ക​ല്ലീ​വ​ല്ലി

സ​ത്യ​മാ​യും ഞാ​ൻ മ​രി​ച്ച​ത​ല്ല മാ​ഡം...

ഷ​ബീ​ർ അ​ലി ബം​ഗാ​ളി​യോ ഹി​ന്ദി​യോ ക​ര​ച്ചി​ലോ എ​ന്ന് മ​ന​സ്സി​ലാ​കാ​ത്ത ഭാ​ഷ​യി​ലാ​ണ് പ​റ​ഞ്ഞ​തെ​ങ്കി​ലും അ​മൃ​ത​ക്ക് ആ​രു​ടെ​യും സ​ഹാ​യ​മി​ല്ലാ​തെ ത​ന്നെ അ​ത് മ​ന​സ്സി​ലാ​യി. അ​സ്‍ലം അ​ത് വി​വ​ർ​ത്ത​നം ചെ​യ്തു​കൊ​ടു​ക്കാ​ൻ പോ​കു​മ്പോ​ൾ അ​വ​ൾ കൈ​കൊ​ണ്ട് വേ​ണ്ടെ​ന്ന് ആം​ഗ്യം കാ​ണി​ച്ചു.

തന്റെ മു​ന്നി​ലെ വി​ല​കൂ​ടി​യ ലെ​ത​ർ​ ക​സേ​ര​യി​ൽ മു​ക്കാ​ലും പു​റ​ത്തും ഇ​ത്തി​രി അ​ക​ത്തു​മാ​യി ഇ​രു​ന്നു, ഇ​രു​ന്നി​ല്ല എ​ന്ന മാ​ന്ത്രി​ക പൊ​സി​ഷ​നി​ൽ ഇ​രി​ക്കു​ന്ന ആ ​മ​നു​ഷ്യ​ന്റെ പ്രാ​യം അ​മൃ​ത മ​ന​സ്സി​ൽ ക​ണ​ക്കു​കൂ​ട്ടി. കാ​ഴ്ച​യി​ൽ അ​മ്പ​തോ അ​റു​പ​തോ തോ​ന്നി​ക്കു​മെ​ങ്കി​ലും അ​വ​ൾ​ക്ക് മു​ന്നി​ലെ രേ​ഖ​ക​ൾ കാ​ണി​ക്കു​ന്ന​ത് അ​യാ​ൾ​ക്ക് 32 വ​യ​സ്സ് എ​ന്നാ​ണ്. അ​യാ​ളു​ടെ മു​ഖ​ത്തെ ക​ര​ച്ചി​ലും നി​സ്സ​ഹാ​യ​ത​യും ആ​ധി​യു​മൊ​ക്കെ വാ​യി​ച്ചെ​ടു​ക്കാ​നെ​ന്ന മ​ട്ടി​ൽ അ​വ​ൾ നോ​ക്കു​മ്പോ​ൾ ത​നി​ക്ക് ഇ​വി​ടെ​യും എ​ന്തെ​ങ്കി​ലും തെ​റ്റു പ​റ്റി​യോ എ​ന്ന ആ​ശ​ങ്കകൂ​ടി അ​യാ​ളു​ടെ മു​ഖ​ത്തേ​ക്ക് ഇ​ര​ച്ചു​വ​ന്നു.

അ​ബൂദ​ബി​യി​ലെ പ​ണി​സ്ഥ​ല​ത്തുനിന്നും ബ​സ് ക​യ​റി ദു​ബൈയി​ലെ​ത്തി​യ​താ​ണ് അ​യാ​ൾ. ദുബൈ പൊ​ലീ​സി​ൽനി​ന്നും വ​ർ​ക്ക് സൈ​റ്റി​ലെ ഓ​ഫിസി​ലേ​ക്ക് ഫോ​ൺ വ​ന്ന​പ്പോ​ഴാ​ണ് ഷ​ബീ​റ​ലി മ​രി​ച്ചെ​ന്ന് അ​വി​ടു​ള്ള​വ​ർ അ​റി​ഞ്ഞ​ത്. അ​തും ദു​ബൈ​യി​ലെ ഒ​രു പ​ണി​സ്ഥ​ല​ത്ത് നാ​ൽപതാം നി​ല​യു​ടെ മു​ക​ളി​ൽനി​ന്നും താ​ഴെ വീ​ണി​ട്ട്. ഷ​ബീ​റി​​ന്റെ ക​മ്പ​നി​യു​ടെ അബൂദബി ഓ​ഫിസി​ലെ പേ​ഴ്സ​നൽ മാ​നേ​ജ​ർ കി​ര​ണാ​ണ് അ​യാ​ളോ​ട് വ​ക്കീ​ലി​നെ ഒ​ന്ന് വി​ളി​ച്ചി​ട്ട് അ​ഭി​പ്രാ​യം ചോ​ദി​ച്ചോ​ളൂ​വെ​ന്ന് അ​മൃ​ത​യു​ടെ ന​മ്പ​ർ കൊ​ടു​ത്ത​ത്. കി​ര​ൺ കാ​ര്യം പ​റ​ഞ്ഞെ​ങ്കി​ലും ഷ​ബീ​റ​ലി ഫോ​ണി​ൽ സം​സാ​രി​ക്കു​മ്പോ​ൾ അ​യാ​ളു​ടെ നി​ല​വി​ളി​യ​ല്ലാ​തെ മ​റ്റൊ​ന്നും അ​മൃ​ത​ക്ക് മ​ന​സ്സി​ലാ​യി​ല്ല. ഹി​ന്ദി അ​റി​യാ​ത്ത​തു​കൊ​ണ്ട് മാ​ത്ര​മാ​യി​രു​ന്നി​ല്ല അ​ത്, താ​ൻ പ​റ​യു​ന്ന ഭാ​ഷ​യി​ൽ ക​ര​ച്ചി​ല​ല്ലാ​തൊ​ന്നും അ​യാ​ൾ​ക്കുപോ​ലും മ​ന​സ്സി​ലാ​വു​ന്നു​ണ്ടാ​യി​രു​ന്നി​ല്ല.

അ​മൃ​ത​ക്ക് മു​ന്നി​ൽ എ​ന്തൊ​ക്കെ​യോ ക​ട​ലാ​സു​ക​ളു​ടെ ഒ​രു പ്ലാ​സ്റ്റി​ക് ഫോ​ൾ​ഡ​ർ മേ​ശ​പ്പു​റ​ത്ത് വെക്കാ​മോ എ​ന്ന സ​ന്ദേ​ഹ​ത്തി​ൽ കൈ​യി​ൽനി​ന്ന് വി​ട്ടു​ക​ള​യാ​തെ പി​ടി​ച്ച് ഇ​രി​ക്കു​മ്പോ​ഴും അ​യാ​ളു​ടെ മ​ന​സ്സി​ലെ ഭാ​ഷ ആ ​നി​ല​വി​ളി​യു​ടേ​തുത​ന്നെ​യാ​യി​രു​ന്നു. ഏ​താ​നും മ​ണി​ക്കൂ​റു​ക​ൾ മു​മ്പ് നാ​ട്ടി​ൽ ഭാ​ര്യ​യെ വി​ളി​ച്ച് താ​ന​ല്ല മ​രി​ച്ച​തെ​ന്ന് ആ​ണ​യി​ട്ട് പ​റ​യു​മ്പോ​ഴും അ​തേ ഭാ​ഷ മാ​ത്ര​മേ അ​യാ​ൾ​ക്ക് കൈ​മു​ത​ലാ​യു​ണ്ടാ​യി​രു​ന്നു​ള്ളൂ. ഒ​രു​പ​ക്ഷേ ജ​നി​ച്ച​ന്ന് മു​ത​ൽ അ​യാ​ൾ​ക്ക് സ്ഥി​ര​മാ​യു​ണ്ടാ​യി​രു​ന്ന ഭാ​ഷ അ​തുത​ന്നെ​യാ​യി​രു​ന്നി​രി​ക്ക​ണം.

ഓ​രോ ത​വ​ണ​യും ര​ക്ഷ​പ്പെ​ട്ടു​വെ​ന്ന തോ​ന്ന​ലി​ലെ​ത്തു​മ്പോ​ൾത​ന്നെ ആ​ഴ​ത്തി​ലേ​ക്ക് വ​ലി​ച്ച് മു​ക്കു​ന്ന എ​ന്തോ ഒ​ന്ന് ജീ​വി​ത​മാ​കെ​യും ഒ​പ്പ​മു​ണ്ടെ​ന്ന് ഷ​ബീ​റ​ലി​ക്ക് പ​ണ്ടും തോ​ന്നി​യി​ട്ടു​ള്ള​താ​ണ്. ഇ​ന്ന് സ്വ​ന്തം മ​ര​ണ​വാ​ർ​ത്ത അ​റി​ഞ്ഞ നേ​രം മു​ത​ൽ ആ ​തോ​ന്ന​ൽ പി​ന്നെ​യും അ​യാ​ളി​ലേ​ക്ക് ഇ​ര​ച്ചു​വ​ന്നു. ക​ഷ്ടി​ച്ച് ഒ​രു​ വ​ർ​ഷം മു​ന്നെ​യാ​ണ് ഏ​റെ​ക്കാ​ലം ദു​രി​ത​ങ്ങ​ളു​ടെ ആ​ഴ​ത്തി​ൽനി​ന്ന് ശ്വാ​സ​മെ​ടു​ക്കാ​നെ​ന്ന​വ​ണ്ണം അ​യാ​ൾ ദു​ബൈ​യി​ലെ ജോ​ലി​യി​ൽ ക​യ​റു​ന്ന​ത്. അ​തി​നും മു​മ്പ് അ​ങ്ങ​നെ ശ്വാ​സ​മെ​ടു​ക്കു​ന്നു​വെ​ന്ന തോ​ന്ന​ൽ വ​ന്ന​ത് ര​ണ്ടു ല​ക്ഷം ട​ക മു​ജീ​ബു​റി​നെ ഏ​ൽ​പ്പി​ച്ച് ഒ​രു​മാ​സം ക​ഴി​ഞ്ഞ് അ​യാ​ൾ ദുബൈക്കു​ള്ള വി​സ​യു​മാ​യി വ​ന്ന​പ്പോ​ഴാ​ണ്. അ​ത് നാ​ലു വ​ർ​ഷം മു​മ്പാ​യി​രു​ന്നു. പ​ക്ഷേ, ദു​ബൈയി​ലെ​ത്തി​യ​പ്പോ​ൾ ആ​ദ്യ​മാ​യും അ​വ​സാ​ന​മാ​യും ക​ട​ല് കാ​ണാ​ൻ പോ​യ​തു​പോ​ലെ​യാ​യി​രു​ന്നു അ​നു​ഭ​വം.

