പ​തി​നേ​ഴ് ടി​ഷ്യൂ​പേ​പ്പ​ർ ക​ഥ​ക​ൾ

1. സൂ​ര്യ​കാ​ന്തി​ക്കാ​ക്ക

വ​ര്‍ക്ക​ല.

ക​ര്‍ക്ക​ട​ക​വാ​വ് ദി​നം.

പി​തൃ​മോ​ക്ഷ​ത്തി​നാ​യി ബ​ലി​ത​ര്‍പ്പ​ണം ചെ​യ്യാ​നെ​ത്തി​യ​വ​രെ​ക്കൊ​ണ്ട് ജ​ന​സ​മു​ദ്ര​മാ​യ പാ​പ​നാ​ശം തീ​രം. ശ്രാ​ദ്ധ​ക​ർ​മ​ങ്ങ​ള്‍ക്കു​മേ​ൽ കാ​ക്ക​ക​ൾ ത​ല​ങ്ങും വി​ല​ങ്ങും പാ​റി​പ്പ​റ​ക്കു​ന്നു.

അ​നേ​ക​ർ പി​തൃ​പ​ര​മ്പ​ര​ക​ൾ പു​ന​ർ​ജ​ന്മം കൊ​ണ്ടെ​ത്തി​യ ബ​ലി​ക്കാ​ക്ക​ക​ളെ ന​ന​വി​റ്റു​ന്ന കൈ​ക​ൾ കൊ​ട്ടി വി​ളി​ച്ച് ഊ​ട്ടു​ന്നു... ആ​കാ​ശ​ക്ക​ട​ലി​ലൂ​ടെ ബ​ലി​ച്ചോ​റു​ണ്ട് വീ​ര്‍ത്ത വ​യ​റു​ക​ൾ കാ​ട്ടി നീ​ന്തി​ത്തു​ടി​ക്കു​ന്ന കാ​ക്ക​ക​ൾ.

ആ ​ക​ട​ലി​ല്‍ പി​തൃ​ക്ക​ളു​ടെ കാ​ല​വും ഭൂ​മി​യി​ലെ സ​മ​യ​വും ഒ​രു നി​മി​ഷം മു​ഖാ​മു​ഖം നി​ല്‍ക്കു​ന്നു...

ആ​ത്മ​ശാ​ന്തി​യ​ട​ഞ്ഞ കാ​ക്ക​ക​ള്‍ അ​ന്നേ​രം സ​മ​യ​കാ​ല​ങ്ങ​ളു​ടെ മാ​ന്ത്രി​ക​ത​യി​ൽ ഒ​രു കാ​ഴ്ച ക​ണ്ടു.

തി​ര തീ​ര​ത്തി​ന് തി​രി​കെ ന​ല്‍കി​ക്കൊ​ണ്ടി​രി​ക്കു​ന്ന ബ​ലി​യ​വ​ശി​ഷ്ട​ങ്ങ​ള്‍ക്കി​ട​യി​ൽ ആ​ത്മ​ശാ​ന്തി​യി​ലേ​ക്കും മോ​ക്ഷ​ത്തി​ലേ​ക്കും ആ​രും കൈ​ത​ട്ടി വി​ളി​ക്കാ​നി​ല്ലാ​തെ ഒ​രു കാ​ക​ൻ.

അ​സ്വ​സ്ഥ​ത​യും അ​ശാ​ന്തി​യും ദേ​ഹ​ച​ല​ന​ങ്ങ​ളി​ല്‍ ആ​വാ​ഹി​ച്ച ആ ​കാ​ക​ൻ എ​ള്ളും പൂ​വും തു​ള​സി​ക്ക​തി​രും ച​ന്ദ​ന​വും ഉ​ണ​ക്ക​ല​രി​ച്ചോ​റും ഇ​ല​ച്ചീ​ന്തു​ക​ളും ചി​ത​റി​യ മ​ണ​ലി​ല്‍ ചു​ണ്ടും കാ​ല്‍ന​ഖ​ങ്ങ​ളും​കൊ​ണ്ട് വി​ശ്ര​മ​മി​ല്ലാ​തെ കോ​റി​വ​ര​യ്ക്കു​ന്നു.

മ​റ്റ് കാ​ക്ക​ക​ള്‍ ചു​റ്റും ചാ​ഞ്ഞു​പ​റ​ന്ന് എ​ന്താ​ണ് എ​ന്താ​ണെ​ന്ന് കാ​ക്ക​ക്ക​ണ്ണി​ട്ട് നോ​ക്കു​ന്നു.

ഇ​വി​ടെ​ങ്ങും ഉ​ള്ള കാ​ക​ന​ല്ല ഇ​വ​നെ​ന്ന് ആ​ത്മ​ഗ​തം ചെ​യ്യു​ന്നു. പ​രി​സ​ര​വും ത​ന്നെ​ത്ത​ന്നെ​യും മ​റ​ന്ന് കാ​ക​ൻ എ​ള്ളും പൂ​വും ഇ​ല​ച്ചീ​ന്തു​ക​ളും ചേ​ലി​ല്‍ കൊ​രു​ത്ത് മ​ണ​ലാ​കെ വ​ര തു​ട​രു​ന്നു...

സൂ​ര്യ​കാ​ന്തി​പ്പൂ​ക്ക​ൾ...

സൈ​പ്ര​സ് മ​ര​ങ്ങ​ൾ...

ഗോ​ത​മ്പ് പാ​ട​ങ്ങ​ള്‍...

ഉ​രു​ള​ക്കി​ഴ​ങ്ങ് തി​ന്നു​ന്ന​വ​ര്‍...

2. നി​ഷ്പ​ക്ഷം

വ​ല​ത്തോ​ട്ടു പോ​യി​നി​ന്നു.

അ​പ്പോ​ഴും എ​ന്നെ നോ​ക്കി.

ഇ​ട​ത്തോ​ട്ട് മാ​റി​നി​ന്നു.

അ​പ്പോ​ഴും എ​ന്നെ​ത്ത​ന്നെ നോ​ക്കു​ന്നു.

നി​ല​ത്തി​രു​ന്നു, കി​ട​ന്നു, നി​ന്നു, മ​ച്ചി​ല്‍ പ​റ്റി​ച്ചേ​ര്‍ന്നു​നി​ന്ന് നോ​ക്കി.

അ​പ്പോ​ഴും എ​ന്നെ​ത്ത​ന്നെ നോ​ക്കി രാ​ഷ്ട്രീ​യം പ​റ​ഞ്ഞു​കൊ​ണ്ടി​രി​ക്കു​ന്നു വാ​ര്‍ത്ത​വാ​യ​ന​ക്കാ​രി...

3. ഡ​സ്റ്റ്ബി​ൻ ഒ​ന്ന്

പെ​ണ്‍കു​ട്ടി: ഫ! ​നി​ന​ക്ക് അ​മ്മ​പെ​ങ്ങ​ന്മാ​രെ​ക്ക​ണ്ടാ​ല്‍ തി​രി​ച്ച​റി​യാ​ൻ ക​ഴി​വി​ല്ലേ​ടാ?

സി.​സി.​ടി.​വി കാ​മ​റ: ഇ​ല്ല, ക​ഴി​വി​ല്ല.

4. സി.​സി.​ടി.​വി അ​ളി​യ​ൻ

സ​ര്‍ക്കാ​ർ വ​ക നി​രീ​ക്ഷ​ണ കാ​മ​റ​യാ​യി​രു​ന്നു അ​ളി​യ​ന്‍. അ​ധി​കാ​രി​ക​ൾ അ​ളി​യ​നെ ന​ഗ​ര​ത്തി​ന്‍റെ കേ​ന്ദ്ര​സ്ഥാ​ന​ത്തു​ത​ന്നെ കൊ​ണ്ട് പ​ണി​ക്കു നി​ര്‍ത്തി. ഒ​രീ​ച്ച അ​ന​ങ്ങി​യാ​ല്‍പ്പോ​ലും അ​ളി​യ​ന​ത് ക​ണ്ട​റി​ഞ്ഞ് അ​ധി​കാ​രി​ക​ളെ കാ​ണി​ച്ചു​കൊ​ടു​ക്ക​ണം. ആ​ദ്യ​മൊ​ക്കെ അ​ളി​യ​ൻ 24 x 7 അ​തീ​വ ആ​ക്ടി​വ് ആ​യി​രു​ന്നു. ക​ണ്ടും കാ​ണി​ച്ചും ക​ണ്ണ്‍ മ​ടു​ത്ത​പ്പോ​ൾ പി​ന്നെ​പ്പി​ന്നെ അ​ളി​യ​ന​ങ്ങ് ഉ​ഴ​പ്പ് തു​ട​ങ്ങി. സ​ര്‍ക്കാ​ർ വ​ക​യ​ല്ലേ, ആ​ര് ചോ​ദി​ക്കാ​നാ എ​ന്ന മ​ട്ടി​ലാ​യി കാ​ഴ്ച​ക​ള്‍. പ​തി​യെ അ​ളി​യ​ന്‍ കു​ഴി​മ​ടി​യ​നാ​യി മാ​റി. ത​ന്‍റെ ക​ട​മ​ക​ൾ ഒ​ന്നും​ത​ന്നെ ചെ​യ്യാ​തെ അ​ളി​യ​ന്‍ രാ​ത്രി മു​ഴു​വ​ൻ സു​ഖ​മാ​യി മൂ​ടി​പ്പു​ത​ച്ചു കി​ട​ന്നു​റ​ങ്ങും. പ​ക​ല്‍ ഉ​റ​ക്കം തൂ​ങ്ങും, ഇ​ട​ത​ട​വി​ല്ലാ​തെ കോ​ട്ടു​വാ​യ് ഇ​ടും. ക​ണ്ണ് ഒ​രാ​യി​രം വ​ട്ടം ചി​മ്മി​ച്ചി​മ്മി​ക്ക​ളി​ക്കും...

