ത​ര്‍ക്ക​മ​ന്ദി​രം

31 വ​ര്‍ഷ​വും 23 ദി​വ​സ​ങ്ങ​ളും. ഹ​രി​ക്ക​ലി​നും ഗു​ണി​ക്ക​ലി​നും വ​ഴ​ങ്ങാ​ത്ത ക​ണ​ക്ക്. മു​റ്റ​ത്ത് താ​ന്‍ത​ന്നെ ന​ട്ടു​വ​ള​ര്‍ത്തി​യ മ​ര​ത്തി​ല്‍ ചാ​രി പാ​ര്‍വ​തി നി​ന്നു. കാഴ്ച​യി​ല്‍ ശ​രി​ക്കു​മൊ​രു ക്രി​സ്മ​സ് മ​രം. ചാ​യ​ങ്ങ​ളോ​ടും രൂ​പ​ങ്ങ​ളോ​ടും താ​ൽപ​ര്യ​മു​ള്ള ശ്രീ​റാ​മി​ന് അ​ത് ക്രി​സ്തു​മ​ര​മാ​ണ്. അ​യ​ഞ്ഞ നീ​ള​ന്‍ കു​പ്പാ​യ​മ​ണി​ഞ്ഞ് ആ​കാ​ശ​ത്തേ​ക്ക് കൈ​ക​ള്‍ ഉ​യ​ര്‍ത്തി​യ ക്രി​സ്തു മ​ര​ത്തി​ന്റെ നി​ഴ​ലി​ല്‍ വെ​ളി​പ്പെ​ട്ടു.

എ​ല്ലാം അ​റി​യു​ന്ന വീ​ട് മ​ര​ത്തി​നു പി​റ​കി​ല്‍. വീ​ടി​ന്റെ നി​ഴ​ല്‍ ക്രി​സ്തു​വി​ന്റെ കൈ​ത്തു​മ്പി​ല്‍ ആ​ടു​ന്ന ന​ക്ഷ​ത്ര​മാ​യി. ‘‘ഇ​രു​ട്ട് ന​ല്ല ചി​ത്ര​കാ​ര​നാ​ണ്. അ​ത് ജീ​വി​ത​വും വ​ര​യ്ക്കും.’’ പാ​ര്‍വ​തി ത​ന്നോ​ടു​ത​ന്നെ പ​റ​ഞ്ഞു. പാ​ര്‍വ​തി​ക്കു മു​ന്നി​ല്‍ വീ​ടി​നു​മേ​ല്‍ മ​ഞ്ഞ അ​ല​ങ്കാ​ര വി​ള​ക്കു​ക​ള്‍ വെ​ളി​ച്ചം കു​ട​ഞ്ഞു. അ​നു​മ​തി​യി​ല്ലാ​തെ ഏ​തോ പ്രാ​ണ​നെ പ്ര​തി​ഷ്ഠി​ച്ച കോ​വി​ലാ​ണ് വീ​ടെ​ന്ന് പാ​ര്‍വ​തി​ക്ക് തോ​ന്നി. പാ​ര്‍വ​തി​ക്കു മു​ന്നി​ല്‍ ഇ​രു​ട്ട് ര​ണ്ട് താ​ഴി​ക​ക്കു​ട​ങ്ങ​ളെ വ​ര​ച്ചു​കാ​ട്ടി. ഇ​റ​ക്കി​വി​ട​പ്പെ​ട്ട​വ​ര്‍ക്കാ​യി വാ​ഗ്ദാ​നം​ ചെ​യ്യ​പ്പെ​ട്ട അ​ദൃ​ശ്യ​മ​ന്ദി​ര​ത്തി​ന്റെ ത​ല​പ്പു​ക​ള്‍. അ​വ​ര്‍ ഇ​രു​ട്ടി​ലേ​ക്കും വെ​ളി​ച്ച​ത്തി​ലേ​ക്കും മാ​റി​മാ​റി നോ​ക്കി.

മ​ന​സ്സ് വാ​യി​ച്ചി​ട്ടാ​വാം മ​രം പൈ​ത​ലാ​യൊ​രു കാ​റ്റി​നെ വെ​ളി​ച്ചം കെ​ടു​ത്താ​ന്‍ വീ​ടി​നു നേ​ര്‍ക്ക് പ​റ​ത്തി​വി​ട്ടു. തീ​യി​ല്‍ പി​റ​ക്കാ​ത്ത വെ​ളി​ച്ച​ത്തോ​ട് തോ​റ്റ കാ​റ്റ് മ​ര​ത്തി​ലേ​ക്കുത​ന്നെ മ​ട​ങ്ങി. നി​ഴ​ലി​ല്‍ ക്രി​സ്തു​വി​ന്റെ കൈ​ക​ള്‍ നി​സ്സ​ഹാ​യ​ത​യി​ലേ​ക്ക് വി​ട​ര്‍ന്നു. കെ​ടു​ത്തി​ക്ക​ള​യാ​ന്‍ അ​ത് വെ​ളി​ച്ച​മേ ആ​യി​രു​ന്നി​ല്ലെ​ന്ന് കാ​റ്റി​നോ​ട് പ​റ​യ​ണ​മെ​ന്നു​ണ്ടാ​യി​രു​ന്നു പാ​ര്‍വ​തി​ക്ക്. കാ​റ്റി​ന്റെ മ​റ്റൊ​രു ച​ല​ന​ത്തി​ല്‍ മ​രം നി​ഴ​ല്‍ കൈ​ക​ളാ​ല്‍ പാ​ര്‍വ​തി​യെ പു​ണ​ര്‍ന്നു.

