ന്യൂനപക്ഷ ക്ഷേമ വകുപ്പ്​: സോഷ്യൽ എൻജിനീയറിങ്ങുമായി സി.പി.എം മുന്നോട്ടുതന്നെ

തിരുവനന്തപുരം: നിയമസഭാ തെരഞ്ഞെടുപ്പിന്​ മു​േമ്പ സി.പി.എം ആരംഭിച്ച സോഷ്യൽ എൻജിനീയറിങ്ങി​ൻെറ തുടർച്ചയാണ്​ ന്യൂനപക്ഷ ​േക്ഷമ വകുപ്പ്​ മുഖ്യമന്ത്രി ഏറ്റെടുത്ത നടപടിയും. വിവിധ സമുദായങ്ങളിലെ വോട്ടു ബാങ്കുകളെ കോർത്തിണക്കി നിയമസഭാ തെരഞ്ഞെടുപ്പിൽ വിജയം കൊയ്​ത സാമൂഹിക എൻജിനീയറിങ്​​ നടപടിയുടെ അടുത്ത പടിയായാണ്​ ന്യൂനപക്ഷ ക്ഷേമ വകുപ്പി​ൻെറ നിയന്ത്രണം സി.പി.എം നേരിട്ട്​ ഏറ്റെടുത്തതും.

തെക്കൻ കേരളത്തിലും മലബാറിലും മുസ്​ലിം സമുദായത്തിലും മധ്യകേരളത്തിൽ ക്രൈസ്​തവ വിഭാഗത്തിലും നിന്ന്​​ ഇടതുപക്ഷത്തിന്​ ലഭിച്ച സ്വീകാര്യതയാണ് ന്യൂനപക്ഷ ക്ഷേമ വകുപ്പ്​ ഏറ്റെടുക്കാനുള്ള സി.പി.എം തീരുമാനത്തിന്​ പിന്നിൽ​. നേരത്തേ ക്രൈസ്​തവ വിഭാഗത്തിൽനിന്ന്​ ഉയർന്ന ആവശ്യങ്ങൾകൂടി പരിഗണിച്ചാണ്​ വകുപ്പ്​ വിഭജന സമയത്ത് ഇൗ നിർദേശം സി.പി.എം സംസ്ഥാന സെക്ര​േട്ടറിയറ്റ്​ മുന്നോട്ടുവെച്ചത്. മുഖ്യമന്ത്രി ചുമതല വഹിക്കുന്നതോടെ പരാതികൾ ഇല്ലാതാകുമെന്ന അഭിപ്രായവും യോഗത്തിലുണ്ടായി.

മുസ്​ലിംലീഗിന്​ അപ്പുറമുള്ള വിവിധ മുസ്​ലിം വിഭാഗങ്ങളെയും വ്യക്തികളെയും ഇടതുപക്ഷത്തേക്ക്​ കൂടുതൽ ആകർഷിക്കാനാകുമെന്നാണ്​ വിലയിരുത്തൽ. സംഘ്​പരിവാർ പ്രേരണയിൽ ചില ക്രൈസ്​തവ കേന്ദ്രങ്ങളുടെ, ന്യൂനപക്ഷ ക്ഷേമ വകുപ്പ്​ മുസ്​ലിം കുത്തകയെന്ന പ്രചാരണത്തെ പ്രതിരോധിക്കാനും ഇതുവഴി കഴിഞ്ഞെന്ന്​ സി.പി.എം നേതൃത്വം ചൂണ്ടിക്കാട്ടുന്നു. സമുദായ സംഘടനാ നേതൃത്വങ്ങളുടെ സമ്മർദങ്ങൾക്ക്​ വഴ​ങ്ങാതെ വിവിധ വിഭാഗങ്ങളെ സ്വാധീനിക്കുന്ന ഭരണനടപടി നടപ്പാക്കുകയായിരുന്നു ഒന്നാം പിണറായി സർക്കാർ. എൻ.എസ്​.എസ്​ നേതൃത്വത്തിന്​ പിന്നിൽ യു.ഡി.എഫ്​ അണിനിരന്നപ്പോൾ ദേവസ്വം ബോർഡിലും സർക്കാർ സർവിസിലും മുന്നാക്ക വിഭാഗ സംവരണത്തിനൊപ്പം നാടാർ സംവരണവും നടപ്പാക്കിയാണ്​ സി.പി.എം നേരിട്ടത്​. ഒപ്പം ദേവസ്വം ബോർഡിൽ ദലിത്​, പിന്നാക്ക വിഭാഗക്കാരെ പൂജാരിമാരായി നിയമിക്കുകയും ചെയ്​തു.

കൂടാതെ ക്രൈസ്​തവ സഭാധ്യക്ഷന്മാരുമായി വികസന ചർച്ച നടത്തിയും നിശ്ശബ്​ദമായി പിണറായി വിജയൻ ചുക്കാൻപിടിച്ചു. വോ​െട്ടടുപ്പ്​ ദിവസത്തെ ജി. സുകുമാരൻ നായരുടെ പ്രസ്​താവനക്ക്​ മുഖ്യമന്ത്രിതന്നെ മറുപടി നൽകി. തെരഞ്ഞെടുപ്പ്​ ഫലം വന്ന​േപ്പാൾ ഇൗ തന്ത്രത്തി​ൻെറ വിജയം തെക്കുമുതൽ വടക്കുവരെ പ്രകടമായി.