വൈ​കാ​തെ അ​ധി​കാ​രി​ക​ള്‍ അ​ളി​യ​നെ കൈ​യോ​ടെ പി​ടി​കൂ​ടി. ചെ​റി​യൊ​രു താ​ക്കീ​തോ കാ​ര​ണം കാ​ണി​ക്ക​ല്‍ നോ​ട്ടീ​സോ കൂ​ടി​പ്പോ​യാ​ൽ കു​ഞ്ഞൊ​രു സ​സ്പെ​ന്‍ഷ​നോ ആ​ണ് അ​ളി​യ​ൻ പ്ര​തീ​ക്ഷി​ച്ച​ത്. പ​ക്ഷേ, അ​ധി​കാ​രി​ക​ള്‍ ഉ​ട​ന​ടി മ​റ്റൊ​രു ശി​ക്ഷ വി​ധി​ക്കു​ക​യും ന​ട​പ്പി​ലാ​ക്കു​ക​യും ചെ​യ്തു...

ചെ​റി​യൊ​രു ക​ത്രി​ക​കൊ​ണ്ട് അ​ളി​യ​ന്‍റെ ക​ണ്‍പോ​ള​ക​ൾ എ​ല്ലാം പ​റ്റേ മു​റി​ച്ചെ​ടു​ത്തു. എ​ന്നി​ട്ട് നാ​ല്‍ക്ക​വ​ല​യി​ൽ​കൊ​ണ്ട് കെ​ട്ടി​ത്തൂ​ക്കി.

5. ത​കി​ടും കൂ​ടും

പു​ഴ​ക്ക​ര​യി​ല്‍ സൈ​ബീ​രി​യ​യി​ൽ​നി​ന്നു​ള്ള ഒ​രു​പ​റ്റം ദേ​ശാ​ട​ന​ക്കൊ​ക്കു​ക​ള്‍ വ​ന്നു. അ​വ​ര്‍ ചൊ​രി​മ​ണ​ലി​ൽ വെ​യി​ൽ കാ​യു​ക​യും ഉ​ല്ല​സി​ച്ച് നീ​ന്തു​ക​യും കൊ​ക്കു​രു​മ്മി പ്ര​ണ​യി​ക്കു​ക​യും പ​ര​ല്‍മീ​നു​ക​ളെ പ​ങ്കി​ട്ട് ക​ഴി​ക്കു​ക​യു​മൊ​ക്കെ ചെ​യ്തു. കു​റ​ച്ച് മാ​റി​നി​ന്ന് ഒ​രു​കൂ​ട്ടം നാ​ട​ന്‍ കൊ​ക്കു​ക​ൾ ഇ​തെ​ല്ലാം സാ​കൂ​തം വീ​ക്ഷി​ച്ചു​കൊ​ണ്ടി​രു​ന്നു.

‘‘ശോ, ​എ​ന്തൊ​രു വെ​ളു​പ്പാ അ​ല്ലേ ഇ​വ​ര്‍ക്ക്’’, ഒ​രു കൊ​ക്ക് മി​ണ്ടി.

‘‘കൊ​ഴു​പ്പ് നോ​ക്ക്. തു​ടി​പ്പ് നോ​ക്ക്...’’, മ​റ്റൊ​രു കൊ​ക്ക് വാ ​പി​ള​ര്‍ന്നു.

‘‘ആ ​തു​ട​യു​ടെ ഒ​രു ഘ​നം ക​ണ്ടോ’’, വേ​റൊ​രു കൊ​ക്ക് ഒ​റ്റ​ക്കാ​ലി​ൽ ഞൊ​ണ്ടി.

‘‘...അ​വി​ട​ത്തെ​യൊ​രു ചു​വ​പ്പ് നോ​ക്ക്, ചോ​ര തൊ​ട്ടെ​ടു​ക്കാം.’’

പ്ര​ദേ​ശ​ത്തെ കൊ​ക്കു​ക​ളെ​ല്ലാം ക​ണ്ണ് ക​ഴ​യ്ക്കു​വോ​ളം സൈ​ബീ​രി​യ​ന്‍ ദേ​ശാ​ട​ക​രെ നോ​ക്കി​നി​ന്ന് ആ​വോ​ളം അ​തു​മി​തും പ​റ​ഞ്ഞു. ഒ​ടു​വി​ല്‍ ദേ​ശാ​ട​ന​കാ​ലം തി​ക​ഞ്ഞു. അ​തി​ഥി​ക​ള്‍ സൈ​ബീ​രി​യ​യി​ലേ​ക്ക് ല​ഗേ​ജ് ത​യാ​റാ​ക്കി​ത്തു​ട​ങ്ങി. അ​ന്നേ​രം നാ​ട​ന്‍ കൊ​ക്കു​ക​ളി​ൽ ചി​ല​ർ അ​വ​രു​ടെ അ​ടു​ത്തെ​ത്തി.

‘‘ഞ​ങ്ങ​ളൊ​ക്കെ ഇ​വി​ട​ത്തെ പേ​ര് കേ​ട്ട ജോ​ത്സ്യ​ന്മാ​രാ​ണ്. ധ്യാ​നി​ക​ൾ. ജ്ഞാ​നി​ക​ൾ. മ​ന്ത്രം, ത​ന്ത്രം, ഭാ​വി​പ്ര​വ​ച​നം, ത​കി​ടും കൂ​ടും ജ​പി​ച്ച് ന​ല്‍ക​ൽ എ​ല്ലാ​മു​ണ്ട്’’, കൊ​ക്കു​ക​ള്‍ ഒ​റ്റ​ക്കാ​ലി​ൽ ധ്യാ​നി​ച്ചു​നി​ന്ന് പ​റ​ഞ്ഞു. പി​ന്നെ ഭാ​വി ശോ​ഭ​ന​മാ​കാ​നും, ദോ​ഷ​ങ്ങ​ൾ അ​ക​ന്ന് സൈ​ബീ​രി​യ​യി​ലെ ഭ​വ​ന​ത്തി​ൽ ഐ​ശ്വ​ര്യ​മു​ണ്ടാ​കാ​നും ഓ​രോ​രു​ത്ത​ര്‍ക്കും ഉ​ഗ്ര​ൻ ത​കി​ടും​ കൂ​ടും ജ​പി​ച്ച് ന​ല്‍കി.

‘‘മ​റ​ക്കാ​തെ വീ​ടി​ലെ എ​ല്ലാ മു​റി​ക​ളി​ലും കെ​ട്ടി​ത്തൂ​ക്കി​യി​ട​ണം. പി​ന്നെ പ്ര​തി​ബ​ന്ധ​ങ്ങ​ളൊ​ന്നും നി​ങ്ങ​ളെ ബാ​ധി​ക്കി​ല്ല’’, നാ​ട​ന്‍ കൊ​ക്കു​ക​ൾ വി​ളി​ച്ചുപ​റ​ഞ്ഞു. ത​കി​ടു​ക​ളും വാ​ങ്ങി പ​റ​ന്നു​യ​രു​ന്ന സൈ​ബീ​രി​യ​ന്‍ കൊ​ക്കു​ക​ൾ ഉ​വ്വെ​ന്ന് ത​ല​യാ​ട്ടി. അ​വ​റ്റ ച​ക്ര​വാ​ള​സീ​മ ക​ട​ന്ന​തും നാ​ട​ൻ കൊ​ക്കു​ക​ള്‍ കൊ​ക്കി​ക്കൊ​ക്കി ചി​രി തു​ട​ങ്ങി.

‘‘മ​ണ്ട​ന്മാ​ര്‍... അ​പ്പൊ ഇ​നി ചൂ​ടോ​ടെ എ​ല്ലാം ന​മു​ക്കി​വി​ടെ ഇ​രു​ന്ന് കാ​ണാം. എ​പ്പ​ടി...’’, അ​വ​ര്‍ ക​ണ്ണി​റു​ക്കി ഒ​റ്റ​ക്കാ​ലി​ൽ നി​ന്ന് ഇ​ളി​ച്ചു.

‘‘ഛെ, ഒ​ളി​കാ​മ​റ വെ​ച്ച ഉ​ണ​ക്ക ത​കി​ടും കൂ​ടും ത​ന്ന് പ​റ്റി​ക്കാ​ന്‍ നോ​ക്കു​ന്നു. എ​ന്തൊ​രു ദാ​രി​ദ്ര്യം പി​ടി​ച്ച​വ​ന്മാ​ര്‍, അ​ല്ലേ’’, ക​ട​ലി​ന് മു​ക​ളി​ൽ എ​ത്തി​യ​പ്പോ​ള്‍ സൈ​ബീ​രി​യ​ന്‍ കൊ​ക്കു​ക​ൾ ത​കി​ടും കൂ​ടു​മെ​ല്ലാം കീ​ഴോ​ട്ട് വ​ലി​ച്ചെ​റി​ഞ്ഞു. അ​ല​ക​ൾ അ​വ​യെ​ല്ലാം പേ​റി തീ​ര​ത്തേ​ക്ക് അ​ല​ച്ചു​പാ​യാ​ൻ തു​ട​ങ്ങി.

