വട്ടപ്പേര് -ജേക്കബ് എബ്രഹാം എഴുതിയ കഥ

പ​ഞ്ച​വ​ടി​യു​ടെ വി.​ഐ.​പി ബാ​റി​ൽ ന​ല്ല സാ​ധ​നം കി​ട്ടും. താ​ഴെ ക​ല​ക്കാ​ണെ​ന്ന് ഒ​രു വ​ർ​ത്ത​മാ​ന​മു​ണ്ട്. കൂ​ലി​ക്ക് ലേ​ബ​ലൊ​ട്ടി​ച്ച് സാ​ധ​നം മ​റി​ക്കാ​ൻ നി​റ​യെ ആ​ളു​ണ്ട്. ഗോ​ഡൗ​ണു​ണ്ട്. പ​ല​ർ​ക്കും ത​ല​യ്ക്കു പി​ടി​ച്ചാ​മ​തി. ല​ക്കു​വി​ട്ടാ സാ​ധ​ന​ത്തി​​ന്റെ ഗു​ണ​ഗ​ണ​ങ്ങ​ൾ ആ​രു നോ​ക്കു​ന്നു. പ​ഞ്ച​വ​ടി​യി​ലെ കൊ​ട്ടു​വ​ടി അ​ങ്ങ​നെ​യാ​ണ് പ​റ​യു​ന്ന​ത്. ബാ​റി​ന​ക​ത്തേ​ക്ക് ക​യ​റു​ക​യാ​യി​രു​ന്നു. വ​ലി​യ ബാ​ർ ഹോ​ട്ട​ലാ​ണ്. മു​ൻ​വ​ശ​ത്തെ വ​ലി​യ ഗേ​റ്റും വാ​തി​ലും വി.​ഐ.​പി.​ക​ൾ​ക്കു​ള്ള​താ​ണ്. ചെ​റി​യ ഇ​ട​വ​ഴി​യി​ലൂ​ടെ​യാ​ണ് സാ​ധാ​ര​ണ​ക്കാ​രെ ബാ​റി​ലേ​ക്ക് വി​ടു​ന്ന​ത്. ന​ര​ക​ത്തി​ലേ​ക്കു​ള്ള വാ​തി​ലോ, സ്വ​ർ​ഗ​ത്തി​ലേ​ക്കു​ള്ള വാ​തി​ലോ? ഇ​ടു​ങ്ങി​യ​തു​ത​ന്നെ. മ​ന​സ്സി​​ന്റെ ബ​ഹ​ള​ങ്ങ​ളെ അ​ട​ക്കി​യി​രു​ത്താ​നാ​ണ് കു​ടി​ക്കു​ന്ന​ത്. എ​ന്നാ​ലൊ​ട്ട് അ​ട​ങ്ങു​മോ..? ഹോ​ണ​ടി​ച്ച് ബ​ഹ​ളം​വെ​ക്കും. ചെ​റി​യ ഗേ​റ്റു​ള്ള ബാ​റി​ലേ​ക്കു​ള്ള വ​ഴി​യി​ൽ കി​ള​വി ഇ​രി​പ്പു​ണ്ട്. ന​ര​ച്ച ത​ല ക​ണ്ടു.

പു​ഴു​ങ്ങി​യ മു​ട്ട, സി​ഗ​ര​റ്റ്, ഖൈ​നി, ഹാ​ൻ​സ്​ തു​ട​ങ്ങി പാ​ക്ക​റ്റ് ഐ​റ്റം​സ്...​ കു​ടി​യ​ന്മാ​ർ​ക്ക് വേ​ണ്ട സാ​ധ​ന​ങ്ങ​ളാ​ണ് കി​ള​വി​യു​ടെ ത​ട്ടി​ലു​ള്ള​ത്. കാ​ണു​ന്ന​കാ​ലം​തൊ​ട്ട് കി​ള​വി​യു​ടെ ത​ട്ടു​ണ്ട്. ത​ല ക​ണ്ട​തും കി​ള​വി ത​ല കു​നി​ച്ചു​ക​ള​ഞ്ഞു. ക​ഴി​ഞ്ഞ ആ​ഴ്ച ന​ട​ന്ന സം​ഭ​വ​മാ​ണ് കി​ള​വി​യെ​ക്കൊ​ണ്ട് ത​ല​കു​നി​പ്പി​ച്ച​ത്. ശ​നി​യാ​ഴ്ച ബാ​റി​ൽ​നി​ന്ന് പു​റ​ത്തേ​ക്കി​റ​ങ്ങി വ​രു​ക​യാ​യി​രു​ന്നു. വി​ല കു​റ​ഞ്ഞ സാ​ധ​നം നാ​ലെ​ണ്ണം വി​ട്ട​തി​ന്റെ ആ​ച്ചു​ണ്ടാ​യി​രു​ന്നു. ന​ല്ല വി​ശ​പ്പാ​യി​രു​ന്നു. തീ​വെ​ള്ളം ഒ​ഴി​ച്ച​തോ​ടെ കു​ട​ല് ക​ത്തി വ​ലി​യ അ​ടു​പ്പി​ലേ​ക്ക് ചെ​റി​യ വി​റ​കി​ട്ട​പോ​ലെ ഒ​രാ​ള​ൽ. പൊ​രി​പൊ​രി​യാ​യി എ​രി​ഞ്ഞു ക​ത്തും​പോ​ലെ. ബാ​റി​ൽ​നി​ന്നും ഒ​ന്നും തി​ന്നാ​ൻ പ​റ്റി​ല്ല. ഒ​ടു​ക്ക​ത്തെ കാ​ശാ​ണ്. അ​തു​കൊ​ണ്ടാ​ണ് കി​ള​വി​യു​ടെ പു​ഴു​ങ്ങി​യ മു​ട്ട​ക്ക് ഇ​ത്ര ഡി​മാ​ൻ​ഡ്. ഒ​ന്ന​ല്ല മൂ​ന്നു മു​ട്ട. ഒ​ന്നി​നു പു​റ​കെ ഒ​ന്നാ​യി തി​ന്നു. പു​ഴു​ങ്ങി​യ മു​ട്ട വ​ര​ഞ്ഞ് ഉ​പ്പും മു​ള​കും പു​ര​ട്ടി​വെ​ച്ചി​രി​ക്കും. വി​റ​കി​ടു​ന്ന​പോ​ലെ തീ​വെ​ള്ള​ത്തി​ലേ​ക്ക് മു​ട്ട​യി​ട്ട് ഏ​മ്പ​ക്കം വി​ട്ടു. കി​ള​വി​യി​ൽ​നി​ന്നും ഒ​രു സി​ഗ​ര​റ്റ് വാ​ങ്ങി ക​ത്തി​ച്ചു. പ​ല​തും ആ​ലോ​ചി​ച്ച് നി​ൽ​ക്കാ​ൻ തു​ട​ങ്ങി.

–ഏ​യ് ക​ഞ്ചാ​വ് കി​ള​വി...

ഏ​തോ കു​ടി​യ​ൻ ചു​മ്മാ വി​ളി​ച്ചു. ചി​ല​ർ ക​ഞ്ചാ​വ് കി​ള​വി​യെ​ന്നും വി​ളി​ക്കും.

–ഡേ​യ്... ഞാ​നാ ക​ഞ്ചാ​വ് കി​ള​വി​യു​ടെ ത​ട്ടി​ൽ നി​ൽ​ക്കാം.

പ​ല​രും അ​ട​യാ​ളം പ​റ​യും

–ഒ​രു പെ​ഗ്ഗൂ​ടെ പ​റ​യെ​ടാ...

–പോ​ടാ... കാ​ശി​ല്ല... ഇ​ന്നെ​ങ്കി​ലും ക​ഞ്ചാ​വ് കി​ള​വി​യു​ടെ പ​റ്റ് തീ​ർ​ക്ക​ണം.

അ​ങ്ങ​നെ​യും പ​റ​യും. പ​റ്റ് പ​റ​യാ​റി​ല്ല.

മു​ട്ട തി​ന്ന് തീ​ർ​ന്ന​തോ​ടെ ഒ​രു സി​സ​ർ​ഫി​ൽ​ട്ട​ർ വാ​ങ്ങി ക​ത്തി​ച്ചു. പു​ക​വി​ട്ടു. മൂ​ന്ന് പു​ഴു​ങ്ങി​യ മു​ട്ട ചി​ല​വാ​യ​തി​​ന്റെ സ​ന്തോ​ഷ​ത്തി​ൽ കി​ള​വി കു​ശ​ലം പ​റ​യാ​ൻ വ​ന്നു.

–മോ​നെ ക​ണ്ടാ​ൽ യേ​ശു​വി​നെ പോ​ലെ​യു​ണ്ട്.

–ഞാ​ൻ യേ​ശു​വാ...

അ​ങ്ങ​നെ പ​റ​ഞ്ഞ​പ്പോ​ൾ കി​ള​വി ഞെ​ട്ടി.

ക​ളി​യാ​ക്കു​ന്ന​തു​പോ​ലെ തോ​ന്നി​ക്കാ​ണും. പാ​വം...

–എ​ന്റെ പേ​ര് യേ​ശു​ദാ​സ്​! യേ​ശു​വെ​ന്ന് വി​ളി​ക്കും.

ഞാ​ൻ സ്​​കൂ​ളി​ൽ ടീ​ച്ച​റി​നോ​ട് പ​റ​യും​പോ​ലെ പ​റ​ഞ്ഞു.