31 വ​ര്‍ഷ​ങ്ങ​ള്‍ക്കും 23 ദി​വ​സ​ങ്ങ​ള്‍ക്കു​മു​ള്ള കൈ​യ​ടി​ക​ള്‍ കേ​ള്‍ക്കു​ന്നു​ണ്ട്. ഓ​ര്‍മ​യി​ല്‍ ഒ​രു​പ​റ നെ​ല്ലി​ല്‍ ക​തി​ര്‍കു​ല കു​ത്തി നി​ര്‍ത്തി​യൊ​രു പ​ന്ത​ല്‍. മു​ല്ല​പ്പൂ​മ​ണം. കു​ര​വ. അ​രി​കി​ല്‍ അ​ര​വി​ന്ദ​ന്‍. അ​ര​വി​ന്ദ​നു​മാ​യു​ള്ള വി​വാ​ഹം ഉ​റ​പ്പി​ക്കു​മ്പോ​ള്‍ സ​പ്ലൈ​ക്കോ​യി​ലെ ലോ​ജി​സ്റ്റി​ക് വി​ഭാ​ഗ​ത്തി​ല്‍ ജൂ​നി​യ​ര്‍ ക്ല​ര്‍ക്കാ​യി​രു​ന്നു പാ​ര്‍വ​തി. ബാ​ങ്ക് ജീ​വ​ന​ക്കാ​ര​നാ​യ അ​ര​വി​ന്ദ​ന്‍ അ​ന്ന് തീ​രെ മെ​ലി​ഞ്ഞി​ട്ടാ​ണ്. അ​ധ്യാ​പ​ക​രും വ​ലി​യ വാ​യ​ന​ക്കാ​രു​മാ​യ അ​ച്ഛ​ന​മ്മ​മാ​രു​ടെ ഏ​ക​മ​ക​ളാ​ണ് പാ​ര്‍വ​തി. അ​വ​രി​രു​വ​രും ഒ​രു​പോ​ലെ ബം​ഗാ​ളി സാ​ഹി​ത്യ​ത്തെ ആ​രാ​ധി​ച്ചു. അ​ക്കൂ​ട്ട​ത്തി​ല്‍ വി​ഖ്യാ​ത​മാ​യൊ​രു നോ​വ​ലി​ലെ ഇ​ഷ്ട ക​ഥാ​പാ​ത്ര​ത്തി​ന്റെ പേ​രാ​ണ് അ​വ​ര്‍ മ​ക​ള്‍ക്കു ന​ല്‍കി​യ​ത്.

ഭാ​വി മ​രു​മ​ക​ന്‍ എ​ഴു​ത്തും വാ​യ​ന​യും ഉ​ള്ള​യാ​ളാ​യി​രി​ക്ക​ണം എ​ന്നൊ​രു ആ​ഗ്ര​ഹം മാ​ത്ര​മേ അ​ധ്യാ​പ​ക​രു​ടെ മ​ന​സ്സി​ല്‍ ഉ​ണ്ടാ​യി​രു​ന്നു​ള്ളൂ. നി​ര​ന്ത​ര​മാ​യ അ​ന്വേ​ഷ​ണം അ​ര​വി​ന്ദ​നി​ല്‍ ചെ​ന്നെ​ത്തി. സാ​ഹി​ത്യ​സം​ഘ​ങ്ങ​ളി​ല്‍ ച​ര്‍ച്ച​ക്കെ​ടു​ത്തു തു​ട​ങ്ങി​യ പേ​രു​കൂ​ടി​യാ​യി​രു​ന്നു അ​യാ​ളു​ടേ​ത്. അ​ര​വി​ന്ദ​ന്റെ ക​ഥ​ക​ള്‍ അ​ച്ച​ടി​ക്ക​പ്പെ​ട്ട ഒ​ന്നു​ര​ണ്ട് വാ​രി​ക​ക​ള്‍ തി​ര​ഞ്ഞു ക​ണ്ടു​പി​ടി​ച്ച് അ​ധ്യാ​പ​ക​ര്‍ വാ​യി​ച്ചു. അ​വ​ര്‍ക്ക് താ​ൽപ​ര്യം ഇ​ര​ട്ടി​ച്ചു. ക​ഥ​ക​ളി​ലെ ല​ളി​ത​സു​ന്ദ​ര​മാ​യ ഭാ​ഷ അ​വ​രു​ടെ തീ​രു​മാ​ന​ത്തെ ഉ​രു​ക്കി​വി​ള​ക്കി.

അ​ങ്ങ​നെ ക​ല്യാ​ണം. 31 വ​ര്‍ഷ​ങ്ങ​ള്‍ക്കും 23 ദി​വ​സ​ങ്ങ​ള്‍ക്കും മു​മ്പ് ശു​ഭ​മു​ഹൂ​ര്‍ത്ത​ത്തി​ല്‍ വ​ധൂ​ഗൃ​ഹ​ത്തി​ല്‍ എ​ല്ലാ​വി​ധ ച​ട​ങ്ങു​ക​ളോ​ടുംകൂ​ടി അ​ര​വി​ന്ദ​ന്‍ പാ​ര്‍വ​തി​ക്ക് പു​ട​വ കൈ​മാ​റി. താ​ലി​കെ​ട്ടി. സി​ന്ദൂ​രം ചാ​ര്‍ത്തി. വി​വാ​ഹ​വേ​ഷ​ത്തി​ല്‍ പാ​ര്‍വ​തി ത​ങ്ങ​ളു​ടെ ഇ​ഷ്ട​ക​ഥാ​പാ​ത്ര​ത്തി​ന്റെ നേ​ര്‍പ​തി​പ്പാ​ണെ​ന്ന് അ​ധ്യാ​പ​ക​ര്‍ അ​ട​ക്കംപ​റ​ഞ്ഞു. ആ​ദ്യ​രാ​ത്രി​യി​ലാ​ണ് ആ​ദ്യ​മാ​യി അ​ര​വി​ന്ദ​നും പാ​ര്‍വ​തി​യും ത​മ്മി​ല്‍ സം​സാ​രി​ക്കു​ന്ന​ത്. അ​ത് ഇ​പ്ര​കാ​ര​മാ​യി​രു​ന്നു.

അ​ര​വി​ന്ദ​ന്‍: നി​ന​ക്ക് എ​ന്നോ​ട് എ​ന്തും തു​റ​ന്നുപ​റ​യാം.

പാ​ര്‍വ​തി: ഉം...

​അ​ര​വി​ന്ദ​ന്‍: മു​മ്പ് ആ​രോ​ടെ​ങ്കി​ലും സ്‌​നേ​ഹം തോ​ന്നി​യി​ട്ടു​ണ്ടോ?

പാ​ര്‍വ​തി: ഇ​ല്ല.

അ​ര​വി​ന്ദ​ന്‍: അ​തു ക​ള്ളം.

