റിപ്പബ്ലിക് ദിന പരേഡിന് വനിതകളുടെ ശിങ്കാരിമേള സംഘവും

കു​ന്നം​കു​ളം: കു​ടും​ബ​ശ്രീ​യു​ടെ കീ​ഴി​ലു​ള്ള കു​ന്നം​കു​ള​ത്തെ വ​നി​ത​ക​ളു​ടെ ശി​ങ്കാ​രി​മേ​ള സം​ഘം ഡ​ല്‍ഹി​യി​ല്‍ ന​ട​ക്കു​ന്ന റി​പ്പ​ബ്ലി​ക് ദി​ന പ​രേ​ഡി​ല്‍ ചെ​ണ്ട​യും ഇ​ല​ത്താ​ള​വു​മാ​യി അ​ണി​നി​ര​ക്കും. കു​ടും​ബ​ശ്രീ​യു​ടെ നേ​തൃ​ത്വ​ത്തി​ല്‍ തൃ​ശൂ​രി​ല്‍ ന​ട​ന്ന മ​ത്സ​ര​മാ​ണ് ഇ​വ​ര്‍ക്ക് റി​പ്പ​ബ്ലി​ക് ദി​ന പ​രേ​ഡി​ലേ​ക്ക് വാ​തി​ല്‍ തു​റ​ന്ന​ത്. മ​ത്സ​ര​ത്തി​ല്‍ ഇ​വ​ര്‍ക്ക് ഒ​ന്നാം സ്ഥാ​ന​മാ​യി​രു​ന്നു. അ​ന്ന് വി​ധി​ക​ര്‍ത്താ​ക്ക​ളാ​യെ​ത്തി​യ​വ​രാ​ണ് കേ​ര​ള​ത്തി​ല്‍ നി​ന്നു​ള്ള ക​ലാ​പ്ര​ക​ട​ന​ങ്ങ​ള്‍ തി​ര​ഞ്ഞെ​ടു​ക്കു​ന്ന​തി​ല്‍ വ​നി​ത ശി​ങ്കാ​രി​മേ​ള സം​ഘ​ത്തെ ഉ​ള്‍പ്പെ​ടു​ത്തി​യ​ത്. ര​ണ്ടാ​ഴ്ച മു​മ്പാ​ണ് 13 അം​ഗ ടീ​മി​ന് ക്ഷ​ണം ല​ഭി​ച്ച​ത്. സം​ഘ​ത്തി​ലെ 11 പേ​ർ ക​ഴി​ഞ്ഞ ദി​വ​സം നെ​ടു​മ്പാ​ശേ​രി​യി​ൽ​നി​ന്ന് ഡ​ൽ​ഹി​യി​ലേ​ക്ക് യാ​ത്ര​യാ​യി.

ന​ഗ​ര​സ​ഭ​യു​ടെ വി​വി​ധ ഉ​ദ്ഘാ​ട​ന​ങ്ങ​ള്‍, സ്‌​കൂ​ളു​ക​ളി​ലെ ആ​ഘോ​ഷ​ങ്ങ​ള്‍, വി​വാ​ഹ വേ​ള​ക​ളി​ല്‍ വി​രു​ന്നു​കാ​രെ സ്വാ​ഗ​തം ചെ​യ്യ​ല്‍ തു​ട​ങ്ങി​യ​വ​യി​ൽ മാ​ത്രം പ​ങ്കെ​ടു​ത്തി​രു​ന്ന സം​ഘ​ത്തി​ന് ല​ഭി​ച്ച അ​സു​ല​ഭ സ​ന്ദ​ർ​ഭം ജീ​വി​ത​ത്തി​ൽ മ​റ​ക്കാ​നാ​കു​ന്ന​ത​ല്ല. വ്യ​ത്യ​സ്ത തൊ​ഴി​ല്‍ മേ​ഖ​ല​യി​ലൂ​ടെ ഉ​പ​ജീ​വ​ന​മാ​ര്‍ഗം ക​ണ്ടെ​ത്തു​ന്ന​വ​രാ​ണ് സം​ഘ​ത്തി​ലു​ള്ള എ​ല്ലാ​വ​രും.