–യേ​ശു​ദാ​സ്​! യേ​ശു​ദാ​സ്​!

ടീ​ച്ച​ർ പേ​പ്പ​റി​ൽ നോ​ക്കി വി​ളി​ക്കു​മ്പോ​ൾ പ്ര​സ​ന്റ് ടീ​ച്ച​ർ! എ​ന്ന് പ​റ​ഞ്ഞ് എ​ഴു​ന്നേ​റ്റ് നി​ന്നി​ട്ടു​ണ്ട്. പി​ന്നെ പി​ള്ളാ​രെ​ല്ലാം യേ​ശു... യേ​ശു... എ​ന്ന് വി​ളി​ക്കും.

സാ​റ എ​ന്ന ക്രി​സ്​​ത്യാ​നി കൊ​ച്ചാ​ണ് ആ​ദ്യം അ​ങ്ങ​നെ പ​റ​ഞ്ഞ​ത്.

–നീ ​ഹി​ന്ദു​വ​ല്ലേ... നി​ന​ക്കെ​ന്തി​നാ ഞ​ങ്ങ​ടെ യേ​ശു​വി​​ന്റെ പേ​ര് വ​ച്ചി​രി​ക്കു​ന്ന​ത്..?

ടീ​ച്ച​ർ കേ​ട്ടു​കൊ​ണ്ടു​വ​ന്നു. സാ​റ​യു​ടെ സാ​മ​ർ​ഥ്യം ടീ​ച്ച​റി​ന് ഇ​ഷ്​​ട​പ്പെ​ട്ടി​ല്ല.

–സാ​റ... യേ​ശു​ദാ​സി​​ന്റെ പാ​ട്ട് കേ​ട്ടി​ട്ടി​ല്ലേ. ഗാ​ന​ഗ​ന്ധ​ർ​വ​ൻ യേ​ശു​ദാ​സ്.

യേ​ശു​ദാ​സ്​ ഹി​ന്ദു​വാ​ണോ ക്രി​സ്​​ത്യാ​നി​യാ​ണോ... സാ​റ ചോ​ദി​ക്കു​ന്ന​ത് കേ​ട്ടു. ടീ​ച്ച​റി​ന് മ​റു​പ​ടി പ​റ​യാ​ൻ ക​ഴി​ഞ്ഞി​ല്ല. സാ​റ​യെ​യും വി​ളി​ച്ചു​കൊ​ണ്ട് സാ​റ​ന്മാ​രു​ടെ കൂ​ട്ട​ത്തി​ലേ​ക്ക് ടീ​ച്ച​ർ ന​ട​ന്നു​പോ​യ​പ്പോ​ൾ മൈ​താ​ന​ത്തേ​ക്ക് ഓ​ടി.

യേ​ശു​ദാ​സി​നെ​പ്പോ​ലെ പാ​ട്ടു​കാ​ര​നാ​യി​ല്ല. യേ​ശു​ദാ​സി​നെ ആ​രെ​ങ്കി​ലും യേ​ശു എ​ന്ന് വി​ളി​ക്കാ​റു​ണ്ടാ​കു​മോ..? ഉ​ണ്ട്, ചി​ല​സം​ഗീ​ത​സം​വി​ധാ​യ​ക​ർ. കി​ള​വി പ​റ​ഞ്ഞ​തു കേ​ട്ട​പ്പോ​ൾ തോ​ന്നി.

–മോ​നെ ക​ണ്ടാ​ൽ യേ​ശു ക​ർ​ത്താ​വി​നെ പോ​ലെ​യു​ണ്ട്.

കി​ള​വി കൊ​ന്ത​യി​ൽ ത​ട​വി​ക്കൊ​ണ്ട് പ​റ​ഞ്ഞു. കു​രി​ശു വ​ര​ച്ചു.

–മോ​ൻ ക്രി​സ്​​ത്യാ​നി​യാ​ണോ..?

–അ​ല്ല...

–പാ​പി​ക​ളെ​യും ചു​ങ്ക​ക്കാ​രെ​യും ര​ക്ഷി​ച്ച യേ​ശു... കാ​നാ​വി​ലെ ക​ല്യാ​ണ​ത്തി​ന് പ​ച്ച​വെ​ള്ളം വീ​ഞ്ഞാ​ക്കി​യ യേ​ശു... ലാ​സ​റി​നെ ക​ല്ല​റ​യി​ൽ​നി​ന്നും ഉ​യ​ർ​പ്പി​ച്ച യേ​ശു... ചു​ങ്ക​ക്കാ​രെ​യും പാ​പി​ക​ളെ​യും ര​ക്ഷി​ച്ച യേ​ശു... അ​ഞ്ച​പ്പം​കൊ​ണ്ട് അ​യ്യാ​യി​രം പേ​രെ ഊ​ട്ടി​യ യേ​ശു... ന​മു​ക്ക് വേ​ണ്ടി കു​രി​ശി​ൽ ജീ​വ​ൻ വെ​ടി​ഞ്ഞ യേ​ശു... ക​ർ​ത്താ​വാ​യ യേ​ശു അ​പ്പ​ച്ചാ... നാ​ഥാ...

ക​ഞ്ചാ​വ് കി​ള​വി കൊ​ന്ത​യി​ൽ പി​ടി​ച്ച് ക​ര​യാ​ൻ തു​ട​ങ്ങി. കി​ള​വി ഒ​രു പ​ള്ളി​പ്പാ​ട്ട് പാ​ടാ​ൻ തു​ട​ങ്ങി. അ​രോ​ച​ക​മാ​യ തൊ​ള്ള തു​റ​ന്നു. കു​ടി​ച്ച് പി​മ്പി​രി​യാ​യ ര​ണ്ട​വാ​ർ മു​ട്ട​ക്കു വ​ന്ന് നി​ന്ന​പ്പോ​ൾ അ​ന്ന് യേ​ശു​വി​ൽ​നി​ന്ന് ഒ​ഴി​വാ​യി പോ​യി. മീ​ശ വ​ള​ർ​ന്ന് മു​ടി വ​ള​ർ​ന്ന് ഒ​ഴു​കി​ത്തു​ട​ങ്ങി​യ​പ്പോ​ൾ മു​ത​ലാ​ണ് യേ​ശു​വെ​ന്ന വി​ളി വാ​ളി​പ്പ​യ​ലു​ക​ൾ വി​ളി​ക്കാ​ൻ തു​ട​ങ്ങി​യ​ത്.

വി​ള​യി​ലൂ​ടെ പാ​ലം ക​ട​ന്ന് ഒ​രു തേ​രി ക​യ​റി തെ​ങ്ങി​ൻ​തോ​പ്പി​ലെ ചെ​ല്ല​ണ്ണ​​ന്റെ ചീ​ട്ടു​ക​ളി​ക്ക​ള​ത്തി​ലേ​ക്ക് ന​ട​ക്കു​ക​യാ​യി​രു​ന്നു. കാ​ല​ത്ത് പ​ത്തു​മ​ണി എ​ന്നുവെ​ച്ചാ​ൽ ഇ​വ​ന്മാ​ർ ചീ​ട്ടു​ക​ളി​ക്കാ​നി​രു​ന്ന് തു​ട​ങ്ങും. ചി​ല​ർ മു​റു​ക്കാ​ൻ ക​ട​ക​ൾ​ക്കു മു​ന്നി​ലു​ള്ള ബ​ഞ്ച് വി​ട്ട് ഉ​ണ​ർ​ന്ന​തു​പോ​ലെ ക​ള​ത്തി​ലേ​ക്ക് ന​ട​ക്കും. ചാ​യ​ക്ക​ട​ക​ളി​ൽ ഇ​രു​ന്ന് നേ​രം തു​ല​യ്ക്കു​ന്ന​വ​ന്മാ​ർ എ​ന്ത​രാ​യാ​ലും ചെ​ല്ല​പ്പ​ണ്ണ​​ന്റെ ക​ള​മു​ണ്ട​ല്ലോ എ​ന്ന് പ​റ​ഞ്ഞ് ചാ​യ ക​ടം പ​റ​ഞ്ഞ് ക​ട വി​ട്ടി​റ​ങ്ങും. കെ​ട്ടി​ട​ത്തി​ണ്ണ​ക​ളി​ലും സി.​എ​സ്.​ഐ പ​ള്ളി​യു​ടെ മു​മ്പി​ലും നി​ക്കു​ന്ന​വ​ന്മാ​ര് കൂ​ടെ ക​ള​ത്തി​ലെ​ത്തു​ന്ന​തു​പോ​ലെ ചെ​ല്ല​പ്പ​ണ്ണ​ൻ ചീ​ട്ടു ക​ശ​ക്കി​ത്തു​ട​ങ്ങും. കാ​ശു​വെ​ച്ചു​ള്ള ക​ളി​യാ​യ​തു​കൊ​ണ്ട് അ​ണ്ണ​ൻ പ​റ​യും.

–എ​ടേ... യേ​ശു​വേ... നീ ​ചീ​ട്ടേ​ലൊ​ന്ന് തൊ​ട​ടേ... ഐ​ശ്വ​ര്യം വ​ര​ട്ട്...