ക​ലി​പൂ​രി​ലെ വീ​ട്ടി​ൽനി​ന്ന് ക​ഷ്ടി​ച്ച് ര​ണ്ട് മ​ണി​ക്കൂ​ർ സൈ​ക്കി​ളി​ൽ പോ​കാ​വു​ന്ന ദൂ​ര​ത്തി​ലാ​ണ് ക​ട​ലെ​ങ്കി​ലും ഷ​ബീ​ർ ആ​ദ്യ​മാ​യി അ​ങ്ങോ​ട്ട് പോ​വു​ന്ന​ത് 13 വ​യ​സ്സാ​യി​ട്ടാ​ണ്. ബ​ലേ​ശ്വ​ർ ന​ദി​യി​ലാ​ണ് ഷ​ബീ​റി​ന്റെ കു​ട്ടി​ക്കാ​ലം തൊ​ട്ടു​ള്ള ഒ​ഴി​വു​നേ​ര​ങ്ങ​ളെ​ല്ലാം. പു​ഴ ക​ര​ക​വി​യു​ന്ന നാ​ളു​ക​ളി​ൽപോ​ലും ന​ദി​യി​ലി​റ​ങ്ങി അ​ക്ക​രെ​യി​ക്ക​രെ നീ​ന്തു​ന്ന ധൈ​ര്യ​ത്തി​ലാ​ണ് ക​ട​ലി​ലി​റ​ങ്ങു​ന്ന​ത്. ഒ​റ്റനി​മി​ഷംകൊ​ണ്ട് ഒ​രു തി​ര ആ ​പ​തി​മൂ​ന്നു​കാ​ര​നെ വി​ഴു​ങ്ങി. ശ്വാ​സം​കി​ട്ടാ​തെ വെ​ള്ള​ത്തി​ന​ടി​യി​ൽ ഒ​ടു​ങ്ങി​പ്പോ​കു​മെ​ന്ന ആ ​തോ​ന്ന​ലാ​യി​രു​ന്നു ദു​ബൈയി​ലേ​ക്ക് ക​ട​യി​ലെ ജോ​ലി​ക്കു​ള്ള വി​സ​യെ​ന്ന് പ​റ​ഞ്ഞ് മു​ജീ​ബു​ർ ത​ന്ന​ത് മൂ​ന്ന് മാ​സ​ത്തേ​ക്കു​ള്ള വി​സി​റ്റ് വി​സ​യാ​ണെ​ന്നും ജോ​ലി​ ക​ണ്ടു​പി​ടി​ക്കേ​ണ്ട​ത് താ​ൻത​ന്നെ​യാ​ണെ​ന്നും അ​റി​ഞ്ഞ​പ്പോ​ൾ ഷ​ബീ​റി​നു​ണ്ടാ​യ​ത്.

ശ​മ്പ​ള​മി​ല്ലാ​ത്ത ക്ലീ​നിങ് ജോ​ലി​യും ഷാ​ർ​ജ​യി​ലെ വി​ല്ല​യു​ടെ മു​റ്റ​ത്ത് ത​ക​ര​ഷീ​റ്റ് മ​റ​ച്ചു​ണ്ടാ​ക്കി​യ താ​ൽക്കാ​ലി​ക മു​റി​യി​ലെ താ​മ​സ​വും ര​ണ്ടു​നേ​ര​ത്തെ കു​ബൂ​സും വെ​ള്ള​വും മാ​ത്ര​മാ​യ ഭ​ക്ഷ​ണ​വും എ​ങ്ങ​നെ​യോ ജീ​വി​തം മു​ന്നോ​ട്ടു​പോ​കു​ന്നു എ​ന്ന​തി​ന​പ്പു​റം മ​റ്റൊ​രു തോ​ന്ന​ലും അ​യാ​ൾ​ക്ക് ന​ൽ​കി​യി​ല്ല. പൊ​രി​വെ​യി​ല​ത്ത് ന​ട​ന്നും ആ​രു​ടെ​യോ ഔ​ദാ​ര്യ​ത്തി​ൽ വ​ല്ല​പ്പോ​ഴും കി​ട്ടു​ന്ന സൈ​ക്കി​ൾ ച​വി​ട്ടി​യും ഒ​ക്കെ ഓ​രോ ഇ​ട​ങ്ങ​ളി​ൽ വീ​ടെ​ന്നോ അ​ടു​ക്ക​ള​യെ​ന്നോ ഓ​ഫിസു​ക​ളെ​ന്നോ വ്യ​ത്യാ​സ​മി​ല്ലാ​തെ വൃ​ത്തി​യാ​ക്കി സൂ​ക്ഷി​ക്കാ​ൻ എ​പ്പോ​ഴും മെ​ന​ക്കെ​ട്ടെ​ങ്കി​ലും കൂ​ലി​യൊ​ന്നും ആ​രി​ൽ​നി​ന്നും കി​ട്ടി​യി​രു​ന്നി​ല്ല.

വി​സ, താ​മ​സം, ഭ​ക്ഷ​ണം എ​ന്നി​ങ്ങ​നെ​യു​ള്ള ചെ​ല​വു​ക​ളി​ലേ​ക്ക് മ​ല​ബാ​രി​യാ​യ മു​ത​ലാ​ളി അ​തെ​ല്ലാം ത​ട്ടി​ക്കി​ഴി​ച്ചു. എ​ന്നി​ട്ടും അ​യാ​ളെ​ന്തോ ഔ​ദാ​ര്യം ചെ​യ്തു​ത​രു​ന്ന മ​ട്ടി​ലാ​യി​രു​ന്നു പെ​രു​മാ​റ്റം. അ​ത് തെ​റ്റാ​ണെ​ന്ന് ഒ​രി​ക്ക​ലും ഷ​ബീ​റി​ന് തോ​ന്നി​യ​തു​മി​ല്ല. വി​സി​റ്റ് വി​സ തീ​ർ​ന്ന് ക​ല്ലീ​വ​ല്ലി​യാ​യി അ​ല​യേ​ണ്ടി വ​രു​മാ​യി​രു​ന്ന ഷ​ബീ​റി​ന് പൊ​ലീ​സി​നെ പേ​ടി​ക്കാ​തെ പു​റ​ത്തി​റ​ങ്ങി ന​ട​ക്കാ​ൻ വ​ഴി​യൊ​രു​ക്കി​യ​ത് അ​യാ​ളാ​ണ​ല്ലോ. അ​ത് ഔ​ദാ​ര്യ​മ​ല്ലെ​ങ്കി​ൽ പി​ന്നെ​ന്താ​ണ്.

ക​ര​ച്ചി​ലി​ന്റെ വ​ക്ക​ത്തുനി​ന്നും ക​ര​ക​യ​റി നി​ൽ​ക്കു​ക​യാ​യി​രു​ന്ന ഷ​ബീ​റി​ന്റെ മു​ഖ​ത്തേ​ക്കുത​ന്നെ അ​മൃ​ത അ​ൽപനേ​രം നോ​ക്കി​യി​രു​ന്നു. തന്റെ ജീ​വി​തം മൊ​ത്തം അ​യാ​ൾ ഒ​റ്റ​വാ​ക്കു​പോ​ലു​മി​ല്ലാ​തെ പ​റ​യു​ക​യാ​ണെ​ന്ന് അ​വ​ൾ​ക്ക് തോ​ന്നി. എ​വി​ടൊ​ക്കെ​യോ ഇ​യാ​ളെ ഇ​തി​ന് മു​ന്നേ ക​ണ്ടി​ട്ടു​ണ്ടെ​ന്ന് ഒ​രു​നി​മി​ഷം അ​മൃ​ത ചി​ന്തി​ച്ചു​പോ​യി, ഒ​ട്ടും സാ​ധ്യ​ത​യു​ണ്ടാ​യി​രു​ന്നി​ല്ലെ​ങ്കി​ലും. പി​ന്നെ അ​വ​ൾ സ്വ​യം തി​രു​ത്തി. ഷ​ബീ​റ​ലി​യു​ടെ മു​ഖം മ​റ്റൊ​രു​പാ​ട് പേ​രു​ടേ​ത് കൂ​ടി​യാ​വ​ണം.

ഓ​ഫിസി​ലേ​ക്ക് വ​രു​മ്പോ​ൾ വ​ലി​യ ക​ച്ച​റ​ക്കൂ​ന​ക​ളി​ൽനി​ന്നും കാ​ർ​ട്ട​ണു​ക​ൾ തി​ര​ഞ്ഞ് പെ​റു​ക്കു​ന്ന, മാ​ളി​ൽ വ​ണ്ടി പാ​ർ​ക്ക് ചെ​യ്താ​ലു​ട​ൻ കാ​ർ വാ​ഷ് മാ​ഡം എ​ന്ന് ആ​വ​ലാ​തി​യു​ടെ​യോ യാ​ച​ന​യു​ടെ​യോ സ്വ​ര​ത്തി​ൽ പി​റു​പി​റു​ത്തു​കൊ​ണ്ട് ഓ​ടി​വ​രു​ന്ന, സി​ഗ്ന​ലി​ൽ വ​ണ്ടി നി​ർ​ത്തു​മ്പോ​ൾ പേ​ന​യോ വെ​ള്ള​ക്കു​പ്പി​യോ നീ​ട്ടി​ക്കൊ​ണ്ട് വ​ൺ ദി​ർ​ഹം എ​ന്ന് അ​ടി​ച്ചേ​ൽ​പ്പി​ക്കാ​ൻ ശ്ര​മി​ക്കു​ന്ന മ​നു​ഷ്യ​ർ​ക്കൊ​ക്കെ ഇ​യാ​ളു​ടെ മു​ഖംത​ന്നെ​യാ​ണ്. ഇ​വ​രു​ടെ​യെ​ല്ലാം മു​ഖ​ത്ത് തെ​ളി​ഞ്ഞു​നി​ൽ​ക്കു​ന്ന ദൈ​ന്യ​ത ഷ​ബീ​റ​ലി​യു​ടെ മു​ഖ​ത്തു​മു​ണ്ട്. അ​വി​ടെ​ത്ത​ന്നെ നി​ൽ​ക്കു​ക​യാ​യി​രു​ന്ന അ​സ്‍ലമി​നെ നോ​ക്കി അ​യാ​ൾ​ക്ക് ചാ​യ കൊ​ടു​ക്കാ​ൻ അ​വ​ൾ ആം​ഗ്യം കാ​ട്ടി.

