തൃക്കാർത്തിക

ഇ​നി​യും ര​ണ്ടു​ദി​വ​സം ക​ഴി​ഞ്ഞാ​ൽ തൃ​ക്കാ​ർ​ത്തി​ക. മ​രു​ത്വാ​മ​ല​യി​ൽ വ​ലി​യ ദീ​പം ക​ത്തി​ച്ചു​വെ​ക്കും. നാ​ട് മു​ഴു​വ​ൻ കൊ​ഴു​ക്ക​ട്ട​യു​ടെ മ​ണം നി​റ​ഞ്ഞു​കി​ട​ക്കും. സൈ​ക്കി​ൾ​ക്ക​ട​യി​ൽ, പ​ഴ​യ ട​യ​റു​ക​ൾ വി​ൽ​പ​ന​ക്കാ​യി കു​ന്നു​കൂ​ടി കി​ട​ക്കും. സൊ​ക്ക​പ്പ​ന ക​ത്തി​ക്കു​ന്ന​തു​പോ​ലെ മു​ള്ളു​ക​ൾ നി​റ​ഞ്ഞ ഓ​ട​മ​ര​ത്തെ ക​ത്തി​ക്കും. ചെ​ന്ത​മി​ഴ് താ​മ​സി​ച്ചി​രു​ന്ന ഹോ​സ്റ്റ​ൽ, ക​ന്യാ​കു​മാ​രി​ക്ക് അ​രി​കി​ലു​ള്ള കോ​വ​ള​ത്തി​നും മു​മ്മൂ​ർ​ത്തി​പു​ര​ത്തി​നും ഇ​ട​തി​ലു​ള്ള മ​​ന്ന​ത്തേ​വ​ൻ കോ​വി​ലി​ന്റെ പി​റ​കു​വ​ശ​ത്താ​യി​രു​ന്നു.

ചെ​ന്ത​മി​ഴി​ന് അ​ഞ്ചു​വ​യ​സ്സാ​യ​പ്പോ​ൾ, അ​വ​ന്റെ അ​മ്മ ഹോ​സ്റ്റ​ലി​ൽ കൊ​ണ്ടു​പോ​യി ചേ​ർ​ത്തു. മു​മ്മൂ​ർ​ത്തി​പു​രം എ​ൽ.​പി സ്കൂ​ളി​ൽ പ​ഠി​ച്ചി​ട്ട്, ചാ​ല​യൂ​ർ യു.​പി സ്കൂ​ളി​ൽ ആ​റാം​ക്ലാ​സി​ൽ പ​ഠി​ക്കാ​നാ​യി വ​ന്നു. മെ​ലി​ഞ്ഞ ശ​രീ​രം, കു​റ്റി​ത്ത​ല​മു​ടി, കു​ളി​ക്കാ​തെ എ​ണ്ണ തേ​ച്ചു​കൊ​ണ്ട് വ​രു​ന്ന​തി​നാ​ൽ, എ​ണ്ണ ഒ​ഴു​കു​ന്ന മു​ഖം ക​റു​ത്തു​പോ​യി​രി​ക്കും. കൈ​യി​ൽ കി​ട്ടു​ന്ന ക​ട​ലാ​സു​കൊ​ണ്ട് മു​ഖം തു​ട​ച്ചു​കൊ​ണ്ടി​രി​ക്കും. നാ​ലു​ ദി​വ​സ​മാ​യി അ​ണി​ഞ്ഞ അ​വ​ന്റെ വെ​ളു​ത്ത ഷ​ർ​ട്ടി​ൽ​നി​ന്ന് വി​യ​ർ​പ്പി​ന്റെ ദു​ർ​ഗ​ന്ധ​മു​യ​രും. ക്ലാ​സി​ൽ ഞ​ങ്ങ​ളെ​ല്ലാ​വ​രും പാ​ന്റ്സ് ധ​രി​ച്ചു​കൊ​ണ്ടാ​ണ് വ​രു​ന്ന​ത്. അ​വ​ൻമാ​ത്രം നി​ക്ക​ർ ധ​രി​ച്ചി​രി​ക്കും. തേ​ഞ്ഞു​പോ​യ ചെ​രിപ്പി​ൽ മു​ള്ളു​ക​ൾ കു​ത്തി മു​റി​ഞ്ഞു​പോ​യി​രി​ക്കും.

ക്ലാ​സി​ൽ എ​ന്റെ അ​രി​കി​ൽ അ​വ​ൻ ഇ​രി​ക്കു​ന്ന​തി​നാ​ൽ, ആ​ദ്യ​മൊ​ക്കെ അ​വ​നെ ഉ​ൾ​ക്കൊ​ള്ളാ​നാ​യി​ല്ല. ഒ​രു​ദി​വ​സം അ​വ​ന്റെ ക​ണ്ണു​ക​ളി​ലേ​ക്ക് ഉ​റ്റു​നോ​ക്കി. അ​തി​ന്റെ പി​ന്നി​ൽ വ​ലി​യ ദുഃ​ഖ​വും ആ​ഗ്ര​ഹ​വും കാ​ണ​പ്പെ​ട്ടു. ഹോ​സ്റ്റ​ൽ​ഭ​ക്ഷ​ണം​പോ​ലെ സ്കൂ​ൾ ഭ​ക്ഷ​ണ​വും ഇ​രി​ക്കു​ന്ന​തി​നാ​ൽ, മു​ഖം ചു​ളി​ച്ചു​കൊ​ണ്ടവ​ൻ ക​ഴി​ക്കും. ഞാ​ൻ വീ​ട്ടി​ൽ എ​ന്റെ അ​ച്ഛ​ൻ കു​ടി​ച്ചി​ട്ട് ഉ​പേ​ക്ഷി​ച്ച ക്വാ​ർ​ട്ട​ർ കു​പ്പി ക​ഴു​കി​യെ​ടു​ത്ത് അ​തി​ൽ മീ​ൻ​ക​റി എ​ടു​ത്ത് കൊ​ണ്ടു​വ​രും. ചി​ല​പ്പോ​ൾ അ​മ്മ ത​രു​ന്ന ഒ​രു​ രൂ​പ​ക്ക് അ​ച്ചാ​ർ​പാ​ക്കറ്റ് വാ​ങ്ങി​ക്കൊ​ണ്ടു​വ​ന്ന് ക​ഴി​ക്കും. ഉ​ച്ച​ക്ക് ഭ​ക്ഷ​ണം ക​ഴി​ക്കു​മ്പോ​ൾ ക്വാ​ർ​ട്ട​ർ കു​പ്പി തു​റ​ന്ന് മീ​ൻ​ക​റി ചോ​റി​ൽ ഒ​ഴി​ക്കും. അ​വ​ൻ കു​നി​ഞ്ഞി​രു​ന്ന് ഭ​ക്ഷ​ണം ക​ഴി​ച്ചു​കൊ​ണ്ടി​രി​ക്കും. അ​വ​നും അ​ൽ​പം ഒ​ഴി​ച്ചു​കൊ​ടു​ക്കും. മു​ഖം വി​ട​ർ​ന്ന് പു​ഞ്ചി​രി​ച്ചു​കൊ​ണ്ട് ര​ണ്ടു​ദി​വ​സം ആ​ഹാരം ക​ഴി​ക്കാ​ത്ത​വ​നെ​പ്പോ​ലെ വാ​രി​വാ​രി വാ​യ് നി​റ​ക്കും. അ​വ​ൻ താ​മ​സി​ച്ചി​രു​ന്ന ഹോ​സ്റ്റ​ൽ വി​ദേ​ശ​ത്തെ ക്രി​സ്ത്യാ​നി​ക​ളു​ടെ സ​ഹാ​യ​ത്തോ​ടെ പ്ര​വ​ർ​ത്തി​ച്ചി​രു​ന്ന​തി​നാ​ൽ അ​ൽ​പാ​ൽ​പ​മാ​യി അ​വ​ൻ ക്രൈ​സ്ത​വ​മ​ത​ത്തി​ലേ​ക്ക് ചാ​ഞ്ഞു​കൊ​ണ്ടി​രി​ക്കു​ന്ന​ത് അ​റി​യാ​നാ​യി.

സ്കൂ​ളി​ന് പു​റ​ത്തു​ള്ള പി​ള്ളൈ​യാ​ർ കോ​വി​ലി​ന്റെ മു​റ്റ​ത്ത്, വ​ധൂ​വ​ര​ന്മാ​രെ ക​യ​റ്റി​ക്കൊ​ണ്ടു​വ​ന്ന അം​ബാ​സഡ​ർ കാ​ർ നി​ന്നു. അ​തി​ൽ​നി​ന്നും ഇ​റ​ങ്ങി​യ ഒ​രാ​ൾ, വ​ധൂ-​വ​ര​ന്മാ​രെ തേ​ങ്ങ​കൊ​ണ്ട് മൂ​ന്നു ചു​റ്റു​ചു​റ്റി കോ​വി​ൽ പ​ടി​ക്കെ​ട്ടി​ൽ ഉ​ട​ച്ചു. ഞാ​ൻ ഓ​ടി​പ്പോ​യി എ​ടു​ത്തു. ‘‘ടേ​യ് മ​ക​നേ... അ​ത് പ്രേ​ത​ത്തി​ന് ഉ​ട​ച്ച​താ​ണ്. നീ ​തി​ന്നാൻ പാ​ടി​ല്ല’’ എ​ന്നു​പ​റ​ഞ്ഞ് ചെ​ന്ത​മി​ഴ് ത​ട്ടി​ക്ക​ള​ഞ്ഞു.

മ​റ്റൊ​രു ദി​വ​സം ഇ​തേ​പോ​ലെ വേ​റൊ​രാ​ൾ, പി​ള്ളൈയാ​ർ കോ​വി​ലി​ന്റെ വാ​തി​ൽ​ക്ക​ൽ തേ​ങ്ങ ഉ​ട​ക്കു​മ്പോ​ൾ ചെ​ന്ത​മി​ഴ് ഓ​ടി​പ്പോ​യി എ​ടു​ത്തു. ‘‘ത​മി​ഴ്, അ​ന്ന് ഞാ​ൻ കോ​വി​ലി​ന്റെ വാ​തി​ൽ​ക്ക​ൽ​നി​ന്നും തേ​ങ്ങ എ​ടു​ത്ത​തി​ന്, പ്രേ​ത​ത്തി​നു​ട​ച്ച​താ​ണെ​ന്നു​പ​റ​ഞ്ഞ് ത​ട്ടി​ക്ക​ള​ഞ്ഞ​ല്ലോ. ഇ​പ്പോ​ൾ നീ ​ക്ഷേ​ത്ര​ത്തി​ന്റെ വാ​തി​ൽ​ക്ക​ൽ​നി​ന്ന് തേ​ങ്ങ എ​ടു​ത്ത് തി​ന്നു​ന്നു​ണ്ട​ല്ലോ!’’ എ​ന്ന് ചോ​ദി​ച്ചു.