പാ​ര്‍വ​തി: സ​ത്യ​മാ​യും അ​ങ്ങ​നെ ഉ​ണ്ടാ​യി​ട്ടി​ല്ല.

അ​ര​വി​ന്ദ​ന്‍: ഞാ​നി​ത് വി​ശ്വ​സി​ക്ക​ണ​മെ​ന്നാ​ണോ?

പാ​ര്‍വ​തി: അ​തെ.

അ​ര​വി​ന്ദ​ന്‍: അ​തെ​ന്തു​മാ​യി​ക്കോ​ട്ടെ. എ​നി​ക്ക് അ​തൊ​രു വി​ഷ​യ​മേ​യ​ല്ല. ന​മ്മ​ള്‍ ക​ണ്ടു​മു​ട്ടു​ന്ന​തി​നു മു​മ്പും ദേ ​ഇ​പ്പോ​ഴും ഇ​നി​യ​ങ്ങോ​ട്ടും നീ ​എ​ന്റെ മാ​ത്ര​മാ​യി​രി​ക്കും. മ​ന​സ്സി​ലാ​യോ... തു​ട​ര്‍സം​ഭാ​ഷ​ണ​ത്തി​ന് പാ​ര്‍വ​തി​ക്ക് അ​വ​സ​രം കൊ​ടു​ക്കാ​തെ ലൈ​റ്റ​ണ​ച്ച് അ​ര​വി​ന്ദ​ന്‍ ത​ന്റെ കാ​ര്യ​ത്തി​ലേ​ക്ക് ഭം​ഗി​യാ​യി ക​ട​ന്നു.

പാ​ര്‍വ​തി ഒ​ന്ന​ര​മാ​സം ഗ​ര്‍ഭി​ണി​യാ​യി​രി​ക്കെ​യാ​ണ് ക​ല്യാ​ണ ആ​ല്‍ബം വീ​ട്ടി​ലെ​ത്തു​ന്ന​ത്. ആ​ല്‍ബം തു​റ​ന്ന് അ​ര​വി​ന്ദ​ന്‍ ത​ന്റെ പൗ​രു​ഷ​ത്തെ വ​ര്‍ണി​ക്കാ​നും പാ​ര്‍വ​തി​യു​ടെ വി​ല​കു​റ​ഞ്ഞ മേ​ക്ക​പ്പി​നെ പ​രി​ഹ​സി​ക്കാ​നും തു​ട​ങ്ങി. ആ​ല്‍ബം പൊ​തി​ഞ്ഞു​കൊ​ണ്ടു​വ​ന്ന പ​ത്ര​ക്ക​ട​ലാ​സി​ലേ​ക്കും അ​ര​വി​ന്ദ​ന്‍ താ​ലി​കെ​ട്ടു​ന്ന വി​വാ​ഹ​ചി​ത്ര​ത്തി​ലേ​ക്കും പാ​ര്‍വ​തി മാ​റി​മാ​റി നോ​ക്കി. നി​റം മ​ങ്ങി​യ പ​ള്ളി​യു​ടെ കൂ​റ്റ​ന്‍ മി​നാ​ര​ത്തി​ല്‍ കൊ​ടി പാ​റി​ക്കു​ന്ന ഒ​രു ചെ​റു​പ്പ​ക്കാ​ര​ന്‍. അ​യാ​ള്‍ക്കു ചു​റ്റി​നും ആ​ര്‍പ്പു​വി​ളി​ക്കു​ന്ന മ​നു​ഷ്യ​ര്‍. പാ​ര്‍വ​തി​ക്ക് ര​ണ്ടു ചി​ത്ര​ങ്ങ​ളും ഒ​ന്നാ​ണെ​ന്ന തോ​ന്ന​ലു​ണ്ടാ​യി. അ​ര​വി​ന്ദ​ന്‍ കാ​ണാ​തെ അ​വ​ര്‍ ആ ​ചി​ത്രം ത​ന്റെ അ​ല​മാ​ര​ത്ത​ട്ടി​ല്‍ തി​രു​കി​​െവ​ച്ചു.

വി​വാ​ഹ​ശേ​ഷം അ​ച്ച​ടി​ച്ചു​വ​ന്ന ചെ​റു​ക​ഥ അ​ര​വി​ന്ദ​ന്റെ ത​ല​വ​ര തി​രു​ത്തി. ആ ​ക​ഥ​യോ​ടെ സാ​ഹി​ത്യ​രം​ഗ​ത്ത് അ​യാ​ളു​ടെ പേ​ര് ഉ​റ​പ്പി​ക്ക​പ്പെ​ട്ടു. അ​ച്ച​ടി​ക്ക​പ്പെ​ടും മു​മ്പ് പാ​ര്‍വ​തി​ക്ക് മാ​ത്ര​മാ​ണ് അ​യാ​ള​ത് വാ​യി​ക്കാ​ന്‍ കൊ​ടു​ത്ത​ത്. ഒ​രു രാ​ത്രി ഉ​റ​ക്ക​ത്തി​ല്‍നി​ന്ന് വി​ളി​ച്ചു​ണ​ര്‍ത്തി ഇ​പ്പോ​ൾത​ന്നെ വാ​യി​ക്ക​ണം എ​ന്ന വാ​ശി​യോ​ടെ അ​യാ​ള്‍ ക​ട​ലാ​സ് നീ​ട്ടു​ക​യാ​യി​രു​ന്നു. ഉ​റ​ക്ക​ച്ച​ട​വി​ല്‍ ഇ​രു​ന്ന​യി​രിപ്പി​ല്‍ പാ​ര്‍വ​തി ക​ഥ വാ​യി​ച്ചു. ജീ​വി​ത​ത്തി​ല്‍ എ​ന്ന​പോ​ലെ ക​ഥ​യി​ലും ഒ​ന്നു​ര​ണ്ടി​ട​ങ്ങ​ളി​ല്‍ തി​രു​ത്ത് അ​വ​ര്‍ ആ​ഗ്ര​ഹി​ച്ചു. ക​ഥ​യി​ലെ കേ​ന്ദ്ര​ക​ഥാ​പാ​ത്ര​മാ​യ സ്ത്രീ​യു​ടെ ലൈം​ഗി​ക​ത​യെ​പ്പ​റ്റി സൂ​ച​ന ന​ല്‍കു​ന്ന ഭാ​ഗ​മാ​യി​രു​ന്നു അ​ത്. പ​ക്ഷേ, പാ​ര്‍വ​തി ത​ന്റെ നി​ര്‍ദേ​ശ​ത്തെ പി​റ​ക്കാ​ന്‍ അ​നു​വ​ദി​ച്ചി​ല്ല. വി​ചാ​ര​ണ​ക്കൂ​ട്ടി​ല്‍ ക​യ​റി നി​ല്‍ക്കാ​ന്‍ സ്വ​യം കാ​ര​ണ​ങ്ങ​ള്‍ മെ​ന​യേ​ണ്ട​തി​ല്ലെ​ന്ന പാ​ഠം അ​ക്കാ​ലംകൊ​ണ്ട് ജീ​വി​തം പാ​ര്‍വ​തി​യെ പ​ഠി​പ്പി​ച്ചി​രു​ന്നു. ന​ല്ല ക​ഥ... എ​ന്നു​മാ​ത്രം പ​റ​ഞ്ഞ് അ​വ​ര്‍ ക​ട​ലാ​സ് അ​യാ​ള്‍ക്ക് തി​രി​കെ ന​ല്‍കി.

