‘സി​നി​മാ​സ്കോ​പ്പ്’

പ​തി​നാ​ലാം നി​ല​യി​ലെ ആ ​വ​ലി​യ ഫ്ലാ​റ്റി​ന്റെ ജ​ന​ലി​ലൂ​ടെ ത്രി​കോ​ണാ​കൃ​തി​യി​ൽ വെ​ണ്ണ​ക്ക​ഷ്ണം​പോ​ലെ വീ​ണു​കി​ട​ക്കു​ന്ന വെ​യി​ലി​നെ തു​ണ്ടം​തു​ണ്ട​മാ​ക്കി ഭ​ക്ഷി​ക്കാ​ൻ ആ​ഗ്ര​ഹ​മേ​തു​മി​ല്ലാ​തെ അ​പ​രി​ചി​ത ഭീ​തി​യോ​ടെ അ​വ​ർ ര​ണ്ടു​പേ​രും ആ ​അ​ട​ഞ്ഞ മു​റി​യു​ടെ വാ​തി​ലി​ലേ​ക്ക് നോ​ക്കി​യി​രു​ന്നു. ഇ​നി​യൊ​രു​പ​ക്ഷേ അ​വ​ർ​ക്ക​ങ്ങ​നെ ഭ​ക്ഷി​ക്കാ​ൻ തോ​ന്നി​യാ​ൽ​പോ​ലും ആ ​ഫ്ലാ​റ്റി​ന്റെ ഉ​ട​മ​യാ​യ മാ​ർ​ട്ടി​ൻ എ​ന്ന പ്ര​ശ​സ്ത ച​ല​ച്ചി​ത്ര​സം​വി​ധാ​യ​ക​ന് ല​ഭി​ച്ച അ​വാ​ർ​ഡ് ഫ​ല​ക​ങ്ങ​ൾ​ക്കോ ശി​ൽ​പ​ങ്ങ​ൾ​ക്കോ ന​ടു​വി​ൽ വെ​ണ്ണ പു​ര​ട്ടി ക​ഴി​ക്കാ​ൻ ഒ​രു ക​ഷ്ണം ബ്രെ​ഡു​ണ്ടാ​യി​രു​ന്നി​ല്ല. അ​തു​കൊ​ണ്ട് അ​പ​രി​ചി​ത​ത്വം മ​റി​ക​ട​ക്കാ​നാ​യി അ​വ​ർ ര​ണ്ടു​ പേ​രും ഇ​ട​ക്കി​ട​ക്ക് പു​ഞ്ചി​രി പൊ​ഴി​ച്ചു.

പു​തി​യൊ​രു സി​നി​മ​ക്കുവേ​ണ്ടി തി​ര​ക്ക​ഥ​യെ​ഴു​തു​വാ​ൻ മാ​ർ​ട്ടി​ൻ വി​ളി​പ്പി​ച്ച​താ​ണ് അ​വ​ർ ര​ണ്ടു​പേ​രെ​യും. മു​മ്പ് വൈ​റ​ലാ​യ ര​ണ്ട് വെ​വ്വേ​റെ ഹ്ര​സ്വചി​ത്ര​ങ്ങ​ൾ​ക്കു വേ​ണ്ടി തി​ര​ക്ക​ഥ നി​ർ​വ​ഹി​ച്ച് പ്ര​ശ​സ്ത​രാ​ണ് കാ​സി​മും ക​ണ്ണ​നും. ഇ​ത് ആ​ദ്യ​മാ​യി​ട്ടാ​ണ് അ​വ​ർ നേ​രി​ൽ കാ​ണു​ന്ന​തും ഒ​രു മു​ഴു​നീ​ള സി​നി​മ​ക്കുവേ​ണ്ടി പ്ര​വ​ർ​ത്തി​ക്കാ​ൻ ഒ​രു​ങ്ങു​ന്ന​തും. മാ​ർ​ട്ടി​ൻ അ​വ​രോ​ട് ക​ഥ പ​റ​ഞ്ഞ് തു​ട​ങ്ങി​യ​താ​യി​രു​ന്നു.

അ​പ്പോ​ഴാ​ണ് ഒ​രു അ​ടി​യ​ന്ത​ര ഫോ​ൺ​കോ​ൾ വ​ന്ന് ആ ​അ​ട​ഞ്ഞ മു​റി​യി​ലേ​ക്ക് അ​യാ​ൾ അ​പ്ര​ത്യ​ക്ഷ​നാ​യ​ത്. അ​ൽ​പ​നേ​ര​ത്തി​ന​കം ഒ​രേ ക​ഥ​യു​ടെ കെ​ണി​യി​ല​ക​പ്പെ​ടേ​ണ്ട​വ​രാ​ണെ​ന്ന ബോ​ധ്യ​മു​ള്ള​തി​നാ​ൽ മാ​സം ന​വം​ബ​റാ​ണെ​ന്നോ തൊ​ട്ടു നോ​ക്കി​യാ​ൽ വെ​യി​ലി​ന് ത​ണു​പ്പു​ണ്ടാ​വു​മെ​ന്നോ അ​വ​ർ ശ്ര​ദ്ധി​ച്ച​തേ​യി​ല്ല. പ​ക​രം ആ​ശ​ങ്ക​യോ​ടെ അ​വ​രു​ടെ നോ​ട്ടം മാ​ത്രം ആ ​അ​ട​ഞ്ഞ വാ​തി​ലി​നെ തൊ​ട്ടു​കൊ​ണ്ടി​രു​ന്നു. അ​തി​ശ​യ​മെ​ന്നേ പ​റ​യേ​ണ്ടൂ; സ്പ​ർ​ശ​ന​മേ​റ്റ വി​ള​ക്കി​ൽ​നി​ന്നെ​ന്ന​പോ​ലെ ക​ഥ​യു​ടെ ഭൂ​തം പു​റ​ത്തേ​ക്ക് ചാ​ടി.