കൂ​ടെ​യി​രി​ക്കു​ന്ന​വ​ന്മാ​ർ ചി​രി​ക്കും. കു​റ​ച്ച് നേ​രം ക​ളി നോ​ക്കി​യി​ട്ട് ക​ളം വി​ട്ട് വി​ള​യി​റ​ങ്ങി ന​ട​ക്കും. പി​ന്നി​ൽ യേ​ശു​വേ... യേ​ശു​വേ... എ​ന്നു​ള്ള വി​ളി കേ​ൾ​ക്കാ​നാ​വും... പ​ല​പ്പോ​ഴും ഇ​ര​ട്ട​പ്പേ​ര് വീ​ണ​ത് കാ​ര​ണം പ​ണി​ക്ക് പോ​ക​ണ്ടാ​ന്ന് വ​രെ തോ​ന്നി​യി​ട്ടു​ണ്ട്.

പി​ള്ള​യു​ടെ ചാ​യ​ക്ക​ട​യി​ൽ ഇ​ത്തി​രി​പ്പൂ​ലം അ​ക്ക​ൻ പ​റ​ഞ്ഞ​ത് കേ​ട്ടാ ചെ​വി പൊ​ളി​യും. പി​ള്ള​യു​ടെ വി​ള​മ്പു​കാ​രി​യാ​ണ് അ​ക്ക​ൻ. കി​ള​രം കു​റ​വാ​യ​തു​കൊ​ണ്ട് ആ​ളു​ക​ൾ ഇ​ത്തി​രി​പ്പൂ​ലം അ​ക്ക​ൻ എ​ന്ന ഇ​ര​ട്ട​പ്പേ​രി​ട്ടു. ഇ​ത്തി​രി​പ്പൂ​ലം എ​ന്നു പ​റ​ഞ്ഞാ​ൽ അ​ൽപം എ​ന്നാ​ണ് അ​ർ​ഥം എ​ന്ന് അ​ക്ക​ൻത​ന്നെ പ​റ​യും.

ഒ​രി​ക്ക​ൽ പ​ണി​ക്ക് പോ​കാ​തെ ചാ​യ​ക്ക​ട ബ​ഞ്ചി​ൽ മ​ടി​പി​ടി​ച്ചി​രു​ന്ന​പ്പോ​ൾ അ​ക്ക​ൻ പ​റ​ഞ്ഞു​ക​ള​ഞ്ഞു.

ഡേ​യ്... യേ​ശു​വേ വേ​ല ചെ​യ്യാ​തെ ചു​മ്മാ​തി​രു​ന്ന് അ​പ്പീ ഉ​ണ​ങ്ങി​ച്ചാ​വു​ന്ന​തി​നേ​ക്കാ​ൾ ന​ല്ല​ത് പ​ണി​ക്ക് പോ​വു​ന്ന​താ​ണ് മ​ക്ക​ളേ... വ​ല്ല പ​ന്നി​ക്കൂ​ട്ടി​ലോ, ക​ക്കൂ​സി​ലോ, തോ​ട്ട​ങ്ങ​ളി​ലോ, പു​ര​യി​ട​ങ്ങ​ളി​ലോ അ​വ​ന​വ​​ന്റെ ഉ​ള്ള ജോ​ലി​യും ചെ​യ്ത് വ​യ​റു​നി​റ​യെ ക​ഞ്ഞി​യും കു​ടി​ച്ച് കി​ട​ക്കു​ന്ന​താ​ണ് മ​ക്ക​ളേ അ​ന്ത​സ്സ്...

ബ​ഞ്ചി​ൽ​നി​ന്ന് മെ​ല്ലെ എ​ഴു​ന്നേ​റ്റ് റോ​ഡി​ലേ​ക്ക് ക​യ​റി. അ​ന്ന് പ​ണി​ക്കും പോ​യി.

നേ​ശ​യ്യ​ൻ ക​ൺ​ട്രാ​ക്കി​​ന്റെ കൂ​ടെ അ​ടി​മ​ല​ത്തു​റ​യി​ലെ മേ​രി​യു​ടെ വീ​ട്ടി​ൽ പോ​യ​പ്പോ​ഴാ​ണ് പി​ന്നീ​ട് യേ​ശു​വി​നെ​ക്കു​റി​ച്ച് കേ​ട്ട​ത്. നേ​ശ​യ്യ​ൻ ക​ൺ​ട്രാ​ക്ക് കു​റി​യ മ​നു​ഷ്യ​ൻ. പ​ക​ൽ മു​ഴു​വ​ൻ ഓ​ടി​ന​ട​ന്ന് പ​ണി​യെ​ടു​ക്കും. പ​ണി​യെ​ടു​പ്പി​ക്കും. ഇ​രു​ട്ട് വീ​ഴു​മ്പോ​ൾ ശ​രീ​ര​ത്തി​​ന്റെ ക്ഷീ​ണം മാ​റ്റാ​ൻ ന​ല്ലോ​ണം തി​ന്നും, കു​ടി​ക്കും. പി​ന്നെ മ​റ്റൊ​രു ശ​രീ​ര​ത്തി​ൽ ത​​ന്റെ ശ​രീ​ര​ത്തെ ഇ​റ​ക്കി​വെ​ക്ക​ണം. മേ​രി​യു​ടെ വീ​ട്ടി​ൽ​പോ​യ ദി​വ​സം നേ​ശ​യ്യ​ൻ നേ​ര​ത്തേ​യി​റ​ങ്ങി പോ​യി. ഇ​രു​ട്ടി​ൽ ഒ​രു വെ​ള്ള​മി​ന്നാ​യം​പോ​ലെ. അ​യാ​ൾ തീ​ര​ത്തൂ​ടെ ഒ​ഴു​കി ഒ​ഴു​കി പോ​യി.

–ഡേ​യ്... നീ ​പ​തി​യെ പോ​ന്നാ മ​തി... ഞാ​ൻ പോ​ണ്. വീ​ട്ടി​ൽ ചെ​ല്ല​ണ്ട അ​ത്യാ​വ​ശ്യ​ങ്ങ​ളു​ണ്ട്.

ക​ട​ൽ​ക്ക​ര​യി​ലൂ​ടെ സി​ഗ​ര​റ്റ് ക​ണ്ണെ​രി​ഞ്ഞു. ക​ട​ലി​ൽ വെ​ട്ടം വീ​ണു. മേ​രി​യു​ടെ കൂ​ര​യു​ടെ അ​ടു​ക്ക​ള​വാ​തി​ലി​ലൂ​ടെ ക​ട​ൽ ക​ളി​ക്കു​ന്ന​ത് കാ​ണാം.

–എ​ന്ത​ര​ണ്ണാ മു​ഖ​ത്തൊ​രു വാ​ട്ടം​പോ​ലെ... കാ​പ്പി അ​ന​ത്ത​ട്ടേ..!

മേ​രി മു​ടി വാ​രി​ക്കെ​ട്ടി ചെ​റി​യ അ​ടു​ക്ക​ള​യി​ലേ​ക്ക് ന​ട​ന്നു. മു​ണ്ട് അ​ഴി​ച്ചു​ടു​ത്തു. ബ്ലൗ​സി​​ന്റെ ഹൂ​ക്കി​ട്ടു. പി​ൻ​വാ​തി​ൽ തു​റ​ന്ന​പ്പോ​ൾ ക​ട​ൽ അ​ല​റു​ന്ന​ത് കേ​ട്ടു. രാ​ത്രി​യി​ൽ ക​ട​ൽ മേ​രി​യെ പോ​ലെ ഒ​തു​ങ്ങി​ക്കി​ട​ന്ന​ല്ലോ​യെ​ന്നോ​ർ​ത്ത​പ്പോ​ൾ അ​തി​ശ​യം തോ​ന്നി.

–എ​ണീ​ക്കീ​ന്... നേ​രം പ​രാ പ​രാ വെ​ളു​ത്തു.

ഉ​മി​ക്ക​രി​യും നീ​ട്ടി...

–പോ​യി പ​ല്ല് തേ​ച്ച് വെ​ക്കം കാ​പ്പി കു​ടി​ക്കാ​ൻ വ​രീ​ൻ. ക​ൺ​ട്രാ​ക്കി​​ന്റെ ആ​ളെ​ന്ന് പ​റ​ഞ്ഞാ... ന​മ്മ​ടെ സൊ​ന്തം ത​ന്നെ.

മേ​രി തു​റ​ന്ന് ചി​രി​ച്ചു.

ഉ​മി​ക്കരികൊണ്ട് പ​ല്ല് തേ​ച്ച് ക​ട​ലി​ലേ​ക്ക് നോ​ക്കി​നി​ന്നു. ക​ൺ​ട്രാ​ക്കി​ന് പ​ത്ത് പ​ന്ത്ര​ണ്ട് പ​ണി​ക്കാ​രു​ണ്ടെ​ങ്കി​ലും കൂ​ട്ട​ത്തി​ൽ കൂ​ട്ടാ​ൻ തോ​ന്നി എ​ന്നാ​ലും പ​ണി​ക്ക് ചെ​ന്നി​ല്ലെ​ങ്കി​ൽ ത​ന്ത​ക്ക് വി​ളി​ക്കും. ക​ട്ട​ൻ​കാ​പ്പി കു​ടി​ച്ച് പ​ല​തും ആ​ലോ​ചി​ച്ചു നി​ന്നു.

–അ​ണ്ണ​നെ ക​ണ്ടാ​ൽ യേ​ശു​വി​നെ പോ​ലെ​യു​ണ്ട്...