അ​തി​ലു​ള്ള ദി​വ്യ സ​ഞ്ജ​യ് കാ​റ്റ​റി​ങ് ന​ട​ത്തി​പ്പു​കാ​രി​യും ജെ​യ്‌​നി, സ​ന്ധ്യ, ബി​ജി ല​ജീ​ഷ് എ​ന്നി​വ​ര്‍ സു​ഭി​ക്ഷ കാ​ന്റീ​ൻ അം​ഗ​ങ്ങ​ളു​മാ​ണ്. വി​ജ​യ, പ്ര​മി​ത എ​ന്നി​വ​ര്‍ ഹ​രി​ത​ക​ര്‍മ സേ​ന​യി​ലു​ള്ള​വ​രും. ആ​ശ വ​ര്‍ക്ക​റാ​യ അ​നി​ത, കൂ​ലി​പ്പ​ണി​ക്ക് പോ​കു​ന്ന ക​മ​ല, കെ​യ​ര്‍ടേ​ക്ക​റാ​യ ബി​ന്ദു, റി​സ​പ്ഷ​നി​സ്റ്റാ​യ അ​നി​ത, പോ​സ്റ്റ് വു​മ​ണ്‍ സു​ഹാ​സി​നി എ​ന്നി​വ​രും ചേ​രു​ന്ന​താ​ണ് ടീം. ​

ക​ല​യോ​ടു​ള്ള താ​ൽ​പ​ര്യ​ത്തി​ല്‍ സം​ഘ​ത്തി​ലേ​ക്ക് എ​ത്തി​യ​വ​രാ​ണ് ഇ​വ​ർ. ശി​ങ്കാ​രി​മേ​ള​ത്തോ​ടൊ​പ്പം താ​യ​മ്പ​ക​യും പ​ഠി​ക്കാ​നു​ള്ള ത​യാ​റെ​ടു​പ്പി​ലാ​ണ് വ​നി​ത​ക​ളു​ടെ ഈ ​സം​ഘം.

വ​ർ​ഷ​ങ്ങ​ൾ​ക്ക് മു​മ്പ് കു​ന്നം​കു​ള​ത്ത് ന​ട​ന്ന സ​ര​സ് മേ​ള​യു​ടെ ഭാ​ഗ​മാ​യാ​ണ് കു​ടും​ബ​ശ്രീ​യു​ടെ കീ​ഴി​ല്‍ ശി​ങ്കാ​രി​മേ​ള​ത്തി​ന്റെ ഗ്രൂ​പ്പി​ന് തു​ട​ക്ക​മി​ട്ട​ത്. അ​ന്ന​ത്തെ ന​ഗ​ര​സ​ഭ സെ​ക്ര​ട്ട​റി​യാ​യി​രു​ന്ന കെ.​കെ. മ​നോ​ജാ​ണ് പ്ര​ചോ​ദ​നം ന​ൽ​കി​യ​ത്. ഇ​വ​ര്‍ക്ക് ആ​വ​ശ്യ​മാ​യ ചെ​ണ്ട​യും ഇ​ല​ത്താ​ള​വും ന​ഗ​ര​സ​ഭ​യു​ടെ വാ​ര്‍ഷി​ക പ​ദ്ധ​തി​യി​ലു​ള്‍പ്പെ​ടു​ത്തി​യാ​ണ് ന​ല്‍കി​യ​ത്. ദീ​ർ​ഘ​നാ​ള​ത്തെ ന​ഗ​ര​സ​ഭ ടൗ​ണ്‍ഹാ​ളി​ലെ പ​രി​ശീ​ല​ന​ത്തി​ലൂ​ടെ​യാ​ണ് തു​ട​ക്കം.

എ​ല്ലാ ദി​വ​സ​വും പ​രി​ശീ​ല​നം ന​ട​ത്തി​യി​രു​ന്ന ഇ​വ​ർ പ​രി​പാ​ടി​ക​ളു​ടെ ഏ​താ​നും മു​മ്പാ​ണ് ഇ​പ്പോ​ൾ എ​ല്ലാ​വ​രും ഒ​ത്തു​ചേ​ര്‍ന്ന് താ​ളം പി​ടി​ക്കു​ന്ന​ത്. തൃ​ശൂ​ര്‍ കാ​ല്‍വ​രി ഗ്രൂ​പ്പി​ലെ ശ്യാ​മാ​ണ് ആ​വ​ശ്യ​മാ​യ നി​ര്‍ദേ​ശ​ങ്ങ​ള്‍ ന​ല്‍കു​ന്ന​ത്. താ​ള​ത്തി​ന്റെ രീ​തി​ക​ളി​ലും ഇ​ട​യ്ക്കി​ടെ മാ​റ്റ​ങ്ങ​ള്‍ വ​രു​ത്തും.