അ​വി​ടെനി​ന്ന​ങ്ങോ​ട്ട് അ​യാ​ളു​ടെ സ​ക​ല ക​ഥ​ക​ളു​ടെ​യും ആ​ദ്യ വാ​യ​ന​ക്കാ​രി പാ​ര്‍വ​തിത​ന്നെ​യാ​യി​രു​ന്നു. അ​ച്ച​ടി​ച്ചു​വ​ന്ന ഒ​രു ക​ഥ​ക്ക് കി​ട്ടി​യ അ​ഭി​ന​ന്ദ​ന​ങ്ങ​ളി​ല്‍ അ​യാ​ള്‍ സ​ന്തോ​ഷ​വാ​നാ​യി​രു​ന്ന ഒ​രു നാ​ളി​ല്‍ പാ​ര്‍വ​തി അ​ക്കാ​ര്യം നേ​രി​ട്ടു​ ചോ​ദി​ച്ചു. ക​ഥ​ വാ​യി​ച്ച് അ​തേ​പ്പ​റ്റി പ​ല​തും പ​റ​യാ​ന്‍ നി​ങ്ങ​ള്‍ക്ക് ഒ​രു​പാ​ടു​പേ​രി​ല്ലേ... എ​ന്നി​ട്ടും നി​ങ്ങ​ള​ത് വാ​യി​ക്കാ​ന്‍ എ​നി​ക്കു​ത​ന്നെ ത​രു​ന്നു. അ​തെ​ന്താ​ണ​ങ്ങ​നെ?

അ​തോ... അ​ര​വി​ന്ദ​ന്‍ ചി​രി​ച്ചു. ആ​രോ​ടും പ​റ​യി​ല്ലെ​ങ്കി​ല്‍ മാ​ത്രം പ​റ​യാം. ഒ​രു ര​ഹ​സ്യം പ​റ​യാ​നെ​ന്നമ​ട്ടി​ല്‍ അ​യാ​ള്‍ പാ​ര്‍വ​തി​യു​ടെ അ​രി​കി​ലേ​ക്കാ​ഞ്ഞു. ഉ​ള്ള​ത് പ​റ​യാം. കാ​ര്യം നി​ന​ക്ക് എ​രി​വും പു​ളി​യും കു​റ​വാ​ണെ​ങ്കി​ലും ക​ഥ​യു​ടെ കാ​ര്യ​ത്തി​ല്‍ സം​ഗ​തി തി​രി​ച്ചാ​ണ്. നി​ന്നെ കെ​ട്ടി​യ​ശേ​ഷ​മാ​ണ് ക​ഥ​യി​ല്‍ ഞാ​ന്‍ ആ​രെ​ങ്കി​ലും ആ​യ​ത്... വേ​ണ്ടാ​ത്ത​ത് കേ​ള്‍ക്കേ​ണ്ടി വ​രു​മ്പോ​ഴു​ള്ള വി​ള​ര്‍ച്ച അ​പ്പോ​ള്‍ പാ​ര്‍വ​തി​യു​ടെ ക​ണ്ണി​ല്‍ തെ​ളി​ഞ്ഞു.

വി​ശ്വാ​സി​യ​ല്ല താ​നെ​ന്ന മ​ട്ടി​ലാ​യി​രു​ന്നു അ​ര​വി​ന്ദ​ന്റെ പെ​രു​മാ​റ്റ​മ​ത്ര​യും. വി​ശ്വാ​സ​ത്തി​ന്റെ പൊ​ള്ള​ത്ത​ര​ങ്ങ​ളെ​പ്പ​റ്റി അ​യാ​ള്‍ നെ​ടു​ങ്ക​ന്‍ ലേ​ഖ​ന​ങ്ങ​ള്‍ എ​ഴു​തി​ക്കൊ​ണ്ടി​രു​ന്നു. അ​തി​ന്റെ പേ​രി​ല്‍ ചി​ല​പ്പോ​ഴൊ​ക്കെ ല​ഭി​ച്ചു​കൊ​ണ്ടി​രു​ന്ന ഭീ​ഷ​ണി​ക്ക​ത്തു​ക​ള്‍ സു​ഹൃ​ദ് സ​ദ​സ്സു​ക​ളി​ല്‍ ഉ​റ​ക്കെ വാ​യി​ച്ച് ഊ​റ്റം​കൊ​ള്ളു​ന്ന അ​ര​വി​ന്ദ​നെ പാ​ര്‍വ​തി ക​ണ്ടി​ട്ടു​ണ്ട്. എ​ന്നി​ട്ടും അ​മ്മ​യു​ടെ സ​പ്ത​തി​ക്ക് അ​ധ്യാ​ത്മ​ രാ​മാ​യ​ണ​ത്തി​ന്റെ പു​തി​യ പ​തി​പ്പും വാ​ങ്ങി വീ​ട്ടി​ലേ​ക്ക് അ​യാ​ള്‍ ക​യ​റിവ​ന്ന​പ്പോ​ള്‍ പാ​ര്‍വ​തി ചെ​റു​താ​യി ഞെ​ട്ടി.