‘‘അ​ന്ന് ഞ​ങ്ങ​ളു​ടെ ഹോ​സ്റ്റ​ലി​ൽ ഉ​ള്ള രാ​ജ​ൻ നോ​ക്കി​ക്കൊ​ണ്ട് നി​ന്നി​രു​ന്നു. ഞാ​നും തേ​ങ്ങ തി​ന്നു​ന്ന​ത് ക​ണ്ടാ​ൽ, ഹോ​സ്റ്റ​ൽ വാ​ർ​ഡ​നോ​ട് പ​റ​ഞ്ഞു​കൊ​ടു​ക്കും. വാ​ർ​ഡ​ൻ ക​ണ്ണ​ട​ച്ചു​കൊ​ണ്ട് അ​ടി​ക്കു​ന്ന അ​ടി താ​ങ്ങാ​നാ​വി​ല്ല. അ​തു​കൊ​ണ്ടാ​ണ് അ​ങ്ങ​നെ പ​റ​ഞ്ഞ​ത്. അ​ത​ല്ലാ​തെ, നി​ങ്ങ​ൾ​ക്കും ബൈ​ബി​ളി​നെ​ക്കു​റി​ച്ച്, യേ​ശു​വി​നെ​ക്കു​റി​ച്ച് പ​റ​യാ​ൻ പ​റ​ഞ്ഞി​രി​ക്കു​ന്നു എന്ന് ഞാ​ൻ പ​റ​ഞ്ഞി​ല്ല’’ എ​ന്ന് ചെ​ന്ത​മി​ഴ് പ​റ​ഞ്ഞു. ആ ​തേ​ങ്ങാ​ക്ക​ഷ​ണ​ങ്ങ​ൾ ക​ടി​ച്ചു​പ​റി​ച്ചു​ തി​ന്നു.

ഞാ​നും ചെ​ന്ത​മി​ഴും ഒ​രു​ത​വ​ണ ര​ത്ന​രാ​ജു സാ​ർ സ​യ​ൻ​സ് പാ​ഠം എ​ടു​ത്തു​കൊ​ണ്ടി​രി​ക്കു​മ്പോ​ൾ ഞ​ങ്ങ​ളു​ടെ കു​ടും​ബ ചു​ട​ല​മാ​ട​ൻ കോ​വി​ലി​ൽ ആ​ടി​നെ വെ​ട്ടി ചോ​റു​ണ്ടാ​ക്കി,പി​ന്നെ ഞ​ങ്ങ​ൾ ക​ഴി​ച്ച ക​ഥ പൊ​തു​വാ​യി പ​റ​ഞ്ഞു​കൊ​ണ്ടി​രു​ന്നു. അ​പ്പോ​ൾ അ​വ​ൻ ‘‘ഞാ​ൻ ഇ​തു​വ​രെ ആ​ട്ടി​റ​ച്ചി തി​ന്നി​ട്ടി​ല്ല. വി​ല കൂ​ടു​ത​ലാ​ണ​ല്ലോ. ഞ​ങ്ങ​ളു​ടെ ഹോ​സ്റ്റ​ലി​ൽ കോ​ഴി ഇ​റ​ച്ചി​യാ​ണ് വെക്കുന്ന​ത്. ആ​ട്ടി​റ​ച്ചി ക​ഴി​ക്ക​ണ​മെ​ന്ന് ആ​ശ​യാ​യി​രി​ക്കു​ന്നു’’ എ​ന്നു​പ​റ​ഞ്ഞു.

‘‘നീ ​വേ​ദ​ക്കാ​ര​ന​ല്ലെ. ഞ​ങ്ങ​ളു​ടെ ചൊ​ള്ളമാ​ട​ൻ കോ​വി​ലി​ൽ ആ​ടി​നെ വെ​ട്ടി​യ​ത് തി​ന്നു​മോ? അ​ങ്ങ​നെ​യാ​ണെ​ങ്കി​ൽ പ​റ​യ്. ദേ​വ​ക്കു​ന്നി​ന​രി​കി​ൽ ഉ​ള്ള ചൊ​ള്ള​മാ​ട​ൻ കോ​വി​ലി​ലേ​ക്ക് ഞ​ങ്ങ​ളു​ടെ ചി​റ്റ​പ്പ​ൻ ഒ​രു ആ​ടി​നെ നേ​ർ​ച്ച കൊ​ടു​ക്കാ​ൻ പോ​കു​ന്നു. ആ ​ഇ​റ​ച്ചി കൊ​ണ്ടു​വ​ന്നു​ത​രാം. നീ ​തി​ന്ന്.’’

‘‘ശ​രി​യ​പ്പാ, ഞാ​ൻ വ​രി​ല്ല. ആ​രെ​ങ്കി​ലും ക​ണ്ടി​ട്ട് ഹോ​സ്റ്റ​ലി​ൽ പ​റ​ഞ്ഞു​കൊ​ടു​ത്താ​ൽ, എ​ന്റെ ക​ഥ ക​ഴി​ഞ്ഞ​തു​ത​ന്നെ. അ​തി​നാ​ൽ നീ ​കൊ​ണ്ടു​വ​രു​മോ?’’

‘‘ശ​രി’’ എ​ന്നു​ പ​റ​ഞ്ഞി​ട്ട് ചു​ട​ല​മാ​ട​ൻ കോ​വി​ലി​ൽ ആ​ടി​നെ വെ​ട്ടി​യ​തും ഉ​ച്ച​ക്ക് ചോ​റ്, വാ​ഴ ഇ​ല​യി​ലും തേ​ക്കി​ന്റെ ഇ​ല​യി​ലും പൊ​തി​ഞ്ഞ് ആ​ട്ടി​റ​ച്ചി ഒ​രു തോ​ർ​ത്തി​ൽ എ​ടു​ത്തു​കൊ​ണ്ട് സ്കൂ​ളി​ന് പി​റ​കി​ലു​ള്ള ഡാ​നി​യേ​ലി​ന്റെ തെ​ങ്ങി​ൻ​തോ​ട്ട​ത്തി​ൽ നി​ന്നി​രു​ന്നു. ചെ​ന്ത​മി​ഴ്​ വേഗ​ത്തി​ൽ ഓ​ടി​വ​ന്നു. തെ​ങ്ങു​ക​ൾ​ക്ക് വെ​ള്ളം ഒ​ഴു​ക്കാ​നാ​യി വെ​ട്ടി​യ ചാ​ലി​ന്മേ​ൽ ഇ​രു​ന്നു. ജ​നി​ച്ച കു​ഞ്ഞി​നെ അ​ച്ഛ​ൻ വാ​ങ്ങു​മ്പോ​ൾ ഉ​ണ്ടാ​കു​ന്ന ശ്ര​ദ്ധ​യും സ്നേ​ഹ​വും ചെ​ന്ത​മി​ഴ് ആ​ട്ടി​റ​ച്ചി വാ​ങ്ങു​മ്പോ​ൾ ഉ​ണ്ടാ​യി​രു​ന്നു. കൈ​നി​റ​യെ വാ​രി മ​ണ​ത്തു​നോ​ക്കി. അ​വ​ന്റെ ക​ണ്ണു​ക​ൾ വി​ക​സി​ച്ചു. ത​ല ഇ​ട​തു​വ​ശ​ത്തേ​ക്ക് ഒ​ന്ന് വെ​ട്ടി​ച്ചു.

‘‘മു​ള്ളു​ണ്ടാ​കും... ശ്ര​ദ്ധി​ച്ച് തി​ന്ന്’’ എ​ന്നു​പ​റ​ഞ്ഞു. ‘‘നീ​യും എ​ടു​ത്തോ’’ എ​ന്നു​പ​റ​ഞ്ഞ് അ​വ​ൻ ഇ​ല നീ​ട്ടി. എ​രി​വ് നാ​വി​നെ​യും ചു​ണ്ടി​നെ​യും പു​ക​ച്ചു. ചാ​ലി​ലൂ​ടെ തെ​ങ്ങി​ൻ​ത​ട​ങ്ങ​ളി​ലേ​ക്ക് പോ​കു​ന്ന കു​ഴ​ൽ​കി​ണ​റി​ലെ വെ​ള്ളം കോ​രി​ക്കു​ടി​ച്ചി​ട്ട് വീ​ണ്ടും തി​ന്നു​വാ​ൻ തു​ട​ങ്ങി. അ​തി​ന​കം ഒ​രു പി​രീയഡ് ക​ഴി​ഞ്ഞി​രു​ന്നു. മ​ണി​യ​ടി​ക്കു​ന്ന ശ​ബ്ദം കേ​ട്ട​പ്പോ​ൾ കൈ ​ക​ഴു​കി​യി​ട്ട് സ്കൂ​ളി​ലേ​ക്ക് ന​ട​ക്കു​വാ​ൻ തു​ട​ങ്ങി. ചെ​ന്ത​മി​ഴ്, കൈ ​മ​ണ​ത്തു​നോ​ക്കി​ക്കൊ​ണ്ടേ വ​ന്നു. ‘‘കൈ​യി​ൽ മ​ണ്ണ് തേ​ച്ച് ക​ഴു​കി​യാ​ലും ആ​ട്ടി​റ​ച്ചി​യു​ടെ മ​ണം പോ​കി​ല്ല. അ​തെ, ആ​ട്ടി​റ​ച്ചി​യി​ൽ ആ​ട്ടി​ൻ​രോ​മ​ത്തി​ന്റെ മ​ണ​വും അ​ടി​ക്കു​ന്നു, അ​തെ​ന്താ..?’’ എ​ന്ന് ചോ​ദി​ച്ചു.

