ദേശീയപാത കാന നിർമാണത്തിനായി കുഴിയെടുത്തതിനാൽ സഞ്ചാരം മുടങ്ങിയ അഞ്ചാംകല്ല് പുളിക്കകടവ്-തൃശൂർ റോഡ്
ഏങ്ങണ്ടിയൂർ: അഞ്ചാംകല്ലിൽ ഹൈവേ വികസനവുമായി ബന്ധപ്പെട്ട് കാന നിർമിക്കാനായി റോഡ് പൊളിച്ച് മാറ്റിയത് പ്രദേശത്തെ ജനങ്ങളെ യാത്രാ ദുരിതത്തിലാക്കി.
ദേശീയപാത അഞ്ചാംകല്ലിൽ നിന്ന് പുളിക്കകടവ് പാലം - മുല്ലശ്ശേരി-പാവറട്ടി വഴി തൃശൂരിലേക്ക് ഏങ്ങണ്ടിയൂർ, ഒരുമനയൂർ കടപ്പുറം പഞ്ചായത്തുകളിൽനിന്ന് നിരവധിയാളുകൾ പ്രതിദിനം യാത്ര ചെയ്യുന്നതാണ് ഈ റോഡ്.
രണ്ട് ദിവസംകൊണ്ട് പണി പൂർത്തീകരിച്ച് സഞ്ചാരയോഗ്യമാക്കാവുന്ന റോഡ് രണ്ടാഴ്ചയോളം അടച്ചിട്ട നടപടി അധികൃതരുടെ അലംഭാവമാണെന്നും യുദ്ധകാലാടിസ്ഥാനത്തിൽ കാന നിർമാണം പൂർത്തീകരിക്കണമെന്നും ഡി.സി.സി അംഗം ഇർഷാദ് കെ. ചേറ്റുവ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.