‘‘ഇ​ത് ര​ണ്ട് പേ​രു​ടെ ഈ​ഗോ ക്ലാ​ഷി​ന്റെ ക​ഥ​യാ​ണ്’’, മാ​ർ​ട്ടി​ൻ ത​ന്റെ വി​ശാ​ല​മാ​യ 14 E ഫ്ലാ​റ്റി​ന്റെ കൗ​ച്ചി​ലി​രു​ന്ന് അ​വ​രോ​ട് പ​റ​ഞ്ഞു. വൈ​കീ​ട്ട​ത്തെ ചെ​ന്നൈ ​ൈഫ്ല​റ്റ് മി​സ്സാ​കാ​തി​രി​ക്കാ​ൻ വേ​ഗം ക​ഥ പ​റ​ഞ്ഞ് തീ​ർ​ക്ക​ണ​മെ​ന്ന് അ​യാ​ൾ മ​ന​സ്സി​ൽ ക​രു​തി.

‘‘ഒ​രാ​ൾ ജോ​ർ​ജ്, മ​റ്റേ​യാ​ൾ കൗ​ശി​ക്ക്’’, മാ​ർ​ട്ടി​ൻ പ​റ​ഞ്ഞു.

ജോ​ർ​ജൊ​രു തൊ​ഴി​ൽ​ര​ഹി​ത​നാ​ണ്. സ്ഥി​ര​വ​രു​മാ​ന​മാ​കു​ന്ന​ത് വ​രെ രാ​ത്രി​കാ​ല​ങ്ങ​ളി​ൽ ഫു​ഡ് ഡെ​ലി​വ​റി​യും മ​റ്റും ചെ​യ്താ​ണ് ആ ​ചെ​റു​പ്പ​ക്കാ​ര​ൻ ജീ​വി​ക്കു​ന്ന​ത്. കൗ​ശി​ക്കാ​ണെ​ങ്കി​ലോ താ​ൻ ജോ​ലിചെ​യ്യു​ന്ന അ​ന്താ​രാ​ഷ്ട്ര ക​മ്പ​നി​യു​ടെ അ​മി​ത​മാ​യ തൊ​ഴി​ൽ സ​മ്മ​ർ​ദം കാ​ര​ണം വീ​ർ​പ്പു​മു​ട്ടു​ന്ന ചെ​റു​പ്പ​ക്കാ​ര​നും. അ​വ​ർ ര​ണ്ടു​പേ​ർ​ക്കും ഏ​ക​ദേ​ശം ഒ​ന്ന് ത​ന്നെ​യാ​ണ് പ്ര​ശ്നം. ഒ​രാ​ൾ​ക്ക് തൊ​ഴി​ലു​ണ്ട്. മ​റ്റെ​യാ​ൾ​ക്ക് അ​തി​ല്ല. ഒ​രാ​ൾ​ക്ക് ഉ​ള്ള​തി​ന്റെ പ്ര​ശ്നം, മ​റ്റേ​യാ​ൾ​ക്ക് ഇ​ല്ലാ​ത്ത​തി​ന്റെ പ്ര​ശ്നം.

‘‘മ​ന​സ്സി​ലാ​യ​ല്ലോ?’’ മാ​ർ​ട്ടി​ൻ തു​ട​ർ​ന്നു.

ജോ​ർ​ജും കൗ​ശി​ക്കും ആ ​ന​ശി​ച്ച സ​മ​യ​ത്ത് ക​ണ്ടു​മു​ട്ടു​ന്ന​തോ​ടെ​യാ​ണ് എ​ല്ലാ കു​ഴ​പ്പ​ങ്ങ​ളും തു​ട​ങ്ങു​ന്ന​ത്. ഒ​രു നി​സ്സാ​ര​കാ​ര്യം അ​വ​രെ നി​ര​ന്ത​ര ശ​ത്രു​ക്ക​ളാ​ക്കി​യെ​ന്നു വേ​ണ​മെ​ങ്കി​ൽ പ​റ​യാം. മി​ക്ക​പ്പോ​ഴും ന​മു​ക്ക് ശ​ത്രു​ക്ക​ളു​ണ്ടാ​വു​ന്ന​ത് അ​ങ്ങ​നെ​യൊ​ക്കെ​യാ​ണ​ല്ലോ. വ​ള​രെ അ​വി​ചാ​രി​ത​മാ​യി.

‘‘എ​ന്താ അ​ങ്ങ​നെ​യ​ല്ലേ?’’ മാ​ർ​ട്ടി​ൻ അ​വ​രു​ടെ നേ​ർ​ക്ക് ചോ​ദി​ച്ചു. കാ​സി​മും ക​ണ്ണ​നും മ​റു​പ​ടി​യൊ​ന്നു​മി​ല്ലാ​തെ അ​യാ​ളെ നോ​ക്കി​യി​രു​ന്നു.