6. ത​ത്സ​മ​യം

കൈ​ഫോ​ണും പി​ടി​ച്ച് ഫ്ലാ​റ്റി​ന്‍റെ കൈ​വ​രി​യി​ൽ​ച്ചാ​രി അ​ല​സം ഞാ​നി​ങ്ങ​നെ നി​ര​ത്തി​ലോ​ട്ട് നോ​ക്കി. ഒ​രു കാ​ർ പാ​ഞ്ഞു​വ​ന്ന് റോ​ഡ​രി​ക​ത്തു നി​ന്നു. പെ​ണ്‍കു​ട്ടി ധൃ​തി​യി​ല്‍ കാ​റി​ൽ​നി​ന്നി​റ​ങ്ങി ഭീ​തി​യോ​ടെ ചു​റ്റും നോ​ക്കി കാ​ലു​ക​ള്‍ നീ​ട്ടി​വെ​ച്ച് മു​ന്നോ​ട്ട് ന​ട​ക്കു​ന്ന​ത് ക​ണ്ടു. എ​ന്തോ പ​ന്തി​കേ​ട് തോ​ന്നി. പൊ​ടു​ന്ന​നെ വ​ടി​വാ​ളും നീ​ട്ടി ഒ​രു യു​വാ​വ് കാ​റി​ല്‍നി​ന്നി​റ​ങ്ങി. അ​വ​ള്‍ക്ക് പി​ന്നാ​ലെ അ​വ​ൻ പാ​യാ​ൻ തു​ട​ങ്ങി. അ​വ​ളും ഓ​ടി. ഞാ​ന​റി​യാ​തെ ത​ന്നെ ഞാ​ന്‍ വീ​ഡി​യോ ഓ​ണാ​ക്കി അ​വ​ര്‍ക്ക് മേ​ലേ നീ​ട്ടി. അ​വ​ള്‍ വെ​ട്ടി​ത്തി​രി​ഞ്ഞ് കൈ ​ഉ​യ​ര്‍ത്തു​മ്പോ​ഴേ​ക്കും അ​വ​ന്‍ ആ​ഞ്ഞ് വെ​ട്ടി​ക്ക​ഴി​ഞ്ഞു. ക​ഴു​ത്തി​നാ​ക​ണം വെ​ട്ട് കൊ​ണ്ട​ത്. അ​വ​ള്‍ വീ​ണു.

ചോ​ര, എ​മ്പാ​ടും ചോ​ര. ഫ്രെ​യി​മി​നു​ള്ളി​ൽ​നി​ന്ന് അ​വ​ൻ ച​റ​പ​റാ വെ​ട്ടി​ക്കൊ​ണ്ടി​രു​ന്നു. ന​ല്ല ദൃ​ശ്യ​ങ്ങ​ള്‍. ന​ന്നാ​യി കി​ട്ടി. റോ​ഡും വെ​ളു​ത്ത മ​തി​ലും ചു​വ​ന്നു​കു​ളി​ച്ച​ത് മ​നോ​ഹാ​രി​ത വ​ല്ലാ​തെ വ​ർ​ധി​പ്പി​ച്ചി​ട്ടു​ണ്ട്. പൊ​ടു​ന്ന​നെ​യാ​ണ് ഒ​രു ബോ​ണ​സ് പോ​ലെ സ​മീ​പ​ത്തെ മേ​ൽ​പ്പാ​ല​ത്തി​ൽ​നി​ന്ന് ഖ​ട​ഖ​ടാ കി​ടി​ല​നൊ​രു എ​ന്‍ഫീ​ൽ​ഡ് പ​ല​ക​ര​ണം മ​റി​ഞ്ഞ് താ​ഴേ​ക്ക് പോ​യ​ത്. അ​ത് കാ​റി​ന് സ​മീ​പം വ​ലി​യ ഒ​ച്ച​യോ​ടെ വീ​ണ് തീ​പ്പൊ​രി​ക​ള്‍ പാ​റി. വാ​ള്‍ പി​ടി​ച്ച് പ​രി​സ​രം മ​റ​ന്ന് നി​ന്ന​വ​ന്‍ പ​ത​റി പി​ന്നോ​ട്ട് വീ​ണെ​ങ്കി​ലും ഉ​ട​ന്‍ത​ന്നെ ചാ​ടി എ​ണീ​റ്റ്‌ ചു​റ്റും​നോ​ക്കി ബൈ​ക്കി​നു നേ​രേ ഓ​ടി.

നി​ല​ത്ത് കി​ട​ന്ന് പി​ട​യു​ന്ന യു​വാ​വി​ന്‍റെ ഹെ​ല്‍മ​റ്റ് ഊ​രി ദൂ​രെ​യെ​റി​ഞ്ഞു. എ​ഴു​ന്നേ​ല്‍ക്കാ​ൻ പാ​ടു​പെ​ടു​ന്ന​വ​ന് നേ​രേ കൈ​ചൂ​ണ്ടി എ​ന്തൊ​ക്കെ​യോ പ​റ​ഞ്ഞ​ശേ​ഷം വാ​ൾ അ​വ​ന്‍റെ നെ​ഞ്ചി​ൽ​ത്ത​ന്നെ കു​ത്തി​നി​ര്‍ത്തി. പി​ന്നെ ഓ​ടി​പ്പോ​യി കാ​റി​ലേ​ക്ക് ക​യ​റി. പു​ക ആ​വോ​ളം പാ​റി​ച്ച് കാ​ർ മ​റ​യു​ന്നി​ട​ത്ത് വീ​ഡി​യോ ​ചി​ത്രീ​ക​ര​ണം അ​വ​സാ​നി​പ്പി​ച്ചു. ഇ​ത്ര​യു​മൊ​ക്കെ സം​ഭ​വി​ച്ചി​ട്ടും ഒ​രാ​ളു​പോ​ലും അ​ങ്ങോ​ട്ടൊ​ന്നും എ​ത്തി​നോ​ക്കാ​ത്ത​ത് സം​ഗ​തി​യു​ടെ ര​സം കൂ​ട്ടു​ന്നു​ണ്ട്. വീ​ഡി​യോ ഒ​ന്നു​ര​ണ്ടാ​വ​ര്‍ത്തി ക​ണ്ടു​നോ​ക്കി.

പ​ല​പ​ല വ്യാ​ഖ്യാ​ന​സാ​ധ്യ​ത​ക​ള്‍, ക​ഥ​ക​ള്‍ ച​മ​യ്ക്കാ​ൻ സ​ഹാ​യി​ക്കു​ന്ന സം​ഭ​വം. ചൂ​ട് വ​മി​ക്കു​ന്ന, വ​ള​രെ ന​ല്ല വി​ഷ്വ​ല്‍സ്. വ​ല്ലാ​ത്ത തൃ​പ്തി തോ​ന്നി. ഏ​റ്റ​വും വ​ലി​യ പ്ര​മു​ഖ ചാ​ന​ലി​നു​ത​ന്നെ വി​ല്‍ക്കാം. ഒ​രു​നി​മി​ഷം​പോ​ലും പാ​ഴാ​ക്കാ​തെ വി​ളി​ച്ചു. കാ​ര്യം പ​റ​ഞ്ഞ് ഒ​രു സ്ക്രീ​ന്‍ഷോ​ട്ട് അ​യ​ച്ച​തും ഇ​ങ്ങോ​ട്ടൊ​രു ചോ​ദ്യം: ‘‘നി​ങ്ങ​ളു​ടെ ബ​ഹു​നി​ല കെ​ട്ടി​ട​ത്തി​ന് എ​ത്ര നി​ല​ക​ളു​ണ്ട്?’’

‘‘ഇ​രു​പ​ത്.’’

‘‘എ​ത്ര കു​ടും​ബ​ങ്ങ​ൾ താ​മ​സ​മു​ണ്ട്?’’

‘‘നൂ​റോ​ളം ഉ​ണ്ടാ​ക​ണം.’’

‘‘നി​ങ്ങ​ളു​ടെ കെ​ട്ടി​ട​ത്തി​ന് എ​തി​ര്‍ഭാ​ഗ​ത്ത് എ​ത്ര ബ​ഹു​നി​ല കെ​ട്ടി​ട​ങ്ങ​ളു​ണ്ട്?’’

‘‘നാ​ല​ഞ്ചെ​ണ്ണം ഉ​ണ്ട്. എ​ന്താ മി​സ്റ്റ​ര്‍ ഇ​ത്, നൂ​റു​ക​ണ​ക്കി​നാ​ണ് ഇ​ന്നാ​ട്ടി​ല്‍ വാ​ര്‍ത്താ​ ചാ​ന​ലു​ക​ള്‍. ഇ​ത്രേം മ​നോ​ഹ​ര​മാ​യ എ​ക്സ് ക്ലൂ​സി​വ് വീ​ഡി​യോ വാ​ങ്ങാ​ന്‍ അ​വ​ർ മ​ത്സ​രി​ക്കും. ബൈ...’’

‘‘​എ​ടോ ഇ​തേ സം​ഭ​വ​ത്തി​ന്‍റെ പ​ല​പ​ല ഗം​ഭീ​ര ആം​ഗി​ളു​ക​ളി​ൽ​നി​ന്നു​ള്ള മു​ന്തി​യ ക്വാ​ളി​റ്റി വീ​ഡി​യോ​ക​ള്‍ സൗ​ജ​ന്യ​മാ​യി ഇ​ങ്ങോ​ട്ടും സ​ക​ല ചാ​ന​ലു​ക​ളി​ലേ​ക്കും പ്ര​വ​ഹി​ച്ചു​കൊ​ണ്ടി​രി​ക്കു​ക​യാ​ണ്. എ​ങ്ങും ലൈ​വ് പോ​യി​ക്കൊ​ണ്ടി​രി​ക്കു​ന്നു​മു​ണ്ട്. കൂ​ടാ​തെ ആ ​പ​രി​സ​ര​ങ്ങ​ളി​ലു​ള്ള സ​ക​ല സി.​സി.​ടി.​വി ദൃ​ശ്യ​ങ്ങ​ളും ചോ​ര്‍ന്ന് ലോ​കം മു​ഴു​വ​നും എ​ത്തി​ക്ക​ഴി​ഞ്ഞു. നി​ങ്ങ​ള്‍ വൈ​കി​പ്പോ​യി.’’

