തിരുവനന്തപുരം: ബലിപെരുന്നാൾ പ്രമാണിച്ച് സംസ്ഥാനത്തെ എല്ലാ കടകളും തിങ്കളാഴ്ച തുറക്കാം. അതിതീവ്ര വ്യാപനമുള്ള ഡി മേഖലയിലും ഇൗ ഇളവ് ബാധകമാണ്. ഇവിടങ്ങളിൽ നിലവിൽ അവശ്യവസ്തുക്കളുടെ കടകൾ മാത്രമേ തുറക്കാൻ അനുമതിയുണ്ടായിരുന്നുള്ളൂ. എന്നാൽ, ബക്രീദ് കണക്കിലെടുത്ത് എല്ലാ കടകൾക്കും പ്രവർത്തിക്കാൻ അനുമതി നൽകിയതായി മുഖ്യമന്ത്രി പിണറായി വിജയൻ വാർത്തസമ്മേളനത്തിൽ അറിയിച്ചു. എ, ബി, സി മേഖലകളിൽ ഞായർമുതൽ ചൊവ്വവരെ കട തുറക്കാൻ നേരത്തേ അനുമതി നൽകിയിരുന്നു
വിശേഷദിവസങ്ങളിൽ ആരാധനാലയങ്ങളിൽ പരമാവധി 40 പേർക്ക് പ്രവേശനം അനുവദിക്കും. എന്നാൽ, ഇവിടെയെത്തുന്നവർ ഒരുഡോസ് വാക്സിൻ എടുത്തവരായിരിക്കണം. ബക്രീദിന് കുറഞ്ഞത് 40 പേർക്കെങ്കിലും പള്ളികളിൽ പ്രാർഥന നടത്തുന്നതിനുള്ള അനുമതി നൽകണമെന്ന് മുസ്ലിം സംഘടനകൾ ആവശ്യപ്പെട്ടിരുന്നു. അതുകൂടി പരിഗണിച്ചാണ് തീരുമാനം.
ഇലക്ട്രോണിക് ഷോപ്പുകളും ഇലക്ട്രോണിക് റിപ്പയര്‍ ഷോപ്പുകളും വീട്ടുപകരണങ്ങള്‍ വില്‍ക്കുന്ന ഷോപ്പുകളും കാറ്റഗറി എ, ബി പ്രദേശങ്ങളില്‍ തിങ്കള്‍മുതല്‍ വെള്ളിവരെ രാവിലെ ഏഴുമുതല്‍ രാത്രി എട്ടുവരെ പ്രവര്‍ത്തിക്കാനും അനുമതി നൽകി. മുഖ്യമന്ത്രിയുടെ അധ്യക്ഷതയിൽ ചേർന്ന വിദഗ്ധസമിതി യോഗമാണ് ഇൗ തീരുമാനമെടുത്തത്. ഞായറാഴ്ച ലോക്ഡൗൺ ഇളവുള്ള പ്രദേശങ്ങളിൽ മദ്യശാലകൾ തുറക്കാനും അനുമതി നൽകി.
എത്ര പരിമിതമായാലും ലോക്ഡൗൺ വലിയ സാമ്പത്തിക സാമൂഹിക പ്രത്യാഘാതങ്ങളുണ്ടാക്കുന്നുണ്ടെന്ന് മുഖ്യമന്ത്രി പറഞ്ഞു. രോഗവ്യാപനത്തി‍െൻറ ഗതി ദിവസേന വിലയിരുത്തി കൂടുതല്‍ ഇളവുകള്‍ പ്രഖ്യാപിക്കുന്നുണ്ട്. എന്നാല്‍, സംസ്ഥാനം ഇന്ന് നേരിടുന്ന ഗൗരവതരമായ സാഹചര്യം മറികടക്കാന്‍ നിയന്ത്രണങ്ങള്‍ കൂടിയേ തീരൂ. നിലവിലുള്ള നിയന്ത്രണങ്ങള്‍കൊണ്ടാണ് രോഗവ്യാപനം ഈ തോതില്‍ പിടിച്ചുനിര്‍ത്താന്‍ കഴിയുന്നവരെന്നും അേദ്ദഹം കൂട്ടിച്ചേർത്തു.