താ​ൻ ക​ര​യു​ന്ന​ത് ഉ​ച്ച​ത്തി​ലാ​ണോ മ​ന​സ്സി​ലാ​ണോ​യെ​ന്ന് ഷ​ബീ​റ​ലി​ക്ക് ഉ​റ​പ്പി​ല്ലാ​യി​രു​ന്നു. പ​ക്ഷേ, മു​ന്നി​ൽ ചാ​ര​നി​റ​ത്തി​ലെ സ്യൂ​ട്ട് ധ​രി​ച്ച് തി​ക​ഞ്ഞ ആ​ധി​കാ​രി​ക​ത​യോ​ടെ തന്റെ മു​ഖ​ത്തേ​ക്കുത​ന്നെ നോ​ക്കി​യി​രി​ക്കു​ന്ന സ്ത്രീ ​തന്റെ ക​ണ്ണീ​രു​ നി​റ​ഞ്ഞ മ​ന​സ്സി​ലേ​ക്കാ​ണ് നോ​ക്കു​ന്ന​തെ​ന്ന് അ​യാ​ൾ​ക്കു​റ​പ്പാ​യി​രു​ന്നു.

നി​റം മ​ങ്ങി​യ ഉ​ടു​പ്പും വി​യ​ർ​പ്പു​മ​ണി​ഞ്ഞ് പു​ഴ​മീ​നോ പ​ച്ച​ക്ക​റി​യോ വി​ൽ​ക്കാ​നി​റ​ങ്ങു​ന്ന ഭാ​ര്യ​യെ ഒ​രു നി​മി​ഷം അ​യാ​ളോ​ർ​ത്തു. അ​വ​ളെ​യും​കൊ​ണ്ട് താ​ൻ വീ​ടി​ന്റെ പ​ടി​ക​ട​ന്നു​വ​ന്ന​ത് എ​ട്ടു വ​ർ​ഷം മു​മ്പാ​യി​രു​ന്നു​വെ​ന്നും അ​ന്ന് തന്റെ മു​ഖ​ത്ത് എ​ന്തൊ​ക്കെ​യോ വെ​ട്ടി​പ്പി​ടി​ച്ച ചി​രി​യു​ണ്ടാ​യി​രു​ന്നു​വെ​ന്നു​മെ​ല്ലാം അ​യാ​ളു​ടെ ഓ​ർ​മ പ​റ​ഞ്ഞു.

ഏ​ഴു മ​ക്ക​ളി​ൽ നാ​ലാ​മ​നാ​യി​രു​ന്നി​ട്ടും വീ​ട്ടി​ലെ കാ​ര്യ​ങ്ങ​ൾ നോ​ക്കാ​നു​ള്ള മി​ടു​ക്ക് ഏ​റ്റ​വും കൂ​ടു​ത​ൽ ത​നി​ക്കാ​യി​രു​ന്നു​വെ​ന്ന് ബാ​ബ മ​റ്റു​ള്ള​വ​രോ​ട് അ​ഹ​ങ്കാ​ര​ത്തോ​ടെ പ​റ​യു​മാ​യി​രു​ന്നു. ആ ​പ​റ​ച്ചി​ലി​ന്റെ കെ​ണി​യി​ൽ വീ​ണാ​ണ് മ​റ്റു​ള്ള​വ​രെ​ക്കാ​ൾ ഉ​ത്ത​ര​വാ​ദി​ത്ത​ങ്ങ​ൾ അ​യാ​ൾ ത​ന്ന​ത്താ​ൻ ഏ​റ്റെ​ടു​ത്ത​ത്. കൃ​ഷി​യും ചെ​റു​ക​ച്ച​വ​ട​വും മീ​ൻ​പി​ടിത്ത​വു​മൊ​ക്കെ​ക്കൊ​ണ്ട് എ​ങ്ങ​നെ​യെ​ങ്കി​ലു​മൊ​ക്കെ അ​റ്റ​ങ്ങ​ൾ കൂ​ട്ടി​മു​ട്ടി​ച്ച് മു​ന്നോ​ട്ടു​പോ​വു​ന്ന ജീ​വി​ത​ത്തെ അ​ടു​ത്ത​ടു​ത്ത മൂ​ന്നു വ​ർ​ഷ​ങ്ങ​ളി​ൽ പു​ഴ​യി​ലെ വെ​ള്ളം പൊ​ങ്ങി മു​ക്കി​ക്ക​ള​യു​ക​യാ​യി​രു​ന്നു. പ​ട്ടി​ണി​യു​ടെ​യും ദാ​രി​ദ്ര്യ​ത്തി​ന്റെ​യും നി​ല​വി​ളി​ക്കു​ന്ന മു​ഖം വീ​ട്ടി​ലെ എ​ല്ലാ​വ​രി​ൽ​നി​ന്നും ത​ന്നി​ലേ​ക്ക് പ​ക​രു​ക​യാ​യി​രു​ന്നു​വെ​ന്ന് അ​യാ​ളും സം​ശ​യി​ച്ചി​ട്ടു​ണ്ട്. ഭാ​ര്യ​യും ര​ണ്ട് മ​ക്ക​ളും മാ​ത്ര​മ​ല്ല, അ​യാ​ളു​ടെ ത​ണ​ലി​ൽ നി​ന്ന​ത്. മ​ഴ​യും വെ​യി​ലു​മേ​റ്റും വെ​ള്ള​പ്പൊ​ക്ക​ത്തി​ൽ മു​ങ്ങി​യു​മൊ​ക്കെ അ​യാ​ൾ കാ​ത്ത​ത് മാ​സംതോ​റും വ​ലു​താ​യി​ക്കൊ​ണ്ടി​രു​ന്ന കു​ടും​ബ​ത്തെ​യാ​യി​രു​ന്നു.

എ​ല്ലാ വ​ഴി​ക​ളു​മ​ട​യു​ന്നു​വെ​ന്ന തോ​ന്ന​ലി​ലാ​ണ് മു​ജീ​ബു​ർ രം​ഗ​പ്ര​വേ​ശം ചെ​യ്യു​ന്ന​ത്. ഒ​ന്നും തി​രി​ച്ചു​ത​രാ​ത്ത കൃ​ഷി​ഭൂ​മി​യെ​യും ഉ​ള്ള​തെ​ല്ലാം ക​വ​ർ​ന്നെ​ടു​ക്കു​ന്ന ന​ദി​യെ​യും തന്റെ ജീ​വി​ത​ത്തെ​ത്ത​ന്നെ​യും പി​ന്നി​ലു​പേ​ക്ഷി​ച്ചാ​ണ് അ​യാ​ൾ എ​യ​ർ അ​റേ​ബ്യ വി​മാ​ന​മേ​റാ​ൻ ധാ​ക്ക​യി​ലേ​ക്ക് ബ​സ് ക​യ​റു​ന്ന​ത്.

“ദാ​ദാ, നി​ങ്ങ​ൾ എ​നി​ക്ക് ത​രു​ന്ന കാ​ശ് ബാ​ങ്കി​ൽ ഇ​ര​ട്ടി പ​ലി​ശ​ക്ക് ഇ​ടു​ന്ന​തുപോ​ലെ​യാ​ണ്. ഈ ​കാ​ശ് എ​നി​ക്ക​ല്ലെ​ന്ന് ഞാ​ൻ പ​റ​യേ​ണ്ട കാ​ര്യ​മി​ല്ല​ല്ലോ. നി​ങ്ങ​ള​വി​ടെ​ച്ചെ​ന്ന് എ.സി മു​റി​ക്കു​ള്ളി​ലി​രു​ന്ന് ജോ​ലി ചെ​യ്യു​മ്പോ​ൾ നി​ങ്ങ​ളെ​പ്പോ​ലെ​ത​ന്നെ ഞാ​നും സ​ന്തോ​ഷി​ക്കും. ഇ​ങ്ങ​നെ ക​യ​റി​പ്പോ​യി അ​വി​ടെ വ​ലി​യ നി​ല​യി​ലാ​യ പ​ല​രെ​യുംപോ​ലെ നി​ങ്ങ​ൾ​ക്കും ഭാ​ഗ്യ​മു​ണ്ട് ദാ​ദാ. ഇ​നി ഞാ​ൻ നി​ങ്ങ​ളെ​ക്കാ​ണാ​ൻ ഇ​വി​ടെ വ​രു​മ്പോ​ൾ നി​ങ്ങ​ളു​ടെ വീ​ട് ഇ​ങ്ങ​നൊ​ന്നു​മാ​യി​രി​ക്കി​ല്ല എ​ന്നെ​നി​ക്കു​റ​പ്പു​ണ്ട്...”