ജോ​ർ​ജ് അ​ന്നേ ദി​വ​സം ആ ​മാ​സ​ത്തെ ത​ന്റെ പ​തി​നാ​ലാ​മ​ത്തെ ഇ​ന്റ​ർ​വ്യൂ​വി​ലും അ​തി​ദാ​രു​ണ​മാ​യി പ​രാ​ജ​യ​പ്പെ​ട്ട് ക​മ്പ​നി​യി​ൽ​നി​ന്ന് ക​ലി​പ്പോ​ടെ ഇ​റ​ങ്ങി​യ​താ​യി​രു​ന്നു. അ​വ​സാ​ന റൗ​ണ്ട് വ​രെ പൊ​രു​തി​യെ​ങ്കി​ലും ജോ​ർ​ജി​ന് ജോ​ലി നേ​ടാ​നാ​യി​ല്ല. എ​ല്ലാ​ത്തി​നും കാ​ര​ണം ആ ​മാ​ദ​ക​റാ​ണി​യെ​പ്പോ​ലെ അ​വ​സാ​ന റൗ​ണ്ട് വ​രെ ക​ട​ന്നു​കൂ​ടി​യ പെ​ണ്ണാ​ണെ​ന്ന് അ​വ​ൻ ഓ​ർ​ത്തു. ത​നി​ക്ക് പ​ക​രം ജോ​ലി നേ​ടി​യ അ​വ​ളെ അ​വ​ൻ പ്രാ​കി.

‘അ​വ​ൾ ബ്ലൗ​സൂ​രി കാ​ണി​ച്ചു​കാ​ണും’, ജോ​ർ​ജ് വൈ​സ​റി​ല്ലാ​ത്ത ഹെ​ൽ​മ​റ്റ് ധ​രി​ക്കു​ന്ന​തി​നി​ട​ക്ക് ഉ​ച്ച​ത്തി​ൽ ആ​ലോ​ചി​ച്ചു.

ഇ​ന്റ​ർ​വ്യൂ ക​ഴി​ഞ്ഞ് ജോ​ർ​ജ് ത​ന്റെ ഫു​ഡ് ഡെ​ലി​വ​റി​ക്ക് ഉ​പ​യോ​ഗി​ക്കു​ന്ന ആ​ക്ടിവാ​യു​മാ​യി ദേ​ഷ്യ​ത്തോ​ടെ പാ​ഞ്ഞു. തു​ട​ർ​ന്ന് ഇ​ൻ​ഫോ പാ​ർ​ക്ക് മു​ത​ൽ വാ​ഴ​ക്കാ​ല വ​രെ​യു​ള്ള നാ​ല് സി​ഗ്ന​ലി​ലും അ​വ​ൻ അ​വ​സാ​ന​മെ​ത്തി പ​രാ​ജ​യ​പ്പെ​ട്ടു. മു​ന്നി​ൽ കി​ട​ക്കു​ന്ന അ​സം​ഖ്യം വാ​ഹ​ന​ങ്ങ​ൾ​ക്കു നേ​രെ തു​ട​രെ​ത്തു​ട​രെ ഹോ​ണു​ക​ള​ടി​ച്ചും സി​നി​മ​യി​ലു​ള്ള​തി​നേ​ക്കാ​ൾ ബീ​പ്പ് ശ​ബ്ദ​ങ്ങ​ൾ പു​റ​ത്തേ​ക്ക് വി​ട്ടും അ​യാ​ൾ ദേ​ഷ്യം പ്ര​ക​ടി​പ്പി​ച്ചു. അ​വ​സാ​നം ഒ​രു​വി​ധം വാ​ഴ​ക്കാ​ല സി​ഗ്ന​ൽ ക​ഴി​ഞ്ഞ് വ​ല​ത്തോ​ട്ട് ക​യ​റു​മ്പോ​ഴാ​ണ് മു​ന്നി​ലെ ബാ​റി​ൽ​നി​ന്ന് കൗ​ശി​ക്ക് ആ​ടി​ക്കു​ഴ​ഞ്ഞ് ഇ​റ​ങ്ങി​വ​ന്ന​ത്.

മാ​സാ​വ​സാ​ന​മാ​യി​ട്ടും ടാ​ർ​ഗ​റ്റ് മീ​റ്റ് ചെ​യ്യാ​ത്ത​തി​ൽ താ​ര​ത​മ്യേ​ന ത​ന്നെ​ക്കാ​ൾ ചെ​റു​പ്പ​ക്കാ​ര​നാ​യ ബോ​സി​ന്റെ ക​യ്യി​ൽ​നി​ന്ന് ക​ണ​ക്കി​ന് കി​ട്ടി​യ​തി​ന്റെ അ​രി​ശം അ​വ​ന്റെ തൊ​ണ്ട​ക്കു​ഴി​യി​ൽ കി​രു​കി​രു​ത്ത് കി​ട​ന്നി​രു​ന്നു. കു​ടി​ച്ചി​ട്ടും മാ​റാ​ത്ത ആ ​പ്ര​തി​സ​ന്ധി ഒ​ട്ടും വൈ​കാ​തെ ത​ന്നെ അ​വ​ൻ തൊ​ണ്ട​യ​ന​ക്കി ഇ​ട​ത്തോ​ട്ട് കാ​ർ​ക്കി​ച്ച് തു​പ്പി. വൈ​സ​റി​ല്ലാ​ത്ത ഹെ​ൽ​മ​റ്റു​മാ​യി പാ​ഞ്ഞ് വ​രു​ന്ന ജോ​ർ​ജി​ന്റെ മു​ഖ​ത്തേ​ക്ക് അ​ത് കൃ​ത്യം പ​തി​ച്ചു. വ​ലി​യ തോ​ൽ​വി​ക​ളോ​ടെ പാ​ഞ്ഞു വ​ന്ന ജോ​ർ​ജി​ന് അ​ത് സ​ഹി​ക്കാ​ൻ ക​ഴി​ഞ്ഞി​ല്ല.