അ​ന്നു​ രാ​ത്രി കി​ട​ക്കാ​ൻനേ​രം പാ​ര്‍വ​തി​യു​ടെ വീ​ര്‍ത്ത വ​യ​റി​നുമേ​ല്‍ കൈ​​െവ​ച്ച് അ​യാ​ള്‍ പ​റ​ഞ്ഞു: എ​ഴു​ത്ത​ച്ഛ​ന്‍ ഭാ​ഷാ​പി​താ​വാ​ണ്... സ​മൂ​ഹ​ത്തി​ന്റെ പി​താ​വ​ല്ല. അ​യാ​ള്‍ അ​പ്പ​റ​ഞ്ഞ​തി​ന്റെ സാ​രം മ​ന​സ്സി​ലാ​ക്കി​യെ​ടു​ക്കാ​നു​ള്ള സാ​വ​കാ​ശം വ​യ​റ്റി​ലെ ജീ​വ​ന്‍ പാ​ര്‍വ​തി​ക്ക് ന​ല്‍കി​യി​ല്ല. അ​യാ​ളു​ടെ അ​ര​ക്കെ​ട്ടി​ലെ ഏ​ലസ്സു കെ​ട്ടി​യ ക​റു​ത്തു ന​ര​ച്ച പ​ഴ​ഞ്ച​ന്‍ ച​ര​ട് ത​ന്റെ വ​യ​റി​നു മേ​ല്‍ വ​ലി​ഞ്ഞു​മു​റു​കു​ന്ന​താ​യും ഉ​ള്ളി​ലെ​ന്തോ പി​ട​യു​ന്ന​താ​യും പാ​ര്‍വ​തി​ക്ക് തോ​ന്നി. അ​ന്നു​രാ​ത്രി ത​ന്നെ പ്ര​സ​വം. അ​യാ​ള്‍ ആ​ഗ്ര​ഹി​ച്ച​തു​പോ​ലെ ആ​ണ്‍കു​ട്ടി.

കു​ട്ടി​യു​ടെ പേ​രി​ടീ​ല്‍ അ​വ​കാ​ശം എ​ഴു​ത്തു​കാ​ര​നാ​യ എ​നി​ക്കു​ത​ന്നെ എ​ന്ന് പ്ര​സ​വ​മു​റി​യു​ടെ വാ​തി​ല്‍ക്ക​ല്‍ ​െവ​ച്ച് അ​യാ​ള്‍ പ്ര​ഖ്യാ​പി​ച്ചി​രു​ന്നു. പ്ര​സ​വ​പ്പി​റ്റേ​ന്ന് സാ​ഹി​ത്യോ​ത്സ​വ​ത്തി​ല്‍ പ​ങ്കെ​ടു​ക്കാ​ന്‍ ഏ​തോ ഉ​ത്ത​രേ​ന്ത്യ​ന്‍ വേ​ദി​യി​​ലേ​ക്ക് പ​റ​ന്ന അ​ര​വി​ന്ദ​ന്‍ തി​രി​ച്ചെ​ത്തു​ന്ന​ത് പേ​രി​ടീ​ലി​ന്റെ ത​ലേ​ദി​വ​സ​മാ​ണ്. അ​ഞ്ചു തി​രി​യി​ട്ട നി​ല​വി​ള​ക്ക്. തൂ​ശ​നി​ല​യി​ല്‍ ചെ​ത്തി​പ്പൂ​വും മ​ഞ്ഞ​ളി​ല്‍ ചാ​ലി​ച്ച ച​ന്ദ​ന​വും അ​യാ​ള്‍ക്കു മു​ന്നി​ല്‍ നി​ര​ത്ത​പ്പെ​ട്ടു. അ​ര​വി​ന്ദ​ന്‍ മ​ക​ന്റെ ചെ​വി​യി​ല്‍ പേ​രു ചൊ​ല്ലി... ശ്രീ​റാം. ഇ​ത്ത​വ​ണ പാ​ര്‍വ​തി ഞെ​ട്ടി​യി​ല്ല. പ്ര​സ​വ​ത്തി​ന്റെ മു​റി​വ് നൊ​മ്പ​ര​പ്പെ​ടുംവി​ധം ഒ​രു ചി​രി അ​വ​രു​ടെ ശ​രീ​ര​ത്തെ ച​ലി​പ്പി​ച്ചു. ആ ​ചി​രി​യു​ടെ പ​രോ​ക്ഷ ക​മ്പ​നാ​ഘാതത്താ​ല്‍ അ​ത്ത​വ​ണ വി​ള​റി​യ​ത് അ​യാ​ളു​ടെ മു​ഖ​മാ​യി​രു​ന്നു.

മ​ക​ന്റെ വ​ള​ര്‍ച്ച​​ക്കൊ​ത്ത് അ​ര​വി​ന്ദ​ന്റെ ക​ഥാ​ജീ​വി​ത​വും ഉ​യ​ര്‍ന്നു. അ​യാ​ളു​ടെ മി​ക​ച്ച ക​ഥാ​പാ​ത്ര​ങ്ങ​ള​ത്ര​യും സ്ത്രീ​ക​ളാ​യി​രു​ന്നു. പ്ര​ണ​യം, ലൈം​ഗി​ക​ത, തൊ​ഴി​ല്‍ എ​ന്നി​വ​യി​ലൊ​ക്കെ​യും സ്ത്രീ ​അ​നു​ഭ​വി​ക്കു​ന്ന അ​തൃ​പ്തി​ക​ളെ ഒ​രു പു​രു​ഷ​ന്‍ എ​ങ്ങ​നെ ഇ​ത്ര കൃ​ത്യ​മാ​യി വ​ര​ച്ചു​കാ​ട്ടു​ന്നു എ​ന്ന് പു​രോ​ഗ​മ​ന​വാ​ദി​ക​ള്‍പോ​ലും അ​ത്ഭു​ത​പ്പെ​ട്ടു. ഗ​വേ​ഷ​ക​രും അ​ധ്യാ​പ​ക​രും ഫെ​മി​നി​സ്റ്റു​ക​ളും ഉ​ള്‍പ്പെ​ടെ​യു​ള്ള സ്ത്രീ​ക​ളു​ടെ ആ​രാ​ധ​ന​ക്ക് അ​യാ​ള്‍ പ്രാ​പ്ത​നാ​യി.