നി​രാ​ശ​യോ​ടെ താ​ഴേ​ക്ക് നോ​ക്കി. ഇ​പ്പോ​ഴും യു​വാ​വി​ന്‍റെ കൈ​ക​ൾ ചെ​റു​താ​യി അ​ന​ങ്ങു​ന്നു​ണ്ട്. പെ​ണ്‍കു​ട്ടി​യു​ടെ ചൂ​ടു​ര​ക്തം ഒ​ഴു​കു​ന്ന​തേ​യു​ള്ളൂ. എ​ന്നി​ട്ടും വൈ​കി​പ്പോ​യി, വ​ല്ലാ​തെ വൈ​കി​പ്പോ​യി.

7. ഡ​സ്റ്റ്ബി​ൻ ര​ണ്ട്

‘ട്രെ​ന്‍ഡി​നൊ​പ്പം’, വെ​ള്ളം പ​റ​ഞ്ഞു.

8. നാ​റാ​ണ​ത്ത് ഭ്രാ​ന്ത​ന്‍റെ ക​ല

ശ്രീ ​പ​ത്മ​നാ​ഭ​സ്വാ​മി ക്ഷേ​ത്ര പ​രി​സ​ര​ത്ത് പ​ച്ച​ക്ക​റി, ഫ​ല​വ​ർ​ഗ​ങ്ങ​ൾ, ചെ​രി​പ്പ്, തു​ണി​ത്ത​ര​ങ്ങ​ൾ ഒ​ക്കെ വ​ഴി​യോ​ര ക​ച്ച​വ​ടം ന​ട​ത്തു​ന്ന​വ​രാ​യ ഞാ​നും പ്രി​യസു​ഹൃ​ത്ത് റാ​സി​യും എ​പ്പോ​ഴും കി​ഴ​ക്കേ​കോ​ട്ട​യി​ലും പ​രി​സ​രപ്ര​ദേ​ശ​ങ്ങ​ളി​ലും ഉ​ണ്ടാ​കും. ഞ​ങ്ങ​ൾ​ക്കൊ​രു വി​നോ​ദ​മു​ണ്ട്. ഗാ​ന്ധി പാ​ർ​ക്കി​ൽ എ​ന്നും എ​ന്തെ​ങ്കി​ലും സ​മ്മേ​ള​ന​ങ്ങ​ൾ ഉ​ണ്ടാ​വും.

അ​വി​ടെ പ്ര​സം​ഗി​ക്കു​ന്ന പ്ര​മു​ഖ​ർ ഉ​റ​ക്കെ ചോ​ദി​ക്കു​ന്ന ഭാ​രി​ച്ച എ​ന്തെ​ങ്കി​ലും വി​ഷ​യം കേ​ട്ടു​വെ​ച്ചി​ട്ട് ക​ച്ച​വ​ട​ത്തി​ര​ക്കൊ​ഴി​യു​ന്ന വേ​ള​യി​ൽ അ​തേ​പ്പ​റ്റി ചു​മ്മാ സം​സാ​രി​ക്കു​ക. ക​വി​യും ലോ​ക​വി​വ​ര​മു​ള്ള​വ​നു​മാ​യ​തി​നാ​ൽ റാ​സി​ ത​ന്നെ​യാ​വും മി​ക്ക​വാ​റും വി​ഷ​യം പൊ​ക്കി​യെ​ടു​ത്ത് വ​രു​ന്ന​തും ച​ർ​ച്ച തു​ട​ങ്ങു​ന്ന​തും. ഇ​ന്നും ഏ​തോ പ​രി​പാ​ടി​യി​ൽ​നി​ന്ന് മു​ഴ​ങ്ങി​ക്കേ​ട്ടൊ​രു വി​ഷ​യം റാ​സി എ​നി​ക്കു​വേ​ണ്ടി പി​ടി​ച്ചെ​ടു​ത്തു വ​ന്നു. ക​ല സ​മൂ​ഹ​ത്തി​നു വേ​ണ്ടി​യോ ക​ല ക​ല​ക്ക് വേ​ണ്ടി​യോ.

ഞ​ങ്ങ​ൾ സം​സാ​രി​ച്ച് തു​ട​ങ്ങി​യ​തും വ​ലി​യൊ​രു​രു​ള​ന്‍ പാ​റ​ക്ക​ല്ല് ക​യ​റ്റി​യ മ​ഹീ​ന്ദ്ര പി​ക്ക് അ​പ്പ് ട്ര​ക്ക് വ​ന്ന് കോ​ട്ട​ക്ക​ക​ത്ത് നി​ന്നു. ഇ​തെ​ന്താ സം​ഗ​തി എ​ന്ന് നോ​ക്ക​വേ വാ​തി​ൽ തു​റ​ന്ന് നാ​റാ​ണ​ത്ത് ഭ്രാ​ന്ത​ൻ ഇ​റ​ങ്ങി. പാ​റ​ക്ക​ല്ല് പു​ഷ്പം​പോ​ലെ നി​ല​ത്തി​റ​ക്കി. പ്ര​മു​ഖ​ വ്യ​ക്തി​ക​ളെ നി​ത്യേ​ന ക​ണ്ട് ക​ണ്ട് മ​ടു​ത്ത​വ​രാ​യ​തി​നാ​ൽ അ​വി​ടെ​യു​ള്ള​വ​രൊ​ന്നും നാ​റാ​ണ​ത്ത് ഭ്രാ​ന്ത​നെ മൈ​ന്‍ഡ് ചെ​യ്ത​തേ​യി​ല്ല.

ഞാ​ൻ ചെ​ന്ന് ‘‘എ​ന്താ ക​ല്ലൊ​ക്കെ​യാ​യി, വി​ഴി​ഞ്ഞം തു​റ​മു​ഖം ഉ​ണ്ടാ​ക്കു​ന്നി​ട​ത്തോ​ട്ട് പോ​കു​ക​യാ​ണോ’’ എ​ന്നൊ​ക്കെ ത​മാ​ശി​ച്ചു. നാ​റാ​ണ​ത്ത് ഭ്രാ​ന്ത​ൻ കു​റേ ഓ​വ​റാ​യി ചി​രി​ച്ചശേ​ഷം പ​റ​ഞ്ഞു: ‘‘ഇ​ങ്ങ​നേ ഇ​രി​ക്ക​വേ എ​നി​ക്കൊ​രു ആ​ശ​യം തോ​ന്നി. ശ്രീ ​പ​ത്മ​നാ​ഭ​സ്വാ​മി​ ക്ഷേ​ത്ര​ത്തി​ന്‍റെ ഗോ​പു​രം നോ​ക്ക്... ഈ ​ആ​കൃ​തി​ക്ക്‌ ദ്രാ​വി​ഡവി​മാ​നം എ​ന്ന് പ​റ​യും. മ​ഹാ​മേ​രു പ​ർ​വ​ത​ത്തോ​ടാ​ണ് ഉ​പ​മ. പ​ർ​വ​തം ഒ​ന്നു​മ​ല്ലെ​ങ്കി​ലും ന​ല്ലൊ​രു മ​ല പോ​ലെ​യി​ല്ലേ?’’

ഉ​ണ്ടെ​ന്ന് ഞ​ങ്ങ​ള്‍ ത​ല​യാ​ട്ടി. നാ​റാ​ണ​ത്ത് ഭ്രാ​ന്ത​ൻ തു​ട​ര്‍ന്നു: ‘‘എ​നി​ക്ക് തോ​ന്നി, ഗോ​പു​ര​ത്തി​ന്‍റെ ഒ​രു വ​ശ​ത്തു​കൂ​ടി പ​തി​യെ​പ്പ​തി​യെ ഈ ​ക​ല്ലു​രു​ട്ടി മു​ക​ളി​ൽ ക​യ​റ്റ​ണം. എ​ന്നി​ട്ട് മ​റു​വ​ശ​ത്ത് കൂ​ടി കീ​ഴേ​ക്ക് ത​ള്ളി​യി​ട​ണം. അ​തി​ങ്ങ​നെ ആ​വ​ര്‍ത്തി​ക്ക​ണം.’’

‘‘കൊ​ള്ളാം. സം​ഗ​തി ര​സ​മു​ണ്ട്. പ​ക്ഷേ സൂ​ക്ഷി​ക്ക​ണം. താ​ഴെ ആ​ളു​ക​ള്‍ നി​ല്‍പ്പു​ണ്ട്’’, ഞാ​ൻ പ​റ​ഞ്ഞു.

‘‘ആ​ര്‍ക്കും ഒ​ന്നി​നും ഒ​രു കേ​ടു​പാ​ടും ഉ​ണ്ടാ​കാ​ത്തവി​ധം അ​തി​വി​ദ​ഗ്ധമാ​യി ഞാ​ന്‍ ക​ല്ലു​രു​ട്ടി​ക്ക​യ​റ്റി താ​ഴേ​ക്കി​ടും. നോ​ക്കി​ക്കോ’’, നാ​റാ​ണ​ത്ത് ഭ്രാ​ന്ത​ൻ ചി​രി​ച്ചു.