നി​ര​ന്ത​രം പ​രാ​ജ​യ​പ്പെ​ടു​ന്ന ത​ന്റെ ജീ​വി​ത​ത്തി​ന് നേ​രെ​യു​ള്ള ലോ​ക​ത്തി​ന്റെ തീ​ർ​പ്പാ​യി ജോ​ർ​ജ് അ​തി​നെ ക​ണ്ടു. അ​വ​ൻ വ​ണ്ടി​യു​പേ​ക്ഷി​ച്ച് ഹെ​ൽ​മ​റ്റൂ​രി ലോ​ക​ത്തോ​ട് പൊ​രു​താ​ൻ കൗ​ശി​ക്കി​നു നേ​രെ പാ​ഞ്ഞു. അ​പ്ര​തീ​ക്ഷി​ത​മാ​യി ഹെ​ൽ​മ​റ്റു​കൊ​ണ്ട് പ്ര​ഹ​ര​മേ​റ്റ് താ​ഴേ​ക്ക് വീ​ണ കൗ​ശി​ക്ക് ഒ​രു മി​ന്നാ​യം​പോ​ലെ ജോ​ർ​ജി​നെ നോ​ക്കി. ഒ​ന്നോ ര​ണ്ടോ ന​ക്ഷ​ത്ര​ങ്ങ​ളെ​ണ്ണി​യെ​ങ്കി​ലും സ​ക​ല വീ​റോ​ടെ​യും ത​ന്നെ നോ​ക്കു​ന്ന ഫോ​ർ​മ​ൽ വ​സ്ത്ര​ധാ​രി​യാ​യ ജോ​ർ​ജി​ൽ ത​നി​ക്ക് അ​രി​ശ​മു​ള്ള മാ​ന​വ​രാ​ശി മൊ​ത്ത​മു​ള്ള​താ​യി കൗ​ശി​ക്കി​ന് തോ​ന്നി. കാ​ര​ണ​മെ​ന്തെ​ന്ന് ചോ​ദി​ക്കു​ക​പോ​ലും ചെ​യ്യാ​തെ അ​വ​ൻ ചാ​ടി​യെ​ഴു​ന്നേ​റ്റ് ജോ​ർ​ജി​ന്റെ നാ​ഭി​ക്ക് തൊ​ഴി​ച്ചു. ജോ​ർ​ജ് വേ​ദ​ന​കൊ​ണ്ട് പു​ള​ഞ്ഞു.

പി​ന്നീ​ട് ന​ട​ന്ന​ത് ക​ഥ​യെ വെ​ല്ലു​ന്ന ച​രി​ത്ര​മോ ച​രി​ത്ര​ത്തെ വെ​ല്ലു​ന്ന ക​ഥ​യോ ആ​യി​രു​ന്നു. പ​രി​സ​ര​ബോ​ധ​മി​ല്ലാ​തെ ചീ​റി​യ​ടു​ത്ത ആ ​ര​ണ്ടു​പേ​രും കാ​ള​ക്കു​ട്ട​ന്മാ​രെ​പ്പോ​ലെ കൂ​ട്ടി​മു​ട്ടി. പ​ര​സ്പ​രം മാ​ര​ക​മാ​യി മു​റി​പ്പെ​ടു​ത്തു​ന്ന ഉ​പ​ക​ര​ണ​ങ്ങ​ളാ​യി അ​വ​രു​ടെ അ​വ​യ​വ​ങ്ങ​ൾ മാ​റി. ന​ഖം, പ​ല്ല് മു​ത​ലാ​യ​വ ആ​യു​ധ​ങ്ങ​ളെ​ക്കാ​ളും പ്ര​ഹ​ര​ശേ​ഷി​യോ​ടെ അ​വ​ർ​ക്കി​ട​യി​ൽ പ്ര​വ​ർ​ത്തി​ച്ചു. അ​ടി തെ​റ്റി​യ​പ്പോ​ൾ കെ​ട്ടി​പ്പി​ണ​ഞ്ഞ് പേ​യി​ള​കി​യ നാ​യ​ക​ളെ​പ്പോ​ലെ അ​വ​ർ പ​ര​സ്പ​രം മു​റി​പ്പെ​ടു​ത്തി. എ​ഴു​ന്നേ​റ്റ​പ്പോ​ൾ ദി​ശ​യി​ല്ലാ​തെ ക​റ​ങ്ങു​ന്ന ചു​ഴ​ലി​ക്കാ​റ്റി​നെ​പ്പോ​ലെ അ​വ​ർ നീ​ങ്ങി. കൈ​കാ​ലു​ക​ളു​ടെ വേ​ഗ​ത ക​ണ്ടു​നി​ന്ന​വ​രെ​പ്പോ​ലും അ​ത്ഭു​ത​പ്പെ​ടു​ത്തി.