മേ​രി പ​റ​ഞ്ഞു. പ​ഴം​ചോ​റും മ​ത്തി​ക്ക​റി​യും മ​രി​ച്ചീ​നി​യും ചൈ​നീ​സ്​ പി​ഞ്ഞാ​ണ​ത്തി​ൽ വി​ള​മ്പി​ക്കൊ​ണ്ടു​വ​ന്നു. ചു​വ​രി​ലെ ഫോ​ട്ടോ​യി​ൽ മാ​ല​യി​ട്ടു​വെ​ച്ചി​രി​ക്കു​ന്നു... യേ​ശു​വി​​ന്റെ ഫോ​ട്ടോ... വി​ള​ക്കും സാ​മ്പ്രാ​ണി​ത്തി​രി​യും കൂ​ടെ വെ​ച്ചി​ട്ടു​ണ്ട്.

–അ​ണ്ണ​​ന്റെ പേ​ര് എ​ന്ത​ര്... ക​ൺ​ട്രാ​ക്ക് ഒ​ന്നും പ​റ​ഞ്ഞി​ല്ല​ല്ല്...

–യേ​ശു!

–ങ്ങെ!

–​പോ... അ​ണ്ണാ ക​ളി​യാ​ക്കാ​തെ...

–യേ​ശു​ദാ​സ്... ഞാ​ൻ ക്രി​സ്​​ത്യാ​നി​യ​ല്ല...

പ​ഴ​ങ്ക​ഞ്ഞി​യി​ൽ കു​ടു​ങ്ങി​യ ക​ല്ല് നാ​ക്കു​കൊ​ണ്ട് തു​ഴ​ഞ്ഞ് ക​ണ്ടു​പി​ടി​ക്കു​ന്ന​തി​നി​ട​യി​ൽ പ​റ​ഞ്ഞു. മേ​രി അ​ടു​ത്ത് വ​ന്നി​രു​ന്നു.

–അ​ണ്ണാ എ​നി​ക്ക് ചി​ല​രി​ട്ടി​രി​ക്കു​ന്ന വ​ട്ട​പ്പേ​ര് കേ​ട്ടാ അ​ണ്ണ​ന് ചി​രി വ​രും.

ക​റു​ത്ത മേ​രി. ക​റു​ത്ത മേ​രീ​ന്നാ ചി​ല​വ​ന്മാ​ര് വി​ളി​ക്ക​ണ​ത്...​ഞാ​ൻ ക​റു​ത്ത​താ​ണോ അ​ണ്ണാ... ന​ല്ല തേ​നി​​ന്റെ നി​റ​മ​ല്ലേ ക​റു​പ്പി​ന്... എ​ന്ത​രാ​ണ​ണ്ണാ കു​ഴ​പ്പം...

അ​വ​ൾ വ​ർ​ത്ത​മാ​നം പ​റ​യു​ന്ന നേ​ര​മ​ത്ര​യും ഒ​രു​പാ​ട് കാ​ലം പ​രി​ച​യ​മു​ള്ള, ഒ​രു​പാ​ട് അ​ടു​പ്പ​മു​ള്ള ഒ​രാ​ളോ​ട് ഇ​ട​പ​ഴ​കു​ന്ന​തു​പോ​ലെ തോ​ന്നി. അ​വ​ളു​ടെ ക​ണ്ണു​ക​ളി​ലെ ന​ന​വി​ലേ​ക്ക് നോ​ക്കി​യി​രു​ന്നു പോ​യി. ആ ​ന​ന​വി​ൽ ശോ​ഭി​ക്കു​ന്ന മു​ഖം, വ​ട്ട​മു​ഖ​മാ​ണ്. മൃ​ദു​ല​ത​യു​ണ്ട്, ആ​ക​ർ​ഷ​ണ​മു​ണ്ട്.

–സ​ത്യം പ​റ​ഞ്ഞാ... അ​ണ്ണ​നെ ക​ണ്ടാ​ൽ യേ​ശു​വി​നെ​പ്പോ​ല ഇ​രി​ക്ക​ണ്. അ​തു​കൊ​ണ്ട് ആ​ളു​ക​ള് അ​ങ്ങ​നെ വി​ളി​ക്ക​ണ​തി​ൽ കു​റ്റം പ​റ​യാ​ൻ ഒ​ക്കൂ​ല്ല.

ക​ട​ലി​​ന്റെ നീ​ല​നി​റം മാ​റി ഉ​ദ​യ​സൂ​ര്യ​​ന്റെ പൊ​ൻ​തു​ള്ളി​ക​ൾ വീ​ണ് സ്വ​ർ​ണ​വ​ർ​ണം ചി​ത​റു​ന്ന​ത് നോ​ക്കി​യി​രു​ന്നു.

–എ​ന്ത​രാ​യാ​ലും അ​ണ്ണ​നെ കാ​ണാ​ൻ യേ​ശു​വി​നെ പോ​ലെ​ത​ന്നെ​യു​ണ്ട്. ഞ​ങ്ങ​ള് പി​ഴ​ച്ച പെ​ണ്ണു​ങ്ങ​ളെ യേ​ശു​വ​ല്ലാ​തെ ഒ​രു ദൈ​വ​വും തി​രി​ഞ്ഞു​നോ​ക്കി​യി​ട്ടി​ല്ല​ണ്ണാ...

എ​ന്ത​ര് പ​റ​യ​ണം... നി​ങ്ങ​ളി​ൽ പാ​പം ചെ​യ്യാ​ത്ത​വ​ർ ക​ല്ലെ​റി​യ​ട്ടെ​യെ​ന്ന് അ​ങ്ങേ​ര് പ​റ​ഞ്ഞു ക​ള​ഞ്ഞ​ല്ല്... അ​ത് ഓ​ർ​ക്കു​മ്പം എ​​ന്റെ ക​ണ്ണു​നി​റ​യും.

അ​ണ്ണാ... മാ​താ​വി​​ന്റെ പേ​രാ എ​നി​ക്കി​ട്ടി​രി​ക്ക​ണേ... വെ​ട്ടു​കാ​ട് പ​ള്ളി​യി​ൽ പോ​യി പ്രാ​ർ​ഥി​ക്കു​മ്പോ​ഴാ ഒ​രാ​ശ്വാ​സം കി​ട്ട​ണ​ത്...

മേ​രി ക​ര​യാ​ൻ തു​ട​ങ്ങി. പ​ഴ​ങ്ക​ഞ്ഞി കു​ടി​ച്ചു.

ക​ണ്ണീ​ര് തു​ട​ച്ചു.

–അ​ണ്ണ​ൻ വ​ല്ല​പ്പോ​ഴു​മെ​ങ്കി​ലും എ​ന്നെ കാ​ണാ​ൻ വ​ര​ണം... അ​ണ്ണ​ൻ വ​ന്നാ യേ​ശു വ​ന്ന​പോ​ലെ എ​നി​ക്ക് തോ​ന്നും.

മേ​രി​യു​ടേ​ത് സു​നാ​മി വീ​ടാ​ണ്. കെ​ട്ടി​യ​വ​നും കു​ട്ടി​യും സു​നാമി​ത്തി​ര​യി​ൽ​പെ​ട്ട് ക​ട​ലി​ൽ പോ​യ​തു​മു​ത​ലാ​ണ് ക​ൺ​ട്രാ​ക്ക് ദൈ​വ​ത്തി​​ന്റെ രൂ​പ​ത്തി​ൽ അ​വ​ത​രി​ക്കാ​ൻ തു​ട​ങ്ങി​യ​ത്.

–എ​​ന്റെ​ണ്ണാ... ഞാ​നൊ​ഴു​ക്കി​യ ക​ണ്ണീ​രി​ന് ക​ണ​ക്കി​ല്ല... അ​ങ്ങേ​ര് ന​ല്ലാ​ള്... അ​ണ്ണ​ൻ അ​ങ്ങേ​രെ വി​ട്ട് എ​ങ്ങോ​ട്ടും പോ​വ​ല്ല്...

മേ​രി ചി​രി​ച്ചു. പ​ഴ​ങ്ക​ഞ്ഞി പി​ഞ്ഞാ​ണ​ത്തി​ലേ​ക്ക് കോ​രി​യൊഴി​ച്ചു. ത​ലേ​ന്ന് വെ​ച്ച ചൂ​ര​ക്ക​റി തോ​നെ തീ​റ്റി​ച്ചു.

–അ​ണ്ണ​ൻ വ​രു​മ്പം ഇ​നി പ​റ​ഞ്ഞി​ട്ട് വ​ര​ണം. ചോ​റൂം കൂ​ട്ടാ​നു​മൊ​ക്കെ ഒ​രു​ക്കി​വെ​ക്കാം. മൊ​ബൈ​ൽ ന​മ്പ​ര് ത​ര​ണേ അ​ണ്ണാ...

ഹോ​ളോ​ബ്രി​ക്സ്​ ക​ട്ട കെ​ട്ടി​യ പൂ​ശാ​ത്ത സു​നാ​മി വീ​ടു​ക​ൾ തീ​ര​ത്ത് എ​മ്പാ​ടും ക​ണ്ടു. ഇ​റ​ങ്ങി​യ​പ്പോ​ൾ മേ​രിത​ന്നെ നോ​ക്കി കു​രി​ശു വ​ര​ച്ചു. കൊ​ന്ത​യെ​ടു​ത്ത് മു​ത്തി. ഒ​രു കൊ​ച്ചു കു​ട്ടി​യെ​പോ​ലെ പു​ല​രി​ത്തു​ടി​പ്പി​ൽ ക​ട​ൽ കി​ട​ന്ന് ക​ളി​ക്കു​ന്ന​ത് ക​ണ്ടു.