‘‘അ​ല്ലെ​ടാ, ആ​ട്ടി​റ​ച്ചി​ക്ക് ഇ​ങ്ങ​നെ​ത്ത​ന്നെ​യാ​ണ് മ​ണം ഉ​ണ്ടാ​വു​ക’’ എ​ന്നു​പ​റ​ഞ്ഞു​കൊ​ണ്ട് നി​ല​ത്തു​കി​ട​ന്ന ക​ല്ലെ​ടു​ത്ത്, താ​ണു​മാ​ല​യ​നാ​ടാ​രു​ടെ മാ​വി​ൻ​തോ​ട്ട​ത്തി​ലെ ഒ​ട്ടു​മാ​വി​ലേ​ക്ക് എ​റി​ഞ്ഞു. ന​ടു​വി​ൽ പ​കു​തി ചി​ത​റി​യ ഒ​രു മാ​ങ്ങ താ​ഴേ​ക്ക് വീ​ണു. അ​തെ​ടു​ത്ത് ചെ​ന്ത​മി​ഴി​ന് നേ​ർ​ക്കു​ നീ​ട്ടി. പ​ല നാ​ളു​ക​ളും അ​വ​ന്റെ തീ​റ്റ​വ​സ്തു​വാ​യി​രു​ന്ന മാ​ങ്ങ, അ​വ​ന്റെ മു​ഖം ചു​ളി​പ്പി​ച്ചു.

മാ​ങ്ങ​യു​ടെ രു​ചി, അ​വ​നേ​ക്കാ​ൾ കൂ​ടു​ത​ൽ മ​റ്റാ​ർ​ക്കും അ​റി​യി​ല്ല. മു​മ്മൂ​ർ​ത്തി​പു​രം തെ​ക്കു​നി​ന്നും ചാ​ല​യൂ​ർ വ​രെ​യു​ള്ള കാ​ടി​ന്റെ ഭാ​ഗ​ത്ത് നി​ൽ​ക്കു​ന്ന മ​ര​ത്തി​ൽ​നി​ന്നും കി​ട്ടു​ന്ന​വ​യു​ടെ രു​ചി​യും അ​വ​ന് അ​റി​യാം. ചി​ല​പ്പോ​ൾ മാ​ങ്ങ, നെ​ല്ലി​ക്ക​ക​ൾ റോ​ഡ​രി​കി​ലും കാ​ട്ടി​ലും നി​ൽ​ക്കു​ന്ന മ​ര​ത്തി​ൽ​നി​ന്നും പ​റി​ച്ച് അ​വ​ൻ ഹോ​സ്റ്റ​ലി​ലേ​ക്ക് കൊ​ണ്ടു​പോ​കും. അ​വി​ടെ​യു​ള്ള സ​ഹ വി​ദ്യാ​ർ​ഥി​ക​ൾ​ക്ക് മു​റി​ച്ച് ഉ​പ്പു​തേ​ച്ച് ന​ൽ​കും. ഹോ​സ്റ്റ​ലി​ൽ ഉ​ള്ള വി​ദ്യാ​ർ​ഥി​ക​ളു​ടെ അ​മ്മ​യോ അ​ല്ലെ​ങ്കി​ൽ അ​ച്ഛ​നോ വ​രു​മ്പോ​ൾ മി​ക്സ്ച​ർ, മു​റു​ക്ക് തു​ട​ങ്ങി​യ തീ​റ്റ​വ​സ്തു​ക്ക​ൾ വാ​ങ്ങി​ക്കൊ​ണ്ടു​വ​രും. എ​ന്നാ​ൽ, ചെ​ന്ത​മി​ഴി​ന്റെ അ​മ്മ വ​ർ​ഷ​ത്തി​ൽ ഒ​രു​ത​വ​ണ കാ​ണു​വാ​ൻ വ​രും. ഒ​ന്നും വാ​ങ്ങി​ക്കൊ​ണ്ടു​വ​രി​ല്ല. സ്കൂ​ളി​ലേ​ക്ക് വ​ന്നി​ട്ട് പോ​കും. അ​പ്പോ​ൾമാ​ത്രം ചെ​ന്ത​മി​ഴി​ന്റെ കൈ​യി​ൽ ഒ​രു ക​ഷ​ണം മൈ​സൂ​ർ​പാ​ക് ഉ​ണ്ടാ​കും.

ഹോ​സ്റ്റ​ലി​ലെ വി​ദ്യാ​ർ​ഥി​ക​ളു​ടെ മാ​താ​പി​താ​ക്ക​ന്മാ​ർ വാ​ങ്ങി​ക്കൊ​ണ്ടു​വ​ന്ന തീ​റ്റ​വ​സ്തു​ക്ക​ൾ, വാ​ർ​ഡ​ൻ ജോ​ർ​ജ് പ​ങ്കു​വെ​ച്ച് എ​ല്ല​ാവ​ർ​ക്കും ന​ൽ​കും. അ​പ്പോ​ൾ ചെ​ന്ത​മി​ഴോ​ടു​ മാ​ത്രം, ‘‘നി​ന്റെ അ​മ്മ മാ​ത്രം ഇ​വി​ടെ വ​ന്ന് കാ​ണു​ന്നി​ല്ല. തി​ന്നാ​ൻ ഒ​ന്നും വാ​ങ്ങി​ക്കൊ​ണ്ടും വ​രു​ന്നി​ല്ല. എ​ന്നാ​ൽ, മ​റ്റു കു​ട്ടി​ക​ളു​ടെ വീ​ട്ടി​ൽ​നി​ന്നും തി​ന്നാ​ൻ കൊ​ണ്ടു​വ​ന്നാ​ൽ കൈ ​നീ​ട്ടി വാ​ങ്ങി​ത്തി​ന്നു​ന്നു’’ എ​ന്ന് ശ​കാ​രി​ച്ചി​ട്ട് കൊ​ടു​ക്കും. നി​റ​ഞ്ഞ ക​ണ്ണു​ക​ളോ​ടെ അ​ത് വാ​ങ്ങി​ക്കൊ​ണ്ട് വാ​ർ​ഡ​ൻ പോ​യ ഉ​ട​നെ അ​ടു​ത്തു​ള്ള ആ​ർ​ക്കെ​ങ്കി​ലും കൊ​ടു​ത്തി​ട്ട്, പു​റ​ത്തു​ള്ള ചെ​റി​യ പു​ളി​മ​ര​ത്തി​ന്റെ വ​ലി​യ കൊ​മ്പി​ൽ പി​ടി​ച്ച് ഊ​ഞ്ഞാ​ലാ​ടു​ന്ന​തു​പോ​ലെ വ​ട​ക്കോ​ട്ടു​ നോ​ക്കി തൂ​ങ്ങി​ക്കൊ​ണ്ട് ക​ര​യും. അ​വ​ന്റെ ക​ണ്ണീ​രി​നെ​ക്കു​റി​ച്ച് ആ​ർ​ക്കും അ​റി​യി​ല്ല. അ​തി​നു​വേ​ണ്ടി​യാ​ണ് വ​ഴി​യി​ൽ​നി​ന്നും മോ​ഷ്ടി​ക്കു​ന്ന മാ​ങ്ങ, നെ​ല്ലി​ക്ക, പേ​ര​ക്ക തു​ട​ങ്ങി​യ പ​ഴ​ങ്ങ​ൾ ഹോ​സ്റ്റ​ലി​ലെ വി​ദ്യാ​ർ​ഥി​ക​ൾ​ക്ക് കൊ​ടു​ക്കു​ന്ന​ത്.

വെ​ളി​ക്കി​രി​ക്കാ​ൻ, ഹോ​സ്റ്റ​ലി​ൽ​നി​ന്ന് പു​റ​ത്തേ​ക്ക് വ​ന്നു. ചു​റ്റും ഓ​ട​മ​ര​വും പു​ളി​മ​ര​വു​മാ​ണ്. കാ​ർ​ത്തി​ക​മാ​സം എ​ന്ന​തി​നാ​ൽ പു​ല​ർ​ച്ചെ മ​ഞ്ഞു​പെ​യ്യും. അ​വി​ടെ മു​ള​ച്ചി​രു​ന്ന ര​ണ്ട​ടി ഉ​യ​ര​മു​ള്ള ഇ​ളം​പ​ച്ചനി​റ​ത്ത​ണ്ടു​ ചെ​ടി​യി​ൽ പ​വി​ഴംപോ​ലെ മ​ഞ്ഞു​തു​ള്ളി​ക​ൾ ഉ​രു​ണ്ടു​നി​ന്നിരുന്നു.

ചോ​ഴ​ക്കാ​റ്റ് പെ​ട്ടെ​ന്ന് വീ​ശുന്ന​തു​പോ​ലെ എ​വി​ടെനി​ന്നാ​ണ് വ​ന്ന​ത് പൂ​മ്പാ​റ്റ​ക​ളു​ടെ കൂ​ട്ടം? വ​ലി​യ ചി​റ​കും അ​തി​ൽ ചു​വ​പ്പും ക​റു​പ്പും നി​റ​ങ്ങ​ളോ​ടു​കൂ​ടി കൂ​ട്ട​മാ​യി ചു​റ്റും കാ​റ്റി​ൽ ഒ​ഴു​കി. ഇ​നി എ​ത്ര മു​ക്കി​യാ​ലും ഒ​ന്നും വ​രി​ല്ല എ​ന്നു​ മ​ന​സ്സി​ലാ​യ​പ്പോ​ൾ, അ​രി​കി​ൽ കി​ട​ന്ന ഓ​ട്ടു​ക​ഷ​ണ​മെ​ടു​ത്ത് കു​ണ്ടി വ​ടി​ച്ചി​ട്ട് നി​ക്ക​ർ അ​ര​യി​ൽ കെ​ട്ടി​യ ക​റു​ത്ത ച​ര​ടി​ൽ തി​രു​കി​വെ​ച്ചു. കാ​ലി​ൽ ഇ​ട്ടി​രു​ന്ന ചെ​രിപ്പ് കാ​ൽ​വി​ര​ലു​ക​ൾ​കൊ​ണ്ട് അ​മ​ർ​ത്തി​പ്പി​ടി​ച്ചു. നി​ര​പ്പാ​ക്കാ​ത്ത വ​നാ​ന്ത​ര​ഭാ​ഗ​ത്ത് മ​ഴ​ക്കാ​ല​ത്ത് മു​ള​ക്കു​ന്ന ത​ണ്ടു​ചെ​ടി​യു​ടെ തേ​ൻ നു​ക​രാ​ൻ വ​ന്ന പൂ​മ്പാ​റ്റ​ക​ളു​ടെ കൂ​ട്ടം ചെ​ന്ത​മി​​ഴെ ആ​ക​ർ​ഷി​ച്ചു. അ​വ​ൻ ക​ണ്ട​തി​ൽ ഈ ​പൂ​മ്പാ​റ്റ​ക​ളാ​ണ് വ​ലു​ത്. അ​രി​കു​ചേ​ർ​ന്ന് നി​ന്നി​രു​ന്ന അ​വ​ൻ ത​ണ്ടു​ചെ​ടി​ക​ൾ​ക്കി​ട​യി​ലൂ​ടെ പൂ​മ്പാ​റ്റ​ക​ളെ പി​ടി​ക്കാ​ൻ ഓ​ടി. ചെ​ന്ത​മി​ഴി​ന്റെ വ​ര​വി​നാ​ൽ വീ​ണ്ടും ഒ​ര​ടി മു​ക​ളി​ലേ​ക്ക് പ​റ​ന്ന് പൂ​മ്പാ​റ്റ​ക​ൾ കൂ​ട്ടംചേ​ർ​ന്ന് വ​ട്ട​മി​ട്ടു.

