കോഴിക്കോട്: കുഞ്ഞാലിക്കുട്ടി എം.പി സ്ഥാനം രാജിവെക്കുമോ എന്നത് അറിയില്ലെന്നും അങ്ങനെയുണ്ടെങ്കിൽ തന്നെ അത് ലീഗിൻെറ ആഭ്യന്തര കാര്യമാണെന്നും മുല്ലപ്പള്ളി രാമചന്ദ്രൻ. അതിൽ കോൺഗ്രസ് ഇടപെടേണ്ടതില്ലെന്നും അദ്ദേഹം പറഞ്ഞു.
തന്നെ കെ.പി.സി.സി പ്രസിഡൻറ് ആക്കാനുള്ള തീരുമാനം തടഞ്ഞത് ആരാണെന്ന് അറിയാമെന്ന കെ. സുധാകരൻെറ പ്രസ്താവനയെക്കുറിച്ച് അറിയില്ല -അദ്ദേഹം പറഞ്ഞു.
ഉമ്മൻചാണ്ടി തിരുവനന്തപുരത്ത് മത്സരിച്ചേക്കുമെന്ന വാർത്തയെക്കുറിച്ച് ചോദിച്ചപ്പോൾ, ഉമ്മൻചാണ്ടി എവിടെ മത്സരിച്ചാലും ജയിക്കുമെന്നായിരുന്നു മറുപടി. ആരെയെങ്കിലും മുഖ്യമന്ത്രിയായി ഉയർത്തിക്കാട്ടി തെരഞ്ഞെടുപ്പിൽ മത്സരിക്കാറില്ല. മുഖ്യമന്ത്രിയെ തെരഞ്ഞെടുപ്പിന് ശേഷം തീരുമാനിക്കും. ജനസ്വാധീനമുള്ളവരെയാണ് സ്ഥാനാർഥിയാക്കുകയെന്നും മുല്ലപ്പള്ളി വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.