സാ​ധാ​ര​ണ മ​നു​ഷ്യ​ർ​ക്ക് ഇ​ത്ര സാ​ധി​ക്കി​ല്ലെ​ന്ന് ആ​രോ ഒ​രാ​ൾ അ​തി​ശ​യം പ​റ​ഞ്ഞു. ന​ട​പ്പാ​ത ക​ട​ന്ന് അ​വ​ർ ന​ടു​റോ​ഡി​ൽ എ​ത്തി​യ​പ്പോ​ൾ ചീ​റി​പ്പാ​ഞ്ഞി​രു​ന്ന വാ​ഹ​ന​ങ്ങ​ൾ ഭ​യ​ത്തോ​ടെ നി​ന്നു. മൂ​ന്ന് നാ​ല് സെ​ക്ക​ൻ​ഡു​ക​ൾ​ക്കു​ള്ളി​ൽ ചി​ല വ​ണ്ടി​ക​ളു​ടെ ക​ണ്ണാ​ടി​ക​ൾ ത​ക​ർ​ന്നു. പ​ല​രും വ​ണ്ടി​ക​ൾ ഉ​പേ​ക്ഷി​ച്ച് ന​ട​പ്പാ​ത​യി​ലേ​ക്ക് ഭ​യ​ന്നോ​ടി. ത​ട​യാ​ൻ ചെ​ന്ന ചി​ല​രു​ടെ മു​ഖം അ​ഞ്ചോ പ​ത്തോ വി​ര​ലു​ക​ളു​ടെ അ​ട​യാ​ളം​കൊ​ണ്ട് നി​റ​ഞ്ഞു. അ​വ​സാ​നം വി​വ​ര​മ​റി​ഞ്ഞെ​ത്തി​യ ഒ​രു മു​ഴു ബ​റ്റാ​ലി​യ​ൻ പോ​ലീ​സ് സം​ഘം അ​ര​മ​ണി​ക്കൂ​ർ അ​തി​സാ​ഹ​സി​ക​മാ​യി പ​ണി​പ്പെ​ട്ട് അ​വ​രെ കീ​ഴ്പ്പെ​ടു​ത്തി. ഇ​തി​നോ​ട​കം പൂ​ര​പ്പ​റ​മ്പി​നേ​ക്കാ​ൾ ത​ടി​ച്ചു​കൂ​ടി​യ ജ​നം ഒ​രേ സ്വ​ര​ത്തി​ൽ നി​ശ്വ​സി​ച്ചു. പൊ​ടി​പ​ട​ല​ങ്ങ​ൾ ഉ​യ​ർ​ന്ന്​ എ​ല്ലാ​വ​രു​ടെ​യും കാ​ഴ്​​ച ന​ഷ്​​ട​പ്പെ​ട്ടു.

‘‘ഇ​നി​യാ​ണ് ട്വി​സ്റ്റ്’’, മാ​ർ​ട്ടി​ൻ പ​റ​ഞ്ഞു.

ഒ​രു​വി​ധം പോ​ലീ​സി​ൽ​നി​ന്ന് എ​ല്ലാം തീ​ർ​പ്പാ​യ ശേ​ഷം അ​വ​ർ ര​ണ്ടു​പേ​രും സ്വ​ന്തം സ്ഥ​ല​ങ്ങ​ളി​ലേ​ക്ക് മ​ട​ങ്ങി. ര​ണ്ട് ദി​വ​സം ലോ​ക്ക​പ്പി​ൽ കി​ട​ന്ന​തി​ന്റെ​യും ശ​രീ​ര​ത്തി​ലു​ണ്ടാ​യ തു​ന്നി​ക്കെ​ട്ടു​ക​ളു​ടെ​യും വേ​ദ​ന​മൂ​ലം നൂ​റ്റാ​ണ്ടു​ക​ൾ പ​ഴ​ക്കം​ചെ​ന്ന വൃ​ദ്ധ​ശ​രീ​ര​ങ്ങ​ളെ​പ്പോ​ലെ ഞൊ​ണ്ടി ഞൊ​ണ്ടി​യാ​ണ് അ​വ​ർ ഓ​ട്ടോ​റി​ക്ഷ പി​ടി​ച്ച​ത്. ഇ​നി​യൊ​രി​ക്ക​ലും കാ​ണ​രു​തെ​ന്ന് തീ​രു​മാ​നി​ച്ചാ​ൽ​പോ​ലും ജീ​വി​താ​വ​സാ​നം​വ​രെ നീ​ളു​ന്ന പ​ബ്ലി​ക് നു​യി​സ​ൻ​സ് കേ​സ് അ​വ​ർ​ക്കി​ട​യി​ൽ മൂ​ർ​ച്ച​യു​ള്ള വാ​ളാ​യി തൂ​ങ്ങി​യാ​ടു​ന്നു​ണ്ടാ​യി​രു​ന്നു. ഭാ​ഗ്യ​ത്തി​ന് പൊ​ട്ടി​പ്പൊ​ളി​ഞ്ഞ വാ​ഹ​ന​ങ്ങ​ൾ​ക്കും മ​റ്റു​മാ​യു​ള്ള ന​ഷ്ട​പ​രി​ഹാ​രം ഇ​ൻ​ഷുറ​ൻ​സ് ക​മ്പ​നി​ക​ൾ തീ​ർ​പ്പാ​ക്കി. വാ​ഴ​ക്കാ​ല​യി​ൽ ന​ട​ന്ന​ത് ഒ​രു പ്ര​കൃ​തി​ദു​ര​ന്ത​മാ​യി സ​ർ​ക്കാ​ർ പ്ര​ഖ്യാ​പി​ച്ച​താ​യി​രു​ന്നു അ​തി​ന് കാ​ര​ണം.