ഇ​വ​ന്റെ ഉ​യ​രം മൂ​ന്ന​ടി​യാ​ണ്. തേ​ഞ്ഞു​പോ​യ ചെ​രു​പ്പി​ൽ കു​ത്തി മു​റി​ഞ്ഞ മു​ള്ളു​ക​ൾ ഓ​ടു​ന്ന വേ​ഗ​ത്തി​ന്റെ ത​ള്ളി​ച്ച​യി​ൽ മു​ക​ളി​ലേ​ക്ക് ക​യ​റി കാ​ൽ​പാ​ദ​ത്തി​ൽ മെ​ല്ലെ കു​ത്തി. ഷ​ർ​ട്ടി​ൽ ര​ണ്ടു ബ​ട്ട​ണു​ക​ൾ ഇ​ല്ലാ​ത്ത​തി​നാ​ൽ മാ​റ് പ​കു​തി പു​റ​ത്തേ​ക്ക് കാ​ണ​പ്പെ​ട്ടു. ഒ​രു കൈ ​ഉ​യ​ർ​ത്തി, പൂ​മ്പാ​റ്റ​ക​ളെ പി​ടി​ക്കാ​ൻ ശ്ര​മി​ച്ചു. ഉ​റ​ങ്ങി എ​ഴു​ന്നേ​റ്റ ക്ഷീ​ണ​ത്തി​ലി​രു​ന്ന അ​വ​ന്റെ മു​ഖ​ത്ത്, ഓ​ടു​മ്പോ​ൾ ത​ണ്ടു​ചെ​ടി​യു​ടെ മു​ക​ളി​ൽ പ​റ്റി​യി​രു​ന്ന മ​ഞ്ഞു​തു​ള്ളി​ക​ൾ ത​ട്ടി തെ​റി​ച്ചു. അ​ര​യോ​ളം ഉ​ണ്ടാ​യി​രു​ന്ന ചെ​ടി​ക​ളു​ടെ ഉ​ര​സ​ലി​ൽ അ​വ​യുടെ ന​ന​വ് അ​വ​ന്റെ ര​ണ്ടു വാ​രി​യെ​ല്ലു​ ഭാ​ഗ​ങ്ങ​ളി​ലും ഉ​ര​സി​ക്കൊ​ണ്ടു​വ​ന്നു. അ​തി​ന്റെ സ്പ​ർ​ശ​നം അ​ടി​വ​യ​റ്റി​ൽ കു​ളി​രു​ണ്ടാ​ക്കി. ഒ​രു​വ​ട്ടം​ തു​ള്ളി, കൈ ​സാ​വ​ധാ​നം മു​റു​കെ പൊ​ത്തി. കാ​ലു​ക​ളി​ൽ​നി​ന്ന് കൈ​തു​റ​ന്നു. ഒ​രു പൂ​മ്പാ​റ്റ ചി​റ​ക​ടി​ച്ചു​കൊ​ണ്ട് മു​ക​ളി​ലേ​ക്ക് പ​റ​ന്നു​പോ​യി. അ​തി​ന്റെ നി​റ​ങ്ങ​ൾ ഉ​ള്ളം​കൈ​യി​ൽ പ​റ്റി​പ്പി​ടി​ച്ചി​രു​ന്നു. ആ ​സ​ന്തോ​ഷ​ത്തി​ൽ മു​ഖ​ത്തു​കൂ​ടി ഒ​ഴു​കി​യി​രു​ന്ന ത​ണ്ടു​ചെ​ടി​യി​ലെ മ​ഞ്ഞു​തു​ള്ളി​ക​ൾ കൈ​കൊ​ണ്ട് തു​ട​ച്ചു. കൈ​യി​ലു​ള്ള പൂ​മ്പാ​റ്റ​യു​ടെ നി​റ​ങ്ങ​ൾ ചെ​ന്ത​മി​ഴി​ന്റെ മു​ഖ​ത്ത് ഒ​ട്ടി, പൂ​മ്പാ​റ്റ​യു​ടെ മ​നു​ഷ്യ​മു​ഖ​മാ​യി അ​വ​ന്റെ മു​ഖം കാ​ണി​ച്ചു.

ചാ​ല​യൂ​ർ സ്കൂ​ളി​ലേ​ക്ക് പോ​കാ​ൻ, ഹോ​സ്റ്റ​ലി​ൽ​നി​ന്നും ചെ​ന്ത​മി​ഴ് പു​റ​പ്പെ​ട്ടു. ഹോ​സ്റ്റ​ലി​ലെ സ​ഹ വി​ദ്യാ​ർ​ഥി​ക​ളാ​യ രാ​ജ​യും സു​രേ​ഷ് കു​മാ​റും മു​രു​ക​നും വേ​ഗ​ത്തി​ൽ ന​ട​ക്കു​വാ​ൻ തു​ട​ങ്ങി. ചെ​ന്ത​മി​ഴ് മാ​ത്രം സാ​വ​ധാ​നം ന​ട​ന്നു. മു​മ്മൂ​ർ​ത്തി​പു​ര​ത്തേ​ക്ക് ഒ​റ്റ​യ​ടി​പ്പാ​ത​യി​ൽ കു​റു​കെ പോ​കു​മ്പോ​ൾ, റോ​ഡി​ൽ​നി​ന്ന് മ​ഴ​വെ​ള്ളം ഒ​ഴു​കു​ന്ന കു​ഴി ക​ട​ന്ന് ഓ​ട​മ​ര​ത്തി​ന്റെ ഇ​ട​യി​ലൂ​ടെ പോ​കു​മ്പോ​ൾ, അ​വ​ന്റെ ഷ​ർ​ട്ടി​ൽ മു​ള്ളു കു​ത്തി​വ​ലി​ച്ചു. അ​ൽ​പം കു​നി​ഞ്ഞ് ശ​രീ​രം വ​ള​ച്ച് മു​ള്ളി​ന്റെ ചി​ല്ല എ​ടു​ക്കു​മ്പോ​ൾ ഓ​ട​മ​ര​ത്തി​ന് മു​ക​ളി​ലേ​ക്ക​വ​ൻ നോ​ക്കി. ഓ​ട​മ​ര​ങ്ങ​ൾ, കു​ട​പോ​ലെ കാ​ഴ്ച ന​ൽ​കി. ആ​ഷ് ക​ള​ർ പൊ​ളി​ത്തീ​ൻ പാ​ക്ക​റ്റ് അ​തി​ന്മേ​ൽ കി​ട​ന്നി​രു​ന്നു. അ​തി​ന​ക​ത്ത് എ​ന്തോ വ​സ്തു ഉ​ണ്ടെ​ന്നു​ള്ള​ത് ഉ​റ​പ്പാ​ണ്. എ​ന്നാ​ൽ, അ​ത് എ​ന്താ​ണെ​ന്ന് അ​റി​യാ​ൻ താ​ഴെ​ കി​ട​ന്ന ക​ല്ലു​ക​ളി​ൽ​നി​ന്നും മൂ​ന്നു ​ക​ല്ലു​ക​ൾ എ​ടു​ത്തു. ആ​ദ്യ​ത്തെ ക​ല്ല് ഓ​ട​മ​ര​ത്തി​ന്റെ മു​ക​ളി​ൽ ത​ട്ടി ചെ​ന്ത​മി​ഴി​ന്റെ നേ​ർ​ക്കു​വ​ന്നു. കാ​ല് പി​റ​കി​ലേ​ക്ക് നീ​ക്കി​നി​ന്നു​കൊ​ണ്ട്, അ​ടു​ത്ത ക​ല്ല് എ​റി​ഞ്ഞു. പോ​ളി​ത്തീ​ൻ ക​വ​ർ കീ​റി​ക്കൊ​ണ്ട് മു​ക​ളി​ലേ​ക്ക് പോ​യി വീ​ണു. ക​ല്ല്, ക​വ​ർ കീ​റു​മ്പോ​ൾ ചു​വ​പ്പു​നി​റ​വും മ​ഞ്ഞ​നി​റ​വും ചേ​ർ​ന്ന​തു​പോ​ലെ ഒ​രു ചെ​റി​യ ക​ഷ​ണം താ​ഴേ​ക്ക് വ​ന്നു. അ​ത് ഇ​ട​തു​കൈ​കൊ​ണ്ട് ലാ​ഘ​വ​ത്തോ​ടെ പി​ടി​ച്ചു. കൈ ​തു​റ​ന്നു നോ​ക്കി. ഹ​ൽ​വ​ക്ക​ഷ​ണം. വീ​ണ്ടും മു​ക​ളി​ലേ​ക്ക് നോ​ക്കി. ‘‘ഹ​ൽ​വ എ​ങ്ങ​നെ​യാ​ണ് മ​ര​ത്തി​ന്റെ മു​ക​ളി​ലേ​ക്ക് പോ​യ​ത്?’’ എ​ന്ന​വ​ൻ ചി​ന്തി​ച്ചു.