* വിശേഷദിവസങ്ങളില്‍ ആരാധനാലയങ്ങളില്‍ 40 പേര്‍ക്കുവരെ പ്രവേശനം. എണ്ണം പാലിക്കാൻ ചുമതലപ്പെട്ടവർ പ്രത്യേകം ശ്രദ്ധിക്കണം. ഒരു ഡോസ് വാക്സിനെങ്കിലും എടുത്തവര്‍ക്കാകണം പ്രവേശനം. മറ്റ് ദിവസങ്ങളിൽ നിലവിലെ നിയന്ത്രണം തുടരും.
* ഡി വിഭാഗത്തിലുള്ള പ്രദേശങ്ങളിലും ബക്രീദ് പ്രമാണിച്ച് നിയന്ത്രണങ്ങൾക്ക് വിധേയമായി തിങ്കളാഴ്ച കടകള്‍ തുറക്കും
* ബക്രീദ് പ്രമാണിച്ച് ഇന്നുമുതൽ ചൊവ്വവരെ മൂന്നുദിവസം എ, ബി, സി വിഭാഗങ്ങളിൽ കടകൾ തുറക്കാം
*കാറ്റഗറി എ, ബി പ്രദേശങ്ങളില്‍ ഇലക്ട്രോണിക് ഷോപ്പുകളും ഇലക്ട്രോണിക് റിപ്പയര്‍ ഷോപ്പുകളും വീട്ടുപകരണങ്ങള്‍ വില്‍ക്കുന്ന ഷോപ്പുകളും തിങ്കള്‍മുതല്‍ വെള്ളിവരെ രാവിലെ ഏഴുമുതല്‍ രാത്രി എട്ടുവരെ പ്രവര്‍ത്തിക്കാം
* എ, ബി വിഭാഗങ്ങളില്‍പെടുന്ന പ്രദേശങ്ങളില്‍ മറ്റു കടകള്‍ തുറക്കാന്‍ അനുമതിയുള്ള ദിവസങ്ങളില്‍ ബ്യൂട്ടി പാര്‍ലറുകളും ബാര്‍ബർ ഷോപ്പുകളും തുറക്കാം. ജീവനക്കാർ ഒരു ഡോസ് വാക്സിനെങ്കിലും എടുത്തിരിക്കണം.
* സീരിയല്‍ ഷൂട്ടിങ് അനുവദിച്ചതുപോലെ കാറ്റഗറി എ, ബി പ്രദേശങ്ങളില്‍ കര്‍ക്കശനമായ നിയന്ത്രണങ്ങൾക്ക് വിധേയമായി സിനിമ ഷൂട്ടിങ്ങും അനുവദിക്കും. ഒരു ഡോസെങ്കിലും വാക്സിന്‍ എടുത്തവര്‍ക്ക് മാത്രമാകണം പ്രവേശനം.
* എൻജിനീയറിങ്-പോളിടെക്നിക് കോളജുകളില്‍ സെമസ്റ്റര്‍ പരീക്ഷ ആരംഭിച്ചതിനാല്‍ ഹോസ്റ്റലുകളില്‍ താമസിക്കാന്‍ സൗകര്യം നല്‍കുന്നതിനുള്ള കൂടുതല്‍ ക്രമീകരണങ്ങള്‍ അടുത്ത അവലോകനയോഗം ചര്‍ച്ചചെയ്യും
തിരുവനന്തപുരം: കർക്കടക മാസ പൂജക്കായി ശബരിമലയിൽ 10,000 പേർക്ക് പ്രതിദിനം പ്രവേശനം അനുവദിച്ചു. ഇൗമാസം 21 വരെയാണ് അനുമതി. നേരത്തെ 5000 ഭക്തർക്ക് വെർച്വൽ ക്യൂവിലൂടെ പോകാമെന്നായിരുന്നു തീരുമാനം. അതാണ് വർധിപ്പിച്ചത്. ദർശനത്തിനായി എത്തുന്നവർ കൃത്യമായി കോവിഡ് പ്രോേട്ടാകോൾ പാലിക്കണമെന്നും ഉത്തരവിൽ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.