സാ​ഹി​ത്യ​കാ​ര​ന്മാ​ര്‍ പൊ​തു​വെ അ​ല​ക്ഷ്യ​ജീ​വി​ത​ത്തി​ന് ഉ​ട​മ​ക​ള്‍ ആ​യി​രി​ക്കു​മെ​ന്ന ധാ​ര​ണ പാ​ര്‍വ​തി തി​രു​ത്തി​യ​ത് അ​ര​വി​ന്ദ​നെ അ​റി​ഞ്ഞു​തു​ട​ങ്ങി​യ​തോ​ടെ​യാ​ണ്. പ​ണം ചി​ല​വാ​ക്കു​ന്ന​തി​ല്‍ പാ​ര്‍വ​തി​യു​ടെ ഭാ​ഗ​ത്തുനി​ന്നു​ണ്ടാ​കു​ന്ന വീ​ഴ്ച​ക​ള്‍ അ​യാ​ളെ വ​ല്ലാ​തെ ചൊ​ടി​പ്പി​ച്ചി​രു​ന്നു. ഒ​ന്നും ര​ണ്ടും ദി​വ​സം മു​ഖം വീ​ര്‍പ്പി​ച്ച് അ​ത്താ​ഴ​വും സ​ഹ​ശ​യ​ന​വും ഉ​പേ​ക്ഷി​ക്കു​കപോ​ലു​മു​ണ്ടാ​യി. പി​ണ​ക്കം മാ​റു​ന്ന വേ​ള​ക​ളി​ല്‍ ഒ​ച്ച​താ​ഴ്ത്തി അ​യാ​ള്‍ പാ​ര്‍വ​തി​യോ​ട് ഇ​ങ്ങ​നെ​യൊ​ക്കെ​പ്പ​റ​യും... എ​ഴു​ത്ത് നി​ന്റേ​തു പോ​ലെ എ​ളു​പ്പ​പ്പ​ണി​യ​ല്ല. അ​തി​ന് മ​ന​സ്സി​ന് സ്വാ​സ്ഥ്യം വേ​ണം. നീ ​വി​ചാ​രി​ച്ചാ​ലേ എ​നി​ക്ക​ത് ഉ​ണ്ടാ​കൂ എ​ന്ന് മ​ന​സ്സി​ലാ​ക്ക​ണം. എ​ന്നെ അ​ലോ​സ​ര​പ്പെ​ടു​ത്ത​രു​ത്. എ​ന്റെ ഇ​ഷ്ട​ങ്ങ​ള്‍ അ​റി​ഞ്ഞുനി​ല്‍ക്കു​ന്ന ഒ​രു ഭാ​ര്യ​യെ​യാ​ണ് എ​നി​ക്ക് വേ​ണ്ട​ത്. എ​ഴു​ത്തു​കാ​രി​ക​ളും മി​ക​ച്ച ശ​മ്പ​ളം ഉ​ള്ള​വ​രു​മാ​യ ഒ​രു​പാ​ട് സ്ത്രീ​ക​ളു​ടെ പ്ര​ണ​യ​വും വി​വാ​ഹാ​ലോ​ച​ന​ക​ളും വേ​ണ്ടെ​ന്നു ​െവ​ച്ച് നി​ന്നെ കെ​ട്ടി​യ​ത് വെ​റു​തെ​യ​ല്ല. എ​നി​ക്കൊ​ത്തു നി​ല്‍ക്കാ​ന്‍ പ​റ്റു​ന്ന​വ​ളാ​ണ് നീ​യെ​ന്ന് ഉ​റ​പ്പു​ള്ള​തു​കൊ​ണ്ടാ​ണ്. അ​ത് മ​ന​സ്സി​ലാ​ക്ക​ണം.

അ​ര​വി​ന്ദ​ന്റേ​ത് കു​റ്റ​സ​മ്മ​ത​മ​ല്ല ത​ന്റെ​യു​ള്ളി​ല്‍ കു​റ്റ​ബോ​ധം ഉ​ണ്ടാ​ക്ക​ലാ​ണെ​ന്ന് മ​ന​സ്സി​ലാ​യി​ട്ടും പാ​ര്‍വ​തി പ്ര​തി​ക​രി​ച്ചി​ല്ല. പ്ര​തി​ക​ര​ണം ക​വ​ല​പ്ര​സം​ഗ​ത്തി​ന് മാ​ത്രം യോ​ജി​ച്ച​താ​ണെ​ന്നും കു​ടും​ബ​ജീ​വി​ത​ത്തി​ന് അ​ത് ഇ​ണ​ങ്ങി​ല്ലെ​ന്നു​മു​ള്ള തി​രി​ച്ച​റി​വി​ലേ​ക്ക് അ​യാ​ള്‍ അ​വ​രെ എ​ത്തി​ച്ചി​രു​ന്നു.

മു​ഴു​വ​ന്‍സ​മ​യ എ​ഴു​ത്തു​കാ​ര​നാ​കാ​ന്‍ വൈ​കാ​തെ അ​ര​വി​ന്ദ​ന്‍ ഉ​ദ്യോ​ഗം ഉ​പേ​ക്ഷി​ച്ചു. പാ​ര്‍വ​തി കു​ടും​ബം ചു​മ​ന്നു. ആ ​ആ​യാ​സ​ക്കു​റ​വി​ല്‍ അ​ര​വി​ന്ദ​ന്‍ പ്ര​ശ​സ്ത​നും പ​ര​ക്കെ അം​ഗീ​ക​രി​ക്ക​പ്പെ​ട്ട​വ​നു​മാ​യി. സാ​ഹി​ത്യവേ​ദി​ക​ളി​ല്‍ ഒ​രു പി​ശു​ക്കു​മി​ല്ലാ​തെ അ​യാ​ള്‍ ത​ന്റെ ഭാ​ര്യ​യു​ടെ വി​ന​യ​ത്തെ​യും ക​ല​ര്‍പ്പി​ല്ലാ​ത്ത സ്‌​നേ​ഹ​ത്തെ​യും അ​വ​ര്‍ ത​നി​ക്കാ​യി സ​ഹി​ച്ച പ്ര​സ​വം ഉ​ള്‍പ്പെ​ടെ​യു​ള്ള ക്ലേ​ശ​ങ്ങ​ളെ​യും പു​ക​ഴ്ത്തി. ഒ​രു വേ​ദി​യി​ല്‍ അ​യാ​ള്‍ ഇ​ങ്ങ​നെ പ്ര​സം​ഗി​ച്ചു... പാ​ര്‍വ​തി... ആ​ണ്‍ക​ണ്ണി​ല്‍ അ​വ​ളെ​ന്റെ പ്രി​യ​പ്പെ​ട്ട പാ​ച​ക​ക്കാ​രി​യും പോ​റ്റ​മ്മ​യും സ​ഹാ​യി​യു​മാ​ണ്.