സ്കൂ​ളി​ന് സ​മ​യ​മാ​യി എന്ന ഉ​ത്ക​ണ്ഠ അ​ൽ​പം​പോ​ലും ഇ​ല്ലാ​തെ, ആ ​സ​മ​യ​ത്ത് അ​വ​ൻ ഓ​ട​വൃ​ക്ഷ​ത്തി​ന്റെ ചു​വ​ട്ടി​ൽ​നി​ന്ന് ഹ​ൽ​വ​ക്ക​ഷ​ണം ക​ടി​ച്ചു. അ​ത് കാ​റി​പ്പോ​യി​രു​ന്നു. എ​ന്നാ​ൽ, അ​ത് അ​വ​ൻ അ​റി​ഞ്ഞി​ല്ല. അ​വ​ൻ തി​ന്നു​ന്ന ആ​ദ്യ​ത്തെ ഹ​ൽ​വ​ക്ക​ഷ​ണ​മാ​ണ​ത്. അ​താ​ണ് ഹ​ൽ​വ എ​ന്ന് നാ​ഗ​ർ​കോ​വി​ൽ കോ​ള​ജ് റോ​ഡി​ലു​ള്ള ബെ​സ്റ്റ് ബേ​ക്ക​റി​യി​ൽ ഒ​രു​ദി​വ​സം കൈ​യി​ൽ കാ​ശൊ​ന്നും ഇ​ല്ലാ​തെ കാ​ഴ്ച കാ​ണു​ന്ന​തു​പോ​ലെ ക​ണ്ടു​വ​ന്ന അ​ന്നാ​ണ് മ​ന​സ്സി​ലാ​യ​ത്. അ​പ്പോ​ൾ പാ​ത്ര​ത്തി​ൽ ക​ട്ടി​യു​ള്ള വ​സ്തു ​െവ​ച്ചി​രു​ന്ന​തി​ന്റെ മു​ക​ളി​ൽ ‘ഹ​ൽ​വ രൂ​പ 75’ എ​ന്ന് എ​ഴു​തി​യി​രു​ന്നു. ​ബേ​ക്ക​റി​യി​ൽ ഒ​ന്നൊ​ന്നാ​യി നോ​ക്കി​ക്കൊ​ണ്ടി​രു​ന്ന​പ്പോ​ൾ ഏ​ഴെ​ട്ടു​പേ​ർ സാ​ധ​ന​ങ്ങ​ൾ വാ​ങ്ങാ​നാ​യി അ​ക​ത്തേ​ക്ക് വ​ന്നു. അ​പ്പോ​ൾ ക​ണ്ണാ​ടി ഷോ​കേ​സി​ന്റെ അ​രി​കി​ൽ​നി​ന്ന് അ​ക​ത്തു​ള്ള കേ​ക്കു​ക​ളെ നോ​ക്കി​ക്കൊ​ണ്ടി​രി​ക്കു​മ്പോ​ൾ ഷോ​കേ​സി​ന്റെ മ​റു​ഭാ​ഗ​ത്ത് നി​ന്ന പ​ല്ലു​നീ​ണ്ട ഒ​രു ചെ​റു​ക്ക​ൻ ചെ​ന്ത​മി​ഴി​ന്റെ ഷ​ർ​ട്ടി​ന്റെ കൈ​യി​ൽ ആ​രും കാ​ണാ​തെ പി​ടി​ച്ച് സാ​വ​ധാ​നം വ​ലി​ച്ചു​കൊ​ണ്ടു​പോ​യി ബേ​ക്ക​റി​യു​ടെ പു​റ​ത്തു​വി​ട്ടി​ട്ട് ‘‘ഓ​ടി​പ്പോ​ടാ!’’ എ​ന്നു​പ​റ​ഞ്ഞ് വി​ര​ട്ടി. അ​വ​നെ ഒ​ന്ന് ദ​യ​നീ​യ​മാ​യി മാ​നി​നെ​പ്പോ​ലെ നോ​ക്കി​യി​ട്ട് താ​ഴെ​കി​ട​ന്ന റ​ബ​ർ​ബാ​ൻഡ് എ​ടു​ത്ത് വി​ര​ലി​ൽ ചു​റ്റി​ക്കൊ​ണ്ട് തി​രി​ഞ്ഞു​നോ​ക്കി​ക്കൊ​ണ്ടേ ന​ട​ന്നു​പോ​യി.

ഹ​ൽ​വ ഒ​രുപ്രാ​വ​ശ്യം ​ന​ക്കി​നോ​ക്കി. മി​ഠാ​യി​പോ​ലെ അ​ലി​ഞ്ഞി​ല്ല. സാ​വ​ധാ​നം ന​ക്കി​ത്തി​ന്നു​കൊ​ണ്ട് സ്കൂ​ളി​ലെ​ത്തി. അ​സം​ബ്ലി തു​ട​ങ്ങി​യി​രു​ന്നു. ചെ​ന്ത​മി​ഴ് താ​മ​സി​ച്ചു​വ​ന്ന​തി​നാ​ൽ, അ​സം​ബ്ലി ന​ട​ക്കു​മ്പോ​ൾ ഗേ​റ്റി​ന് പു​റ​ത്തു​നി​ന്നി​രു​ന്ന വി​ദ്യാ​ർ​ഥി​ക​ളോ​ടൊ​പ്പം നി​ന്നു. സ​ഹ ഹെ​ഡ്മാ​സ്റ്റ​ർ കു​മാ​ർ​സാ​ർ, ഇ​വ​രെ തു​റി​ച്ചു​നോ​ക്കി​ക്കൊ​ണ്ടി​രു​ന്നു. അ​സം​ബ്ലി അ​വ​സാ​നി​ച്ച​തും കൈ​യി​ലി​രു​ന്ന വ​ടി​കൊ​ണ്ട് പു​റ​ത്തു​നി​ന്നി​രു​ന്ന വി​ദ്യാ​ർ​ഥി​ക​ളെ സു​കു​മാ​ര​ൻ സാ​ർ വി​ളി​ച്ചു. ഓ​രോ​രു​ത്ത​ർ​ക്കും ര​ണ്ട​ടി വീ​തം എ​ല്ലാ​വ​രും കൈ​നീ​ട്ടി​വാ​ങ്ങി. ചെ​ന്ത​മി​ഴ് ത​ന്റെ ച​ന്തി കാ​ണി​ച്ചു​കൊ​ണ്ട് തി​രി​ഞ്ഞു​നി​ന്നു. അ​വ​ന്റെ കാ​ക്കി​നി​ക്ക​ർ താ​ഴ്ത്തി ച​ന്തി​ക്ക് ര​ണ്ട​ടി കൊ​ടു​ത്തു. ആ ​വ​ടി പു​ളി​വ​ടി ആ​യി​രു​ന്ന​തി​നാ​ൽ ന​ന്നാ​യി വേ​ദ​നി​ച്ചു. ക്ലാ​സി​ലേ​ക്ക് വ​ന്ന​തും എ​ന്നോ​ട് ‘‘ഞാ​ൻ ഹ​ൽ​വ തി​ന്നു’’ എ​ന്ന് പ​റ​ഞ്ഞു.

ഞാ​ൻ പ​രി​ഹാ​സ​ത്തോ​ടെ ചി​രി​ച്ചി​ട്ട് ‘‘ക​ള​വ് പ​റ​യ​രു​ത്!’’ എ​ന്നു​ പ​റ​ഞ്ഞു.

കൈ ​എ​ന്റെ മൂ​ക്കി​ൽ വെ​ച്ച​പ്പോ​ൾ കാ​റി​പ്പോ​യ എ​ണ്ണ​യു​ടെ മ​ണ​മ​ടി​ച്ചു. ‘‘ടേ​യ്... ഇ​ത് കാ​റി​പ്പോ​യ എ​ണ്ണ​യു​ടെ നാ​റ്റ​മ​ടി​ക്കു​ന്നു. അ​ത് ചീ​ത്ത​യാ​യി​പ്പോ​യ ഹ​ൽ​വ​യാ​യി​രി​ക്കും’’ എ​ന്നു​ പ​റ​ഞ്ഞു.

അ​വ​ൻ അ​ത് കേ​ൾ​ക്കാ​ത്ത​തു​പോ​ലെ ആ ​ക​വ​റി​ലു​ള്ള ബാ​ക്കി ഹ​ൽ​വ​യും ഞാ​ൻ ത​ന്നെ തി​ന്നും എ​ന്ന​തു​പോ​ലെ ചി​രി​ച്ചു.

ഇം​ഗ്ലീ​ഷ് പാ​ഠം എ​ടു​ക്കു​ന്ന ക്രി​സ്റ്റി ടീ​ച്ച​ർ വ​ന്നി​ട്ടി​ല്ല. സാ​വ​ധാ​നം മൂ​ത്രം ഒ​ഴി​ക്കു​വാ​ൻ പോ​കു​ന്ന​തു​പോ​ലെ ഞാ​നും ചെ​ന്ത​മി​ഴും പി.​ടി ഗ്രൗ​ണ്ടി​ലേ​ക്ക് പോ​യി. ഗ്രൗ​ണ്ടി​ന​ടു​ത്തു​ള്ള തെ​ങ്ങി​ൻ​തോ​ട്ട​ത്തി​ന​രി​കി​ൽ നി​ന്നി​രു​ന്ന പ​ന​മ​ര​ങ്ങ​ളി​ൽ ചി​ല​ർ ഓ​ല​ക​ൾ വെ​ട്ടി, താ​ഴേ​ക്ക് ഇ​ട്ടു​കൊ​ണ്ടി​രു​ന്നു. ഇ​ന്ന് തൃ​ക്കാ​ർ​ത്തി​ക ആ​യ​തി​നാ​ൽ, പ​ന​യോ​ല​ കൊ​ഴു​ക്ക​ട്ട ഉ​ണ്ടാ​ക്കു​വാ​ൻ കു​രു​ത്തോ​ല​ക​ൾ അ​വ​ർ വെ​ട്ടി​ക്കൊ​ണ്ടി​രു​ന്നു.

അ​രി​കി​ൽ​നി​ന്ന ഞ​ങ്ങ​ളോ​ട്, ‘‘മ​ക്ക​ളേ, പ​നങ്കു​രു​ത്ത് തി​ന്നു​ന്നോ?’’ എ​ന്നൊ​രു മു​ത്ത​ശ്ശ​ൻ ചോ​ദി​ച്ചു.

‘‘ശ​രി’’ എ​ന്നു​പ​റ​ഞ്ഞ്, കി​ട്ടി​യ പ​ന​ങ്കു​രു​ത്ത് തി​ന്നു​കൊ​ണ്ടി​രു​ന്നു. വീ​ണ്ടും ‘‘മ​ക്ക​ളേ കൊ​ഴു​ക്ക​ട്ട വേ​വി​ക്കാ​ൻ പ​ന​യോ​ല വേ​ണ​മോ?’’ എ​ന്ന് ആ ​മു​ത്ത​ശ്ശ​ൻ ചോ​ദി​ച്ചു.

‘‘വേ​ണ്ട മു​ത്ത​ശ്ശാ. ഞ​ങ്ങ​ളു​ടെ ചി​റ്റ​പ്പ​ൻ പ​ന ക​യ​റാ​ൻ പോ​വു​ന്ന​യാ​ളാ​ണ്. അ​ദ്ദേ​ഹം കൊ​ണ്ടു​വ​രും’’ എ​ന്നു​ പ​റ​ഞ്ഞു.

‘‘നി​ന​ക്ക് വേ​ണോ?’’ എ​ന്ന് ചെ​ന്ത​മി​ഴോ​ട് ചോ​ദി​ച്ചു.

