ഉണക്കച്ചെമ്മീന്‍ ചമ്മന്തിപ്പൊടി
ചേരുവകള്‍:
- ഉണക്കച്ചെമ്മീന്‍ വറുത്തു പൊടിച്ചത് -അര കിലോ
- ഉണക്കമുളക് വറുത്തു പൊടിച്ചത് -50 ഗ്രാം
- ഉപ്പ് -പാകത്തിന്
തയാറാക്കുന്ന വിധം:
ചെമ്മീനും മുളകും ഉപ്പും ചേര്‍ത്തിളക്കി കാറ്റുകടക്കാത്ത ഭരണിയില്‍ സൂക്ഷിക്കാം. (അരമുറി തേങ്ങയില്‍ ഒരു സ്പൂണ്‍ ചെമ്മീന്‍പൊടി ചേര്‍ത്ത് തിരുമ്മിയാല്‍ നല്ല ചെമ്മീന്‍ ചമ്മന്തി തയാര്‍).
അയല ഉണക്കിയത് ചമ്മന്തിപ്പൊടി - അയല ഉണക്കിയത് പൊരിച്ചത് -അര കിലോ
- കുത്തിയ മുളകുപൊടി -ഒരു ഗ്ളാസ്
- ഉഴുന്നുപരിപ്പ്, പരിപ്പ് -50 ഗ്രാം വീതം
- ഉപ്പ് -വേണമെങ്കില്‍ മാത്രം
തയാറാക്കുന്ന വിധം:
- ഗ്രൈന്‍ഡറില്‍ അയല ഉണക്കിയത് മുള്ളുകളുള്‍പ്പെടെ പൊടിച്ചെടുക്കുക.
- വെളിച്ചെണ്ണയില്‍ പരിപ്പുകള്‍ വറുത്ത് ഗ്രൈന്‍ഡറില്‍ പൊടിക്കുക.
- പൊടിച്ചുവെച്ച മീനിലേക്ക് പരിപ്പുകള്‍ പൊടിച്ചതും മുളകുപൊടിയും ആവശ്യമെങ്കില്‍ മാത്രം ഉപ്പും ചേര്‍ത്തിളക്കി കൂട്ടുക. ചമ്മന്തിപ്പൊടി തയാര്‍.
- തേങ്ങ ചിരകിയതില്‍ ഒരു സ്പൂണ്‍ ചേര്‍ത്ത് തിരുമ്മിയാല്‍ മറ്റൊരു ചമ്മന്തിപ്പൊടി കൂടി ഉണ്ടാക്കാം.
ഇഡ്ഡലി ചമ്മന്തിപ്പൊടി
- മുതിര -100 ഗ്രാം
- തുവരപ്പരിപ്പ് -100 ഗ്രാം
- ഉഴുന്നുപരിപ്പ് -100 ഗ്രാം
- കടലപ്പരിപ്പ് -100 ഗ്രാം
- അരി മണി -100 ഗ്രാം
- വറ്റല്‍മുളക് -50 ഗ്രാം
- ഉപ്പ് -പാകത്തിന്
- കായപ്പൊടി -ഒരു മണത്തിനുവേണ്ടി അല്‍പം
ഇവയെല്ലാം എണ്ണ ചേര്‍ക്കാതെ വറുത്തെടുക്കുക. ചുവക്കനെ വേണം വറുക്കാന്‍. ചുവന്ന മുളകും പാകത്തിന് വറുത്തെടുത്ത് പൊടിച്ചുവെക്കുക. ഇനി വറുത്ത പരിപ്പുകളെല്ലാം തരുതരുപ്പനെ പൊടിച്ചെടുത്ത് മുളകുപൊടിച്ചതും കായവും ഉപ്പും ചേര്‍ത്തിളക്കി ഭരണിയില്‍ സൂക്ഷിക്കാം.
തയാറാക്കിയത്: ഷീബ നെബീല്‍
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.