‘‘ക​ല​ ത​ന്നെ അ​ല്ലേ’’, ഞാ​ൻ അ​റി​യാ​തെ പ​റ​ഞ്ഞു​പോ​യി.

‘‘ന​ല്ല ഉ​ഗ്ര​ൻ ക​ല്ല്‌. ഒ​ട​ച്ചാ ഒ​ര് ലോ​ഡ് കാ​ണും. കു​റേ നേ​രം ഉ​രു​ട്ടി​ക്ക​ളി​ച്ചി​റ്റ് പോ​വാ​ന്നേ​രം ഇ​ത് ഉ​രു​ട്ടി ക​രി​മ​ഠം കോ​ള​നീ​കൊ​ണ്ട് ത​രോ...’’, അ​തു​വ​രെ മി​ണ്ടാ​തെ​യി​രു​ന്ന റാ​സി നാ​റാ​ണ​ത്ത് ഭ്രാ​ന്ത​നോ​ട്‌ ചോ​ദി​ച്ചു. ‘‘മ​ഴ പെ​യ്ത് വീ​ടി​ന്‍റെ ഒ​രു സൈ​ഡ് മൊ​ത്തം ഇ​ടി​ഞ്ഞു​വീ​ണ്. അ​ത് കെ​ട്ട​ണം. വ​ഴി ശെ​രി​യാ​ക്ക​ണം. കു​റ​ച്ച് പാ​റ എ​റ​ക്കാ​ന്‍ വി​ചാ​രി​ച്ച് ഇ​രി​ക്കേ​യി​രു​ന്ന്‍... ചു​മ്മാ ത​ര​ണം. ഈ ​പാ​റ​കൊ​ണ്ട് ഒ​ര് ഉ​പ​യോ​ഗം ഉ​ണ്ടാ​വ​ട്ട്.’’

നാ​റാ​ണ​ത്ത് ഭ്രാ​ന്ത​ൻ ഓ​ടി​ച്ചെ​ന്ന് റാ​സി​യെ കെ​ട്ടി​പ്പി​ടി​ച്ചു. പി​ന്നെ ആ ​കൂ​റ്റ​ന്‍ ഉ​ണ്ട​പ്പാ​റ ക​രി​മ​ഠം കോ​ള​നി​യി​ലേ​ക്ക് ഉ​രു​ട്ടാ​ൻ തു​ട​ങ്ങി.

9. ഡ​സ്റ്റ്ബി​ൻ മൂ​ന്ന്

ഞാ​ന്‍: ‘‘എ​ന്നെ​പ്പ​റ്റി എ​ന്താ അ​ഭി​പ്രാ​യം, എ​ന്നെ​പ്പ​റ്റി പ​റ​യൂ...’’

ചാ​റ്റ്ജി​പി​റ്റി: ‘‘താ​ങ്ക​ള്‍ത​ന്നെ താ​ങ്ക​ളെ​പ്പ​റ്റി ഇ​രു​പ​ത്തി​നാ​ല് മ​ണി​ക്കൂ​റും പ​റ​ഞ്ഞു​കൊ​ണ്ടി​രി​ക്കു​ന്നു​ണ്ട​ല്ലോ, ഇ​നി ഞാ​നും​കൂ​ടി പ​റ​യ​ണോ?’’

10. മു​ട്ട​യും ചി​ത​ലു​ക​ളും

പാ​വം കോ​ഴി​യ​മ്മ ഒ​രു മു​ട്ട​യി​ട്ടു.

ആ​കെ​യു​ണ്ടാ​യ പു​ന്നാ​ര മു​ട്ട​ക്ക് പ്ര​തീ​ക്ഷ​ക​ളോ​ടെ അ​ട​യി​രി​ക്കാ​നും തു​ട​ങ്ങി.

കോ​ഴി​ക്കൂ​ടി​ന് താ​ഴെ ഒ​ട്ടു​മേ കാ​ത​ലി​ല്ലാ​ത്ത തെ​ങ്ങി​ൻത​ടി​ക​ൾ അ​ടു​ക്കി​വെ​ച്ചി​രു​ന്നു. മ​ഴ പെ​യ്ത് മ​ണ്ണ് അ​ലി​ഞ്ഞ സ​മ​യ​മാ​യ​തി​നാ​ൽ തു​ര​ങ്ക​ങ്ങ​ൾ വ​ഴി അ​നേ​ക​മ​നേ​ക​മ​നേ​കം ചി​ത​ലു​ക​ൾ ന​ന​ഞ്ഞ് ചോ​റാ​യ തെ​ങ്ങി​ൻത​ടി​യി​ലേ​ക്ക് ജി​ല്‍ജി​ല്ലാ​ന്ന് ഇ​ര​ച്ചു​ക​യ​റി. വൈ​കാ​തെ ര​ണ്ട് നാ​ല്, നാ​ല് എ​ട്ട്, എ​ട്ട് പ​തി​നാ​റ്, പ​തി​നാ​റ് മു​പ്പ​ത്തി​ര​ണ്ട് എ​ന്ന ക​ണ​ക്കി​ന് ചി​ത​ലു​ക​ൾ പെ​രു​കി. മ​ത്സ​രി​ച്ച് ക​റു​മു​റാ കാ​ർ​ന്നു തി​ന്ന് അ​വ​ർ മു​ന്നേ​റി. എ​ത്ര​യ​ധി​കം ത​ടി ഭ​ക്ഷി​ക്കു​ന്നോ അ​ത്ര​യു​മ​ധി​കം അ​തി​വി​പു​ല​വും സ​ങ്കീ​ർ​ണ​വു​മാ​യ ക​മാ​ന​ങ്ങ​ളും തു​ര​ങ്ക​ങ്ങ​ളും പു​റ്റു​ക​ളും ത​ടി​യി​ൽ പ്ര​ത്യ​ക്ഷ​പ്പെ​ട്ടു തു​ട​ങ്ങി. ചി​ത​ലു​ക​ൾ ത​ങ്ങ​ൾ തി​ന്ന് തി​ന്ന് തീ​ർ​ത്തെ​ടു​ത്ത ദീ​ർ​ഘ ദീ​ർ​ഘ​ങ്ങ​ളാ​യ ഗു​ഹാ​ദു​ര്‍ഗ​ങ്ങ​ളു​ടെ ഇ​രു​ട്ടി​ൽ ആ​രെ​യും ഭ​യ​മി​ല്ലാ​തെ സ്വ​ത​ന്ത്ര​രാ​യി യ​ഥേ​ഷ്ടം വി​ഹ​രി​ച്ചു. പു​ള​ച്ച് തി​മി​ർ​ത്തു. പ​തി​യെ​പ്പ​തി​യെ കോ​ഴി​ക്കൂ​ടി​ന്‍റെ കാ​ലു​ക​ൾ ചി​ത​ൽ​സം​ഘം ഭ​ക്ഷ​ണ​മാ​ക്കി​ത്തു​ട​ങ്ങി. അ​ടി​പ്പ​ല​ക​യി​ലും അ​വ​രു​ടെ വ്യാ​പ​ക​ വ്യാ​പ​ന​മു​ണ്ടാ​യി.

മു​ട്ട വി​രി​യാ​റാ​യ അ​ന്നാ​ളി​ൽ വെ​യി​ലും മ​ഴ​യും ശ​റ​ശ​റോ​ന്ന് ഒ​രു​മി​ച്ച് വ​ന്ന​ത് ക​ണ്ട് ചൂ​ടു​പി​ടി​ച്ച ദേ​ഹ​മൊ​ന്ന് ത​ണു​പ്പി​ക്കാ​നും ഇ​ത്തി​രി വെ​ള്ള​വും ഭ​ക്ഷ​ണ​വും അ​ക​ത്താ​ക്കാ​നും കോ​ഴി​യ​മ്മ പു​റ​ത്തി​റ​ങ്ങി. വ​ള്ളി​ക​ള്‍ തി​ര​ത​ല്ലു​ന്ന പ​ച്ച​ക്ക​ട​ലി​ൽ നീ​ന്തി​ച്ചാ​ടി​ത്തു​ടി​ക്കു​ന്ന പു​ല്‍ച്ചാ​ടി​ക​ളെ​ക്ക​ണ്ട് കോ​ഴി മ​നം​മ​റ​ന്നു. കാ​ടി​റ​ങ്ങി വ​ന്ന ക​ള്ള​ക്കു​റു​ക്ക​ന്‍റെ മു​ന്നി​ലാ​ണ് പാ​വം ത​ള്ള​ക്കോ​ഴി ചെ​ന്നു​പെ​ട്ട​ത്. പി​ന്നെ​ന്തു​ണ്ടാ​യെ​ന്ന് പ​റ​യാ​നു​ണ്ടോ...

ക​റും​മു​റും... ക​റും​മു​റും...

അ​ന്നേ​രം മാ​ർ​ദ​വ​മാ​ർ​ന്ന തെ​ങ്ങി​ൻത​ടി​യാ​ൽ നി​ർ​മി​ത​മാ​യ, ചി​ത​ല്‍തി​ന്ന് ഇ​ല​വ​ണ്ണ​മാ​യ അ​ടി​പ്പ​ല​ക​ക​ളി​ൽ ക്രീ​ച്ചോ​ന്ന് വി​ള്ള​ൽ വീ​ണു.

ധിം!