എ​ങ്കി​ലും പ്രി​യ​പ്പെ​ട്ട​വ​ളേ, നീ​യു​ള്ള ഈ ​വേ​ദി​യി​ല്‍ ​െവ​ച്ചു​ത​ന്നെ ഞാ​ന്‍ പ​റ​യ​ട്ടെ... നീ ​ത​ന്ന പ്രാ​ണ​നി​ല്‍ പി​ച്ച ​െവ​ച്ചു​തു​ട​ങ്ങു​ന്ന ഒ​രു ശി​ശു​ മാ​ത്ര​മാ​ണ് ഞാ​ന്‍. നി​ന്റെ താ​ങ്ങി​ല്ലാ​തെ വ​ള​രാ​ന്‍ കെൽപി​ല്ലാ​ത്ത അ​ശ​ക്ത​ജ​ന്മം. വേ​ദി​യി​ല്‍ കൈ​യ​ടി. ആ ​സ്‌​നേ​ഹോ​ദ്‌​ഘോ​ഷ​ണം കേ​ട്ട് ക​ണ്ണു​തു​ട​ച്ചു പ​ല​രും. അ​യാ​ള്‍ക്ക് പെ​ണ്‍ ആ​രാ​ധ​ക​രേ​റി. ആ ​ആ​രാ​ധ​ന അ​യാ​ളു​ടെ വ​ള​ര്‍ച്ച​യു​ടെ വേ​ഗം കൂ​ട്ടി. അ​യാ​ളു​ടെ ഭാ​ര്യ എ​ന്ന​നി​ല​യി​ല്‍ പു​റം​ലോ​കം പാ​ര്‍വ​തി​യെ ബ​ഹു​മാ​നി​ച്ചു​തു​ട​ങ്ങി. അ​തി​ലേ​റെ സ്ത്രീ​ക​ളു​ടെ അ​സൂ​യ​ക്കും അ​വ​ര്‍ പാ​ത്ര​മാ​യി. ത​ന്റെ ചെ​റു​പ്പം നി​ല​നി​ല്‍ക്കു​ന്ന​ത് ഭാ​ര്യ​യു​ടെ സ​ഹ​ന​ത്തി​ലാ​ണെ​ന്ന ഏ​തോ വേ​ദി​യി​ലെ അ​യാ​ളു​ടെ പ്ര​സം​ഗം കേ​ട്ടു​മ​ട​ങ്ങി​യ ആ ​രാ​ത്രി​യി​ലാ​ണ് ത​ന്റെ ത​ല​യി​ലെ ന​ര​ക​ള്‍ പാ​ര്‍വ​തി എ​ണ്ണി​ത്തു​ട​ങ്ങു​ന്ന​ത്.

മു​പ്പ​ത്തൊ​ന്നാം വി​വാ​ഹ​വാ​ര്‍ഷി​കം മ​ക​ന്റെ കൂ​ട്ടു​കാ​രെ​യും ത​ന്റെ അ​ടു​പ്പ​ക്കാ​രെ​യും വി​ളി​ച്ചു​വ​രു​ത്തി ആ​ഘോ​ഷി​ക്കാ​നു​ള്ള തീ​രു​മാ​നം അ​യാ​ളു​ടേ​താ​യി​രു​ന്നു. അ​ന്നേ​രാ​ത്രി ഉ​ടു​ക്കാ​നു​ള്ള സാ​രി തി​ര​യ​വേ അ​ല​മാ​ര​ക്കുള്ളി​ല്‍ പ​ണ്ടെ​ന്നോ തി​രു​കി​യ ആ ​പ​ത്ര​ക്ക​ട​ലാ​സ് പാ​ര്‍വ​തി​ക്ക് കി​ട്ടി. മി​നാ​ര​ത്തി​നു മു​ക​ളി​ല്‍ പാ​റു​ന്ന പ​താ​ക. പാ​ര്‍വ​തി അ​ല​മാ​ര​യു​ടെ അ​ട​ച്ച പാ​ളി​യി​ലെ ക​ണ്ണാ​ടി​യി​ലെ ത​ന്റെ രൂ​പ​ത്തെ നോ​ക്കി. വ​ടി​വൊ​ത്തൊ​രു മി​നാ​രം. നെ​റു​ക​യി​ല്‍ അ​തേ നി​റ​ത്തി​ല്‍ പ​താ​ക, അ​ത് പാ​റു​ന്നി​ല്ലെ​ന്നു​മാ​ത്രം. പാ​ര്‍വ​തി അ​ന്നേ ദി​വ​സ​ത്തെ പ​ത്ര​ങ്ങ​ള്‍ നോ​ക്കി. ത​ര്‍ക്ക​ഭൂ​മി​യി​ല്‍ കെ​ട്ടി​പ്പൊ​ക്കി​യൊ​രു മ​ന്ദി​ര​ത്തി​ന്റെ അ​ലം​കൃ​ത​മാ​യ ചി​ത്രം. സ​മ​ര്‍പ്പ​ണം എ​ന്ന ത​ല​ക്കെ​ട്ട്. പാ​ര്‍വ​തി ഫേ​സ്ബു​ക്ക് തു​റ​ന്നു. പ്ര​സ്തു​ത വി​ഷ​യ​ത്തി​ല്‍ പ്ര​ശ​സ്ത​രു​ടെ പ്ര​തി​ക​ര​ണ​ങ്ങ​ളു​ടെ പ്ര​ള​യം. ലൈ​ക്കി​ലും ഷെ​യ​റി​ലും അ​ര​വി​ന്ദ​നാ​ണ് മു​ന്നി​ല്‍. ‘ക്ഷ​മി​ക്കു​ക, കൊ​ടും​ച​തി​ക്ക്, ആ ​ത​ക​ര്‍ച്ച​ക്ക്, ഈ ​ഉ​യ​ര്‍ച്ച​ക്ക്...​അ​ത്ര​മാ​ത്രം.’ പാ​ര്‍വ​തി ലൈ​ക്കു​ക​ള്‍ എ​ണ്ണി പു​റ​ത്തു​ക​ട​ന്നു.