ഓ​ട്ടോ ജോ​ർ​ജ് താ​മ​സി​ക്കു​ന്ന ഹോ​സ്റ്റ​ലി​ന്റെ മു​ന്നി​ൽ വ​ന്ന് നി​ന്നു. വി​ധി​യു​ടെ വി​ള​യാ​ട്ട​മെ​ന്നേ പ​റ​യേ​ണ്ടൂ; പി​ന്നാ​ലെ വ​ന്ന ഓ​ട്ടോ​യി​ൽ​നി​ന്ന് കൗ​ശി​ക്കും പു​റ​ത്തേ​ക്കി​റ​ങ്ങി. അ​വ​ർ ര​ണ്ട് പേ​രും ഒ​രേ വ​ർ​ക്കി​ങ് ഹോ​സ്റ്റ​ലി​ൽ​ത​ന്നെ​യാ​ണ് താ​മ​സം. പ​ക​ൽ മു​ഴു​വ​ൻ ജോ​ലി അ​ന്വേ​ഷി​ക്കു​ന്ന ജോ​ർ​ജി​നോ രാ​വി​ലെത​ന്നെ ജോ​ലി​ക്ക് പോ​യി​രു​ന്ന കൗ​ശി​ക്കി​നോ ഇ​തു​വ​രെ പ​ര​സ്പ​രം ക​ണ്ടു​മു​ട്ടാ​നു​ള്ള യോ​ഗ​മു​ണ്ടാ​യി​രു​ന്നി​ല്ല. ഉ​ണ്ടാ​യി​രു​ന്നെ​ങ്കി​ൽ തീ​ർ​ച്ച​യാ​യും വി​ധി മ​റ്റൊ​ന്നാ​കു​മാ​യി​രു​ന്നു.

‘‘ഹോ​സ്റ്റ​ൽ വേ​റെ നോ​ക്ക​ണോ?’’ ജോ​ർ​ജ് ഒ​രു​നി​മി​ഷം ആ​ലോ​ചി​ച്ചു. ‘‘ഇ​വ​ന്റെ​യൊ​ക്കെ മോ​ന്ത ക​ണ്ട് എ​ങ്ങ​നെ ജീ​വി​ക്കും?’’

‘‘വേ​ണ്ട’’, കൗ​ശി​ക്ക് ആ​ലോ​ചി​ച്ചു. ‘‘താ​നെ​ന്തി​ന് മാ​റ​ണം വേ​ണ​മെ​ങ്കി​ൽ അ​വ​ൻ ത​ന്നെ മാ​റ​ട്ടെ’’, കൗ​ശി​ക്കും തീ​രു​മാ​നി​ച്ചു.

അ​വ​ർ ര​ണ്ടു​പേ​രും പ​തി​യെ മു​ഖം​കൊ​ടു​ക്കാ​തെ അ​വ​ര​വ​രു​ടെ മു​റി​ക​ളി​ലേ​ക്ക് നീ​ങ്ങി. അ​വ​ർ​ക്കൊ​രി​ക്ക​ലും ഇ​നി പ​ഴ​യൊ​രു ജീ​വി​തം സാ​ധ്യ​മാ​കു​മാ​യി​രു​ന്നി​ല്ല. ഒ​രി​ക്ക​ലും ചേ​രാ​ത്ത​വി​ധം വൈ​രാ​ഗ്യ​ത്തി​ന്റെ സ്മ​ര​ണ​ക​ൾ പേ​റു​ന്ന ര​ണ്ട് ശ​ത്രു രാ​ജ്യ​ങ്ങ​ളെ​പ്പോ​ലെ അ​വ​ർ മാ​റി​ക്ക​ഴി​ഞ്ഞി​രു​ന്നു.

‘‘ഇ​നി​യാ​ണ് എ​നി​ക്ക് നി​ങ്ങ​ളു​ടെ ആ​വ​ശ്യം’’, മാ​ർ​ട്ടി​ൻ കാ​സി​മി​നോ​ടും ക​ണ്ണ​നോ​ടു​മാ​യി പ​റ​ഞ്ഞു. ‘‘ഇ​നി അ​വ​ർ ത​മ്മി​ൽ ന​ട​ക്കു​ന്ന ശീ​ത​യു​ദ്ധം നി​ങ്ങ​ളെ​ഴു​ത​ണം.’’ മാ​ർ​ട്ടി​ൻ വാ​ച്ചി​ലേ​ക്ക് നോ​ക്കി. ചെ​ന്നൈ ​ൈഫ്ല​റ്റി​ന് അ​ധി​ക സ​മ​യ​മി​ല്ല. വെ​ണ്ണ​ക്ക​ഷ്ണം അ​പ്പോ​ഴേ​ക്കും ഉ​രു​കി തീ​ർ​ന്നി​രു​ന്നു. ആ​വി​യാ​യി തീ​രാ​ത്ത​വ അ​ങ്ങി​ങ്ങ് പ​ത​ഞ്ഞ് കി​ട​പ്പു​ണ്ട്.

‘‘ഒ​രു കാ​ര്യം​കൂ​ടി നി​ങ്ങ​ളെ ഓ​ർ​മി​പ്പി​ക്കാം’’, മാ​ർ​ട്ടി​ൻ വ​ള​രെ ഗൗ​ര​വ​ത്തോ​ടെ തു​ട​ർ​ന്നു. ‘‘ന​മു​ക്ക് വേ​ണ്ട​ത് അ​വ​രു​ടെ ന​ല്ല വ​ശ​ങ്ങ​ള​ല്ല, കാ​ര​ണം, അ​വ​ർ അ​ന്ത്യ​മി​ല്ലാ​ത്ത യു​ദ്ധ​ത്തി​ലാ​ണ്, പ​ര​സ്പ​രം പ​ക​യോ​ടെ മു​റി​പ്പെ​ടു​ത്തു​ക മാ​ത്ര​മാ​ണ് അ​വ​രു​ടെ ല​ക്ഷ്യം, മാ​ന​സി​ക​മാ​യും ശാ​രീ​രി​ക​മാ​യും. അ​തു​കൊ​ണ്ട് അ​തി​ന​നു​സ​രി​ച്ച് വേ​ണം അ​വ​രു​ടെ അ​ടു​ത്ത ച​ല​ന​ങ്ങ​ൾ പ്ലാ​ൻ ചെ​യ്യാ​ൻ.’’ മാ​ർ​ട്ടി​ൻ എ​ഴു​ന്നേ​റ്റു. നേ​ര​ത്തേ ഒ​രു​ക്കി​െ​വ​ച്ചി​രു​ന്ന ല​ഗേ​ജു​ക​ൾ ത​ട്ടി നോ​ക്കി. എ​ല്ലാം ഭ​ദ്ര​മ​ല്ലേ​യെ​ന്ന് ഉ​റ​പ്പു​വ​രു​ത്തി.

