പ്രവാചകനിന്ദയിൽ വ്യാപക പ്രതിഷേധം; രാജ്യത്തെ നാണം കെടുത്തി -മുഖ്യമന്ത്രി

കണ്ണൂർ: ബി.ജെ.പി വക്താക്കളിൽനിന്ന് പ്രവാചകനെതിരെയുണ്ടായ വർഗീയവിഷംചീറ്റുന്ന അധിക്ഷേപ പ്രസ്താവനകൾ രാജ്യത്തെ ലോകത്തിനുമുന്നിൽ നാണംകെടുത്തുന്ന അവസ്ഥയിലെത്തിച്ചെന്ന് മുഖ്യമന്ത്രി പിണറായി വിജയൻ. അനേകലക്ഷം ഇന്ത്യക്കാർക്ക് തൊഴിൽ നൽകുകയും നമ്മുടെ സമ്പദ് വ്യവസ്ഥയിലും പുരോഗതിയിലും നിർണായക സംഭാവനകൾ നൽകുകയും ചെയ്യുന്ന നിരവധി ഇസ്ലാമിക രാഷ്ട്രങ്ങൾ ഇതിനെതിരെ ശക്തമായ ശബ്ദമുയർത്താൻ ഇടയായിരിക്കുന്നു. ഇന്ത്യയോട് വളരെ സൗഹാർദപൂർവമായ ബന്ധം സൂക്ഷിക്കുന്ന രാജ്യങ്ങളാണ് ഇവയെല്ലാം. സംഘ്പരിവാറിന്‍റെ ഈ നടപടി രാജ്യത്തിന്‍റെ സാമ്പത്തിക കെട്ടുറപ്പുകൂടി ഇല്ലാതാക്കുകയാണ്. തലതിരിഞ്ഞ സാമ്പത്തികനയങ്ങൾ സൃഷ്ടിക്കുന്ന പ്രയാസങ്ങൾക്ക് പുറമേയാണ് ഇത്. വിദ്വേഷ പ്രചാരകരെ ശിക്ഷിക്കാൻ കേന്ദ്രം നടപടി സ്വീകരിക്കണം. വർഗീയശക്തികൾക്കെതിരെ പൊതുസമൂഹത്തിൽനിന്ന് ഒറ്റക്കെട്ടായ എതിർപ്പ് ഉയർന്നുവരണമെന്നും മുഖ്യമന്ത്രി ചൂണ്ടിക്കാട്ടി.

ടി. ആരിഫലി

മ​ല​പ്പു​റം: ബി.​ജെ.​പി നേ​താ​വ് നൂ​പു​ര്‍ ശ​ര്‍മ​യു​ടെ പ്ര​വാ​ച​ക​നി​ന്ദ പ​രാ​മ​ര്‍ശം സം​ഘ്പ​രി​വാ​ര്‍ തു​ട​ര്‍ന്നു​കൊ​ണ്ടി​രി​ക്കു​ന്ന ധ്രു​വീ​ക​ര​ണ രാ​ഷ്ട്രീ​യ​ത്തി​ന്റെ പു​തി​യ ഉ​ദാ​ഹ​ര​ണ​മാ​ണെ​ന്ന് ജ​മാ​അ​ത്തെ ഇ​സ്‍ലാ​മി അ​ഖി​ലേ​ന്ത്യ സെ​ക്ര​ട്ട​റി ജ​ന​റ​ല്‍ ടി. ​ആ​രി​ഫ​ലി. വ​ളാ​ഞ്ചേ​രി അ​ല്‍ ഫ​ജ്ര്‍ ഖു​ര്‍ആ​ന്‍ ഇ​ന്‍സ്റ്റി​റ്റ്യൂ​ട്ടി​ന്റെ ഉ​ദ്ഘാ​ട​നം നി​ര്‍വ​ഹി​ച്ച് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

പ്ര​സ്താ​വ​ന​ക്കെ​തി​രെ ആ​ഗോ​ള​ത​ല​ത്തി​ല്‍ ഉ​യ​ര്‍ന്നു​വ​ന്ന പ്ര​തി​ഷേ​ധ​ങ്ങ​ള്‍ ബ​ഹു​സ്വ​ര​ത​യെ മാ​നി​ക്ക​ണ​മെ​ന്ന ക​രു​ത്തു​റ്റ സ​ന്ദേ​ശ​മാ​ണ് ന​ല്‍കു​ന്ന​ത്.