​ചെ​റു ചൂ​ടും പേ​റി ഒ​ത്തൊ​രു മു​ട്ട ദ്ര​വി​ച്ച് ചോ​റാ​യ തെ​ങ്ങി​ൻത​ടി​ക്കു​ള്ളി​ലേ​ക്ക് വീ​ണു. ചി​ത​ൽ​ക്കോ​ട്ട​യു​ടെ വ​ലി​യൊ​രു ഭാ​ഗം ത​ക​ർ​ന്നു. തി​ന്ന് മ​ദി​ച്ച് വാ​ഴു​ക​യാ​യി​രു​ന്ന ചി​ത​ലു​ക​ൾ കോ​പം​കൊ​ണ്ട് വി​റ​വി​റ​ച്ച് കൂ​ട്ട​ത്തോ​ടെ വെ​ളി​ച്ച​ത്തി​ലേ​ക്ക് വ​ന്ന് ക​ട​ന്നു​ക​യ​റ്റ​ക്കാ​ര​ൻ മു​ട്ട​യെ വ​ള​ഞ്ഞു. പൊ​തി​ഞ്ഞു. ഒ​രു ബോ​ധ​വു​മി​ല്ലാ​തെ ക​ട​ന്നു​ക​യ​റി​യ മു​ട്ട​യെ ക്രൂ​ര​മാ​യി പീ​ഡി​പ്പി​ച്ചു കൊ​ല്ലാ​ൻ സ​ക​ല ചി​ത​ലു​ക​ളും മു​റ​വി​ളി കൂ​ട്ടി. എ​ങ്ങ​നെ കൊ​ല്ലും എ​ന്ന് ചി​ത​ലു​ക​ൾ ത​മ്മി​ൽ ഉ​ച്ച​ത്തി​ൽ ച​ർ​ച്ച​ക​ൾ ന​ട​ന്നു.

ട​പ്പോ​ന്ന് ത​ല വെ​ട്ടാം എ​ന്നു വെ​ച്ചാ​ൽ ത​ല കാ​ണു​ന്നി​ല്ല. ക​ഴു​ത്ത് വ്യ​ക്ത​മ​ല്ലാ​ത്ത​തു​കൊ​ണ്ട് തൂ​ക്കി​ക്കൊ​ല്ല​ലും സാ​ധ്യ​മ​ല്ല. ജീ​വ​നോ​ടെ ചൂ​ടു​വെ​ള്ള​ത്തി​ൽ ഇ​ടാം എ​ന്നു വെ​ച്ചാ​ൽ അ​ത് മു​ട്ട​ക്ക് ക​ട്ടി​യും ക​ന​വും കൂ​ട്ടാ​നേ സ​ഹാ​യി​ക്കൂ. അ​ടി​ച്ച് പൊ​ട്ടി​ക്കാ​മെ​ന്നാ​ലോ വ​ഴു​വ​ഴു​വ​ഴു​വ​ഴു​ത്ത ദ്രാ​വ​കം വി​ഴു​വി​ഴു​വി​ഴാ ഒ​ഴു​കി​വ​ന്ന് ആ​കെ വൃ​ത്തി​കേ​ടാ​വും, കു​റേ ചി​ത​ലു​ക​ൾ ചാ​കാ​നും മ​തി. ഉ​ചി​ത​മാ​യൊ​രു മ​ര​ണ​വ​ഴി ക​ണ്ടെ​ത്തും വ​രെ ത​ൽ​ക്കാ​ലം മു​ട്ട​ക്ക് ക​ഠി​ന ത​ട​വ് ന​ൽ​കാ​മെ​ന്ന് ഒ​ടു​വി​ൽ ചി​ത​ലു​ക​ൾ തീ​രു​മാ​നി​ച്ചു.

മ​ഴ മാ​ഞ്ഞ് വെ​യി​ലേ​റ്റു​ണ​ങ്ങി​ത്തു​ട​ങ്ങി​യ ത​ങ്ങ​ളു​ടെ ചി​ത​ല്‍ക്കൂ​ടി​നു​ള്ളി​ലെ ഇ​ളം​ചൂ​ടി​ൽ അ​ങ്ങ​നെ മു​ട്ട​യെ ത​ട​വി​ലി​ട്ട​തും ഡി​ങ്ങേ​ന്നു മു​ട്ട വി​രി​ഞ്ഞു.

കീ​യോ..​. കീ​യോ...

പി​ന്നെ​ന്തു​ണ്ടാ​യെ​ന്ന് ഊ​ഹി​ക്കാ​വു​ന്ന​ത​ല്ലേ​യു​ള്ളൂ...

11. ഡ​സ്റ്റ്ബി​ൻ നാ​ല്

‘‘മ​ടു​ത്തെ​ടോ ഈ ​സോ​ഷ്യ​ൽ മീ​ഡി​യ ജീ​വി​തം. എ​ന്തൊ​രു അ​ർ​ഥ​ശൂ​ന്യ​ത​യാ​ണ്. എ​നി​ക്കെ​ന്‍റെ സ്വ​ത്വം ത​ന്നെ ന​ഷ്ട​പ്പെ​ട്ടു. വ​ല്ലാ​ത്ത വി​ര​ക്തി തോ​ന്നു​ന്നു’’ -നി​രാ​ശ, ജു​ഗു​പ്സ, ദേ​ഷ്യം, അ​സൂ​യ, വെ​റു​പ്പ്, സ​ങ്ക​ടം, പു​ച്ഛം തു​ട​ങ്ങി​യ ഇ​മോ​ജി​ക​ളെ നോ​ക്കി ചെ​ഞ്ചു​വ​പ്പ​ൻ ല​വ് ഇ​മോ​ജി വാ​വി​ട്ട് ക​ര​ഞ്ഞു പ​റ​ഞ്ഞു: ‘‘നി​ങ്ങ​ളെ​യൊ​ക്കെ ഉ​പ​യോ​ഗി​ക്കേ​ണ്ട ഇ​ട​ങ്ങ​ളി​ലും സ​ന്ദ​ർ​ഭ​ങ്ങ​ളി​ലു​മെ​ല്ലാം എ​ന്നെ​യാ​ണീ മ​നു​ഷ്യ​ന്മാ​ർ പി​ടി​ച്ചു​ന്തി​ത്ത​ള്ളി​യി​ടു​ന്ന​ത്.’’

12. വാ​ട​ക​ക്കാ​ര​ന്‍ ക​ര​ടി

എ​ന്‍റെ വീ​ടി​ന് മു​ക​ളി​ൽ ഒ​രു ക​ര​ടി വാ​ട​ക​ക്ക് താ​മ​സി​ച്ചി​രു​ന്നു. ക​ള്ള​ത്ത​ടി​വെ​ട്ടി​നെ​യും കാ​ട്ടു​തീ​യെ​പ്പ​റ്റി​യും ഫീ​ച്ച​റെ​ഴു​താ​ൻ വ​ന്ന​താ​ണെ​ന്നാ​ണ് എ​ന്നോ​ട് പ​റ​ഞ്ഞ​ത്. തേ​ൻ​വ​രി​ക്ക പ്ലാ​വു​ക​ൾ, കു​ല​ച്ച ഏ​ത്ത​വാ​ഴ​ക​ൾ, മ​റ്റ് ഫ​ല​വൃ​ക്ഷ​ങ്ങ​ൾ, പ​ല​ത​രം കൃ​ഷി​ക​ളൊ​ക്കെ​ക്കൊ​ണ്ട് നി​റ​ഞ്ഞ പ​റ​മ്പി​ൽ പ്ര​വേ​ശി​ക്കു​ന്ന​തി​ന് ക​ര​ടി​ക്ക് ഞാ​ൻ ക​ർ​ശ​ന​മാ​യി വി​ല​ക്കേ​ർ​പ്പെ​ടു​ത്തി​യി​രു​ന്നു. എ​ഗ്രി​മെ​ന്‍റി​ൽ അ​തെ​ല്ലാം എ​ഴു​തി​ച്ചേ​ർ​ക്കു​ക​യും ക​ര​ടി ഒ​പ്പി​ടു​ക​യും ചെ​യ്ത​താ​ണ്. എ​ല്ലാം കൃ​ത്യ​മാ​യി പാ​ലി​ക്കും. പ​റ​മ്പി​ലെ ഒ​രു തെ​ച്ചി​പ്പൂ ഇ​റു​ത്തു​പോ​ലും തേ​ൻ കു​ടി​ക്കി​ല്ല. ഒ​ന്നാം തീ​യ​തി​ത​ന്നെ വാ​ട​ക​യും ത​രും. ന​ല്ല ക​ര​ടി​യാ​യി​രു​ന്നു.

എ​ന്ത് പ​റ്റി​യോ ആ​വോ, ക​ഴി​ഞ്ഞ ര​ണ്ടു​മാ​സ​മാ​യി ക​ര​ടി വാ​ട​ക ത​രു​ന്നി​ല്ല. എ​ന്നെ കാ​ണു​മ്പോ വ​ലി​യ പു​ച്ഛ​ഭാ​വം. എ​നി​ക്ക് ദേ​ഷ്യം ക​യ​റി. രാ​വി​ലെ ക​ര​ടി മു​റി തു​റ​ന്ന​തും ഓ​ടി​ച്ചെ​ന്ന് കാ​ശ് ചോ​ദി​ച്ചു. ധി​ക്കാ​ര​ത്തോ​ടെ വാ​ട​ക ത​രാ​ൻ മ​ന​സ്സി​ല്ലെ​ന്ന് ക​ര​ടി നെ​ഞ്ചി​ല​ടി​ച്ച് പ​റ​ഞ്ഞു.