‘‘ര​ണ്ട് മാ​സം ക​ഴി​ഞ്ഞാ​ൽ എ​ന്റെ ഷൂ​ട്ട് തീ​രും.’’ മാ​ർ​ട്ടി​ൻ ല​ഗേ​ജു​ക​ളു​മാ​യി ലി​ഫ്റ്റി​ന്റെ അ​ടു​ത്തേ​ക്ക് നീ​ങ്ങു​മ്പോ​ൾ വീ​ണ്ടും പ​റ​ഞ്ഞു, ‘‘നി​ങ്ങ​ൾ​ക്ക് വേ​ണ്ട​തെ​ല്ലാം ഇ​വി​ടെ ഏ​ർ​പ്പാ​ട് ചെ​യ്തി​ട്ടു​ണ്ട്. സ​മ​യം പാ​ഴാ​ക്കാ​തെ എ​ഴു​തി തീ​ർ​ത്താ​ൽ ഞാ​ൻ വ​ന്ന​തും ന​മു​ക്ക് ഇ​ത് തു​ട​ങ്ങാം.’’ ലി​ഫ്റ്റ് തു​റ​ന്ന​പ്പോ​ൾ അ​യാ​ൾ ല​ഗേ​ജു​ക​ൾ അ​ക​ത്തേ​ക്ക് ​െവ​ച്ചു. ക​ഥ​യു​ടെ വ​ലി​യൊ​രു ക​നം അ​തി​ൽ കു​റ​വു​ള്ള​താ​യി അ​യാ​ൾ ശ്ര​ദ്ധി​ച്ചി​ല്ല.

‘‘അ​പ്പോ​ൾ ശ​രി.’’ ലി​ഫ്റ്റ് അ​ട​യു​മ്പോ​ൾ അ​യാ​ൾ അ​വ​സാ​ന​മാ​യി വീ​ണ്ടും പ​റ​ഞ്ഞു, ‘‘വേ​ഗം തീ​ർ​ക്ക് ന്യൂ​യറി​ന് കാ​ണാം.’’

മാ​ർ​ട്ടി​ൻ മാ​ഞ്ഞ​തും അ​വ​ർ മു​ഖ​ത്തോ​ട് മു​ഖം നോ​ക്കി. ഇ​താ ക​ഥ​യി​ല​ക​പ്പെ​ട്ട ര​ണ്ടു​പേ​ർ. ഇ​നി​യെ​ന്ത് ചെ​യ്യും? കൂ​ടു​ത​ൽ ആ​ലോ​ചി​ക്കാ​ൻ ക​ഴി​യാ​തെ അ​വ​ർ നി​ശ്ശ​ബ്ദ​രാ​യി ഫ്ലാ​റ്റി​ലേ​ക്ക് മ​ട​ങ്ങി. ക​ഥ​യു​ടെ ക​ടു​ത്ത ഭി​ത്തി​ക്കു​ള്ളി​ൽ സ്വ​യം കൊ​ട്ടി​യ​ട​ക്കു​മ്പോ​ഴും മാ​ർ​ട്ടി​ൻ പോ​യ വ​ഴി​യേ വെ​യി​ൽ ച​വി​ട്ടി​പ്പോ​യ കാ​ൽ​പ്പാ​ടു​ക​ൾ അ​വ​ർ ശ്ര​ദ്ധി​ച്ച​തേ​യി​ല്ല.