ഇ​ന്ത്യ​യി​ല്‍ ആ​ഴ​ത്തി​ല്‍ വേ​രു​ക​ളു​ള്ള മു​സ്‍ലിം സ​മു​ദാ​യ​ത്തി​ന്റെ ആ​ദ​ര്‍ശ അ​ടി​ത്ത​റ​ക​ളെ ത​ക​ര്‍ക്കാ​നു​ള്ള ഫാ​ഷി​സ​ത്തി​ന്റെ ശ്ര​മ​ങ്ങ​ള്‍ വി​ജ​യി​ക്കാ​ന്‍ പോ​കു​ന്നി​ല്ല. ഫാ​ഷി​സ​ത്തി​ന് ആ​ളു​ക​ളെ ഇ​ല്ലാ​താ​ക്കാ​നാ​യാ​ലും ആ​ശ​യ​ങ്ങ​ളെ ഉ​ന്മൂ​ല​നം ചെ​യ്യാ​നാ​കി​ല്ല. ബ​ഹു​സ്വ​ര​ത​യെ ത​ക​ര്‍ത്ത് ഏ​ക​ശി​ലാ​ത്മ​ക​മാ​യ സം​സ്‌​കാ​ര​ത്തി​ലേ​ക്ക് രാ​ജ്യ​ത്തെ കൊ​ണ്ടു​പോ​കാ​നു​ള്ള ശ്ര​മ​ങ്ങ​ളെ കൂ​ട്ടാ​യി ചെ​റു​ത്തു തോ​ല്‍പി​ക്ക​ണ​മെ​ന്നും അ​ദ്ദേ​ഹം കൂ​ട്ടി​ച്ചേ​ര്‍ത്തു.

ചെന്നിത്തല

തിരുവനന്തപുരം: പ്രവാചകൻ മുഹമ്മദ് നബിയെക്കുറിച്ച് ബി.ജെ.പിയുടെ ഔദ്യോഗിക വക്താക്കൾ നടത്തിയ പരാമർശങ്ങൾ അപരിഷ്‌കൃതവും അപലപനീയവും അങ്ങേയറ്റം വിഷലിപ്തവും നിന്ദ്യവുമെന്ന്​ രമേശ് ചെന്നിത്തല. വിദ്വേഷ പ്രസംഗങ്ങളിൽനിന്ന് 'രാഷ്ട്രീയ ലാഭം' കൊയ്യുകയെന്ന ലക്ഷ്യത്തോടെ രാജ്യത്ത് വർഗീയ സംഘർഷം ആളിക്കത്തിക്കാനുള്ള ശ്രമമാണ് മോദിയുടെ വക്താക്കൾ നടത്തുന്നതെന്നും അദ്ദേഹം കുറ്റപ്പെടുത്തി.

നിന്ദ്യമായ അധിക്ഷേപത്തിനുപിന്നാലെ, കുവൈത്തും ഖത്തറും ഇറാനും ഇന്ത്യൻ പ്രതിനിധികളെ വിളിച്ചുവരുത്തി പ്രതിഷേധക്കുറിപ്പുകൾ കൈമാറിയെന്ന വാർത്ത ആർഷഭാരത സംസ്കാരത്തിൽ അഭിമാനം കൊള്ളുന്ന ഓരോ ഭാരതീയനും അപമാനപൂർവമേ ഉൾക്കൊള്ളാൻ കഴിയൂവെന്നും​ അദ്ദേഹം ഫേസ്​ബുക്കിൽ കുറിച്ചു.