മു​ജീ​ബു​ർ വാ​ക്കു​ക​ളു​ടെ മ​ഴ പെ​യ്യി​ക്കു​മ്പോ​ൾ ക​ഴി​ഞ്ഞ വ​ർ​ഷ​കാ​ല​ത്ത് പു​ഴ​ തി​ന്നു​തീ​ർ​ത്ത പാ​ട​ങ്ങ​ളു​ടെ ഗ​തി​യാ​വും തന്റെ ജീ​വി​ത​ത്തെ കാ​ത്തി​രി​ക്കു​ന്ന​തെ​ന്ന് ഷ​ബീ​റ​ലി ചി​ന്തി​ച്ചേ​യി​ല്ല. ക​ട​ക്കാ​ല​ത്തേ​ക്ക് വ​ഴി​തു​റ​ക്കു​ന്ന​ത് ക​ട​മ​ക്കാ​ലം ത​ന്നെ​യാ​ണെ​ന്ന് പ​ല​വ​ട്ടം അ​യാ​ൾ​ക്ക് തോ​ന്നി​യി​ട്ടു​ള്ള​താ​ണ്. ര​ണ്ടും ഒ​രി​ക്ക​ലും അ​വ​സാ​നി​ക്കാ​ത്ത കാ​ല​ങ്ങ​ളാ​ണെ​ന്നും. മ​ഴ​ക്കാ​ലം പൊ​രി​വെ​യി​ലി​ലേ​ക്കും തി​രി​ച്ചും വാ​തി​ൽ തു​റ​ക്കു​ന്ന​തു​പോ​ലെത​ന്നെ.

ഏ​താ​ണ്ട് ഒ​രു വ​ർ​ഷം മു​മ്പാണ് ഒ​രു പ​രി​ച​യ​ക്കാ​ര​ൻ അ​യാ​ൾ​ക്ക് താ​ൽക്കാ​ലി​ക സ​മാ​ധാ​ന​ത്തി​ലേ​ക്കു​ള്ള വാ​തി​ൽ തു​റ​ന്നു​കൊ​ടു​ത്ത​ത്. പ​രി​ച​യ​ക്കാ​ര​നെ​ന്നൊ​ക്കെ ഒ​രു മേ​നി​ക്ക​ങ്ങ് പ​റ​യാ​മെ​ന്നേ​യു​ള്ളൂ. അ​യാ​ൾ ക്ലീ​നി​ങ്ങി​നു പോ​യി​രു​ന്ന ഒ​രു വീ​ട്ടി​ലെ സാ​ബാ​യി​രു​ന്നു തന്റെ ക​മ്പ​നി​യി​ൽ അബൂദബി​യി​ൽ ആ​ളെ എ​ടു​ക്കു​ന്നു​ണ്ടെ​ന്നും പോ​യി ജോ​ലി​ക്ക് ചേ​രാ​നും പ​റ​ഞ്ഞ​ത്. വി​സ പു​തു​ക്കാ​ൻ ജ​മാ​ലി​ന് പ​ണം കൊ​ടു​ക്കേ​ണ്ട സ​മ​യ​മാ​യ​പ്പോ​ൾ അ​വ​രോ​ട് ചെ​റി​യൊ​രു തു​ക അ​ഡ്വാ​ൻ​സ് ചോ​ദി​ച്ച​താ​യി​രു​ന്നു.

ശ​രി​ക്കും അ​ഞ്ഞൂ​റ് ദി​ർ​ഹം ക​ടം കി​ട്ടി​യേ​ക്കും എ​ന്ന​തി​ന​പ്പു​റ​മൊ​ന്നും ക​രു​താ​തെ​യും ആ​ഗ്ര​ഹി​ക്കാ​തെ​യു​മാ​ണ് ഷ​ബീ​ർ മാ​ഡ​ത്തോ​ട് 1000 ദി​ർ​ഹം ക​ടം ചോ​ദി​ച്ച​ത്. സാ​ബി​നോ​ട് പ​റ​ഞ്ഞ് നാ​ളെ നോ​ക്കാ​മെ​ന്ന് മ​റു​പ​ടി​കി​ട്ടി​യ​പ്പോ​ൾ അ​തും ഇ​ല്ലാ​താ​യേ​ക്കു​മെ​ന്ന് ഭ​യ​ന്നു. അ​ഞ്ഞൂ​റ് ചോ​ദി​ച്ചാ​ൽ മ​തി​യാ​യി​രു​ന്നു എ​ന്നൊ​ക്കെ പി​ന്നെ​യും ത​ന്നെ​ത്ത​ന്നെ കു​റ്റ​പ്പെ​ടു​ത്തി.

വി​സ​ പു​തു​ക്കാ​ൻ ര​ണ്ടുമാ​സം ബാ​ക്കി​യാ​കു​മ്പോ​ൾത​ന്നെ പ​ണം സ്വ​രൂ​പി​ക്ക​ൽ ആ​രം​ഭി​ക്കു​ന്ന​താ​ണ്. നാ​ട്ടി​ലേ​ക്ക് അ​യ​ക്കു​ന്ന​തും മ​റ്റ് ചെ​ല​വു​ക​ളു​മൊ​ക്കെ ക​ഴി​ഞ്ഞാ​ൽ മാ​സം തോ​റും മി​ച്ചം പി​ടി​ക്ക​ൽ ഒ​രി​ക്ക​ലും ന​ട​ക്കാ​റി​ല്ല. എ​ന്നും നാ​ട്ടി​ൽ ഓ​രോ ആ​വ​ശ്യ​ങ്ങ​ളാ​ണ്. എ​ത്ര അ​യ​ച്ചാ​ലും ഒ​ന്നി​നും മ​തി​യാ​വാ​ത്ത​തു​പോ​ലെ. താ​ൻ നാ​ട്ടി​ലാ​യി​രി​ക്കു​മ്പോ​ൾ ഇ​ത്ര ആ​വ​ശ്യ​ങ്ങ​ളും ദു​രി​ത​ങ്ങ​ളും ഉ​ണ്ടാ​യി​രു​ന്നി​ല്ലെ​ന്ന് എ​പ്പോ​ഴും തോ​ന്നും. എ​ന്തെ​ങ്കി​ലും പ​റ​ഞ്ഞാ​ൽ അ​മ്മി​യോ ദാ​ദാ​മാ​രോ ഒ​ക്കെ ഓ​ർ​മി​പ്പി​ക്കും... കു​ടും​ബം വ​ലു​താ​വു​ക​യാ​ണ്.

ശ​രി​യാ​ണ്. ത​​ന്റെ കു​ടും​ബ​വും വ​ലു​താ​യി​ട്ടു​ണ്ട്. ചെ​ല​വു​ക​ൾ കൂ​ടു​ന്ന​ത് സ്വാ​ഭാ​വി​കംത​ന്നെ​യാ​ണ്. എ​ങ്കി​ലും ഒ​ന്നും വേ​ണ്ടി​യി​രു​ന്നി​ല്ലെ​ന്ന് ഓ​രോ ദു​രി​ത​നാ​ളി​ലും ഷ​ബീ​റ​ലി പ​ശ്ചാ​ത്ത​പി​ക്കും. വെ​ള്ളം കു​ടി​ച്ച് വി​ശ​പ്പ് മാ​റ്റി​യ ആ​ദ്യ​കാ​ല​ത്ത് തോ​ന്നി​യി​ട്ടു​ണ്ട്, പാ​ട​ങ്ങ​ൾ ഒ​രി​ക്ക​ലും മു​ഴു​പ്പ​ട്ടി​ണി ആ​ക്കി​യി​ട്ടി​ല്ലെ​ന്ന്. പി​ന്നീ​ട് ആ ​തോ​ന്ന​ലു​ക​ളെ​യെ​ല്ലാം താ​ൻ വൃ​ത്തി​യാ​ക്കു​ന്ന വീ​ടു​ക​ളി​ലെ​യോ ഓ​ഫിസു​ക​ളി​ലെ​യോ പൊ​ടി​യെ​പ്പോ​ലെ തു​ട​ച്ച് മാ​യ്ക്കും.

പ​ണം ക​ടം ചോ​ദി​ച്ച​തി​​ന്റെ അ​ടു​ത്ത ദി​വ​സ​മാ​ണ് സാ​ബ് ആ​ദ്യ​മാ​യി ത​ന്നോ​ട് സം​സാ​രി​ച്ച​തെ​ന്ന് അ​യാ​ളോ​ർ​ത്തു. അ​ങ്ങ​നെ​യൊ​രാ​ൾ അ​വി​ടെ​യു​ണ്ടെ​ന്ന് കാ​ണാ​ത്ത​തു​പോ​ലെ​യാ​ണ് വീ​ട്ടി​ലു​ള്ള നേ​ര​ങ്ങ​ളി​ൽ സാ​ബ് പെ​രു​മാ​റു​ന്ന​ത്. വി​ശേ​ഷ​ങ്ങ​ൾ അ​ന്വേ​ഷി​ക്ക​ലും ജോ​ലി​യു​ടെ നി​ർ​ദേ​ശ​ങ്ങ​ൾ ത​രു​ന്ന​തു​മൊ​ക്കെ മാ​ഡ​മാ​ണ്. അ​തു​കൊ​ണ്ടു​ത​ന്നെ സാ​ബ് ആ​ദ്യ​മാ​യി നി​ന​ക്ക് വേ​റെ എ​ന്തെ​ങ്കി​ലും പ​ണി​ചെ​യ്യാ​ൻ അ​റി​യാ​മോ എ​ന്ന് ചോ​ദി​ച്ച​പ്പോ​ൾ അ​ത് ത​ന്നോ​ട​ല്ലെ​ന്ന് ഒ​രു നി​മി​ഷം ഷ​ബീ​റ​ലി ക​രു​തി​പ്പോ​യി. ത​​ന്റെ മു​ഖ​ത്തുത​ന്നെ കൊ​രു​ത്തി​രി​ക്കു​ന്ന ര​ണ്ട് ക​ണ്ണു​ക​ൾ ക​ണ്ട​പ്പോ​ഴാ​ണ് ചോ​ദ്യം ത​ന്നോ​ടു ത​ന്നെ​യെ​ന്ന് ഉ​റ​പ്പി​ച്ച​ത്. എ​ന്തു പ​ണി​യും ചെ​യ്യു​മെ​ന്ന മ​റു​പ​ടി​യാ​ണ് നാ​വി​ലേ​ക്ക് കു​തി​ച്ചു​വ​ന്ന​തെ​ങ്കി​ലും എ​ന്തും വാ​യി​ച്ചെ​ടു​ക്കാ​വു​ന്ന ഒ​രു ത​ല​കു​ലു​ക്ക​ലി​ൽ അ​ത​ങ്ങ് ഒ​ടു​ങ്ങി​പ്പോ​യി.

