പെരിയ കൊല; അടികിട്ടിയ വിധി

തി​രു​വ​ന​ന്ത​പു​രം: പെ​രി​യ ഇ​ര​ട്ട​​ക്കൊ​ല​ക്കേ​സി​ൽ മു​ൻ എം.​എ​ൽ.​എ​യെ​യും നേ​താ​ക്ക​ളെ​യു​മ​ട​ക്കം ശി​ക്ഷി​ച്ച​തോ​ടെ, പാ​ർ​ട്ടി​ക്ക്​ പ​ങ്കി​ല്ലെ​ന്ന പ​തി​വ്​ പ​ല്ല​വി പൊ​ളി​യു​ന്ന​തി​നൊ​പ്പം സി.​പി.​എം പ്ര​തി​രോ​ധ​ങ്ങ​ളു​ടെ മു​ന​യും ഒ​ടി​യു​ക​യാ​ണ്. മു​ഖ​ച്ഛാ​യ ന​ന്നാ​ക്കി ​തെ​ര​ഞ്ഞെ​ടു​പ്പ്​ നേ​രി​ടാ​ൻ സ​ജ്ജ​മാ​കു​ന്ന ഘ​ട്ട​ത്തി​ലാ​ണ്​ മു​ഖ​ത്തേ​റ്റ പ്ര​ഹ​ര​മാ​യി ശി​ക്ഷാ​വി​ധി മാ​റു​ന്ന​ത്. നേ​താ​ക്ക​ൾ കു​റ്റ​ക്കാ​രാ​ണെ​ന്ന്​​ വ​ന്ന​തോ​ടെ, കൃ​ത്യ​ത്തി​ന്​ പി​ന്നി​ൽ രാ​ഷ്ട്രീ​യ​മി​ല്ലെ​ന്നും പ്രാ​ദേ​ശി​ക വി​ഷ​യ​ങ്ങ​ളാ​ണെ​ന്നു​മു​ള്ള ന്യാ​യീ​ക​ര​ണ​ങ്ങ​ളു​ടെ​യും മു​ന​യൊ​ടി​യു​ന്നു. ജി​ല്ല ക​മ്മി​റ്റി അം​ഗം ഉ​ൾ​പ്പെ​ട്ട​തു​​കൊ​ണ്ടു​ത​ന്നെ പ​ര​സ്യ​മാ​യി ത​ള്ളി​ മു​ന്നോ​ട്ടു​പോ​കാ​നാ​വി​ല്ല. ‘കേ​സ്​ അ​ട​ഞ്ഞ അ​ധ്യാ​യ​മ​​ല്ലെ​ന്നും ഇ​ത്​ അ​വ​സാ​ന വാ​ക്ക​ല്ല​ല്ലോ’ എ​ന്നും നേ​താ​ക്ക​ൾ പ്ര​തി​ക​രി​ച്ച​തി​നും കാ​ര​ണ​മി​താ​ണ്. സ്വാ​ഭാ​വി​ക​മാ​യും മേ​ൽ​കോ​ട​തി​ക​ളി​ലേ​ക്ക്​ നി​യ​മ​പോ​രാ​ട്ടം നീ​ളും.

ടി.​പി. ച​ന്ദ്ര​ശേ​ഖ​ര​ൻ വ​ധ​ക്കേ​സ്​ ക​ഴി​ഞ്ഞാ​ൽ രാ​ഷ്ട്രീ​യ കേ​ര​ളം ഏ​റ്റ​വു​മ​ധി​കം ച​ർ​ച്ച ചെ​യ്ത സം​ഭ​വ​മാ​ണ്​ ​പെ​രി​യ ഇ​ര​ട്ട​ക്കൊ​ല. സം​ഭ​വം രാ​ഷ്ട്രീ​യ​മാ​യി സി.​പി.​എ​മ്മി​ന്​ വ​ലി​യ തി​രി​ച്ച​ടി​യാ​യി​രു​ന്നു. കാ​സ​ർ​കോ​ട്​ എ​ക്കാ​ല​വും സി.​പി.​എം സു​ര​ക്ഷി​ത മ​ണ്ഡ​ല​മാ​യി ക​രു​തി​യി​രു​ന്ന​താ​ണ്. 2019ലെ ​ലോ​ക്സ​ഭ തെ​ര​ഞ്ഞെ​ടു​പ്പി​ന് തൊ​ട്ടു​മു​മ്പാ​ണ് പെ​രി​യ ഇ​ര​ട്ട​ക്കൊ​ല. തെ​ര​ഞ്ഞെ​ടു​പ്പി​ൽ സി.​പി.​എ​മ്മി​നെ​ കാ​സ​ർ​കോ​ട്​ കൈ​വി​ട്ടു. സ്വാ​ഭാ​വി​ക ജ​ന​രോ​ഷം മ​റ്റു മ​ണ്ഡ​ല​ങ്ങ​ളി​ലും പ്ര​തി​ഫ​ലി​ച്ചു. വ​ലി​യ മു​ന്നൊ​രു​ക്ക​ത്തോ​ടെ ശ്ര​മി​ച്ചെ​ങ്കി​ലും 2024 ലും ​മ​ണ്ഡ​ലം തി​രി​കെ പി​ടി​ക്കാ​നാ​യി​ല്ല. 2021ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ ഉ​ദു​മ​യി​ൽ​നി​ന്ന് ജ​യി​ക്കാ​നാ​യി എ​ന്ന​താ​ണ്​ ഏ​ക ആ​ശ്വാ​സം.