കുഞ്ഞാലിക്കുട്ടി

മ​ല​പ്പു​റം: മ​ത വി​ദ്വേ​ഷം പ്ര​ച​രി​പ്പി​ച്ച് രാ​ഷ്ട്രീ​യ ലാ​ഭം നേ​ടാ​നു​ള്ള ശ്ര​മ​ങ്ങ​ൾ നി​ർ​ത്താ​ൻ ഭാ​വ​മി​ല്ലെ​ന്നാ​ണ് പ്ര​വാ​ച​ക​നെ നി​ന്ദി​ച്ച​തി​ലൂ​ടെ ബി.​ജെ.​പി തെ​ളി​യി​ക്കു​ന്ന​തെ​ന്ന്​ മു​സ്​​ലിം ലീ​ഗ്​ ദേ​ശീ​യ ജ​ന​റ​ൽ സെ​ക്ര​ട്ട​റി പി.​കെ. കു​ഞ്ഞാ​ലി​ക്കു​ട്ടി. ലോ​ക രാ​ജ്യ​ങ്ങ​ൾ​ക്കി​ട​യി​ൽ ഇ​ന്ത്യ​യു​ടെ മ​തേ​ത​ര മു​ഖം വി​കൃ​ത​മാ​യി​രി​ക്കു​ക​യാ​ണ്. ആ​ഗോ​ള​ത​ല​ത്തി​ൽ വ​ൻ പ്ര​തി​ഷേ​ധ​മാ​ണ് ഉ​യ​ർ​ന്നി​രി​ക്കു​ന്ന​ത്. ബി.​ജെ.​പി നേ​താ​ക്ക​ളു​ടെ പ്ര​സ്താ​വ​ന​യെ തു​ട​ർ​ന്നു​ണ്ടാ​യ ല​ഹ​ള​യു​ടെ ഭാ​ഗ​മാ​യി മു​സ്​​ലിം വി​ഭാ​ഗ​ത്തി​നെ​തി​രെ മാ​ത്രം ഏ​ക​പ​ക്ഷീ​യ​മാ​യി പൊ​ലീ​സ് കേ​സെ​ടു​ത്തി​രി​ക്കു​ക​യാ​ണെന്നും അ​ദ്ദേ​ഹം പറഞ്ഞു.

സാദിഖലി തങ്ങള്‍

മ​ല​പ്പു​റം: പ്ര​വാ​ച​ക​നി​ന്ദ ന​ട​ത്തു​ന്ന​വ​ര്‍ക്ക് മാ​തൃ​കാ​പ​ര​മാ​യ ശി​ക്ഷ ന​ല്‍ക​ണ​മെ​ന്നും കേ​ന്ദ്ര​സ​ര്‍ക്കാ​ര്‍ ഇ​ന്ത്യ​യു​ടെ പാ​ര​മ്പ​ര്യ​ത്തി​ന് ക​ള​ങ്കം സൃ​ഷ്ടി​ക്ക​രു​തെ​ന്നും മു​സ്​​ലിം ലീ​ഗ് സം​സ്ഥാ​ന പ്ര​സി​ഡ​ന്‍റ്​ പാ​ണ​ക്കാ​ട് സാ​ദി​ഖ​ലി ശി​ഹാ​ബ് ത​ങ്ങ​ള്‍. ബി.​ജെ.​പി വ​ക്താ​വ് ന​ട​ത്തി​യ പ്ര​വാ​ച​ക നി​ന്ദ പ​രാ​മ​ര്‍ശം മു​സ്​​ലിം ജ​ന​വി​ഭാ​ഗ​ത്തെ അ​ത്യ​ധി​കം വേ​ദ​നി​പ്പി​ക്കു​ന്ന​താ​ണ്. ഇ​ത്ത​രം അ​രു​താ​യ്മ​ക​ളെ നി​യ​മ​പ​ര​മാ​യി നേ​രി​ടാ​ന്‍ കേ​ന്ദ്ര സ​ര്‍ക്കാ​ര്‍ ത​യാ​റാ​ക​ണ​മെ​ന്നും ത​ങ്ങ​ള്‍ പ​റ​ഞ്ഞു. 