“ഞ​ങ്ങ​ളു​ടെ ക​മ്പ​നി​യി​ൽ അബൂദബി​യി​ലേ​ക്ക് ജോ​ലി​ക്കാ​രെ എ​ടു​ക്കു​ന്നു​ണ്ട്. സൈ​റ്റി​ലാ​ണ് ജോ​ലി. നി​ന​ക്ക് 1500 ദി​ർ​ഹം ശ​മ്പ​ളം കി​ട്ടും. പോ​രെ​ങ്കി​ൽ ഓ​വ​ർ​ടൈ​മും കി​ട്ടും. പി​ന്നെ നി​ന​ക്ക് ഈ ​വി​സ പു​തു​ക്ക​ലി​ന് പ​ണ​മു​ണ്ടാ​ക്കാ​നൊ​ന്നും ഓ​ടേ​ണ്ട കാ​ര്യ​മി​ല്ല. അ​തൊ​ക്കെ ക​മ്പ​നി ചെ​യ്യും. ര​ണ്ടു വ​ർ​ഷം കൂ​ടു​മ്പോ​ൾ നാ​ട്ടി​ൽ പോ​കാ​നു​ള്ള ടി​ക്ക​റ്റ് കി​ട്ടു​ക​യും ചെ​യ്യും. നീ​യി​പ്പോ നാ​ട്ടി​ൽ പോ​യി​ട്ട് എ​ത്ര നാ​ളാ​യി?” വ​ന്നി​ട്ട് ഇ​തു​വ​രെ പോ​യി​ട്ടി​ല്ലെ​ന്ന് പ​റ​യാ​ൻ ഒ​രു​ങ്ങി​യെ​ങ്കി​ലും നാ​വ് അ​വി​ടെ​യും മ​ര​വി​ച്ചു നി​ന്നു. ഒ​റ്റനി​മി​ഷംകൊ​ണ്ട് വീ​ടും ഭാ​ര്യ​യും കു​ട്ടി​ക​ളും മ​റ്റു​ള്ള​വ​രു​മൊ​ക്കെ മ​ന​സ്സി​ലേ​ക്ക് വ​ന്നു.

ആ​ലോ​ചി​ച്ചി​ട്ട് നാ​ളെ പ​റ​യ് എ​ന്നു​പ​റ​ഞ്ഞ് സാ​ബ് മ​റ്റെ​ന്തി​ലേ​ക്കോ തി​രി​ഞ്ഞു. ഒ​ന്നും ആ​ലോ​ചി​ക്കാ​നി​ല്ലെ​ന്ന് മ​ന​സ്സ് അ​പ്പോ​ത്ത​ന്നെ മ​റു​പ​ടി പ​റ​ഞ്ഞു. ജ​മാ​ലി​​ന്റെ പി​ടി​യി​ൽനി​ന്നു​ള്ള മോ​ച​ന​മാ​ണ് മു​ന്നി​ൽ. അ​തി​നെ​ന്ത് സം​ശ​യി​ക്കാ​നാ​ണ്...

ക​രു​തി​യ​തു​പോ​ലെത​ന്നെ അ​ത്ര എ​ളു​പ്പ​മാ​യി​രു​ന്നി​ല്ല ജ​മാ​ലി​ൽനി​ന്നും ര​ക്ഷ​പ്പെ​ട​ൽ. അ​യാ​ൾ ഭീ​ഷ​ണി​യും പ്ര​ലോ​ഭ​ന​വു​മൊ​ക്കെ പ്ര​യോ​ഗി​ച്ചു​നോ​ക്കി. പ​ക്ഷേ, ഷ​ബീ​റി​​ന്റെ തീ​രു​മാ​ന​ത്തെ തോ​ൽ​പ്പി​ക്കാ​ൻ അ​തി​നൊ​ന്നു​മാ​യി​ല്ല. ജോ​ലി​ക്ക് അ​യ​ക്കാ​നു​ള്ള അ​പേ​ക്ഷ ത​യാ​റാ​ക്കി​യ​തും അ​യ​ച്ച​തു​മെ​ല്ലാം മാ​ഡംത​ന്നെ​യാ​യി​രു​ന്നു. ഒ​രാ​ഴ്ച​ക്ക​കം അബൂദബി​യി​ലേ​ക്ക് പൊ​യ്ക്കൊ​ള്ളാ​ൻ സാ​ബ് പ​റ​ഞ്ഞു. ഇ​ന്റ​ർ​സി​റ്റി ബ​സി​​ന്റെ ത​ണു​പ്പി​ലി​രു​ന്ന് ഉ​റ​ങ്ങു​മ്പോ​ൾ ബ​ലേ​ശ്വ​റി​​ന്റെ കു​ളി​രി​ൽ താ​ൻ മു​ങ്ങി നി​വ​രു​ന്ന​തും കൈ​യി​ലി​രു​ന്ന് പി​ട​യു​ന്ന കൂ​റ്റ​ൻ മീ​നി​നെ നോ​ക്കി ഭാ​ര്യ​യും മ​ക്ക​ളും അ​തി​ശ​യ​ത്തോ​ടെ ആ​ർ​പ്പു​വി​ളി​ക്കു​ന്ന​തും അ​യാ​ൾ സ്വ​പ്നം ക​ണ്ടു.

അ​ങ്ങ​നെ ഷാ​ർ​ജ​യി​ലെ നാ​ല് വ​ർ​ഷ​ങ്ങ​ളോ​ട് വി​ട​പ​റ​ഞ്ഞ് പു​തി​യൊ​രു ന​ഗ​ര​ത്തി​ലേ​ക്ക് ഷ​ബീ​റ​ലി ജീ​വി​ത​ത്തെ പ​റി​ച്ചു​ന​ട്ടു. ജീ​വി​ത​ത്തെ മാ​ത്ര​മ​ല്ല, ദി​വ​സ​ങ്ങ​ളെ​യും ലോ​ക​ത്തെ​ത്ത​ന്നെ​യും പു​തു​ക്കി​ത്തീ​ർ​ക്കു​ക​യാ​യി​രു​ന്നു അ​യാ​ൾ. വീ​ണ്ടും അ​പ​രി​ചി​ത​മാ​യൊ​രു ലോ​കം. സ്വ​ന്ത​മാ​യി അ​ധി​ക​മൊ​ന്നും തീ​രു​മാ​നി​ക്കേ​ണ്ട​തി​ല്ല എ​ന്നൊ​രു സൗ​ക​ര്യം അ​യാ​ൾ ആ​ദ്യ​മാ​യി അ​നു​ഭ​വി​ക്കു​ക​യാ​യി​രു​ന്നു. ചെ​യ്യു​ന്ന ജോ​ലി​യും കി​ട​ക്കാ​നു​ള്ള ഇ​ട​വും ക​ഴി​ക്കാ​നു​ള്ള ഭ​ക്ഷ​ണ​വു​മൊ​ക്കെ മ​റ്റോ​രോ​രു​ത്ത​രു​ടെ തീ​രു​മാ​ന​മാ​ണ്.

ഒ​പ്പ​മ​ങ്ങ് ഒ​ഴു​കി​പ്പോ​വു​ക എ​ന്ന​ത് മാ​ത്ര​മേ ചെ​യ്യാ​നു​ള്ളൂ. അ​തൊ​രു സു​ഖ​മു​ള്ള ഏ​ർ​പ്പാ​ടാ​യി​രു​ന്നു. ദാ​രി​ദ്ര്യ​ത്തി​ലാ​ണ് മ​നു​ഷ്യ​ൻ സ്വ​ന്തം തീ​രു​മാ​ന​ങ്ങ​ളെ​ടു​ക്കാ​ൻ ഏ​റ്റ​വും നി​ർ​ബ​ന്ധി​ക്ക​പ്പെ​ടു​ക​യെ​ന്ന​ത് ഒ​രു വൈ​ചി​ത്ര്യ​മാ​യി​ത്തോ​ന്നി. സൗ​ക​ര്യ​ങ്ങ​ൾ കൂ​ടും​തോ​റും സ്വ​ന്തം കാ​ര്യ​ങ്ങ​ളി​ൽ തീ​രു​മാ​ന​മെ​ടു​ക്കാ​നു​ള്ള അ​വ​കാ​ശം മ​റ്റു​ള്ള​വ​രെ ഏ​ൽ​പ്പി​ക്കാ​നാ​വു​ന്നു​വെ​ന്ന​ത് ത​മാ​ശയാണ്. കാ​ശു​ണ്ടാ​യാ​ൽ ഇ​ഷ്ടം​പോ​ലെ ജീ​വി​ക്കാ​മ​ല്ലോ എ​ന്നാ​ണ് പ​റ​യാ​റു​ള്ള​ത്. അ​ത് സ​ത്യ​ത്തി​ൽ മ​റ്റു​ള്ള​വ​രു​ടെ ഇ​ഷ്ടംപോ​ലെ എ​ന്ന് തി​രു​ത്തി​യാ​ണ് പ​റ​യേ​ണ്ട​ത്.