മീ​ൻ​പി​ടി​ത്ത​ക്കാ​ർ ബോ​ട്ടി​ൽ പോ​കു​ന്നു​ണ്ട്. ക​ട​ൽ​ത്തീ​ര​ത്തൂ​ടെ തെ​ങ്ങി​ൻ​തോ​പ്പ് ക​യ​റി ബ​സ്​ സ്റ്റോ​പ്പി​ലൂ​ടെ ന​ട​ന്നു. സി​റ്റി ബ​സി​ൽ ക​യ​റി ഇ​രു​ന്നു. ബ​സി​ൽ സി​റ്റി​യി​ലേ​ക്ക് പോ​കു​ന്ന​തി​നി​ട​യി​ൽ വെ​ട്ടു​കാ​ട് പ​ള്ളി ക​ണ്ടു.

കു​റെ ദി​വ​സം ക​ഴി​ഞ്ഞ് പ്രാ​വ​ച്ച​മ്പ​ല​ത്തെ പ്ര​സി​ലി​രി​ക്കു​ക​യാ​യി​രു​ന്നു. ഇ​ല​ക്ഷ​ൻ സ​മ​യ​മാ​യ​തു​കൊ​ണ്ട് ന​ല്ല വ​ർ​ക്ക്. പ​ണി​യു​ള്ള​പ്പോ​ൾ ഗോ​പി​യ​ണ്ണ​ൻ വി​ളി​ക്കും. യേ​ശു​വി​​ന്റെ പേ​രി​ലു​ണ്ടാ​യ കാ​ര്യ​ങ്ങ​ൾ അ​ണ്ണ​നോ​ട് പ​റ​ഞ്ഞ​പ്പോ​ൾ അ​ണ്ണ​ൻ ക...​ക്ക..​കാ ചി​രി​ച്ചു​ക​ള​ഞ്ഞു.

– ഡേ​യ്... നീ​യ് യേ​ശു​വോ..? ചി​രി​പ്പി​ക്ക​ല്ല്... വേ​ണ​മെ​ങ്കി​ൽ സി​നി​മാ​ന​ട​ൻ ബാ​ബു ആ​ന്റ​ണി​യു​ടെ ഒ​രു ക​ട്ട് ഒ​പ്പി​ക്കാം. ബാ​ബു ആ​ന്റ​ണി​യെ ഉ​ണ​ക്കി​യ​പോ​ലു​ണ്ട്.

അ​ണ്ണ​​ന്റെ ചി​രി പ്ര​സി​ൽ നി​റ​ഞ്ഞു. അ​ണ്ണ​ൻ എ​ല്ലാ​വ​രെ​യും വി​ളി​ച്ചു​കൂ​ട്ടി.

–ദേ ​നോ​ക്കീ​ന​ടേ ഇ​വ​നെ ക​ണ്ടാ യേ​ശു​വി​നെ പോ​ലെ​യു​ണ്ടോ..?

പ്ര​സി​ലെ പ​രി​ച​യ​ക്കാ​ർ വ​ന്നു നോ​ക്കി. വാ ​പൊ​ത്തി ചി​രി​ച്ചു. അ​ക്കൗ​ണ്ട​ന്റ് സു​മ​തി അ​ക്ക​ൻ എ​ണീ​റ്റ് വ​ന്നു പ​റ​ഞ്ഞു. അ​ക്ക​ന് ന​ല്ല പ്രാ​യ​മു​ണ്ട്. ഒ​രു ജു​വ​ല​റി മൊ​ത്തം ഉ​ട​ലി​ലു​ണ്ട്.

–എ​ടേ​യ്... ഗോ​പി... നീ ​പ​റ​ഞ്ഞ​ത് ത​ന്നെ. ഇ​വ​നെ ക​ണ്ടാ​ൽ ബാ​ബു ആ​ന്റ​ണി​യു​ടെ ക​ട്ട് ഒ​പ്പി​ക്കാം.

പ്ര​സി​ൽ​നി​ന്നും ഒ​ന്നും പ​റ​യാ​തെ പു​റ​ത്തേ​ക്കി​റ​ങ്ങി. ഗോ​പി​യ​ണ്ണ​നെ എ​ല്ലാ​വ​രും വി​ളി​ക്കു​ന്ന​ത് തെ​റ്റ് ഗോ​പി​യെ​ന്നാ​ണ്. ഒ​രു ച​ര​മ അ​റി​യി​പ്പ് അ​ച്ച​ടി​ച്ചാ​ൽ​പോ​ലും അ​തി​ൽ പ​ത്ത് തെ​റ്റ് കാ​ണും. ഒ​രു പ​ഞ്ചാ​യ​ത്ത് തെ​ര​ഞ്ഞെ​ടു​പ്പ് കാ​ല​ത്ത് അ​ണ്ണ​​ന്റെ​കൂ​ടെ പ​ണി​ക്ക് നി​ൽ​ക്കു​ക​യാ​യി​രു​ന്നു. സ്​​ഥാ​നാ​ർ​ഥി​ക്കു​വേ​ണ്ടി ത​യാ​റാ​ക്കി​യ അ​യ്യാ​യി​രം പോ​സ്റ്റ​ർ അ​ച്ച​ടി​ച്ച് ക​ഴി​ഞ്ഞ​പ്പോ​ഴാ​ണ് എ​തി​ർ സ്​​ഥാ​നാ​ർ​ഥി​യു​ടെ ചി​ഹ്ന​മാ​ണ് അ​ച്ച​ടി​ച്ച് വെ​ച്ചി​രി​ക്കു​ന്ന​തെ​ന്ന് ക​ണ്ട​ത്. പാ​ർ​ട്ടി​ക്കാ​ര് ഗോ​പി​യ​ണ്ണ​ന്റെ ക​ഴു​ത്തി​ന് ക​യ​റി​പ്പി​ടി​ച്ചു. പേ​രൂ​ർ​ക്ക​ട സു​ധി എ​ന്നൊ​രാ​ളു​ടെ പ​ത്രാ​ധി​പ​ത്യ​ത്തി​ൽ ഇ​റ​ങ്ങി​യി​രു​ന്നൊ​രു അ​ന്തി​പ്പ​ത്രം അ​ണ്ണ​​ന്റെ പ്ര​സി​ൽ അ​ച്ച​ടി​ച്ചി​രു​ന്നു. തെ​റ്റ് ഗോ​പി എ​ന്ന പേ​രി​ട്ട​ത് പേ​രൂ​ർ​ക്ക​ട സു​ധി​യാ​ണെ​ന്നൊ​രു പ​റ​ച്ചി​ല് ത​ന്നെ പ്ര​സി​ലു​ണ്ട്. തെ​റ്റ് ഗോ​പി എ​ന്ന വി​ളി കേ​ൾ​ക്കു​മ്പോ​ൾ അ​ണ്ണ​ൻ മ​ഷി പ​ട​ർ​ന്ന ക​ട​ലാ​സു​പോ​ലെ വി​കൃ​ത​മാ​വും.

–എ​ന്ത​ര​ടേ... ക​ലി​ച്ച് പോ​ണോ... ഒ​രു ത​മാ​ശ പ​റ​ഞ്ഞ​ത​ല്ല​ടേ... നീ...​യേ​ശു ത​ന്നെ...

ഗോ​പി​യ​ണ്ണ​​ന്റെ വി​ളി പി​ന്നി​ൽ ചി​ത​റി.

ഒ​രു​ദി​വ​സം മ​ണ്ഡ​പ​ത്തി​ൻ​ക​ട​വി​ൽ പ​ണി​ക്ക് പോ​കാ​നി​റ​ങ്ങി​യ​പ്പോ​ൾ ചു​റ്റി​ക്ക​റ​ങ്ങി നി​ൽ​ക്കു​ക​യാ​യി​രു​ന്നു. മ​ണ്ഡ​പ​ത്തി​​ന്റെ​ വ​ട​ക്കു​ഭാ​ഗ​ത്താ​ണ് മ​തി​ൽ. മ​ണ്ഡ​പ​ത്തി​​ന്റെ പ​ടി​ക​ളി​ലും ത​ണ​ലി​ലും തി​ണ്ണ​യി​ലും ആ​ളു​ക​ൾ കൂ​ട്ടം​കൂ​ടി നി​ൽ​ക്കു​ന്നു​ണ്ടാ​യി​രു​ന്നു. പ​തി​വി​ല്ലാ​തെ ഒ​രാ​ൾ​ക്കൂ​ട്ടം വീ​ണ​ളി​ഞ്ഞ കൂ​ഴ​ച്ച​ക്ക​യി​ൽ മ​ണി​യ​നീ​ച്ച​ക​ൾ പൊ​തി​യും​പോ​ലെ ഒ​രു വ​ഴ​ക്കി​നെ പൊ​തി​ഞ്ഞു​നി​ൽ​ക്കു​ന്നു. കൗ​തു​ക​ത്തി​ന് ത​ല​യി​ട്ടു നോ​ക്കി​യ​താ​ണ്. ന​ല്ല ര​സം തോ​ന്നി. വ​ഴ​ക്ക് മൂ​ക്കു​ക​യാ​ണ്. ആ​ൾ​ക്കൂ​ട്ട​ത്തി​ൽ​നി​ന്നൊ​രു​ത്ത​ൻ

–ഡേ​യ്... യേ​ശു വ​ന്നി​ട്ടു​ണ്ട്... ഇ​വ​നെ​ക്കൊ​ണ്ട് സ​മാ​ധാ​നം പ​റ​യി​പ്പി​ച്ചി​ട്ട് വി​ട്ടാ​മ​തി...