‘‘ഇ​വ​ൻ ഹോ​സ്റ്റ​ലി​ലാ​ണ് നി​ൽ​ക്കു​ന്ന​ത്. അ​വ​ൻ വേ​ദ​ക്കാ​ര​നാ​ണ്. അ​തി​നാ​ൽ തൃ​ക്കാ​ർ​ത്തി​ക​യ്ക്ക് കൊ​ഴു​ക്ക​ട്ട പു​ഴു​ങ്ങി​ല്ല’’ എ​ന്നു​ പ​റ​ഞ്ഞു.

‘‘പ​ന​യോ​ല കൊ​ഴു​ക്ക​ട്ട എ​ങ്ങ​നെ​യാ​ണ് ഉ​ണ്ടാ​ക്കു​ന്ന​ത്... അ​ത് ന​ന്നാ​യി​ട്ടു​ണ്ടാ​കു​മോ?’’ എ​ന്ന് ചെ​ന്ത​മി​ഴ് ചോ​ദി​ച്ചു.

‘‘എ​ന്റെ അ​മ്മ ഏ​ല​യ്ക്ക, ചു​ക്ക്, പ​ച്ച​രി, ശ​ർ​ക്ക​ര, ചെ​റു​പ​യ​റ്, തേ​ങ്ങ ഇ​വ​യൊ​ക്കെ ചേ​ർ​ത്ത് ഉ​ണ്ടാ​ക്കും. അ​തി​ന് ആ​ദ്യം പ​ച്ച​രി പൊ​ടി​ച്ച് വ​റു​ക്ക​ണം. അ​തു​പോ​ലെ ചെ​റു​പ​യ​റ് ഉ​പ്പു​ചേ​ർ​ത്ത് മീ​ഡി​യ​മാ​യി ഊ​റാ​ൻ വെ​ച്ച് മീ​ഡി​യ​മാ​യി വ​റു​ക്ക​ണം. അ​പ്പോ​ൾ തൊ​ലി ഉ​തി​ർ​ന്നു​പോ​കും. തൊ​ലി മാ​റ്റി പ​യ​റ് മാ​ത്രം എ​ടു​ക്ക​ണം. ഏ​ല​യ്ക്ക, ചു​ക്ക് ഇവ പൊ​ടി​ച്ചു​വെ​ക്ക​ണം. അ​തി​നു​ശേ​ഷം പ​ച്ച​രി​മാ​വി​ൽ ഇ​തെ​ല്ലാം ചേ​ർ​ത്ത് ശ​ർ​ക്ക​ര ചീ​കി​യ​ത് ഇ​ട​ണം. തേ​ങ്ങ ചി​ര​വി ഇ​ളം​പ​രു​വ​ത്തി​ൽ വ​റു​ത്ത് എ​ല്ലാ​റ്റി​നെ​യും ചേ​ർ​ത്ത് ച​പ്പാ​ത്തി​ക്ക് മാ​വ് കു​ഴ​ക്കു​ന്ന​തു​പോ​ലെ കു​ഴ​ക്ക​ണം. വെ​ള്ളം ഒ​ഴി​ക്കാ​ൻ പാ​ടി​ല്ല. അ​തി​നു​​േശ​ഷം പ​ന​യോ​ല​ക്കു​രു​ത്ത് എ​ടു​ത്ത് ന​ല്ല​വ​ണ്ണം തു​ട​ച്ച് സൈ​സി​നനു​സ​രി​ച്ച് മാ​വു​വെ​ച്ച്, ചെ​റി​യ പ​ന​യോ​ല നാ​രു​കൊ​ണ്ടു​ കെ​ട്ടി, ഒ​രു പാ​ത്ര​ത്തി​ൽ, അ​ര​പ്പാ​ത്രം വെ​ള്ളം ഒ​ഴി​ച്ച് അ​തി​ൽ​വെ​ച്ച് ന​ല്ല​വ​ണ്ണം തീ ​ക​ത്തി​ക്ക​ണം. അ​പ്പോ​ഴേ വേ​ഗ​ത്തി​ൽ വേ​വു​ക​യു​ള്ളൂ. ഇ​തെ​ല്ലാം വൈ​കീട്ട് ആ​റു​ മ​ണി അ​ള​വി​ൽ അ​ടു​പ്പി​ൽ​വെ​ച്ച് വേ​വി​ക്കും. അ​പ്പോ​ൾ പു​റ​പ്പെ​ടു​ന്ന മ​ണം ന​മ്മു​ടെ പ​ള്ളി​ക്കൂ​ട​ത്തി​ൽ​നി​ന്നും മു​ത്താ​ര​മ്മ​ൻ​കോ​വി​ൽ​വ​രെ അ​ടി​ക്കും. അ​തി​നു​ശേ​ഷം വീ​ട്ടി​ന് വെ​ളി​യി​ൽ​വെ​ച്ച് തി​ന്നും. വീ​ടി​ന​ടു​ത്തു​കൂ​ടി പ​രി​ച​യ​ക്കാ​രാ​രെ​ങ്കി​ലും പോ​യാ​ൽ അ​വ​ർ​ക്കും കൊ​ഴു​ക്ക​ട്ട കൊ​ടു​ക്കും’’ എ​ന്നു​ പ​റ​ഞ്ഞു.

‘‘ഇ​പ്പോ​ൾ​ത​ന്നെ കൊ​തി​യാ​കു​ന്നു’’ ചെ​ന്ത​മി​ഴ് പ​റ​ഞ്ഞു.

വൈ​കു​ന്നേ​രം സ്കൂ​ൾ​ വി​ട്ട​തും ചാ​ല​യൂ​ർ ആ​ശു​പ​ത്രി​ക്ക​രി​കി​ൽ ഉ​ള്ള ബ്ല​സ്സി​ങ് സൈ​ക്കി​ൾ​ ക​ട​ക്ക് ഞാ​നും ചെ​ന്ത​മി​ഴും പോ​യി. അ​വി​ടെ പ​ഴ​യ ട​യ​ർ വാ​ങ്ങാ​ൻ വി​ദ്യാ​ർ​ഥി​ക​ൾ നി​ന്നി​രു​ന്നു. മൂ​ന്നു​രൂ​പ കൊ​ടു​ത്ത് പ​ഴ​യ ട​യ​ർ വാ​ങ്ങി​യി​ട്ട്, അ​ടു​ത്ത് കി​ട​ന്ന ചെ​റി​യ വ​ടി​യെ​ടു​ത്ത് ട​യ​ർ ഓ​ട്ടു​വാ​ൻ തു​ട​ങ്ങി. എ​ന്റെ കൂ​ടെ ഓ​ടി​വ​ന്ന ചെ​ന്ത​മി​ഴ്, പെ​​െട്ട​ന്ന് ഞാ​ൻ ഓ​ട്ടി​യ ട​യ​ർ ത​ന്റെ കൈ​കൊ​ണ്ട് ത​ട്ടി ഓ​ട്ടി. മു​മ്മൂ​ർ​ത്തി​പു​ര​ത്തേ​ക്ക് പോ​കു​ന്ന റോ​ഡി​ലേ​ക്ക് വ​ന്ന​തും ട​യ​ർ എ​നി​ക്ക് ത​ന്നി​ട്ട് അ​വ​ന്റെ ഉ​ള്ളം​കൈ​യി​ൽ നോ​ക്കി. ട​യ​റി​​െന്റ ​ക​രി അ​തി​ൽ ഉ​ണ്ടാ​യി​രു​ന്നു. ഞാ​ൻ ശ​ര​വ​ണ​ന്തേ​രി​ക്ക് നേ​ർ​ക്ക് പോ​യി. അ​വ​ൻ മു​മ്മൂ​ർ​ത്തി​പു​രം പാ​ത​യി​ൽ ന​ട​ന്നു. അ​വ​ന് ന​ട​ക്കു​ന്തോ​റും പ​ന​യോ​ല കൊ​ഴു​ക്ക​ട്ട​യെ​ക്കു​റി​ച്ചു​ള്ള ചി​ന്ത​യാ​യി​രു​ന്നു.

ഹോ​സ്റ്റ​ലി​ൽ വ​ന്ന് ചേ​ർ​ന്ന​യു​ട​നെ യൂ​നി​ഫോം അ​ഴി​ച്ചു​വെ​ച്ചി​ട്ട് മൂ​ന്നു​ദി​വ​സ​മാ​യി ധ​രി​ച്ചി​രു​ന്ന ചു​വ​ന്ന വ​ര​ക​ളു​ള്ള മു​ഷി​ഞ്ഞ ഷ​ർ​ട്ടും ബ​ട്ട​ണും ഹുക്കും ഇ​ല്ലാ​ത്ത ക​റു​പ്പു​നി​റ​മു​ള്ള നി​ക്ക​റും എ​ടു​ത്തു ധ​രി​ച്ചു. മൂ​ത്ര​മൊ​ഴി​ക്കാ​ൻ ഹോ​സ്റ്റ​ലി​ന്റെ പി​റ​കി​ലു​ള്ള കൊ​ടു​ക്കാ​പു​ളി​മ​ര​ത്തി​ന്റെ ചു​വ​ട്ടി​ലേ​ക്ക് പോ​യി. കി​ളി​കൊ​ത്തി​യി​ട്ട കൊ​ടു​ക്കാ​പ്പു​ളി, മു​മ്പേ​ത​ന്നെ ആ​രോ മൂ​ത്ര​മൊ​ഴി​ച്ചി​ട​ത്ത് വീ​ണു​കി​ട​ന്നി​രു​ന്നു. അ​വി​ട​ത്തെ ന​ന​വും ഉ​ണ​ങ്ങി​യി​രു​ന്നി​ല്ല. കൊ​ടു​ക്കാ​പ്പു​ളി എ​ടു​ത്ത് ഷ​ർ​ട്ടി​ൽ തു​ട​ച്ചി​ട്ട് നു​ള്ളി​യെ​ടു​ത്ത് വാ​യി​ലി​ട്ട്, നി​ക്ക​ർ താ​ഴ്ത്തി മൂ​ത്രം ഒ​ഴി​ക്കു​മ്പോ​ൾ മ​റ്റൊ​രു കൊ​ടു​ക്കാ​പ്പു​ളി താ​ഴേ​ക്ക് വീ​ഴു​മോ എ​ന്ന് ത​ലയു​യ​ർ​ത്തി നോ​ക്കി. ഹോ​സ്റ്റ​ലി​ലെ അ​ടു​ക്ക​ള​യി​ലു​ള്ള വെ​ള്ളം അ​വ​ന്റെ ക​പ്പി​ൽ കോ​രി കു​ടി​ച്ചി​ട്ട് ഹോ​സ്റ്റ​ലി​ന്റെ പൂ​മു​ഖ​ത്തേ​ക്ക് സാ​വ​ധാ​നം ന​ട​ന്നു.

