തിരുവനന്തപുരം: പൊന്നാനിയിലും കുറ്റ്യാടിയിലും ഉയർന്ന പ്രതിഷേധങ്ങളെ അവഗണിച്ച് 39 പുതുമുഖങ്ങളെ അണിനിരത്തി നിയമസഭ തെരഞ്ഞെടുപ്പിലേക്കുള്ള 83 അംഗ സ്ഥാനാർഥി പട്ടിക സി.പി.എം പ്രഖ്യാപിച്ചു. 85 മണ്ഡലങ്ങളിലാണ് മത്സരിക്കുന്നത്. മഞ്ചേശ്വരം, ദേവികുളം മണ്ഡലങ്ങളിലെ സ്ഥാനാർഥികളെ പിന്നീട് പ്രഖ്യാപിക്കും. 2016ൽ 92 സീറ്റിൽ മത്സരിച്ച സി.പി.എം അഞ്ച് സിറ്റിങ് സീറ്റുകൾ ഉൾപ്പെടെ ഏഴ് സീറ്റുകൾ ഇത്തവണ ഘടകകക്ഷികൾക്ക് വിട്ടുകൊടുെത്തന്ന് പ്രഖ്യാപനം നടത്തിയ ആക്ടിങ് സംസ്ഥാന സെക്രട്ടറി എ. വിജയരാഘവൻ പറഞ്ഞു.
ലോക്സഭ ഉപതെരഞ്ഞെടുപ്പ് നടക്കുന്ന മലപ്പുറം മണ്ഡലത്തിൽ എസ്.എഫ്.ഐ അഖിലേന്ത്യ പ്രസിഡൻറ് വി.പി. സാനു മത്സരിക്കും. മാഹി നിയോജക മണ്ഡലത്തിൽ സ്വതന്ത്രനായി മത്സരിക്കുന്ന എൻ. ഹരിദാസൻ മാസ്റ്റർക്ക് പിന്തുണ നൽകാനും സി.പി.എം തീരുമാനിച്ചു. സംസ്ഥാനത്ത് 74 പേർ സി.പി.എം ചിഹ്നത്തിൽ മത്സരിക്കുേമ്പാൾ ചവറയിലെ ഡോ. സുജിത് വിജയൻ ഉൾപ്പെടെ ഒമ്പത് പേർ സ്വതന്ത്രരാണ്.
വലിയ പ്രതിഷേധങ്ങൾ അരങ്ങേറിയ പൊന്നാനിയിൽ പി. നന്ദകുമാറിനെ തന്നെ സ്ഥാനാർഥിയാക്കിയപ്പോൾ കുറ്റ്യാടി, റാന്നി മണ്ഡലങ്ങൾ കേരള കോൺഗ്രസിന് വിട്ടുകൊടുത്ത തീരുമാനം തിരുത്താനും സംസ്ഥാന നേതൃത്വം തയാറായില്ല. മുഖ്യമന്ത്രി പിണറായി വിജയനും കെ.കെ. ശൈലജ, എം.എം. മണി, എ.സി. മൊയ്തീൻ, ടി.പി. രാമകൃഷ്ണൻ, കടകംപള്ളി സുരേന്ദ്രൻ, ജെ. മേഴ്സിക്കുട്ടിയമ്മ, കെ.ടി. ജലീൽ എന്നീ ഏഴ് മന്ത്രിമാരും പട്ടികയിൽ ഇടംപിടിച്ചു.
മന്ത്രിമാരായ ഇ.പി. ജയരാജൻ, തോമസ് ഐസക്, എ.കെ. ബാലൻ, ജി. സുധാകരൻ, സി. രവീന്ദ്രനാഥ്, സ്പീക്കർ പി. ശ്രീരാമകൃഷ്ണൻ ഉൾപ്പെടെ കഴിഞ്ഞ നിയമസഭയിൽ അംഗങ്ങളായ 33 പേർ മത്സരിക്കുന്നില്ല. 12 വനിതകൾ പട്ടികയിൽ ഇടംനേടി. സംസ്ഥാന സെക്രേട്ടറിയറ്റിൽനിന്ന് പിണറായി വിജയൻ, കെ.കെ. ശൈലജ, ടി.പി. രാമകൃഷ്ണൻ, എം.എം. മണി, എം.വി. ഗോവിന്ദൻ, കെ. രാധാകൃഷ്ണൻ, പി. രാജീവ്, കെ.എൻ. ബാലഗോപാൽ എന്നിവരും മത്സരിക്കും. 30 വയസ്സുവരെ പ്രായമുള്ള നാല് പേരും 30നും 40നുമിടയിൽ പ്രായമുള്ള ഒമ്പത് പേരും 41നും 50 വയസ്സിനുമിടയിൽ പ്രായമുള്ള 13 പേരും 51നും 60നുമിടയിലും പ്രായമുള്ള 33 പേരും പട്ടികയിൽ ഇടംനേടി. 60 വയസ്സിന് മുകളിൽ പ്രായമുള്ളത് 24 പേരാണ്.