കെ.എൻ.എം

കോ​ഴി​ക്കോ​ട്: മു​ഹ​മ്മ​ദ് ന​ബി​യെ​യും കു​ടും​ബ​ത്തെ​യും അ​ധി​ക്ഷേ​പി​ച്ച്‌ വി​ശ്വാ​സി​സ​മൂ​ഹ​ത്തി​ന്‍റെ മ​ന​സ്സ് വ്ര​ണ​പ്പെ​ടു​ത്തി​യ സം​ഭ​വം സ​ർ​ക്കാ​ർ കൂ​ടു​ത​ൽ ഗൗ​ര​വ​ത്തോ​ടെ കാ​ണ​ണ​മെ​ന്ന് കെ.​എ​ൻ.​എം പ്ര​സി​ഡ​ന്‍റ്​ ടി.​പി. അ​ബ്ദു​ല്ല​ക്കോ​യ മ​ദ​നി. കു​റ്റ​ക്കാ​ർ​ക്കെ​തി​രെ പ്രാ​ഥ​മി​ക ന​ട​പ​ടി സ്വീ​ക​രി​ച്ച സ​ർ​ക്കാ​ർ അ​വ​രെ നി​യ​മ​ത്തി​ന്റെ മു​ന്നി​ലെ​ത്തി​ക്കാ​നും ത​യാ​റാ​വ​ണം. വി​ഷ​യ​ത്തി​ൽ പ്ര​ധാ​ന​മ​​ന്ത്രി നേ​രി​ട്ട് ഇ​ട​പെ​ട​ണം -അ​ദ്ദേ​ഹം പ്ര​സ്​​താ​വ​ന​യി​ൽ പ​റ​ഞ്ഞു.

എസ്.വൈ.എസ്

കോ​ഴി​ക്കോ​ട്: മു​ഹ​മ്മ​ദ് ന​ബി​യെ അ​ധി​ക്ഷേ​പി​ച്ചവ​ര്‍ക്കെ​തി​രെ ക​ടു​ത്ത ന​ട​പ​ടി സ്വീ​ക​രി​ക്കാ​ന്‍ കേ​ന്ദ്ര​സ​ര്‍ക്കാ​ര്‍ ത​യാ​റാ​ക​ണ​മെ​ന്ന് എ​സ്.​വൈ.​എ​സ് സം​സ്ഥാ​ന ജ​ന​റ​ൽ സെ​ക്ര​ട്ട​റി മു​ഹ​മ്മ​ദ് കോ​യ ത​ങ്ങ​ള്‍ ജ​മ​ലു​ല്ലൈ​ലി, വ​ര്‍ക്കി​ങ് സെ​ക്ര​ട്ട​റി അ​ബ്ദു​ല്‍ ഹ​മീ​ദ് ഫൈ​സി അ​മ്പ​ല​ക്ക​ട​വ്, സെ​ക്ര​ട്ട​റി അ​ബ്ദു​സ്സ​മ​ദ് പൂ​ക്കോ​ട്ടൂ​ര്‍ എ​ന്നി​വ​ര്‍ പ്ര​സ്താ​വ​ന​യി​ല്‍ ആ​വ​ശ്യ​പ്പെ​ട്ടു. 

പി.ഡി.പി

കോ​ഴി​ക്കോ​ട്​: പ്ര​വാ​ച​ക നി​ന്ദ​യി​ല്‍ സ​ര്‍ക്കാ​റും ബി.​ജെ.​പി​യും ലോ​ക​ത്തോ​ടും സ​മു​ദാ​യ​ത്തോ​ടും മാ​പ്പു​പ​റ​യ​ണ​മെ​ന്ന് പി.​ഡി.​പി കേ​ന്ദ്ര ക​മ്മി​റ്റി ആ​വ​ശ്യ​പ്പെ​ട്ടു.