‘‘എ​ന്താ​ടാ... എ​ന്ത് ഫാ​ഷ​ൻ​ഷോ​വാ​ണ് ന​ട​ക്കു​ന്ന​ത്..? അ​ന്ന​ന​ട ന​ട​ന്നു​പോ​കു​ന്ന​ത്’’ എ​ന്ന് വാ​ർ​ഡൻ ചോ​ദി​ച്ചു. നി​ശ്ശ​ബ്ദ​നാ​യി ഒ​രു​ത​രം ഭ​യ​ത്തോ​ടെ അ​ദ്ദേ​ഹ​ത്തെ നോ​ക്കി​യി​ട്ട്, ത​ന്റെ സ്കൂ​ൾ​സ​ഞ്ചി തു​റ​ന്ന് ത​മി​ഴ് ബു​ക്കും നോ​ട്ടും എ​ടു​ത്തു. അ​പ്പോ​ൾ സ​മ​യം 5.30. ചി​ന്ത​യെ പ​ന​യോ​ല കൊ​ഴു​ക്ക​ട്ട​യി​ൽ വെ​ച്ചി​ട്ട്, പു​സ്ത​കം മ​റി​ച്ചു​കൊ​ണ്ട് ഘ​ടി​കാ​ര​ത്തി​ലേ​ക്ക് നോ​ക്കി. മ​ണി 5.45. സാ​വ​ധാ​നം എ​ഴു​ന്നേ​റ്റ് ഭ​യ​ന്ന മു​ഖ​​ത്തോ​ടെ വാ​ർ​ഡ​ന്റെ മു​ന്നി​ൽ നി​ശ്ശ​ബ്ദ​നാ​യി നി​ന്നു.

‘‘എ​ന്താ​ടാ. എ​ന്തുവേ​ണം?’’ എ​ന്ന് വാ​ർ​ഡ​ൻ ചോ​ദി​ച്ചു.

‘‘പെ​ന്ന് ക്ലാ​സി​ൽ മ​റ​ന്നു​വെ​ച്ചി​ട്ടാ​ണ് വ​ന്ന​ത്. കു​റ​ച്ച് എ​ഴു​താ​നു​ണ്ട്. പെ​ന്നി​ല്ല. അ​തു​കൊ​ണ്ട് മു​ത്ത​ശ്ശി​യു​ടെ ക​ട​യി​ൽ പോ​യി, ഒ​രു പെ​ന്ന് വാ​ങ്ങി​യി​ട്ട് വ​ര​ട്ടെ?’’ എ​ന്ന് ചോ​ദി​ച്ചു.

‘‘ശ​രി... ശ​രി, പോ​യ് തു​ല​യ്. പോ​യി​ട്ട് വേ​ഗം വ​ര​ണം’’ എ​ന്ന് വി​ര​ട്ടു​ന്ന ധ്വ​നി​യി​ൽ പ​റ​ഞ്ഞു. അ​പ്പോ​ൾ സൂ​ര്യ​ൻ മ​റ​ഞ്ഞി​രു​ന്നു. ഇ​രു​ട്ടി​ത്തു​ട​ങ്ങി​യി​രു​ന്നു. ഓ​ട​മ​ര​ക്കാ​ട്ടി​ലൂ​ടെ അ​ര​കി​ലോ​മീ​റ്റ​ർ ന​ട​ന്ന് മു​മ്മൂ​ർ​ത്തി​പു​രം റോ​ഡി​ൽ​ വ​ന്നു​ചേ​ർ​ന്നു. മ​രു​ത്വാ​മ​ല​യു​ടെ നെ​റു​ക​യി​ൽ ദീ​പം എ​രി​യു​ന്ന​ത് ക​ണ്ടു. നേ​രെ ന​ട​ന്ന് മു​മ്മൂ​ർ​ത്തി​പു​രം സി.​എ​സ്.​ഐ ച​ർ​ച്ചി​ൽ​നി​ന്ന് ഇ​ട​തു​ഭാ​ഗ​ത്തേ​ക്ക് തി​രി​ഞ്ഞ​പ്പോ​ൾ മു​ത്ത​ശ്ശി​യു​ടെ ക​ട​യെ​ത്തി.

ആ ​മു​ത്ത​ശ്ശി ചെ​ന്ത​മി​ഴി​നെ​ക്കാ​ൾ മെ​ലി​ഞ്ഞ​വ​ളാ​ണ്. ചു​ക്കി​ച്ചു​ളി​ഞ്ഞ മു​ല​ക​ൾ, ക​ഴു​ത്തി​ൽ താ​ലി​യും വ​ല​തു​കൈ​യി​ൽ ഒ​രു സ്വ​ർ​ണ​വ​ള​യും ഉ​ണ്ട്. അ​വ​രു​ടെ ഭ​ർ​ത്താ​വ്, മു​മ്മൂ​ർ​ത്തി​പു​രം എ​ൽ.​പി സ്കൂ​ളി​ലെ പി.​ടി.​എ പ്ര​സി​ഡ​ന്റാ​ണ്. അ​തി​നാ​ൽ സ്കൂ​ൾ വി​ദ്യാ​ർ​ഥി​ക​ൾ വെ​ളി​ക്ക് പോ​യാ​ൽ ച​ന്തി ക​ഴു​കു​വാ​ൻ അ​വ​രു​ടെ വീ​ട്ടു​കോ​മ്പൗ​ണ്ടി​ലു​ള്ള വെ​ള്ള​ത്തൊ​ട്ടി​യി​ൽ ചി​ര​ട്ട​യോ ഡ​ബ്ബ​യോ വെ​ക്കും. അ​തി​ൽ​നി​ന്ന് വെ​ള്ള​മെ​ടു​ത്ത് ക​ഴു​കും.

ആ ​ഗ്രാ​മ​ത്തി​ൽകൂടി ‘ധ​നം’ എ​ന്ന ഒ​രു മ​നോ​രോ​ഗി ക​റ​ങ്ങി​ന​ട​ന്നു​കൊ​ണ്ടി​രു​ന്നു. അ​വ​ന്റെ ശ​രീ​രം മു​ഴു​വ​ൻ അ​ഴു​ക്കു​നി​റ​ഞ്ഞി​രി​ക്കും. മ​ലം നാ​റും. വി​ദ്യാ​ർ​ഥി​ക​ൾ അ​വ​നോ​ട് ‘‘ധ​നം ആ​ഹാ​രം ക​ഴി​ച്ചോ?’’ എ​ന്ന് ചോ​ദി​ച്ചാ​ൽ, ‘‘ചു​രു​ട്ടു വ​ലി​ച്ചു’’ എ​ന്ന് പ​റ​യും. ‘‘അ​വ​ൻ വ​ലി​യ പ​ണ​ക്കാ​ര​നാ​ണ്. പെ​ട്ടെ​ന്ന് ഭ്രാ​ന്ത​നാ​യി​പ്പോ​യി’’ എ​ന്നാ​ണ് പ​റ​യു​ന്ന​ത്. ധ​ന​ത്തി​ന് ക​ഞ്ഞി​യും ചോ​റും ക​ട​ക്കാ​രി മു​ത്ത​ശ്ശി​യാ​ണ് കൊ​ടു​ക്കു​ന്ന​ത്. ആ​രെ​ങ്കി​ലും കൊ​ടു​ക്കു​ന്ന കാ​ശ് മു​ത്ത​ശ്ശി​ക്ക് കൊ​ടു​ത്ത്, ഏ​ത്ത​പ്പ​ഴം ചോ​ദി​ക്കും. ചു​രു​ട്ട് ചോ​ദി​ക്കും. മു​ത്ത​ശ്ശി ചു​രു​ട്ട് കൊ​ടു​ത്ത​തും വാ​യി​ൽ വെ​ച്ചി​ട്ട് മൂ​ക്ക​ൻ​എ​ലി​യെ​പ്പോ​ലെ ചു​ണ്ടി​ൽ ചു​രു​ട്ടു​വെ​ച്ച് ക​ത്തി​ക്കാ​നാ​യി ത​ല​നീ​ട്ടും. മു​ത്ത​ശ്ശി തീ​പ്പെ​ട്ടി ഉ​ര​ച്ച്, ചു​രു​ട്ട് ക​ത്തി​ക്കും. കു​പു​കു​പു​വെ​ന്ന് ധ​നം പു​ക ഊ​തും. കാ​ലി​ലൂ​ടെ തൂ​റി​യി​ട്ട് ക​ട​ക്ക് മു​ന്നി​ൽ വ​ന്നു​നി​ൽ​ക്കും. മു​ത്ത​ശ്ശി കൈ​നീ​ട്ടി ആം​ഗ്യം മു​ഖേ​ന ‘‘അ​ക​ത്തേ​ക്കു​ വാ’’ എ​ന്ന് കോ​മ്പൗ​ണ്ടി​ന​ക​ത്തേ​ക്ക് വ​രാ​ൻ പ​റ​യും. അ​ഴു​ക്കു​പി​ടി​ച്ച വേ​ഷ്ടി ഉ​യ​ർ​ത്തി തി​രി​ഞ്ഞ് കു​ത്തി​യി​രി​ക്കും. അ​പ്പോ​ൾ തൊ​ട്ടി​യി​ൽ​നി​ന്നും വെ​ള്ളം​കോ​രി മു​ത്ത​ശ്ശി ധ​ന​ത്തി​ന്റെ ച​ന്തി​ക്ക് ഒ​ഴി​ച്ചു​കൊ​ടു​ക്കും. അ​വ​ൻ തേ​ച്ചു​ക​ഴു​കും.

ചെ​ന്ത​മി​ഴ്, മു​ത്ത​ശ്ശി​യു​ടെ ക​ട​ക്ക് മു​ന്നി​ലെ പ​ല​ക​പ്പെ​ട്ടി​യി​ൽ ചാ​രി​നി​ൽ​ക്കും. അ​വ​ൻ മു​ത്ത​ശ്ശി​യെ ക​ണ്ടു, ‘‘മു​ത്ത​ശ്ശീ എ​നി​ക്കൊ​രു പെ​ന്ന് വേ​ണം. ഇ​പ്പോ​ൾ കാ​ശി​ല്ല. ക്രിസ്തുമ​സി​ന് വീ​ട്ടി​ൽ പോ​കു​മ്പോ​ൾ പൈ​സ കൊ​ണ്ടു​വ​ന്നു​ത​രാം’’ എ​ന്നു​ പ​റ​ഞ്ഞു.