28 അഭിഭാഷകർ ഉൾപ്പെടെ 42 പേർ ബിരുദധാരികളാണ്. ബിരുദാനന്തര ബിരുദമുള്ളവർ 14. രണ്ട് പേർ പിഎച്ച്.ഡിയുള്ളവരും ഒരാൾ ബി. ആർക്കുമാണ്. എം.ബി.ബി.എസ് ഡോക്ടർമാർ രണ്ടുപേരുണ്ട്.
സി.പി.എം സ്ഥാനാർഥിപ്പട്ടിക
തിരുവനന്തപുരം
- പാറശ്ശാല -സി.കെ. ഹരീന്ദ്രൻ
- നെയ്യാറ്റിൻകര -കെ. ആൻസലൻ
- വട്ടിയൂർക്കാവ് -വി.കെ. പ്രശാന്ത്
- കാട്ടാക്കട -ഐ.ബി. സതീഷ്
- നേമം -വി. ശിവൻകുട്ടി
- കഴക്കൂട്ടം -കടകംപള്ളി സുരേന്ദ്രൻ
- വർക്കല -വി. ജോയ്
- വാമനപുരം -അഡ്വ. ഡി.കെ. മുരളി
- ആറ്റിങ്ങൽ -ഒ.എസ്. അംബിക
- അരുവിക്കര -അഡ്വ. ജി. സ്റ്റീഫൻ
കൊല്ലം
- കൊല്ലം - എം. മുകേഷ്
- ഇരവിപുരം -എം. നൗഷാദ്
- കുണ്ടറ -ജെ. മേഴ്സിക്കുട്ടിയമ്മ
- കൊട്ടാരക്കര -കെ.എൻ. ബാലഗോപാൽ
- ചവറ -ഡോ. സുജിത് വിജയൻ (സ്വത.)
പത്തനംതിട്ട
- ആറന്മുള -വീണ ജോർജ്
- കോന്നി -കെ.യു. ജനീഷ് കുമാർ
ആലപ്പുഴ
- ചെങ്ങന്നൂർ -സജി ചെറിയാൻ
- കായംകുളം -അഡ്വ. യു. പ്രതിഭ
- അമ്പലപ്പുഴ -എച്ച്. സലാം
- അരൂർ -ദലീമ ജോജോ
- മാവേലിക്കര -എം.എസ്. അരുൺകുമാർ
- ആലപ്പുഴ -പി.പി. ചിത്തരഞ്ജൻ
കോട്ടയം
- ഏറ്റുമാനൂർ -വി.എൻ. വാസവൻ
- കോട്ടയം -കെ. അനിൽകുമാർ
- പുതുപ്പള്ളി -ജെയ്ക്ക് സി. തോമസ്
ഇടുക്കി
- ഉടുമ്പൻചോല -എം.എം. മണി
- ദേവികുളം -(പിന്നീട് പ്രഖ്യാപിക്കും)
എറണാകുളം
- എറണാകുളം -ഷാജി ജോർജ് (സ്വത.)