ഐ.എൻ.എൽ

കോ​ഴി​ക്കോ​ട്: പ്ര​വാ​ച​ക​നെ​യും ഇ​സ്​​ലാ​മി​നെ​യും നി​ന്ദി​ച്ച ബി.​ജെ.​ബി നേതാക്കളുടെ വി​വേ​ക​ശൂ​ന്യ​മാ​യ ന​ട​പ​ടി ലോ​ക സ​മൂ​ഹ​ത്തി​നു മു​ന്നി​ൽ ഇ​ന്ത്യ​യെ നാ​ണം കെ​ടു​ത്തി​യെ​ന്ന് ഐ.​എ​ൻ.​എ​ൽ സം​സ്ഥാ​ന പ്ര​സി​ഡ​ന്റ് അ​ഹ​മ്മ​ദ് ദേ​വ​ർ​കോ​വി​ലും ജ​ന​റ​ൽ സെ​ക്ര​ട്ട​റി കാ​സിം ഇ​രി​ക്കൂ​റും പ്ര​സ്താ​വ​ന​യി​ൽ പ​റ​ഞ്ഞു. പ്ര​വാ​ച​ക നി​ന്ദ ന​ട​ത്തി​യ​വ​രെ മാ​തൃ​ക​പ​ര​മാ​യി ശി​ക്ഷി​ക്ക​ണ​മെ​ന്ന് ഐ.​എ​ൻ.​എ​ൽ നേ​താ​ക്ക​ൾ ആ​വ​ശ്യ​പ്പെ​ട്ടു.

സമസ്ത

കോ​ഴി​ക്കോ​ട്: രാ​ജ്യ​ത്തി​ന്‍റെ യ​ശ​സ്സി​ന് ക​ള​ങ്കം വ​രു​ത്തു​ന്ന വി​ധ​ത്തി​ല്‍ ഉ​ത്ത​ര​വാ​ദ​പ്പെ​ട്ട​വ​രി​ല്‍നി​ന്ന് നി​ര​ന്ത​ര​മു​ണ്ടാ​കു​ന്ന പ്ര​വാ​ച​ക നി​ന്ദ​യും പ​ര​മ​ത വി​ദ്വേ​ഷ പ്ര​ചാ​ര​ണ​വും ത​ട​യാ​ന്‍ ക​ര്‍ശ​ന നി​യ​മ​ന​ട​പ​ടി സ്വീ​ക​രി​ക്ക​ണ​മെ​ന്ന് സ​മ​സ്ത കേ​ര​ള ജം​ഇ​യ്യ​തു​ല്‍ ഉ​ല​മ പ്ര​സി​ഡ​ന്റ് മു​ഹ​മ്മ​ദ് ജി​ഫ്​​രി മു​ത്തു​ക്കോ​യ ത​ങ്ങ​ളും ജ​ന​റ​ൽ സെ​ക്ര​ട്ട​റി പ്ര​ഫ. കെ. ​ആ​ലി​ക്കു​ട്ടി മു​സ്‍ലി​യാ​രും ആ​വ​ശ്യ​പ്പെ​ട്ടു. കേ​ന്ദ്ര സ​ര്‍ക്കാ​ർ ഔ​ദ്യോ​ഗി​ക​മാ​യി മാ​പ്പു​പ​റ​യു​ക​യും പ്ര​വാ​ച​ക നി​ന്ദ ന​ട​ത്തി​യ​വ​ര്‍ക്കെ​തി​രെ മാ​തൃ​ക​പ​ര​മാ​യി ന​ട​പ​ടി സ്വീ​ക​രി​ക്കു​ക​യും വേ​ണം -നേ​താ​ക്ക​ള്‍ പ്ര​സ്താ​വ​ന​യി​ൽ പ​റ​ഞ്ഞു.