മു​ത്ത​ശ്ശി ഒ​ന്നും പ​റ​യാ​തെ മൂ​ന്നു​ത​ര​ത്തി​ലു​ള്ള പേ​ന എ​ടു​ത്തു​ കാ​ണി​ച്ചു. മൂ​ന്നു​രൂ​പ അ​മ്പ​തു​പൈ​സ വി​ല​യു​ള്ള​ത് എ​ടു​ത്തു​കൊ​ണ്ട്, ‘‘ഞാ​ൻ പോ​യി​ട്ട് വ​രാം മു​ത്ത​ശ്ശീ’’ എ​ന്നു​പ​റ​ഞ്ഞ​പ്പോ​ൾ, ഓ​റ​ഞ്ചു​മി​ഠാ​യി ഡ​ബ്ബയി​ൽ ഉ​ട​ഞ്ഞു​കി​ട​ന്ന ര​ണ്ടു​ ക​ഷ​ണം മി​ഠാ​യിക​ൾ എ​ടു​ത്തു​ന​ൽ​കി. അ​വ വാ​ങ്ങി വാ​യി​ലി​ട്ടു​കൊ​ണ്ട് പ​ടി​ഞ്ഞാ​റു​ഭാ​ഗ​ത്തേ​ക്ക് മു​മ്മൂ​ർ​ത്തി​പു​രം റോ​ഡി​ൽ​കൂ​ടി സാ​വ​ധാ​നം ന​ട​ക്കാ​ൻ തു​ട​ങ്ങി.

ഓ​രോ വീ​ട്ടി​ൽ​നി​ന്നും പു​ക പു​റ​ത്തേ​ക്ക് വ​ന്നു​കൊ​ണ്ടി​രു​ന്നു. പ​ന​യോ​ല​യു​ടെ മ​ണം അ​ടി​ക്കാ​ൻ തു​ട​ങ്ങി. അ​താ​ണ് പ​ന​യോ​ല​ കൊ​ഴു​ക്ക​ട്ട​യു​ടെ മ​ണ​മെ​ന്ന് ചെ​ന്ത​മി​ഴി​ന് അ​റി​യി​ല്ല. ന​ട​ക്ക​വെ മ​ണം മ​ന​സ്സി​ലാ​യി. ഇ​ട​തു​ഭാ​ഗ​ത്തെ വീ​ടി​ന്റെ വാ​തി​ൽ പ​കു​തി അ​ട​ച്ചി​രു​ന്നു. അ​ക​ത്തു​നി​ന്നും വ​ന്ന ചെ​റു​ക്ക​ൻ, ത​ന്റെ കൈ​യി​ലി​രു​ന്ന ചൂ​ടു​ള്ള പ​ന​യോ​ല കൊ​ഴു​ക്ക​ട്ട വി​ട​ർ​ത്തി. അ​ത് ചെ​ന്ത​മി​ഴ് ക​ണ്ടു. ‘‘ഇ​വ​ന്റെ കൊ​തി കൂ​ടു​മോ?’’ എ​ന്ന് ചി​ന്തി​ച്ച് ആ ​ചെ​റു​ക്ക​ൻ തി​രി​ഞ്ഞ് വീ​ട്ടി​ന​ക​ത്തേ​ക്ക് പോ​യി.

ന​ട​ക്കു​ന്തോ​റും കൊ​ഴു​ക്ക​ട്ട​യു​ടെ മ​ണം മൂ​ക്കി​നെ​യും കാ​തി​നെ​യും അ​ട​ച്ചു. ര​ണ്ടു​ വീ​ട് ക​ട​ന്ന​തും വീ​ണ്ടും കൈ​യി​ൽ ഇ​ളം​മ​ഞ്ഞ​നി​റ​മു​ള്ള പ​ന​യോ​ല കൊ​ഴു​ക്ക​ട്ട​ക​ൾ കു​ട്ടി​ക​ൾ വെ​ച്ചി​രു​ന്നു. അ​വ​ർ ചെ​ന്ത​മി​ഴെ ശ്ര​ദ്ധി​ച്ചി​ല്ല. മു​മ്മൂ​ർ​ത്തി​പു​രം റോ​ഡി​ൽ ആ​ൾ​സ​ഞ്ചാ​രം അ​ധി​ക​മി​ല്ല. ചി​ല വീ​ടു​ക​ളു​ടെ മു​റ്റ​ത്ത് ദീ​പം ക​ത്തി​ച്ചു​വെ​ച്ചി​രു​ന്നു. ന​ട​ന്നു​പോ​കു​ന്ന റോ​ഡി​ൽ ര​ണ്ടു​ ഭാ​ഗ​ങ്ങ​ളി​ലും ഉ​ള്ള വീ​ട്ടു​മു​റ്റ​ങ്ങ​ളി​ലേ​ക്ക് നോ​ക്കി​ക്കൊ​ണ്ട് ന​ട​ന്നു.

‘‘ഞ​ങ്ങ​ൾ കൊ​ഴു​ക്ക​ട്ട തി​ന്നു​മ്പോ​ൾ ആ​രെ​ങ്കി​ലും വ​ന്നാ​ൽ അ​വ​ർ​ക്കും കൊ​ഴു​ക്ക​ട്ട കൊ​ടു​ക്കും’’ എ​ന്ന് ഞാ​ൻ പ​റ​ഞ്ഞ​ത് വി​ശ്വ​സി​ച്ച് ഓ​രോ വീ​ട്ടു​വാ​തി​ലു​ം നോ​ക്കി​ക്കൊ​ണ്ടു​ ന​ട​ന്നു. ഗ്രാ​മ​ത്തി​ന്റെ അ​വ​സാ​നം വ​രെ വ​ന്ന ചെ​ന്ത​മി​ഴെ ആ​രും ക​ണ്ടി​ല്ല. തെ​ക്കു​ഭാ​ഗ​ത്തേ​ക്ക് തി​രി​ഞ്ഞ് കി​ഴ​ക്കെ റോ​ഡി​ൽ​ ന​ട​ന്നു. ദുഃ​ഖം ​തൊ​ണ്ട​യ​ട​പ്പി​ച്ചു. നാ​വി​ൽ ഊ​റി​യ തു​പ്പ​ൽ കി​ട​ന്നി​രു​ന്നു. ശ​രീ​ര​ത്ത് മു​ഴു​വ​ൻ ഉ​ണ്ടാ​യി​രു​ന്ന ആ​ശ ക​ണ്ണു​ക​ളി​ൽ നി​റ​ഞ്ഞ് ക​ണ്ണീ​രാ​യി അ​ട​ച്ചു​നി​ന്നു. വീ​ട്ടി​ന് പു​റ​ത്ത് ​േപ്ല​റ്റി​ൽ​വെ​ച്ച് പ​ന​യോ​ല കൊ​ഴു​ക്ക​ട്ട തി​ന്നു​കൊ​ണ്ടി​രു​ന്ന​വ​ർ, കൊ​ഴു​ക്ക​ട്ട​യെ ചെ​റി​യ ക​ഷ്ണ​ങ്ങ​ളാ​ക്കി മു​റി​ച്ച്, മാ​റി​മാ​റി എ​റി​ഞ്ഞ് ക​ളി​ച്ചു​കൊ​ണ്ടി​രു​ന്നു. അ​തി​ൽ ഒ​രു ക​ഷ​ണം ത​ന്റെ നേ​ർ​ക്ക് വ​രി​ല്ലേ എ​ന്ന് ചെ​ന്ത​മി​ഴ് നോ​ക്കി. ഒ​ന്നും വ​ന്നി​ല്ല. വീ​ണ്ടും ഓ​രോ വീ​ട്ടു​വാ​തി​ലി​ലും പി​ച്ച​ക്കാ​ര​നെ​പ്പോ​ലെ നോ​ക്കി​ക്കൊ​ണ്ടു​ ന​ട​ന്നു. ഗ്രാ​മം, അ​വ​സാ​നി​ച്ചു. അ​ടു​ത്ത് ഹോ​സ്റ്റ​ലി​ലേ​ക്ക് പോ​കു​ന്ന കാ​ട്ടു​വ​ഴി​പ്പാ​ത​യാ​ണ്. ക​ണ്ണു​ക​ളെ മൂ​ടി​നി​ന്ന ആ​ശ ക​ണ്ണീ​രാ​യി മാ​റി മു​ഖ​ത്തു​കൂ​ടി ധാ​ര​യാ​യി ഒ​ഴു​കി. അ​വ​ൻ പൊ​ട്ടി​ക്ക​ര​ഞ്ഞു. എ​ന്നാ​ൽ, അ​വ​ൻ ക​ര​ഞ്ഞ​ത് ആ​രും കേ​ട്ടി​ല്ല. ദേ​ഹം മു​ഴു​വ​ൻ വി​യ​ർ​പ്പ്. തേ​ങ്ങി​ത്തേ​ങ്ങി ക​ര​ഞ്ഞു. അ​പ്പോ​ൾ അ​വ​ന്റെ ത​മി​ഴ് അ​ധ്യാ​പ​ക​ൻ ജ​ഗ​ദീ​ശ​ൻ പ​റ​ഞ്ഞു​കൊ​ടു​ത്ത ‘‘പ്ര​ത്യേ​കം ഒ​രാ​ൾ​ക്ക് ആ​ഹാ​ര​മി​ല്ലെ​ങ്കി​ൽ, ജ​ഗ​ത്തി​നെ ന​ശി​പ്പി​ക്കും’’ എ​ന്ന ഭാ​ര​തി​യു​ടെ ക​വി​ത ഓ​ർ​മ​വ​ന്നു.

ര​ണ്ടു കൈ​ക​ളാ​ലും മു​ഖം തു​ട​ച്ചു​കൊ​ണ്ട് തി​രി​ഞ്ഞു​നി​ന്ന്, ‘‘എ​നി​ക്കൊ​രു കൊ​ഴു​ക്ക​ട്ട ത​രാ​ത്ത ഈ ​നാ​ട് ന​ശി​ച്ചു​പോ​ക​ട്ടെ’’ എ​ന്ന് മ​ുമ്മൂ​ർ​ത്തി​പു​ര​ത്തെ നോ​ക്കി ശ​പി​ച്ചു. വീ​ണ്ടും ഹോ​സ്റ്റ​ലി​ലേ​ക്ക് ന​ട​ന്നു. അ​വ​ന്റെ ക​ണ്ണീ​രും അ​വ​നോ​ടൊ​പ്പം ​ന​ട​ന്നു.