ഉ​റ​ക്ക​മു​ണ​രു​ന്ന​തു​ മു​ത​ൽ തി​രി​ച്ച് ആ​റു​ പേ​രു​ള്ള മു​റി​യി​ലെ പു​ത​പ്പി​ന​ടി​യി​ലേ​ക്ക് ചു​രു​ണ്ടു​കൂ​ടു​ന്ന​തു​വ​രെ​യു​ള്ള ദി​വ​സം ഒ​രൊ​ഴു​ക്കാ​ണ്. ഒ​റ്റ​യ്ക്കാ​യി​പ്പോ​വു​ന്ന​തോ ഒ​ഴു​ക്കി​ൽ​നി​ന്ന് നീ​ന്തി​മാ​റു​ന്ന​തോ ആ​യ ഒ​റ്റ നി​മി​ഷംപോ​ലും വേ​ണ്ടി​വ​രു​ന്നേ​യി​ല്ല. ക്യാ​മ്പ് സൂ​പ്പ​ർ​വൈ​സ​റും ഫോ​ർ​മാ​നും സൈ​റ്റ് സൂ​പ്പ​ർ​വൈ​സ​റും മാ​ത്ര​മ​ല്ല, മെ​സി​ലെ​യും ക്ലീ​നി​ങ്ങി​ലെ​യും പ​ണി​ക്കാ​ർ വ​രെ ഷ​ബീ​റി​​ന്റെ ജീ​വി​ത​ത്തി​​ന്റെ ഒ​ഴു​ക്കി​നെ നി​ശ്ച​യി​ക്കു​ന്നു. ആ​രോ​ടും എ​തി​ർ​ത്ത് പ​റ​യാ​നോ ചോ​ദ്യം ചോ​ദി​ക്കാ​നോ നി​ൽ​ക്കാ​ത്ത​തു​കൊ​ണ്ടു​ത​ന്നെ അ​യാ​ളെ ക്യാ​മ്പി​ലും സൈ​റ്റി​ലു​മൊ​ക്കെ എ​ല്ലാ​വ​ർ​ക്കും ഇ​ഷ്ട​മാ​വു​ക​യും ചെ​യ്തു.

ഒ​രു​പാ​ടു​പേ​രു​ടെ ദൈ​ന്യ​ത​ക​ളി​ലൂ​ടെ​യാ​ണ് ത​​ന്റെ ഓ​രോ ദി​വ​സ​വും ക​ട​ന്നു​പോ​കു​ന്ന​തെ​ങ്കി​ലും ഇ​ങ്ങ​നെ​യൊ​രാ​ൾ മു​ന്നി​ലെ​ത്തു​ന്ന​ത് ആ​ദ്യ​മാ​യാ​ണെ​ന്ന് അ​മൃ​ത ഓ​ർ​ത്തു. പ​ല​ത​രം മ​നു​ഷ്യ​രാ​ണ് ത​ങ്ങ​ളു​ടെ ആ​വ​ലാ​തി​ക​ളു​ടെ​യും പ്ര​ശ്ന​ങ്ങ​ളു​ടെ​യും ക​ണ​ക്കു​പു​സ്ത​കം തു​റ​ക്കാ​നെ​ത്തു​ന്ന​ത്. മി​ക്ക​വാ​റും അ​ട​ച്ചു​തീ​ർ​ക്കാ​നാ​കാ​ത്ത ക​ട​ക്കു​രു​ക്കു​ക​ളി​ൽപെ​ട്ട് ഇ​നി​യെ​ന്ത് ചെ​യ്യും എ​ന്ന ഭ​യ​പ്പാ​ടി​ൽ ഓ​ടി​യെ​ത്തു​ന്ന​വ​രാ​വും.

ചെ​റി​യ തു​ക​യു​ടെ ക്രെ​ഡി​റ്റ് കാ​ർ​ഡ് അ​ട​വ് പൂ​ർ​ത്തി​യാ​ക്കാ​നാ​കാ​ത്ത​തു​കൊ​ണ്ട് ജ​യി​ലി​നെ ഭ​യ​ന്ന് ഓ​ടി​ന​ട​ക്കു​ന്ന സാ​ധാ​ര​ണ മ​നു​ഷ്യ​ർ മു​ത​ൽ കോ​ടി​ക​ളു​ടെ ക​ച്ച​വ​ട​ങ്ങ​ളി​ൽ പൊ​ട്ടി​പ്പൊ​ളി​ഞ്ഞ് ഒ​രു​കാ​ല​ത്തെ ആ​ഡം​ബ​ര​ങ്ങ​ളു​ടെ ധാ​രാ​ളി​ത്തം പി​ന്നീ​ട് കേ​സു​ക​ളു​ടേ​താ​യി മാ​റി ഗ​തി​കെ​ട്ടു പോ​കു​ന്ന​വ​ർ വ​രെ. നാ​ട്ടി​ലേ​ക്കൊ​രു മ​ട​ക്കം ഒ​രി​ക്ക​ലും സാ​ധ്യ​മാ​കി​ല്ലെ​ന്നും ജ​യി​ലു​ക​ൾ​ക്ക​പ്പു​റം ഒ​രു ലോ​കം കാ​ണാ​നി​ട​യി​ല്ലെ​ന്നും ഭ​യ​ന്ന് നി​ൽ​ക്കു​ന്ന​വ​ർ. ഇ​വ​രു​ടെ​യെ​ല്ലാം സ്ഥാ​യീ​ഭാ​വം ദൈ​ന്യ​തത​ന്നെ​യാ​യി​രി​ക്കും. ക​ടം ആ​യി​ര​ങ്ങ​ളു​ടേ​താ​യാ​ലും കോ​ടി​ക​ളു​ടേ​താ​യാ​ലും ഒ​രേ ഭ​യ​പ്പാ​ടാ​ണ് മ​നു​ഷ്യ​ർ​ക്ക്.

ത​​ന്റെ മു​ന്നി​ലി​രി​ക്കു​ന്ന​യാ​ളി​​ന്റെ ഭ​യ​ത്തെ ഇ​ക്കൂ​ട്ട​ത്തി​ലൊ​ന്നും ചേ​ർ​ക്കാ​നാ​വി​ല്ലെ​ന്ന് ആ​ദ്യ​നോ​ട്ട​ത്തി​ൽത​ന്നെ അ​മൃ​ത​ക്ക് മ​ന​സ്സി​ലാ​യി​രു​ന്നു. തൊ​ട്ടു​മു​ന്നി​ൽ അ​സ്‍ലം കൊ​ണ്ടു​വെച്ച ചാ​യ​ക്ക​പ്പി​നെ​പ്പോ​ലും അ​യാ​ൾ ഭ​യ​പ്പെ​ടു​ന്ന​തു​പോ​ലെ. അ​തി​ലേ​ക്ക് നീ​ട്ടാ​നെ​ന്ന​വ​ണ്ണം ഉ​യ​ർ​ന്ന കൈ ​സ​ന്ദേ​ഹ​പ്പെ​ട്ട് പാ​തി​വ​ഴി​യി​ൽ നി​ൽ​ക്കു​ന്ന​തു​ ക​ണ്ട​പ്പോ​ൾ ചാ​യ കു​ടി​ക്കൂ എ​ന്ന് അ​വ​ൾ ആം​ഗ്യം കാ​ട്ടി. ചാ​യ​യു​ടെ ചൂ​ട് മൊ​ത്തി​ക്കൊ​ണ്ടാ​ണ് അ​യാ​ൾ വീ​ണ്ടും പി​റു​പി​റു​ത്ത​ത്.

സ​ത്യ​മാ​യും ഞാ​ൻ മ​രി​ച്ച​ത​ല്ല മാ​ഡം. സ​ത്യ​മാ​യും... എ​ന്താ​ണ് പ​റ്റി​യ​തെ​ന്ന് എ​നി​ക്ക​റി​യി​ല്ല.

എ​ല്ലാം ശ​രി​യാ​യെ​ന്ന സ​ന്തോ​ഷ​ത്തി​​ന്റെ ആ​യു​സ്സ് ഇ​ത്ര ചെ​റു​താ​വു​മെ​ന്ന് ഷ​ബീ​റ​ലി ക​രു​തി​യ​തേ​യി​ല്ല. സൈ​റ്റി​ൽ ജോ​ലി​ക്കി​ട​യി​ലാ​ണ് സൂ​പ്പ​ർ​വൈ​സ​ർ എ​ന്തോ അ​പ​ക​ടം പി​ണ​ഞ്ഞ​തു​മാ​തി​രി ഓ​ടി​യെ​ത്തി​യ​ത്. ഷ​ബീ​റ​ലി, നി​​ന്റെ പേ​ര് ഷ​ബീ​റ​ലി എ​ന്നു​ത​ന്നെ​യ​ല്ലേ?ചോ​ദ്യ​ത്തി​​ന്റെ അ​ർ​ഥം മ​ന​സ്സി​ലാ​കാ​ത്ത​തു​പോ​ലെ അ​യാ​ൾ സൂ​പ്പ​ർ​വൈ​സ​റെ നോ​ക്കി. നി​​ന്റെ എ​മി​റേ​റ്റ്സ് ഐ​ഡി നി​​ന്റെ കൈ​യി​ലു​ണ്ടോ? ത​ല​യാ​ട്ടി​ക്കൊ​ണ്ടു​ത​ന്നെ അ​യാ​ളു​ടെ കൈ ​പോ​ക്ക​റ്റി​ലേ​ക്ക് നീ​ണ്ടു.

ഐ​ഡി കൈ​യി​ലെ​ടു​ത്ത് സൂ​പ്പ​ർ​വൈ​സ​ർ​ക്കു നേ​രേ നീ​ട്ടു​മ്പോ​ൾ എ​ന്താ​ണ് ഇ​നി വ​രാ​നി​രി​ക്കു​ന്ന​തെ​ന്ന ഭ​യ​പ്പാ​ട് ആ ​ക​ണ്ണു​ക​ളി​ൽ തെ​ളി​ഞ്ഞു. ഞാ​നൊ​ന്നും ചെ​യ്തി​ട്ടി​ല്ല സാ​ബ് എ​ന്ന് ക​ര​ച്ചി​ലി​​ന്റെ വ​ക്കി​ലെ​ത്തു​ന്ന ശ​ബ്ദ​ത്തി​ൽ പ​റ​ഞ്ഞ​ത് സൂ​പ്പ​ർ​വൈ​സ​ർ കേ​ട്ട​തേ​യി​ല്ല. അ​യാ​ൾ ത​​ന്റെ കൈ​യി​ലി​രു​ന്ന ഐ​ഡി തി​രി​ച്ചും മ​റി​ച്ചും നോ​ക്കി​ക്കൊ​ണ്ട് ആ​രോ​ടോ ഫോ​ണി​ൽ വെ​പ്രാ​ള​പ്പെ​ട്ട് സം​സാ​രി​ക്കു​ക​യാ​യി​രു​ന്നു. കൂ​ടെ വ​രാ​ൻ ആം​ഗ്യം കാ​ട്ടി ഫോ​ണി​ൽത​ന്നെ തു​ട​ർ​ന്നു​കൊ​ണ്ട് അ​യാ​ൾ മു​ന്നോ​ട്ട് നീ​ങ്ങു​മ്പോ​ൾ പു​റ​ത്തെ അ​മ്പ​ത് ഡി​ഗ്രി​ക്ക​ടു​ത്ത ചൂ​ടി​നെ​ക്കാ​ൾ ഷ​ബീ​റ​ലി​യു​ടെ ഉ​ള്ളം പൊ​ള്ളി​ത്തു​ട​ങ്ങി​യി​രു​ന്നു.