‘‘എ​ന്നാ​ൽ മു​റി ഒ​ഴി​ഞ്ഞ് ഇ​പ്പോ​ൾ​ത​ന്നെ ഇ​റ​ങ്ങി​ക്കോ’’, ഞാ​ൻ അ​ല​റി. ‘‘സൗ​ക​ര്യ​മി​ല്ല. ഞാ​ൻ​ മാ​ത്രം താ​ൻ പ​റ​യു​ന്ന​തെ​ല്ലാം അ​നു​സ​രി​ച്ച് എ​ന്തി​ന് കൃ​ത്യ​മാ​യി വാ​ട​ക ത​ര​ണം’’, ക​ര​ടി എ​ഗ്രി​മെ​ന്‍റി​ന്‍റെ കോ​പ്പി വ​ലി​ച്ചു​കീ​റി എ​നി​ക്ക് നേ​രേ എ​റി​ഞ്ഞു: ‘‘രാ​ത്രി ആ​യാ​ൽ കാ​ട്ടി​ലു​ള്ള സ​ക​ല പ​ന്നി​ക​ളും കു​റു​ക്ക​ന്മാ​രും കാ​ട്ടു​പോ​ത്തു​ക​ളും മ്ലാ​വു​ക​ളും ത​ന്‍റെ പ​റ​മ്പി​ലാ​ണ് മേ​ളം. ക​ണ്ണി​ൽ കാ​ണു​ന്ന​തൊ​ക്കെ അ​വ വാ​രി​ത്തി​ന്നു​ന്നു. പെ​രു​മ്പാ​മ്പും കാ​ട്ടാ​ന​യും ക​ടു​വ​യും വ​രെ ക​യ​റി നി​ര​ങ്ങു​ക​യാ​ണ്. താ​നാ​ദ്യം പോ​യി അ​വ​റ്റ​ക​ളോ​ട് വാ​ട​ക ചോ​ദി​ക്ക്.’’

‘‘ക​ള്ള​ക്ക​ര​ടീ, നീ​യാ​യി​രി​ക്കും രാ​ത്രി അ​തൊ​ക്കെ ചെ​യ്ത് കൂ​ട്ടു​ന്ന​ത്’’, ഞാ​ന്‍ ക​ര​ടി​യെ മു​റി​യി​ൽ​നി​ന്ന് പു​റ​ത്തേ​ക്ക് വ​ലി​ച്ചി​റ​ക്കി അ​ല​റി.

ക​ര​ടി ഒ​രൊ​റ്റ​യ​ടി​ക്ക് എ​ന്നെ കൊ​ന്നു.

13. ശി​ൽ​പ​രാ​യ​നും സി.​സി.​ടി.​വി കാ​മ​റ​യും

മൈ​ലാ​ടി.

ശി​ൽ​പ​രാ​യ​ൻ ത​ന്‍റെ ശി​ൽ​പ​ശാ​ല​യി​ൽ തി​ര​ക്കി​ട്ട് പു​തി​യൊ​രു ശി​ൽ​പം പ​ണി​തെ​ടു​ക്കു​ന്ന തി​ര​ക്കി​ലാ​ണ്.

പ​ല​പ​ല കൈ​ക​ള്‍.

ധാ​രാ​ളം ത​ല​ക​ള്‍.

അ​നേ​കം ക​ണ്ണു​ക​ള്‍.

ആ​ല​യു​ടെ മൂ​ല​യി​ല്‍നി​ന്ന് ഇ​തൊ​ക്കെ സൂ​ക്ഷി​ച്ചു​നോ​ക്കു​ക​യാ​യി​രു​ന്ന സി.​സി.​ടി.​വി കാ​മ​റ ശി​ൽ​പ​രാ​യ​നെ ശൂ​ശൂ​ന്ന്‍ വി​ളി​ച്ചു: ‘‘ശി​ൽ​പ​രാ​യ​ന്‍ എ​ന്താ ഈ ​ഉ​ണ്ടാ​ക്കു​ന്ന​ത്.’’

‘‘ദൈ​വ​ത്തെ...’’

‘‘അ​തെ​ന്താ ഒ​രു​പാ​ട് ക​ണ്ണു​ക​ള്‍...’’

‘‘അ​ത് പ്ര​തീ​കാ​ത്മ​ക​മാ​ണ് നി​രീ​ക്ഷ​ണ​ക്കാ​മ​റേ. ഈ ​ലോ​കം മു​ഴു​വ​ൻ ദൈ​വ​ത്തി​ന് കാ​ണാ​ന്‍ ക​ഴി​യും എ​ന്നാ​ണ് സ​ങ്ക​ൽ​പം.’’

‘‘സ​ങ്ക​ൽ​പം മാ​ത്ര​മോ, ശ​രി​ക്കും കാ​ണാ​ന്‍ ക​ഴി​യി​ല്ലേ?’’

‘‘ക​ഴി​യും. ദൈ​വ​ത്തി​ന് എ​ല്ലാം കാ​ണാ​ന്‍ ക​ഴി​യും.’’

‘‘അ​ത് ത​ന്നെ​യ​ല്ലേ ഞാ​നും ചെ​യ്യു​ന്ന​ത്...’’, നി​രീ​ക്ഷ​ണ​ക്കാ​മ​റ ഒ​രൂ​ള​ച്ചി​രി ചി​രി​ച്ചു: ‘‘അ​പ്പൊ ഞാ​നും ദൈ​വ​മാ​ണോ?’’

ക​ലി ക​യ​റി​യ ശി​ൽ​പ​രാ​യ​ൻ സി.​സി.​ടി.​വി കാ​മ​റ അ​ണ​ച്ചു​വെ​ച്ച ശേ​ഷം ദൈ​വ​ശി​ൽ​പം പ​ണി​യ​ൽ തു​ട​ര്‍ന്നു.

14. ഡ​സ്റ്റ്ബി​ൻ അ​ഞ്ച്

വെ​റു​പ്പ്, അ​സൂ​യ, പ​ക, ജു​ഗു​പ്സ, കോ​പം, പു​ച്ഛം, അ​സ​ഹി​ഷ്ണു​ത​ക​ൾ കു​ന്നു​കൂ​ടി നീ​റി​പ്പു​ക​യു​ന്ന ത​ല​യു​മാ​യി രാ​വി​ലേ എ​ണീ​റ്റ് ഫേ​സ്ബു​ക്ക് തു​റ​ന്ന് ക​ണ്ണി​ല്‍ക്ക​ണ്ട സ​ക​ല പോ​സ്റ്റു​ക​ള്‍ക്ക് കീ​ഴേ​യും ക​മ​ന്‍റി​ട്ടു: ‘‘പ്രി​യ​നേ ച​ങ്കേ സ്നേ​ഹം സ്നേ​ഹം <3’’

15. സ​ർ​വ​ജ്ഞാ​നി

പെ​ങ്ങ​ളു​ടെ കു​ഞ്ഞി​ന് തീ​രെ സു​ഖ​മി​ല്ല. ആ​ശു​പ​ത്രി​യി​ല്‍ അ​ഡ്മി​റ്റ് ആ​ണ്. എ​ഴു​തി​ത്ത​ന്ന മ​രു​ന്നു​ക​ളൊ​ക്കെ വാ​ങ്ങ​ണം.

ഉ​ള്ള് ത​ക​ര്‍ന്നു​നി​ന്ന് അ​ക്കൗ​ണ്ടി​ൽ ആ​കെ​യു​ണ്ടാ​യി​രു​ന്ന അ​ഞ്ഞൂ​റ് രൂ​പ​യ്ക്കാ​യി കൈ ​നീ​ട്ടി. ആ​യി​ര​ക്ക​ണ​ക്കി​ന് നോ​ട്ടു​ക​ള്‍ എ​ണ്ണു​ന്ന ശ​ബ്ദം കേ​ള്‍പ്പി​ച്ച് കൊ​തി​പ്പി​ച്ച ശേ​ഷം എ.​ടി.​എം യ​ന്ത്രം പു​ച്ഛ​ത്തോ​ടെ ഒ​രൊ​റ്റ പ​ച്ച​നോ​ട്ട് പു​റ​ന്ത​ള്ളി. വാ​യ​ട​ച്ച് കാ​ർ​ഡും എ​ടു​ത്തുകൊ​ണ്ട് പോ ​എ​ന്ന് എ​ഴു​തി​പ്പ​റ​ഞ്ഞു. ആ ​നി​മി​ഷം

‘ക്ണിം’​ന്ന് നാ​ണ​യം വീ​ഴു​ന്ന ഒ​ച്ച​യി​ൽ ഒ​രു മെ​സേ​ജ് വ​ന്നു.

ഓ ​സീ​റോ ബാ​ല​ൻ​സാ​ണ് എ​ന്ന അ​റി​യി​പ്പാ​കും.

‘‘പ്രി​യ സു​ഹൃ​ത്തേ, പ​ണ​ത്തി​ന് പ​ഞ്ഞ​മോ, വി​ഷ​മി​ക്ക​ണ്ട.

കൂ​ടു​ത​ൽ പ​ണം, തീ​രെ​ക്കു​റ​ഞ്ഞ പ​ലി​ശ. ഉ​ട​ന​ടി ഗോ​ൾ​ഡ് ലോ​ൺ. ഞ​ങ്ങ​ളു​ടെ പ്ര​തി​നി​ധി നേ​രി​ട്ട് വ​ന്ന് പ​ണം ന​ൽ​കു​ന്നു. ഇ​പ്പോ​ള്‍ത്ത​ന്നെ വി​ളി​ക്കൂ, 8129293357.’’