എ​ന്ന് ത​മാ​ശ​പോ​ലെ പ​റ​ഞ്ഞു. അ​വ​ൻ ത​മാ​ശ​പോ​ലെ പ​റ​ഞ്ഞ​താ​ണെ​ങ്കി​ലും ഒ​ന്നു​ര​ണ്ടു​പേ​ർ ത​ല​യി​ള​ക്കി നോ​ക്കി. ആ​ൾ​ക്കൂ​ട്ട​ത്തി​ൽ​നി​ന്നും ത​ല​വ​ലി​ച്ചു​കൊ​ണ്ട് മ​ണ്ഡ​പ​ത്തി​ൻ​ക​ട​വി​ൽ അ​പ്പോ​ൾ വ​ന്ന ഒ​രു കെ​സാ​ർ​ട്ടി​സി ബ​സി​ൽ ക​യ​റി ര​ക്ഷ​പ്പെ​ട്ടു. ബ​സി​ലി​രു​ന്ന് തി​രി​ഞ്ഞു നോ​ക്കി​യ​പ്പോ​ൾ അ​വ​ന്മാ​ർ ബ​സി​ന് നേ​രെ കൈ​ചൂ​ണ്ടു​ന്ന​ത് ക​ണ്ടു.

യേ​ശു പി​ന്നെ​യും പ​ല​യി​ട​ത്തു​മി​ട്ട് വ​ട്ട് ത​ട്ടി. തി​രു​മ​ല​യി​ലെ സി.​എ​സ്.​ഐ പ​ള്ളി​യു​ടെ പി​ന്നി​ലൂ​ടെ​യു​ള്ള വ​ള​ഞ്ഞു പു​ള​ഞ്ഞ് കി​ട​ക്കു​ന്ന ഇ​ട​വ​ഴി​യി​ലൂ​ടെ വെ​ളു​പ്പി​ന് നേ​ശ​യ്യ​ൻ ക​ൺ​ട്രാ​ക്കി​ന് ഒ​റ്റി​വീ​ട് നോ​ക്കാ​ൻ പോ​വു​ക​യാ​യി​രു​ന്നു. വ​ഴി​യു​ടെ അ​റ്റ​ത്ത് ക​ണ്ട ആ​ദ്യ വീ​ട്ടി​ൽ ക​യ​റി ഒ​റ്റി​വീ​ട് ചോ​ദി​ക്കാ​മെ​ന്ന് ക​രു​തി. മു​റ്റം തൂ​ത്തു​വാ​രി​ക്കൊ​ണ്ട് നി​ൽ​ക്കു​ന്ന ഒ​രു പെ​ണ്ണി​നെ ക​ണ്ടു. പെ​ണ്ണി​​ന്റെ തൂ​പ്പ് ക​ണ്ടു നി​ന്നു​പോ​യി. ആ​രെ​ങ്കി​ലും ക​ണ്ടാ​ൽ മോ​ന്ത​ക്കി​ട്ട് കീ​റ് കി​ട്ടി​യ​ത് ത​ന്നെ. മു​റ്റ​ത്തെ ച​ര​ലി​ൽ തൊ​റ​പ്പ​യു​ടെ വ​ര​പ്പാ​ട് അ​വ​ളു​ടെ കൈ​യു​ടെ ക​രു​ത്ത് പ​റ​യു​ന്നു​ണ്ടാ​യി​രു​ന്നു. മ​ണ്ണ് തൂ​ത്തു​മാ​റി. ചു​മ​ച്ചു നോ​ക്കി. ക​രി​യി​ല​യും ച​ര​ലും തൊ​റ​പ്പ​യും ഉ​ര​യു​ന്ന ശ​ബ്ദ​ത്തി​ൽ മ​ണ്ണി​​ന്റെ കി​രു​കി​രു​പ്പി​ൽ പെ​ണ്ണ് ചു​മ കേ​ട്ടി​ല്ല.

അ​തേ... അ​തേ... ഇ​വി​ടെ ഒ​റ്റി​ക്ക് കൊ​ടു​ക്കാ​ൻ കി​ട​ക്കു​ന്ന ഒ​രു വീ​ട് അ​റി​യാ​മോ..?

പെ​ണ്ണ് തൊ​റ​പ്പ ഉ​റ​പ്പി​ച്ച് കൈ​കൊ​ണ്ട് അ​ടി​ച്ചു​കൂ​ട്ടി. എ​ടു​ത്തു കു​ത്തി​യ പാ​വാ​ട അ​ഴി​ച്ചി​ട്ടു.

–അ​ണ്ണോ... അ​ണ്ണാ...

പെ​ണ്ണ് തൊ​റ​പ്പ​യും കൈ​യി​ൽ​ പി​ടി​ച്ച് അ​ക​ത്തേ​ക്ക് നോ​ക്കി വി​ളി​ച്ചു.

കൈ​യി​ൽ വാ​ക്ക​ത്തി​യു​മാ​യി പ​ണ​യി​ൽ​നി​ന്ന് ഒ​രാ​ൾ മു​റ്റ​ത്തേ​ക്ക് ക​യ​റി​വ​ന്നു. അ​യാ​ളു​ടെ ഒ​രു കൈ​യി​ൽ മൂ​ന്നു​നാ​ല് പ​ട​ല​മാ​ത്ര​മു​ള്ള ഒ​രു ര​സ​ക​ദ​ളി വാ​ഴ​ക്കു​ല തൂ​ങ്ങി​ക്കി​ട​ക്കു​ന്നു.

–ആ​രാ..?

– അ​ണ്ണാ... ഇ​വി​ട​ടു​ത്ത് ഒ​റ്റി​ക്കു കൊ​ടു​ക്കാ​ൻ ഇ​ട്ടി​രി​ക്കു​ന്ന ഒ​രു വീ​ട് ചോ​ദി​ക്കാ​ൻ കേ​റീ​താ...

–ആ​ർ​ക്കാ..?

– എ​​ന്റെ... ക​ൺ​ട്രാ​ക്കി​നാ...

ഇ​തി​നി​ട​യി​ൽ പെ​ണ്ണ് തൂ​പ്പ് മ​തി​യാ​ക്കി വീ​ടി​ന​ക​ത്തേ​ക്ക് ക​യ​റി​പ്പോ​യി.

–ഡേ​യ്... നി​​ന്റെ പേ​ര് എ​ന്ത​ര്..?

വാ​ഴ​ക്കു​ല ത്തി​ണ്ണ​യി​ലേ​ക്ക് വെ​ച്ചി​ട്ട് വി​യ​ർ​ത്ത ശ​രീ​ര​ത്തി​ൽ പ​റ്റി​യി​രു​ന്ന വാ​ഴ​ച്ച​പ്പും പൊ​ടി​ക​ളും തോ​ർ​ത്തു​കൊ​ണ്ട് തു​ട​ച്ചു​കൊ​ണ്ട് അ​യാ​ൾ ചോ​ദി​ച്ചു. പ​ഴ​യ​മ​ട്ടി​ലു​ള്ള ഒ​രു നാ​ട്ടി​ൻ​പു​റ ഭ​വ​ന​മാ​യി​രു​ന്നു അ​ത്. അ​യാ​ളും അ​വ​ളും മാ​ത്ര​മാ​ണ് ആ ​വീ​ട്ടി​ൽ താ​മ​സി​ക്കു​ന്ന​തെ​ന്ന് തോ​ന്നി. പു​രാ​ത​ന​ത്വം തോ​ന്നി​ക്കു​ന്ന പ​ഴ​യ​മ​ട്ട് വീ​ടു​ക​ൾ ഇ​പ്പോ​ൾ കാ​ണാ​ൻ കി​ട്ടാ​റി​ല്ലെ​ന്നോ​ർ​ത്തു. വാ​ഴ​പ്പ​ണ​യി​ലേ​ക്ക് ഇ​റ​ങ്ങി​പ്പോ​കാ​ൻ ഒ​രു കൈ​വ​ഴി​യു​ണ്ട്. പ​ച്ച​ത​ഴ​ച്ച കാ​ട് കി​ണ​റി​നു ചു​റ്റും പ​തു​ങ്ങി​ക്കി​ട​ക്കു​ന്നു​ണ്ട്. ക​ൺ​ട്രാ​ക്കി​ന് പ​റ്റി​യ ഒ​റ്റി​വീ​ട് ഇ​ത്ത​ര​മൊ​രു വീ​ടാ​യി​രി​ക്കും എ​ന്ന് മ​ന​സ്സി​ലോ​ർ​ത്തു. വീ​ട് വി​ശ​ദ​മാ​യി നോ​ക്കു​ന്ന​ത് ക​ണ്ട​പ്പോ​ൾ പേ​ര് ചോ​ദി​ച്ച​യാ​ൾ വി​ശ​ദീ​ക​രി​ക്കു​ന്ന​തു​പോ​ലെ വെ​റു​തെ പ​റ​ഞ്ഞു.