കേ​സി​ന്‍റെ നാ​ൾ​വ​ഴി​ക​ളി​ൽ സ​ർ​ക്കാ​ർ ഇ​ട​പെ​ട​ലു​ക​ൾ ആ​രോ​പ​ണ​ങ്ങ​ൾ​ക്കും സം​ശ​യ​ങ്ങ​ൾ​ക്കും ഇ​ട ന​ൽ​കി​യി​രു​ന്നു. സി.​ബി.​ഐ അ​ന്വേ​ഷ​ണം ത​ട​യു​ന്ന​തി​ന്​ മു​തി​ർ​ന്ന അ​ഭി​ഭാ​ഷ​ക​രെ വ​രു​ത്തി​യ ഇ​ന​ത്തി​ൽ ഒ​രു കോ​ടി​യി​ലേ​റെ രൂ​പ​യാ​ണ്​ സ​ർ​ക്കാ​ർ ചെ​ല​വ​ഴി​ച്ച​ത്. ക​ടു​ത്ത സാ​മ്പ​ത്തി​ക പ്ര​തി​സ​ന്ധി​യി​ൽ വ​ട്ടം ക​റ​ങ്ങു​​മ്പോ​ൾ ഇ​ത്ത​ര​മൊ​രു കേ​സി​ൽ സി.​ബി.​ഐ അ​ന്വേ​ഷ​ണം ത​ട​യാ​ൻ എ​ന്തി​ന്​ ഇ​ത്ര തു​ക ചെ​ല​വ​ഴി​ച്ച​തെ​ന്ന​ത്​ ഉ​ത്ത​രം കി​ട്ടാ​ത്ത ചോ​ദ്യം.

തെ​ര​ഞ്ഞെ​ടു​പ്പ്​ അ​ടു​ത്തി​രി​ക്കെ, സി.​പി.​എ​മ്മി​നും സ​ർ​ക്കാ​റി​നു​മെ​തി​രെ പ്ര​തി​പ​ക്ഷം വി​ഷ​യം ആ​യു​ധ​മാ​ക്കും. രാ​ഷ്ട്രീ​യ​മാ​യി സി.​പി.​എ​മ്മി​ന്​ ഏ​റെ തി​രി​ച്ച​ടി​യു​ണ്ടാ​ക്കി​യ ഇ​ര​ട്ട​ക്കൊ​ല​പാ​ത​കം ഇ​നി​യും പാ​ർ​ട്ടി​യെ വേ​ട്ട​യാ​ടു​മെ​ന്ന്​ വ്യ​ക്തം.

സി.​പി.​എം സം​സ്ഥാ​ന സെ​ക്ര​ട്ടേ​റി​യ​റ്റ്​ തി​ങ്ക​ളാ​ഴ്ച ചേ​രു​ന്നു​ണ്ട്. ഏ​ഴി​ന്​ സം​സ്ഥാ​ന​സ​മി​തി​യും. സം​സ്ഥാ​ന സ​മ്മേ​ള​ന​മാ​ണ്​ മു​ഖ്യ അ​ജ​ണ്ട​യെ​ങ്കി​യും പെ​രി​യ വി​ശ​ദ ച​ർ​ച്ച​ക്ക്​ വി​ഷ​യ​മാ​യേ​ക്കും.