ബാ​ങ്ക​യ​ച്ച സ​ന്ദേ​ശ​ത്തി​ന് മു​മ്പേ​ത​ന്നെ ഫോ​ണി​ലേ​ക്ക് ഇ​ടി​ച്ചി​റ​ങ്ങി​യ പ്ര​മു​ഖ​ സ്വ​കാ​ര്യ​ ബാ​ങ്കി​ന്‍റെ സ​ഹാ​യ​വാ​ഗ്ദാ​നം വാ​യി​ച്ച് തെ​ല്ലൊ​ന്ന​മ്പ​ര​ന്നു. എ​ന്‍റെ ന​മ്പ​ര്‍ ഇ​വ​ര്‍ക്കെ​ങ്ങ​നെ കി​ട്ടി. ഇ​ന്നാ​ളൊ​രി​ക്ക​ല്‍ ‘ഇ​ന്നേ​വ​രെ പി​സ ക​ഴി​ച്ചി​ട്ടി​ല്ല, ക​ഴി​ച്ചാ​ല്‍ എ​ങ്ങ​നെ​യു​ണ്ടാ​കും’ എ​ന്ന് മ​ന​സ്സി​ല്‍ ഓ​ര്‍ത്ത​തും സ​മീ​പ​ത്തു​ള്ള പി​സാ ഷോ​പ്പി​ന്‍റെ പ​ര​സ്യം ഫോ​ണി​ലേ​ക്ക് വ​ന്ന​ത് ക​ണ്ട് ഞെ​ട്ടി ചു​റ്റും നോ​ക്കി​യ കാ​ര്യം ഓ​ര്‍മ വ​ന്നു.

ഈ ​അ​ഞ്ഞൂ​റ് രൂ​പ​കൊ​ണ്ട് മ​രു​ന്നു​ക​ൾ വാ​ങ്ങാ​നാ​കി​ല്ല. പ​ണ​യം വെ​ച്ചേ മ​തി​യാ​കൂ. എ​ന്തുചെ​യ്യും, ആ​രോ​ട് സ്വ​ർ​ണം ചോ​ദി​ക്കാ​നാ​ണ്...

നി​ന്നു​രു​ക​വേ ‘ക്ണിം’​ന്ന്‍ നാ​ണ​യം വീ​ഴു​ന്ന ഒ​ച്ച​യി​ൽ വേ​റൊ​രു മെ​സേ​ജ് വ​ന്നു. തു​റ​ന്നു വാ​യി​ച്ചു.

‘‘പ്രി​യസു​ഹൃ​ത്തേ, എ​ന്തി​ന് ആ​ലോ​ചി​ച്ച് ത​ല​പു​ണ്ണാ​ക്കു​ന്നു. താ​ങ്ക​ളു​ടെ അ​മ്മ​യു​ടെ ക​ഴു​ത്തി​ല്‍ ഒ​രു പ​വ​ന്‍റെ താ​ലി​മാ​ല​യു​ണ്ട്. നീ​യും നി​ന്‍റെ അ​ച്ഛ​നും അ​റി​യാ​തെ അ​തീ​വ​ര​ഹ​സ്യ​മാ​യി അ​വ​ര്‍ ഗോ​ത​മ്പ് ക​ല​ത്തി​ൽ ര​ണ്ട് പ​വ​ന്‍റെ ര​ണ്ട് വ​ള​ക​ളും അ​ര​പ്പ​വ​ന്‍റെ മൂ​ക്കു​ത്തി​യും ഒ​ളി​പ്പി​ച്ചി​ട്ടു​ണ്ട്. പി​ന്നെ നി​ന്‍റെ പെ​ങ്ങ​ളു​ടെ താ​ലി മൂ​ന്ന് പ​വ​നാ​ണ്, മ​റ​ന്നോ. ആ​ശു​പ​ത്രി​യി​ലു​ള്ള കു​ഞ്ഞി​ന്‍റെ വി​ര​ലി​ൽ കാ​ൽ ഗ്രാ​മി​ന്‍റെ മോ​തി​ര​വു​മു​ണ്ട്...

പി.​എ​സ്: വീ​ട്ടു​കാ​രോ​ട് ചോ​ദി​ക്കാ​ന്‍ മ​ടി​ച്ച് കാ​മു​കി​യു​ടെ അ​ടു​ത്തേ​ക്ക് ആ​ദ്യം ഓ​ടി നാ​ണം​കെ​ട​ണ്ട, നി​ന്നോ​ട് സ്വ​ർ​ണം ആ​ണെ​ന്ന് പ​റ​ഞ്ഞി​രി​ക്കു​ന്ന അ​വ​ളു​ടെ ക​മ്മ​ലു​ക​ളും വ​ള​ക​ളും പാ​ദ​സ​ര​വും മാ​ല​ക​ളു​മെ​ല്ലാം മു​ക്കു​പ​ണ്ട​ങ്ങ​ളാ​ണ്. മു​ക്കാ​ണെ​ന്ന് പ​റ​ഞ്ഞ അ​ര​ഞ്ഞാ​ണം പ​ക്ഷേ സ്വ​ർ​ണ​മാ​ണ് കേ​ട്ടോ. എ​ന്നാ​ലോ ശു​ദ്ധ​സ്വ​ർ​ണ​മ​ല്ല, ത​നി ക​ല​ര്‍പ്പാ​ണ് താ​നും. സു​ഹൃ​ത്തേ പ​ണ​യ​പ്പ​ണ്ട​വു​മാ​യി വേ​ഗം വ​രൂ. പ​ണ​വു​മാ​യി ഞ​ങ്ങ​ള്‍ കാ​ത്തി​രി​ക്കു​ന്നു.’’

കാ​രു​ണ്യ​വാ​നേ ന​ന്ദി​യെ​ന്ന് മ​ന​സ്സി​ലു​രു​വി​ട്ട് കൈ​ക​ൾ കൂ​പ്പി നി​ന്നു​പോ​യി.

16. ഡ​സ്റ്റ്ബി​ൻ ആ​റ്

‘‘പ്രി​യ​നേ, ഉ​റ്റ​ ച​ങ്കേ ഫോ​ണും വാ​ട്സ് ആ​പ്പു​മൊ​ക്കെ പി​ന്നെ​ന്തി​നു​ള്ള​താ​ടാ, എ​ല്ലാം ഫ്രീ​യാ​യി​ട്ടു​കൂ​ടി ഒ​രു​പാ​ട് കാ​ല​മാ​യ​ല്ലോ​ടാ നീ ​എ​ന്നെ​യൊ​ന്ന് വി​ളി​ച്ചി​ട്ട്’’, ഒ​രു​പാ​ട് കാ​ല​ത്തി​ന് ശേ​ഷം ഉ​റ്റ​സു​ഹൃ​ത്തി​നെ വി​ളി​ച്ച് പ​രി​ഭ​വ​പ്പെ​ട്ടു.

17. ബ്ര​ഹ്മ​പു​രം

കൊ​ച്ചി​യി​ലേ​ക്ക് ദേ​ശാ​ടന​ത്തി​ന് പോ​യ ആ​ദ്യ​സം​ഘം പ​ക്ഷി​ക​ൾ പോ​യ​തി​ലും പ​തി​ന്മ​ട​ങ്ങ് വേ​ഗ​ത്തി​ൽ തി​രി​കെ​യെ​ത്തി പ​റ​ഞ്ഞു: ‘‘ദ​യ​വാ​യി കൊ​ച്ചി​യി​ലേ​ക്ക് പോ​ക​രു​തേ. അ​വി​ടെ മാ​ലി​ന്യ​സം​സ്ക​ര​ണ​പ്പാ​ട​ത്തി​ന് തീപി​ടി​ച്ചു. ഈ ​കൊ​ടും​വേ​ന​ൽ​ക്കാ​ല ന​ട്ടു​ച്ച​ക്കും മൂ​ട​ൽ​മ​ഞ്ഞ് പു​ത​ച്ച​പോ​ലെ അ​ന്ത​രീ​ക്ഷ​മാ​കെ മാ​ര​ക വി​ഷ​വാ​ത​ക​ങ്ങ​ൾ ത​ളം​കെ​ട്ടി നി​ൽ​ക്കു​ക​യാ​ണ്. ജീ​വ​നോ​ടെ തി​രി​കെ എ​ത്താ​നാ​യ​ത് ഞ​ങ്ങ​ളു​ടെ ഭാ​ഗ്യം.’’

ക​ണ്ണു​നീ​ർ പൊ​ഴി​ച്ചു​കൊ​ണ്ട് ദേ​ശാ​ട​ന​ത്തി​ന് പു​റ​പ്പെ​ടാ​ൻ ത​യാ​റാ​യി നി​ൽ​ക്കു​ന്ന അ​ടു​ത്ത സം​ഘ​ത്തി​ലെ പ​ക്ഷി​ക​ൾ പ​റ​ഞ്ഞു: ‘‘പ്രി​യ​പ്പെ​ട്ട​വ​രേ, നി​ങ്ങ​ളെ​ല്ലാം കൊ​ച്ചി​യി​ല്‍ വീ​ണ് മ​രി​ച്ചു​ക​ഴി​ഞ്ഞ​ല്ലോ. ഞ​ങ്ങ​ൾ​ക്ക് മു​ന്ന​റി​യി​പ്പ് ന​ൽ​കാ​നാ​യി വ​ന്ന ആ​ത്മാ​ക്ക​ൾ ആ​ണ​ല്ലോ നി​ങ്ങ​ൾ...’’

(ഫോട്ടോ ചിത്രീകരണം: ചി​ത്ര എ​ലി​സ​ബ​ത്ത്​)