–ഡേ​യ്, ഞ​ങ്ങ​ളൊ​ക്കെ ഇ​വി​ടെ​ത്ത​ന്നെ ജ​നി​ച്ച് ബാ​ല്യം ചി​ല​വ​ഴി​ച്ച് കൗ​മാ​രം ക​യ​റി ദാ ​ഇ​വി​ടെ വ​രെ എ​ത്തി​യി​രി​ക്കു​ന്ന​താ... എ​​ന്റെ അ​പ്പൂ​പ്പ​​ന്റെ കാ​ല​ത്ത് പ​ണി​ത കെ​ട്ടി​ട​മാ ഇ​ത്... ചൊ​വ​രി​ൽ വ​ർ​ഷം രേ​ഖ​പ്പെ​ടു​ത്തി​യി​രി​ക്കു​ന്ന​ത് കാ​ണാം... പി​ള്ള​യെ​ന്നാ​യി​രു​ന്നു പേ​ര്. പൈ​സ എ​ന്ന​ത് അ​ങ്ങേ​രു​ടെ വ​ട്ട​പ്പേ​രാ​യി​രു​ന്നു. പി​ള്ള പോ​യി പൈ​സ​യു​റ​ച്ചു... ഇ​പ്പോ​ഴും പ​റ​ഞ്ഞാ അ​റി​യും.

–യേ​ശു​ദാ​സ്... യേ​ശു​വെ​ന്ന് എ​ല്ലാ​വ​രും വി​ളി​ക്കും... പേ​ര് പ​റ​ഞ്ഞു.

അ​യാ​ൾ പേ​രി​നെ​ക്കു​റി​ച്ച് എ​ന്തെ​ങ്കി​ലും പ​റ​യു​മെ​ന്ന് വി​ചാ​രി​ച്ചെ​ങ്കി​ലും ഒ​ന്നും പ​റ​ഞ്ഞി​ല്ല.

–ഡേ​യ്... ഒ​രു​പാ​ട് ചീ​ത്ത​പ്പേ​ര് കേ​ൾ​പ്പി​ച്ച കെ​ട്ടി​ട​മാ അ​ത്... പ​ണ്ടൊ​ക്കെ ഈ ​ഭാ​ഗ​ത്ത് വ​ലി​യ വാ​ർ​ക്ക​വീ​ടി​ന് കെ​ട്ടി​ട​മെ​ന്നാ പ​റ​യ​ണ​ത്... അ​തി​രി​ക്ക​ട്ടെ എ​ത്ര കാ​ശി​നാ ഒ​റ്റി​യ​ത്...

ക​ൺ​ട്രാ​ക്ക് പ​റ​ഞ്ഞ ക​ണ​ക്ക് ഓ​ർ​മ​യി​ൽ​നി​ന്നും തേ​ടി​പ്പി​ടി​ച്ചു.

–അ​ണ്ണാ... മൂ​ന്ന് കൊ​ല്ല​ത്തേ​ക്ക് ര​ണ്ട​ര​ല​ക്ഷ​ത്തി​നാ ഒ​റ്റി​യേ​ക്ക​ണ​ത്.

–ലാ​ഭം ത​ന്നെ​ടേ... പ​ക്ഷേ മൂ​ന്നു​വ​ർ​ഷം ആ​ള് താ​മ​സി​ക്ക​ണ​ത് ക​ണ്ട​റി​യ​ണം.

–അ​തെ​ന്താ... അ​ങ്ങ​നെ പ​റ​ഞ്ഞ​ത്... അ​യാ​ൾ വീ​ടി​​ന്റെ വ​രാ​ന്ത​യി​ൽ​നി​ന്നും ചെ​ല്ല​മെ​ടു​ത്ത് മു​റു​ക്കു​ന്ന​തി​നു​ള്ള വ​ട്ട​മൊ​രു​ക്കി.

ത​ളി​ർ​വെ​റ്റി​ല നു​ള്ളി ചു​വ​ന്ന നെ​റ്റി​യി​ൽ ഒ​ട്ടി​ച്ചു​വെ​ച്ചു. വൃ​ത്തി​ക്ക് അ​രി​ഞ്ഞു​വെ​ച്ചി​രു​ന്ന പാ​ക്ക് അ​ടു​ക്കി​യെ​ടു​ത്തു. ചെ​റു​വി​ര​ലു​കൊ​ണ്ട് വെ​റ്റി​ല​യു​ടെ ഞ​ര​മ്പ​ത്ത് ചു​ണ്ണാ​മ്പി​നെ​ക്കൊ​ണ്ട് വെ​റ്റി​ല​യെ തേ​ച്ചു കു​ളി​പ്പി​ച്ചു മു​റു​ക്കാ​ൻ വാ​യി​ൽ ക​യ​റി. ഒ​തു​ക്കി​യി​ട്ട് പ​റ​ഞ്ഞു​തു​ട​ങ്ങി.

–ഡേ​യ്... മൂ​ന്ന് ത​ല​മു​റ​യ്ക്ക് മു​മ്പു​ള്ള പ​ണ​ക്കാ​രാ ആ ​കൂ​ട്ട​ര്...

വീ​ടി​ന് ശ്രീ​സ​ദ​ന​മെ​ന്ന് പേ​രു വെ​ച്ചു. പ​ക്ഷേ ന​ട​ന്ന​തെ​ല്ലാം അ​ശ്രീ​ക​ര​മാ... ധാ​രാ​ളം ചീ​ത്ത​പ്പേ​ര് കേ​ൾ​പ്പി​ച്ച വീ​ടാ... പ​ല​രും ഒ​റ്റി​ക്ക് വ​ന്ന​താ... തെ​റ്റി​പ്പോ​യ​ത​ല്ലാ​തെ ആ​രു​മൊ​റ​ച്ചി​ല്ല...

അ​യാ​ൾ ചു​വ​ന്ന മ​ണ്ണി​ലേ​ക്ക് ചു​വ​ന്നു​വ​രു​ന്ന മു​റു​ക്കാ​ൻ വി​സി​ല​ടി​ക്കു​ന്ന​പോ​ലെ വി​ര​ലു​കോ​ർ​ത്ത് തു​പ്പി.

എ​ന്നി​ട്ട് മു​ഖ​ത്തേ​ക്ക് നോ​ക്കി.

– ഇ​യാ​ടെ പേ​ര് എ​ന്ത​രെ​ന്ന് പ​റ​ഞ്ഞ​ത്..?

–യേ​ശു...

– ഇ​യാ​ള് ക്രി​സ്​​ത്യാ​നി​യാ​ണോ..?

–അ​ല്ല... യേ​ശു​ദാ​സെ​ന്നാ മു​ഴു​പ്പേ​ര്... പ​ള്ളി​ക്കൂ​ട​ത്തി​ൽ ത​ള്ള വെ​ച്ച പേ​രാ യേ​ശു​ദാ​സ്...

– അ​ല്ലെ​ങ്കി​ലും ഒ​രു പേ​രി​ലെ​ന്തി​രി​ക്ക​ണ​ത്... ശ്രീ​സ​ദ​നം അ​ശ്രീ​ക​ര​സ​ദ​ന​മാ​യി​ല്ലി​യോ...

–അ​വി​ടം​വ​രെ​യൊ​ന്നു പോ​യി നോ​ക്കി​യാ കൊ​ള്ളാ​മെ​ന്നു​ണ്ട്... ക​ൺ​ട്രാ​ക്കി​നോ​ട് എ​ന്തെ​ങ്കി​ലും സ​മാ​ധാ​നം പ​റ​യ​ണം. അ​ണ്ണ​ൻ കൂ​ടെ ഒ​ന്നു വ​ന്നാ...

അ​യാ​ൾ അ​ക​ത്തേ​ക്ക് നോ​ക്കി പെ​ണ്ണേ... പെ​ണ്ണേ​ന്ന് വി​ളി​ച്ചു... പെ​ണ്ണ് ഒ​രു വെ​ളു​ത്ത ഷ​ർ​ട്ടു​മാ​യി വ​ന്നു. ഷ​ർ​ട്ടി​​ന്റെ കൈ ​തെ​റു​ത്ത രീ​തി​യി​ലാ​യി​രു​ന്നു. ഹാ​ങ്ങ​റി​ൽ തൂ​ങ്ങി​യ രീ​തി​യി​ൽ ആ ​ഷ​ർ​ട്ട് വീ​ടി​നു​ള്ളി​ൽ കി​ട​ക്കു​ക​യാ​യി​രു​ന്നി​രി​ക്ക​ണം. എ​ട്ടു​മ​ണി വെ​ട്ടം പ​ണ​യി​ലും ഇ​ട​വ​ഴി​യി​ലും ചു​റ്റി​ത്തി​രി​ഞ്ഞു. ഒ​ന്നു​ര​ണ്ടാ​ളു​ക​ൾ വ​ഴി ക​ട​ന്നു​പോ​യി. അ​യാ​ൾ അ​വ​രെ​ക്ക​ണ്ട് പ​രി​ച​യം മൂ​ളി അ​റി​യി​ച്ചു. മു​റു​ക്കാ​ൻ ചു​വ​പ്പി​ച്ച് കൊ​ഴു​ത്ത കു​ഴ​മ്പ് അ​യാ​ൾ ക​മ്യൂ​ണി​സ്റ്റ് പൊ​ന്ത​യി​ലേ​ക്ക് തു​പ്പി.

–ശ​രി​ക്കും ഇ​യാ​ളെ ക​ണ്ടാ യേ​ശു​വി​നെ​പ്പോ​ലെ​യു​ണ്ട്. ഒ​രു പാ​വ​മാ​ണെ​ന്ന് തോ​ന്നി...