സൂ​പ്പ​ർ​വൈ​സ​ർ​ക്കൊ​പ്പം ചെ​ന്നു​ക​യ​റി​യ ഓ​ഫിസ് മു​റി​യി​ൽ ആ​കെ ബ​ഹ​ള​മാ​യി​രു​ന്നു. അ​ഞ്ചോ ആ​റോ ആ​ളു​ക​ളി​ൽനി​ന്നാ​ണ് അ​ത്ര​യും ശ​ബ്ദ​വും ബ​ഹ​ള​വും ഉ​യ​രു​ന്ന​തെ​ന്ന് പു​റ​ത്തു​നി​ന്നും കേ​ൾ​ക്കു​ന്ന ഒ​രാ​ൾ​ക്ക് ക​രു​താ​ൻപോ​ലും ആ​കു​മാ​യി​രു​ന്നി​ല്ല. ഈ​ദ് ദി​ന​ങ്ങ​ളി​ൽ ത​​ന്റെ ഗ്രാ​മ​ത്തി​ൽ വ​ന്ന് കൂ​ടു​ന്ന ച​ന്ത​യി​ലെ​യോ റോ​ള​യി​ൽ വെ​ള്ളി​യാ​ഴ്‌​ച വൈ​കു​ന്നേ​ര​ങ്ങ​ളി​ലോ നൂ​റു​ക​ണ​ക്കി​ന് മ​നു​ഷ്യ​ർ ഒ​ത്തു​കൂ​ടു​മ്പോ​ഴു​ള്ള ബ​ഹ​ളംപോ​ലെ​യൊ​ന്നി​ലേ​ക്ക് കാ​ര്യ​മൊ​ന്നു​മ​റി​യാ​തെ വ​ന്നു​വീ​ണ​തു​പോ​ലെ അ​യാ​ൾ​ക്ക് തോ​ന്നി. ഏ​തൊ​ക്കെ ഭാ​ഷ​യെ​ന്നുപോ​ലും തി​രി​യാ​തെ​യു​ള്ള വ​ർ​ത്ത​മാ​ന​ങ്ങ​ളി​ൽ എ​ല്ലാ​വ​രു​ടെ​യും നാ​വി​ൽ​നി​ന്ന് എ​പ്പോ​ഴൊ​ക്കെ​യോ ത​​ന്റെ പേ​ര് തെ​റി​ച്ചു​വീ​ഴു​ന്നു​വെ​ന്ന് കേ​ട്ട​പ്പോ​ൾ എ​ന്തി​നെ​ന്ന​റി​യാ​ത്ത ഒ​രു പ​ക​പ്പ് അ​യാ​ളി​ലേ​ക്ക് വ​ന്നു​വീ​ണു.

കൂ​ട്ട​ത്തി​ൽനി​ന്നൊ​രാ​ൾ ഫോ​ൺ ചെ​വി​യി​ൽ ഉ​റ​പ്പി​ച്ചു​കൊ​ണ്ടു​ത​ന്നെ ഷ​ബീ​റ​ലി​യു​ടെ അ​ടു​ത്തേ​ക്ക് വ​ന്ന് അ​യാ​ളു​ടെ ചു​മ​ലി​ൽ കൈ​വെച്ചു. എ​ന്താ​ണ് സം​ഭ​വി​ക്കു​ന്ന​തെ​ന്ന​റി​യാ​തെ ത​​ന്റെ ഉ​ട​ലി​ലെ വി​യ​ർ​പ്പു​നാ​റ്റ​ത്തെ​യോ കു​പ്പാ​യ​ത്തി​ലെ അ​ഴു​ക്കി​നെ​യോ ഒ​ക്കെ​ച്ചൊ​ല്ലി​യു​ണ്ടാ​യ ഒ​രു അ​പ​ക​ർ​ഷ​താ​ബോ​ധംകൂ​ടി അ​യാ​ളു​ടെ ഉ​ള്ളി​ലെ ആ​ന്ത​ലി​ന് ആ​ക്കം​കൂ​ട്ടു​ക​യാ​യി​രു​ന്നു അ​പ്പോ​ൾ. തൊ​ട്ട​ടു​ത്ത മു​റി​യി​ലെ ഒ​രു ക​സേ​ര​യി​ലേ​ക്ക് ഷ​ബീ​റ​ലി​യെ ഇ​രി​ക്കാ​ൻ ക്ഷ​ണി​ച്ചു​കൊ​ണ്ട് മു​റി​ഞ്ഞു​പോ​കു​ന്ന ഹി​ന്ദി​യി​ൽ ഒ​പ്പം​ വ​ന്ന​യാ​ൾ സം​സാ​രി​ക്കാ​ൻ തു​ട​ങ്ങി.

ഷ​ബീ​ർ, എ​ന്തോ ഒ​രു കു​ഴ​പ്പം സം​ഭ​വി​ച്ചി​ട്ടു​ണ്ട്. എ​​ന്റെ പേ​ര് കി​ര​ൺ. ഞാ​ൻ ക​മ്പ​നി​യു​ടെ പേ​ഴ്സ​നൽ മാ​നേ​ജ​രാ​ണ്. ഇ​ല്ല സാ​ബ്, ഞാ​നൊ​ന്നും ചെ​യ്തി​ട്ടി​ല്ല. കൃ​ത്യ​മാ​യി ജോ​ലി ചെ​യ്യു​ന്നു​ണ്ട്. സൂ​പ്പ​ർ​വൈ​സ​ർ സാ​ബി​നോ​ട് ചോ​ദി​ച്ചു​നോ​ക്കൂ. ഞാ​ൻ അ​ല്ലാ​തൊ​ന്നും ചെ​യ്യി​ല്ല. ആ​രോ​ട് വേ​ണ​മെ​ങ്കി​ലും അ​ന്വേ​ഷി​ച്ചു​നോ​ക്കൂ...

ഷ​ബീ​റി​​ന്റെ വാ​ക്കു​ക​ൾ പേ​ടി​കൊ​ണ്ട് അ​വ്യ​ക്ത​മാ​യാ​ണ് പു​റ​ത്തു​വ​ന്ന​ത്. അ​പ്പോ​ഴൊ​ക്കെ​യും ത​​ന്റെ കൈ​യി​ൽ​നി​ന്നും അ​ടു​ത്തി​ടെ എ​ന്തെ​ങ്കി​ലും അ​ബ​ദ്ധം സം​ഭ​വി​ച്ചി​ട്ടു​ണ്ടോ എ​ന്ന് മ​ന​സ്സി​ൽ അ​ടു​ത്ത ദി​വ​സ​ങ്ങ​ളി​ൽ ന​ട​ന്ന കാ​ര്യ​ങ്ങ​ളെ​യാ​കെ അ​ടു​ക്കിവെക്കാ​ൻ നോ​ക്കു​ക​യും ത​നി​ക്ക് ഒ​ന്നും ഓ​ർ​മ കി​ട്ടു​ന്നി​ല്ലെ​ന്ന് സ​ങ്ക​ട​പ്പെ​ടു​ക​യും ചെ​യ്യു​ക​യാ​യി​രു​ന്നു അ​യാ​ൾ.

ഇ​ല്ല, ഞ​ങ്ങ​ൾ​ക്ക​റി​യാം. നി​ങ്ങ​ളൊ​ന്നും ചെ​യ്തി​ട്ടി​ല്ല. പ​ക്ഷേ എ​വി​ടെ​യോ എ​ന്തോ പ്ര​ശ്നം പ​റ്റി​യി​ട്ടു​ണ്ട്. ഞ​ങ്ങ​ൾ അ​ന്വേ​ഷി​ക്കു​ന്നു​ണ്ട്. നി​ങ്ങ​ൾ ഉ​ട​ൻത​ന്നെ ദുബൈ വ​രെ പോ​ക​ണം. എ​ന്തി​നെ​ന്ന ചോ​ദ്യ​ഭാ​വം ഷ​ബീ​റ​ലി​യു​ടെ മു​ഖ​ത്ത് തെ​ളി​യു​ന്ന​ത് കാ​ണും​ മു​മ്പ് ആ​ശ്വ​സി​പ്പി​ക്ക​ലി​​ന്റെ ഭാ​വ​ത്തി​ൽ കി​ര​ൺ തു​ട​ർ​ന്നു. നോ​ക്കൂ, ന​മ്മു​ടെ ദു​ബൈയി​ലെ വ​ർ​ക്ക്സൈ​റ്റി​ൽ ഒ​രു അ​പ​ക​ടം ന​ട​ന്നു. അ​വി​ടെ ജോ​ലി​ ചെ​യ്തു​കൊ​ണ്ടി​രു​ന്ന ഒ​രാ​ൾ നാ​ൽപതാം നി​ല​യി​ൽനി​ന്ന് ജോ​ലി​ക്കി​ടെ താ​ഴെ വീ​ണ് മ​രി​ച്ചു. അ​തി​​ന്റെ അ​ന്വേ​ഷ​ണ​ങ്ങ​ൾ ന​ട​ക്കു​ന്നു​ണ്ട്. അ​തി​ന്, ഞാ​ൻ എ​ന്ത് ചെ​യ്യാ​നാ​ണ് സാ​ബ്... ഞാ​ൻ ഇ​വി​ടെ​ത്ത​ന്നെ​യാ​യി​രു​ന്നു. ആ​രോ​ട് വേ​ണ​മെ​ങ്കി​ലും ചോ​ദി​ച്ചു​നോ​ക്കൂ സാ​ബ്.

