തിരുവനന്തപുരം: കേരളത്തിലെയും തമിഴ്നാട്ടിലെയും പ്രധാന റൂട്ടുകളിൽ ട്രെയിനുകളുടെ വേഗം വർധിപ്പിക്കുന്നതുമായി ബന്ധപ്പെട്ട് പ്രവർത്തനങ്ങൾ പുരോഗമിക്കുകയാണെന്ന് ദക്ഷിണ റെയിൽവേ അറിയിച്ചു. ഷൊർണൂർ-മംഗളൂരു പാതയിൽ വേഗം മണിക്കൂറിൽ 110 കി.മീറ്ററിൽനിന്ന് 130 കി.മീ ആക്കി വർധിപ്പിക്കുന്നതിനുള്ള ജോലികൾ 2025 മാർച്ചോടെ പൂർത്തിയാക്കും. പോത്തന്നൂർ-ഷൊർണൂർ സെക്ഷനിൽ (92.75 കി.മീ) വേഗം വർധിപ്പിക്കുന്ന ജോലികൾ 2026 മാർച്ചോടെ പൂർത്തിയാക്കും.
തിരുവനന്തപുരം-കായംകുളം ഭാഗങ്ങളിൽ വേഗം മണിക്കൂറിൽ 100 കിലോമീറ്ററിൽനിന്ന് 110 കിലോമീറ്ററായും കായംകുളം-തുറവൂരിൽ 90 കിലോമീറ്ററിൽനിന്ന് 110 കിലോമീറ്ററായും തുറവൂർ-എറണാകുളം മണിക്കൂറിൽ 80 കിലോമീറ്ററിൽനിന്ന് 110 കിലോമീറ്ററായും എറണാകുളം- ഷൊർണൂർ റൂട്ടിൽ 80 കി.ലോമീറ്ററിൽനിന്ന് 90 കിലോമീറ്റർ വേഗതക്കും ആദ്യഘട്ടത്തിൽ ട്രാക്, സിഗ്നനൽ സംവിധാനങ്ങൾ മാറ്റും.
രണ്ടാംഘട്ടത്തിൽ മണിക്കൂറിൽ 110 കിലോമീറ്ററിൽനിന്ന് 130ലേക്ക് സിഗ്നൽ സംവിധാനങ്ങൾ പുനഃക്രമീകരിക്കുക. തിരുവനന്തപുരം-മംഗളൂരു റൂട്ടിൽ ആലപ്പുഴ, കോട്ടയം ഭാഗങ്ങൾ വഴി മണിക്കൂറിൽ 130-160 കിലോമീറ്ററായി ട്രെയിൻ വേഗം വർധിപ്പിക്കുന്നതിനുള്ള സാധ്യത പഠനം പുരോഗമിക്കുകയാണെന്നും ദക്ഷിണ റെയിൽവേ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.