അ​താ ഞാ​ൻ ഒ​റ്റി​വീ​ടി​​ന്റെ കാ​ര്യം ഉ​ള്ള​ത് ഉ​ള്ള​തു​പോ​ലെ പ​റ​ഞ്ഞ​ത്. നി​ങ്ങ​ക്ക് എ​​ന്റെ വീ​ട്ടി വ​ന്ന് കേ​റാ​ൻ വ​ന്ന​തും ഭാ​ഗ്യ​മാ​യി... ദേ... ​ആ കാ​ണു​ന്ന​താ​ണ് ശ്രീ​സ​ദ​നം... ഒ​റ്റി​വീ​ട്...​ഡേ​യ്... ചി​ല​ർ​ക്ക് ഇ​ര​ട്ട​പ്പേ​ര് വീ​ണാ​ൽ അ​ത് ഉ​റ​ച്ച​തു​ത​ന്നെ. ശ​രി​ക്കു​ള്ള പേ​ര് നി​ക്കൂ​ല... ഈ ​ശ്രീ​സ​ദ​ന​ത്തി​​ന്റെ ഉ​ട​മ ഒ​രു പ​ത്മ​നാ​ഭ പ​ണി​ക്ക​രു​ണ്ടാ​യി​രു​ന്നു. അ​ങ്ങേ​ർ​ക്ക് ഒ​രു കാ​ലി​ന് കു​റ​ച്ച് സ്വാ​ധീ​ന​ക്കു​റ​വു​ണ്ടാ​യി​രു​ന്നു. അ​ങ്ങേ​രെ എ​ല്ലാ​വ​രും മു​ട​ന്ത​ൻ പ​ണി​ക്ക​ര്... മു​ട​ന്ത​ൻ പ​ണി​ക്ക​ര്... എ​ന്ന് വി​ളി​ച്ചു​കൊ​ണ്ടി​രു​ന്നു. ചി​ല​ര് അ​ത​യാ​ളു​ടെ പേ​രാ​ണെ​ന്ന മ​ട്ടി​ൽ മു​ഖ​ത്തു നോ​ക്കി​ക്കൂ​ടി വി​ളി​ക്കാ​ൻ തു​ട​ങ്ങി. ചി​ല​ര് ഇ​ര​ട്ട​പ്പേ​ര് കേ​ട്ടാ അ​ത​ങ്ങ് ചി​രി​ച്ചു​ക​ള​യും. എ​ന്നാ​ൽ, മു​ട​ന്ത​ൻ പ​ണി​ക്ക​ര് അ​ങ്ങ​നെ​യ​ല്ലാ​യി​രു​ന്നു. അ​ങ്ങേ​ർ​ക്ക് അ​ത് കേ​ൾ​ക്കു​ന്ന​ത് ഭ​യ​ങ്ക​ര കോ​പം. അ​ങ്ങേ​ര് വീ​ടി​ന് പു​റ​ത്തി​റ​ങ്ങാ​തെ​യാ​യി. ജ​ന​ത്തി​ന് ഹ​ര​മു​ണ്ടാ​യി. കൊ​ച്ചു​പി​ള്ളാ​ര് സ്​​കൂ​ളി​ൽ പോ​കു​ന്ന വ​ഴി​ക്ക് ദേ ​ജ​നാ​ല​യി​ൽ ചേ​ർ​ന്നു​നി​ന്ന് വ​ട്ട​പ്പേ​ര് വി​ളി​ക്കാ​ൻ തു​ട​ങ്ങി. ഒ​ടു​വി​ൽ മ​റ്റെ​ന്തൊ​െ​ക്ക​യോ മ​നോ​വി​ഷ​മ​ത്തി​​ന്റെ കൂ​ടെ ഇ​തൂ​ടെ വ​ന്ന​തോ​ടെ അ​ങ്ങേ​ര് കേ​റി തൂ​ങ്ങി.

അ​യാ​ൾ ഇ​ത്ര​യും പ​റ​ഞ്ഞി​ട്ട് വേ​ഗ​ത്തി​ൽ ഇ​ട​വ​ഴി​യി​ൽ​നി​ന്നും മെ​യി​ൻ റോ​ഡി​ലേ​ക്ക് ന​ട​ക്കാ​ൻ തി​ടു​ക്കം​കൂ​ട്ടി. മ​ര​ങ്ങ​ൾ​ക്കി​ട​യി​ൽ ശ്രീ​സ​ദ​നം ഒ​ന്നു മു​ട​ന്തി​നി​ൽ​ക്കു​ന്ന​തു​പോ​ലെ തോ​ന്നി. ജ​ന​ലി​ന​ടു​ത്ത് ചെ​ന്ന് മു​ഖം അ​ക​ത്തേ​ക്ക് ചേ​ർ​ത്ത് വീ​ടി​നു​ള്ളി​ലെ കാ​ഴ്ച​ക​ൾ നോ​ക്കി. ഇ​ര​ട്ട​പ്പേ​ര് വീ​ണ​പോ​ലെ ഒ​രു സ​ങ്ക​ടം മു​റി​ക​ൾ​ക്കു​ള്ളി​ൽ ക​ന​ത്തു​നി​ൽ​ക്കു​ന്ന​തു​പോ​ലെ. കി​ഴ​ക്കു​ഭാ​ഗ​ത്തെ ഒ​രു ക​സേ​ര​യി​ലി​രു​ന്ന് ഒ​രാ​ൾ നോ​ക്കു​ന്ന​പോ​ലെ പെ​ട്ടെ​ന്ന് തോ​ന്നി. ചി​ന്ത​യി​ൽ പ​ല​തും വ​ന്ന​പ്പോ​ൾ ഇ​ങ്ങ​നെ രൂ​പ​ങ്ങ​ൾ പ​ല​തും തോ​ന്നാം. പ​ക്ഷി​ക​ളൊ​ന്നും മ​ര​ങ്ങ​ളി​ൽ ഇ​രു​ന്നി​ല്ല. മ​ര​ത്ത​ല​പ്പു​ക​ളി​ൽ കാ​റ്റു​വീ​ശി​യി​ല്ല... എ​ന്തോ ഒ​രു മൂ​ക​ത ശ്രീ​സ​ദ​ന​ത്തെ ചു​റ്റി​നി​ൽ​ക്കു​ന്ന​തു​പോ​ലെ.

–ഡേ​യ്... യേ​ശു... പെ​ട്ടെ​ന്ന് നോ​ക്കി​യി​ട്ട് വാ... ​എ​നി​ക്ക് വി​ള​യി​ൽ ഇ​ത്തി​രി​പ്പൂ​ലം പ​ണി​കൂ​ടി ബാ​ക്കി​യു​ണ്ട്.

വെ​ള്ള​യു​ടു​പ്പി​ട്ട മ​നു​ഷ്യ​ൻ ധി​റു​തി കൂ​ട്ടി. വാ​യി​ൽ അ​വ​ശേ​ഷി​ച്ച മു​റു​ക്കാ​നെ അ​യാ​ൾ താ​ലോ​ലി​ച്ച് ദൂ​രം ക​ണ​ക്കാ​ക്കി ഒ​തു​ക്കി ച​വ​ക്കു​ന്നു​ണ്ട്.

ഇ​ര​ട്ട​പ്പേ​ര് ഉ​റ​ച്ചാ ഉ​റ​ച്ച​തു ത​ന്നെ... അ​യാ​ളു​ടെ ശ​ബ്ദം ചെ​വി​യി​ൽ മു​ഴ​ങ്ങി.

–ഡേ​യ്... ത​ന്നെ​ക്ക​ണ്ടാ​ൽ യേ​ശു​വി​നെ​പ്പോ​ലു​ണ്ട്. ഒ​രു പാ​വ​മാ​ണെ​ന്ന് തോ​ന്നി.

ക​റു​ത്തി​രു​ണ്ട പ​ച്ച​പ്പി​ൽ പു​ത​ഞ്ഞ് നി​ൽ​ക്കു​ന്ന ഒ​രു വ​ലി​യ വാ​ർ​ക്ക കെ​ട്ടി​ട​ത്തി​ന് ചു​റ്റി​ലും മ​ര​ങ്ങ​ൾ ചൂ​ഴ്ന്നു​നി​ൽ​ക്കു​ന്നു​ണ്ട്. അ​യാ​ൾ വ​ഴി​യി​ൽ നി​ന്ന​തേ​യു​ള്ളൂ. നേ​ശ​യ്യ​ൻ ക​ൺ​ട്രാ​ക്കി​​ന്റെ കോ​ള് വ​ന്നു.

–ഡേ​യ്... നീ... ​തി​രി​ച്ചു​പോ​ര്... ആ ​ഒ​റ്റി പ​റ്റൂ​ല്ല...

മൊ​ബൈ​ൽ അ​ണ​ച്ച് ഒ​റ്റി​വീ​ടി​​ന്റെ ഗേ​റ്റ​ട​ച്ച് തി​രി​ഞ്ഞു​ന​ട​ക്കു​മ്പോ​ൾ ആ ​പേ​ര് ക​ണ്ണി​ൽ​പെ​ട്ടു. ശ്രീ​സ​ദ​നം.

ഒ​റ്റി​വീ​ട്: തി​രു​വ​ന​ന്ത​പു​ര​ത്ത് മാ​സ​വാ​ട​ക​ക്കു പ​ക​രം പ​ല വ​ർ​ഷ​ങ്ങ​ളി​ലേ​ക്കാ​യി വീ​ട് വാ​ട​ക​