്ര​ധാ​ന റോ​ഡി​ൽ കൂ​ടു​ത​ൽ ഭാ​ഗ​ത്തും വ​ഴി​വി​ള​ക്കു​ക​ൾ പ്ര​കാ​ശി​ക്കാ​ത്ത​തും അ​പ​ക​ട​ങ്ങ​ൾ​ക്ക് കാ​ര​ണ​മാ​കു​ന്നു​ണ്ട്. റോ​ഡി​ലെ കു​ഴി​ക​ൾ താ​ല്കാ​ലി​ക​മാ​യി മൂ​ടി​യെ​ങ്കി​ലും ബ​ഹു​ഭൂ​രി​പ​ക്ഷം ഇ​ട​ങ്ങ​ളി​ലും ക​ന​ത്ത മ​ഴ​യി​ൽ കു​ഴി​ക​ൾ തു​റ​ന്നു.

ഇ​തും അ​പ​ക​ട​ങ്ങ​ൾ​ക്ക് വ​ഴി​വെ​ക്കു​ന്നു. വ​ലി​യ വാ​ഹ​ന​ങ്ങ​ളു​ടെ വെ​ളി​ച്ച​ത്തി​ൽ എ​തി​ർ ദി​ശ​യി​ൽ വ​രു​ന്ന ഇ​രു​ച​ക്ര വാ​ഹ​ന യാ​ത്ര​ക്കാ​ർ​ക്ക് മു​മ്പി​ൽ ഒ​ന്നും കാ​ണാ​ൻ ക​ഴി​യാ​ത്ത അ​വ​സ്ഥ​യാ​ണ്. അ​തി​നാ​ൽ റോ​ഡി​ലെ വ​ലി​യ കു​ഴി​ക​ൾ പൊ​ലും കാ​ണാ​തെ അ​തി​ൽ ചാ​ടി​യാ​ണ് കൂ​ടു​ത​ലും അ​പ​ക​ട​ങ്ങ​ൾ സം​ഭ​വി​ക്കു​ന്ന​ത്. അ​ധി​കാ​രി​ക​ളു​ടെ ക​ൺ തു​റ​ക്കാ​ൻ ഇ​നി എ​ന്ത് ചെ​യ്യ​ണ​മെ​ന്നാ​ണ് ജ​ന​ങ്ങ​ൾ ചോ​ദി​ക്കു​ന്ന​ത്.