അ​ന്നു​ രാ​ത്രി​യി​ല്‍ ആ​ഘോ​ഷം ഗം​ഭീ​ര​മാ​യി​രു​ന്നു. അ​ത്താ​ഴ​ത്തി​നും സ​ല്‍ക്കാ​ര​ത്തി​നു​മൊ​ടു​വി​ല്‍ അ​ര​വി​ന്ദ​ന്‍ വ​ടി​വൊ​ത്ത ഭാ​ഷ​യി​ല്‍ ഭാ​ര്യ​യെ പു​ക​ഴ്ത്തി. വൃ​ദ്ധ​രാ​യ മ​ര​ങ്ങ​ളു​ടെ വി​റ​യ​ലി​ലേ​ക്ക് നോ​ക്കി പാ​ര്‍വ​തി​യി​രു​ന്നു. മ​ഞ്ഞു​കാ​ല​ത്തെ ക​ട​ല്‍പോ​ലെ തൂ​കി​പ്പ​ര​ന്ന പു​ക​മൂ​ടി​യ അ​വ​രു​ടെ നി​സ്സം​ഗ​ത​യി​ല്‍ ചോ​ദ്യ​ങ്ങ​ള്‍ പി​റ​ന്നു. 31 വ​ര്‍ഷം. 23 ദി​വ​സ​ങ്ങ​ള്‍. സ​ഹ​നം, പ​ത​നം... ആ​രു​ടെ ദേ​വ​നാ​ണ് ഇ​യാ​ള്‍...

അ​യാ​ളു​ടെ ന​ല്ല വാ​ക്കു​ക​ള്‍ക്ക് മ​റു​പ​ടി പ​റ​യാ​നാ​യി ആ​രൊ​ക്കെ​യോ പാ​ര്‍വ​തി​യെ മു​ന്നി​ലേ​ക്ക് വി​ളി​ച്ചു. ‘‘അ​വ​ള്‍ വ​രി​ല്ല... വ​ലി​യ നാ​ണ​ക്കാ​രി​യാ​ണ്...’’ അ​യാ​ള്‍ പൊ​തു​ ഇട​ങ്ങ​ളി​ല്‍ മാ​ത്രം പ്ര​ദ​ര്‍ശി​പ്പി​ക്കാ​റു​ള്ള വി​ട​ര്‍ന്ന ചി​രി പു​റ​ത്തെ​ടു​ത്തു. പാ​ര്‍വ​തി എ​ഴു​ന്നേ​റ്റു. അ​യാ​ളു​ടെ ചി​രി ചെ​റു​താ​യി. എ​ല്ലാ​വ​രും നി​ശ്ശ​ബ്ദ​രാ​യി. പാ​ര്‍വ​തി സം​സാ​രി​ച്ചു​തു​ട​ങ്ങി... ആ​ദ്യ​മാ​യി ചും​ബി​ക്കു​ന്ന അ​തേ ര​സ​ത്തോ​ടെ...

‘‘അ​ധി​കാ​രം എ​ന്നാ​ല്‍ ആ​ധി​പ​ത്യ​മോ സ​ര്‍വാ​ധി​പ​ത്യ​മോ ആ​യി മാ​റി​യി​രി​ക്കു​ന്നു. തെ​റ്റു​പ​റ്റി​യാ​ല്‍ സ​മ്മ​തി​ക്കു​ന്ന പ​തി​വ് ഇ​വി​ടെ​യൊ​രു മ​ഹാ​ര​ഥ​നും ഇ​ല്ലെ​ന്നു വ​ന്നി​രി​ക്കു​ന്നു.’’ വൃ​ത്തി​യാ​യി എ​ഴു​തി​യ ഒ​രു പ്ര​സം​ഗ​ത്തി​ല്‍നി​ന്ന് വെ​ട്ടി​യെ​ടു​ത്ത വാ​ക്കു​ക​ള്‍... ഇ​ത് എ​വി​ടെ​യാ​ണ് കേ​ട്ട​തെ​ന്നു​ള്ള പി​റു​പി​റു​ക്ക​ലു​ക​ള്‍. എ​ന്താ​യാ​ലും അ​ത് ഭ​ര​ണാ​ധി​കാ​രി​ക​ള്‍ക്ക് മാ​ത്ര​മു​ള്ള താ​ക്കീ​ത​ല്ല, എ​ഴു​ത്തി​ലെ മേ​ലാ​ള​ന്മാ​ര്‍ക്കും കു​ടും​ബ​ത്തി​ലെ സ്വ​യം​പ്ര​ഖ്യാ​പി​ത ഉ​ട​മ​സ്ഥ​ന്മാ​ര്‍ക്കും കൂ​ടി​യു​ള്ള​താ​ണെ​ന്ന് അ​വി​ടെ കൂ​ടി​യ​വ​രി​ല്‍ ചി​ല​രെ​ങ്കി​ലും തി​രി​ച്ച​റി​ഞ്ഞു. ആ​ഘോ​ഷ​ങ്ങ​ള്‍ അ​വ​സാ​നി​ച്ചു. പാ​ര്‍വ​തി​ക്ക് മു​ന്നി​ല്‍ ഇ​രു​ട്ട് വീ​ണ്ടും താ​ഴി​ക​ക്കു​ട​ങ്ങ​ളെ വ​ര​ച്ചു​കാ​ണി​ച്ചു. അ​വ​ര്‍ക്കു പി​ന്നി​ല്‍ വീ​ട് ആ​ര്‍ക്കോ വേ​ണ്ടി വെ​ളി​ച്ചം​വി​ത​റി.