- കൊച്ചി -കെ.ജെ. മാക്സി
- വൈപ്പിൻ -കെ.എൻ. ഉണ്ണികൃഷ്ണൻ
- തൃക്കാക്കര -ഡോ. ജെ. ജേക്കബ്
- തൃപ്പൂണിത്തുറ -എം. സ്വരാജ്
- കളമശ്ശേരി -പി. രാജീവ്
- കോതമംഗലം -ആന്‍റണി ജോൺ
- കുന്നത്തുനാട് -പി.വി. ശ്രീനിജൻ
- ആലുവ -ഷെൽന നിഷാദലി
തൃശൂർ
- ഇരിങ്ങാലക്കുട -പ്രഫ. ആർ. ബിന്ദു
- വടക്കാഞ്ചേരി -സേവ്യർ ചിറ്റിലപ്പള്ളി
- മണലൂർ -മുരളി പെരുനെല്ലി
- ചേലക്കര -കെ. രാധാകൃഷ്ണൻ
- ഗുരുവായൂർ -എൻ.കെ. അക്ബർ
- പുതുക്കാട് -കെ.കെ. രാമചന്ദ്രൻ
- കുന്നംകുളം -എ.സി. മൊയ്തീൻ
പാലക്കാട്
- ആലത്തൂർ -കെ.ഡി. പ്രസേനൻ
- നെന്മാറ -കെ. ബാബു
- പാലക്കാട് - അഡ്വ. സി.പി. പ്രമോദ്
- മലമ്പുഴ -എ. പ്രഭാകരൻ
- കോങ്ങാട് -അഡ്വ. കെ. ശാന്തകുമാരി
- തരൂർ -പി.പി. സുമോദ്‌
- ഒറ്റപ്പാലം - അഡ്വ. കെ. പ്രേംകുമാർ
- ഷൊർണൂർ -പി. മമ്മികുട്ടി
- തൃത്താല -എം.ബി. രാജേഷ്
മലപ്പുറം
- മലപ്പുറം -പാലോളി അബ്ദുറഹ്മാൻ
- തവനൂർ -കെ.ടി. ജലീൽ (സ്വത.)
- പൊന്നാനി -പി. നന്ദകുമാർ
- താനൂർ -വി. അബ്ദുറഹ്മാൻ (സ്വത.)
- തിരൂർ -ഗഫൂർ ടി. ലില്ലീസ് (സ്വത.)
- വേങ്ങര - പി. ജിജി
- പെരിന്തൽമണ്ണ -കെ.പി. മുഹമ്മദ് മുസ്തഫ (സ്വത.)
- മങ്കട -അഡ്വ. റഷീദലി
- നിലമ്പൂർ -പി.വി. അൻവർ (സ്വത.)
- വണ്ടൂർ -പി. മിഥുന
- കൊണ്ടോട്ടി - സുലൈമാൻ ഹാജി (സ്വത.)
കോഴിക്കോട്
- കൊയിലാണ്ടി -കാനത്തിൽ ജമീല
- പേരാമ്പ്ര -ടി.പി. രാമകൃഷ്ണൻ
- ബാലുശ്ശേരി -സച്ചിൻ ദേവ്
- കോഴിക്കോട് നോർത്ത് - തോട്ടത്തിൽ രവീന്ദ്രൻ
- ബേപ്പൂർ -പി.എ. മുഹമ്മദ് റിയാസ്
- കൊടുവള്ളി -കാരാട്ട് റസാക്ക് (സ്വത.)
- തിരുവമ്പാടി -ലിന്റോ ജോസഫ്
- കുന്ദമംഗലം - പി.ടി. എ റഹീം (സ്വത.)
വയനാട്
- മാനന്തവാടി -ഒ.ആർ. കേളു
- സുൽത്താൻ ബത്തേരി -എം.എസ്. വിശ്വനാഥൻ
കണ്ണൂർ
- ധർമടം -പിണറായി വിജയൻ
- പയ്യന്നൂർ -ടി.ഐ. മധുസൂധനൻ
- കല്യാശ്ശേരി -എം. വിജിൻ
- അഴീക്കോട് -കെ.വി. സുമേഷ്
- മട്ടന്നൂർ -കെ.കെ. ശൈലജ
- തലശ്ശേരി -എ.എൻ. ഷംസീർ
- തളിപ്പറമ്പ് -എം.വി. ഗോവിന്ദൻ
- പേരാവൂർ -സക്കീർ ഹുസൈൻ
കാസർകോട്
- ഉദുമ -സി.എച്ച്. കുഞ്ഞമ്പു
- തൃക്കരിപ്പൂർ -എം. രാജഗോപാലൻ
- മഞ്ചേശ്വരം - (പിന്നീട് പ്രഖ്യാപിക്കും)
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.