ഷ​ബീ​റി​​ന്റെ സ്വ​ര​ത്തി​ൽ അ​പ്പോ​ഴേ​ക്കും പി​ന്നെ​യു​ള്ള മ​ണി​ക്കൂ​റു​ക​ളി​ലെ​ല്ലാം തു​ട​ർ​ന്ന നി​ല​വി​ളി അ​പ്പോ​ഴേ​ക്കും ക​ട​ന്നു​വ​ന്നു ക​ഴി​ഞ്ഞി​രു​ന്നു. “ഇ​ല്ല ഷ​ബീ​ർ, നി​ങ്ങ​ളൊ​ന്നും ചെ​യ്തു​വെ​ന്ന​ല്ല. പ​ക്ഷേ, മ​രി​ച്ച​ത് ഷ​ബീ​റ​ലി​യെ​ന്ന പേ​രി​ൽ സൈ​റ്റി​ൽ ജോ​ലിചെ​യ്തി​രു​ന്ന ഒ​രാ​ളാ​ണ്. അ​ത് നി​ങ്ങ​ളാ​ണെ​ന്ന് എ​ങ്ങ​നെ​യോ ഒ​രു തെ​റ്റി​ദ്ധാ​ര​ണ വ​ന്നു​പോ​യി​ട്ടു​ണ്ട്.”

കി​ര​ണി​​ന്റെ വാ​ക്കു​ക​ളെ ത​ട​സ്സ​പ്പെ​ടു​ത്തി​ക്കൊ​ണ്ട് “ഇ​ല്ല സാ​ബ്, സ​ത്യ​മാ​യും ഞാ​ൻ മ​രി​ച്ചി​ട്ടി​ല്ല സാ​ബ്” എ​ന്ന വാ​ക്കു​ക​ൾ അ​ല​മു​റ​യെ​ന്ന​പോ​ലെ പ​റ​യു​മ്പോ​ൾ അ​ത് ത​ന്നോ​ടു​ത​ന്നെ തെ​ളി​യി​ക്കാ​നെ​ന്ന​വ​ണ്ണം അ​യാ​ൾ ക​സേ​ര​യി​ൽനി​ന്നും എ​ഴു​ന്നേ​റ്റു​പോ​യി​രു​ന്നു. സ​മാ​ധാ​നി​പ്പി​ക്കാ​നെ​ന്ന​വ​ണ്ണം ഒ​പ്പം എ​ഴു​ന്നേ​റ്റ കി​ര​ൺ എ​ന്തോ ഓ​ർ​ത്തെ​ടു​ക്കു​ന്ന​തു​പോ​ലെ ഷ​ബീ​റി​നോ​ട് പ​റ​ഞ്ഞു. നി​ങ്ങ​ളേ​താ​യാ​ലും നാ​ട്ടി​ലേ​ക്ക് ഒ​ന്ന് വി​ളി​ക്കൂ. വീ​ട്ടു​കാ​രൊ​ക്കെ ആ​കെ പേ​ടി​ച്ചി​രി​ക്കു​ക​യാ​ണ്.

ദുബൈ പൊ​ലീ​സി​​ന്റെ നി​ർ​ദേ​ശ​മ​നു​സ​രി​ച്ച് ക​മ്പ​നി​യി​ലെ ആ​രോ ത​ന്നെ​യാ​ണ് ഷ​ബീ​റ​ലി​യു​ടെ നാ​ട്ടി​ലെ ന​മ്പ​ർ സം​ഘ​ടി​പ്പി​ച്ച് അ​യാ​ളു​ടെ മ​ര​ണ​വാ​ർ​ത്ത അ​റി​യി​ച്ച​ത്. ഭാ​ര്യ​യു​ടെ വി​ങ്ങി​ക്ക​ര​യു​ന്ന ശ​ബ്ദ​ത്തോ​ട് ഞാ​ൻ സ​ത്യ​മാ​യും മ​രി​ച്ചി​ല്ല എ​ന്നൊ​രു നി​ല​വി​ളി ഫോ​ണി​ലൂ​ടെ പ​ക​രു​ക മാ​ത്ര​മാ​ണ് അ​വി​ടെ​നി​ന്നും പു​റ​ത്തി​റ​ങ്ങി​യ​പ്പോ​ൾ അ​യാ​ൾ​ക്ക് ചെ​യ്യാ​നാ​യ​ത്. അ​വ​ർ തി​രി​ച്ചു​വി​ളി​ച്ച​പ്പോ​ൾ അ​ത് ആ​വ​ർ​ത്തി​ച്ചശേ​ഷം ത​നി​ക്ക് ഒ​ന്നും പ​റ്റി​യി​ട്ടി​ല്ലെ​ന്നും തി​രി​ച്ചു​വി​ളി​ക്കാ​മെ​ന്നുംകൂ​ടി പ​റ​ഞ്ഞി​ട്ടാ​ണ് അ​യാ​ൾ കി​ര​ൺ ന​ൽ​കി​യ വ​ക്കീ​ലി​​ന്റെ ന​മ്പ​റി​ലേ​ക്ക് ഡ​യ​ൽ ചെ​യ്ത​ത്.

എ​ന്താ​ണ് സം​ഭ​വി​ച്ച​തെ​ന്ന് ഇ​പ്പോ​ഴും വ്യ​ക്ത​മാ​യി​ട്ടി​ല്ല. ഞ​ങ്ങ​ൾ അ​ന്വേ​ഷി​ക്കു​ന്നു​ണ്ട്. ബോ​ഡി ക​ണ്ട പൊ​ലീ​സി​ന് മ​രി​ച്ച​യാ​ളു​ടെ പ്രാ​യ​ത്തി​ൽ തോ​ന്നി​യ സം​ശ​യ​മാ​ണ് മൊ​ത്തം കു​ഴ​പ്പ​ത്തി​ലാ​ക്കി​യ​ത്. കി​ര​ൺ അ​മൃ​ത​യോ​ട് കാ​ര്യം വി​ശ​ദീ​ക​രി​ച്ച​ത് ഇ​ങ്ങ​നെ​യാ​ണ്.

സൈ​റ്റി​ലെ രേ​ഖ​ക​ൾപ്ര​കാ​രം മ​രി​ച്ച​ത് ഷ​ബീ​റ​ലിത​ന്നെ​യാ​ണ്. അ​തു​പ്ര​കാ​രം ന​ട​പ​ടി​ക​ൾ മു​ന്നോ​ട്ടു പോ​കു​മ്പോ​ഴാ​ണ് മ​രി​ച്ച​യാ​ളി​​ന്റെ പ്രാ​യ​ത്തെ​ക്കു​റി​ച്ച് ഉ​ദ്യോ​ഗ​സ്ഥ​ർ​ക്ക് ആ​ർ​ക്കോ സം​ശ​യം തോ​ന്നി​ച്ച​ത്. അ​മ്പ​ത് വ​യ​സ്സ് ക​ഴി​ഞ്ഞ ആ​രു​ടെ​യോ ശ​രീ​ര​മാ​യി​രു​ന്നു അ​ത്. ഷ​ബീ​റ​ലി​യു​ടെ വ​യ​സ്സ് 32 എ​ന്ന് ക​ണ്ട​പ്പോ​ൾ അ​വ​ർ അ​ന്വേ​ഷി​ച്ചു. അ​ത് ആ​കെ കു​ഴ​പ്പ​ത്തി​ലാ​ക്കി. ദുബൈ ഓ​ഫിസി​ലെ ആ​രെ​ങ്കി​ലു​മൊ​ക്കെ പെ​ടു​മെ​ന്ന് ഉ​റ​പ്പാ​ണ്. ഏ​താ​യാ​ലും ഇ​യാ​ളെ ഞാ​ൻ അ​ങ്ങോ​ട്ട് അ​യ​ക്കാം. വ​ക്കീ​ൽ പ​റ്റു​ന്ന​ത് എ​ന്തെ​ന്ന് വെച്ചാ​ൽ ചെ​യ്യൂ. ബാ​ക്കി കാ​ര്യ​ങ്ങ​ൾ​ക്ക് ദു​ബൈയി​ലെ എ​ച്ച്.ആ​ർ ഡി​പ്പാ​ർ​ട്മെ​ന്റോ ലീ​ഗ​ൽ വി​ഭാ​ഗ​മോ വി​ളി​ക്കും.

ഇ​ത്ര​യും കാ​ര്യ​ങ്ങ​ൾ കി​ര​ൺ പ​റ​ഞ്ഞ​പ്പോ​ൾ അ​തി​നു​മ​പ്പു​റം അ​യാ​ൾ എ​ന്തൊ​ക്കെ​യോ പ​റ​യാ​തെ വി​ടു​ന്നു​ണ്ടെ​ന്ന് അ​മൃ​ത​ക്ക് ഉ​റ​പ്പാ​യി​രു​ന്നു. എ​ങ്കി​ലും, ചോ​ദി​ക്കാ​തി​രി​ക്കാ​ൻ അ​വ​ൾ​ക്കാ​യി​ല്ല. അ​പ്പോ​ൾ ശ​രി​ക്കും മ​രി​ച്ച​താ​രാ കി​ര​ൺ? അ​ത് ഏ​തോ ക​ല്ലീ​വ​ല്ലി​യാ​ണെ​ന്ന് തോ​ന്നു​ന്നു. അ​ങ്ങേ​ത്ത​ല​ക്ക​ൽ കി​ര​ണി​​ന്റെ ശ​ബ്ദ​ത്തി​ലു​ണ്ടാ​യി​രു​ന്ന നി​സ്സം​ഗ​ത അ​മൃ​ത​യെ ആ​ദ്യം ചൊ​ടി​പ്പി​ക്കു​ക​യാ​ണ് ചെ​യ്ത​ത്. ഫോ​ൺ മേ​ശ​പ്പു​റ​ത്തേ​ക്ക് വെച്ച് ക​സേ​ര​യി​ലേ​ക്ക് ചാ​രു​മ്പോ​ൾ അ​വ​ൾ ത​ന്ന​ത്താ​ൻ അ​ത് ആ​വ​ർ​ത്തി​ച്ചു. ക​ല്ലീ​വ​ല്ലി...

(തുടരും)