ആ​ദ്യ ദി​വ​സം മു​ത​ൽ കാ​സി​മും ക​ണ്ണ​നും തി​ര​ക്ക​ഥ​യു​ടെ ജോ​ലി​ക​ൾ തു​ട​ങ്ങി. ഒ​രു വ​ലി​യ ഫ്ലാ​റ്റും ഓ​രോ മു​റി​ക​ളും ഭ​ക്ഷ​ണ​ത്തി​നും മ​റ്റു​മാ​യി മാ​ർ​ട്ടി​ൻ നേ​ര​ത്തേ ഏ​ൽ​പി​ച്ച വ​ലി​യ തു​ക​യും കൈ​മാ​റി​ക്കി​ട്ടി​യ ക​ഥ​യു​ടെ സ​മ്മ​ർ​ദം കാ​ര​ണം അ​വ​ർ​ക്ക് ആ​സ്വ​ദി​ക്കാ​ൻ സാ​ധി​ച്ചി​ല്ല. ജോ​ർ​ജി​ന്റെ​യും കൗ​ശി​ക്കി​ന്റെ​യും അ​ടു​ത്ത നീ​ക്ക​ങ്ങ​ൾ ആ ​ന​വം​ബ​ർ ആ​ദ്യ​വാ​രം മു​ഴു​ക്കെ അ​വ​ർ ആ​ലോ​ചി​ച്ചു. മു​മ്പ് ചെ​യ്ത ഹ്ര​സ്വചി​ത്ര​ങ്ങ​ളു​ടെ പ്ര​വൃ​ത്തി​പ​രി​ച​യ​മൊ​ന്നും ആ ​അ​പ​രി​ചി​ത​രാ​യ തി​ര​ക്ക​ഥാ​കൃ​ത്തു​ക്ക​ളെ സ​ഹാ​യി​ച്ചി​ല്ല. ജോ​ർ​ജി​ന്റെ​യും കൗ​ശി​ക്കി​ന്റെ​യും അ​ടു​ത്ത നീ​ക്ക​ങ്ങ​ളെ​ക്കു​റി​ച്ച് കൂ​ടു​ത​ൽ ആ​ലോ​ചി​ക്കു​ന്തോ​റും അ​വ​ർ കൂ​ടു​ത​ൽ സം​ശ​യ​ത്തി​ലാ​യി. അ​വ​ർ ക​ണ്ടു​മു​ട്ടാ​ൻ സാ​ധ്യ​ത​യു​ള്ള ഇ​ടു​ങ്ങി​യ കോ​റി​ഡോ​റു​ക​ൾ, വ​സ്ത്രം അ​ല​ക്കി​യു​ണ​ക്കാ​ൻ ഉ​പ​യോ​ഗി​ക്കു​ന്ന പൊ​തു ഇ​ട​ങ്ങ​ൾ, ഹോ​സ്റ്റ​ൽ ഭ​ക്ഷ​ണ​ത്തി​നുവേ​ണ്ടി വ​രിനി​ൽ​ക്കു​ന്ന ഒ​ഴി​വാ​ക്കാ​ൻ പ​റ്റാ​ത്ത സാ​ഹ​ച​ര്യ​ങ്ങ​ൾ അ​ങ്ങ​നെ പ​ല സ​ന്ദ​ർ​ഭ​ങ്ങ​ളി​ലേ​ക്കും അ​വ​ർ ക​ഥാ​പാ​ത്ര​ങ്ങ​ളെ കൊ​ണ്ടു​വ​ന്നു​വെ​ച്ചു.

എ​ന്നാ​ൽ, അ​വ​രു​ടെ കൃ​ത്യ​മാ​യ പ്ര​തി​ക​ര​ണം എ​ന്താ​വു​മെ​ന്ന് ഊ​ഹി​ക്കാ​ൻ കാ​സി​മി​നോ ക​ണ്ണ​നോ സാ​ധി​ച്ചി​ല്ല. മാ​ത്ര​മ​ല്ല ഈ ​ക​ഥ​യി​ൽ ആ​ര് വി​ല്ല​നാ​വ​ണം, ആ​ര് നാ​യ​ക​നാ​വ​ണം എ​ന്ന​തു​പോ​ലും തീ​രു​മാ​നി​ക്കാ​ൻ ക​ഴി​യാ​ത്ത പ്ര​ഹേ​ളി​ക​യാ​യി അ​വ​ർ​ക്കി​ട​യി​ൽ തു​ട​ർ​ന്നു. അ​വ​സാ​നം ക​ഥാ​പാ​ത്ര​ങ്ങ​ളെ​ക്കു​റി​ച്ച് കൂ​ടു​ത​ൽ മ​ന​സ്സി​ലാ​വാ​തെ അ​വ​രു​ടെ അ​ടു​ത്ത നീ​ക്ക​ങ്ങ​ളെ​ക്കു​റി​ച്ച് പ്ര​വ​ചി​ക്കു​ക അ​സാ​ധ്യ​മാ​ണെ​ന്ന് അ​വ​ർ ക​ണ്ടെ​ത്തി. അ​തു​കൊ​ണ്ട് ജോ​ർ​ജി​നും കൗ​ശി​ക്കി​നും വ്യ​ക്ത​മാ​യൊ​രു വ്യ​ക്തി​ത്വം സൃ​ഷ്ടി​ക്കേ​ണ്ട​തി​ന്റെ അ​നി​വാ​ര്യ​ത അ​വ​ർ തി​രി​ച്ച​റി​ഞ്ഞു. ഏ​ത് നാ​ട്ടു​കാ​ര​നാ​വ​ണം, എ​ങ്ങ​നെ​യു​ള്ള പ്ര​കൃ​ത​മാ​വ​ണം, എ​ന്ത് വ​രെ പ​ഠി​ച്ചു, എ​ന്തൊ​ക്കെ ജീ​വി​താ​നു​ഭ​വ​ങ്ങ​ളു​ണ്ട് തു​ട​ങ്ങി ജോ​ർ​ജി​ന്റെ​യും കൗ​ശി​ക്കി​ന്റെ​യും പി​ന്നാ​മ്പു​റ​ക്ക​ഥ​ക​ളെ​ല്ലാം സൃ​ഷ്ടി​ച്ചാ​ൽ മാ​ത്ര​മേ ക​ഥ​യു​ടെ മു​ന്നോ​ട്ടു പോ​ക്ക് എ​ളു​പ്പ​മാ​വു​ക​യൊ​ള്ളൂ എ​ന്ന് അ​വ​ർ ക​ണ്ടെ​ത്തി.

ഏ​തൊ​രു വ്യ​ക്തി​യും അ​വ​രു​ടെ ജീ​വി​ത​ത്തി​ന​നു​സ​രി​ച്ചാ​ണ​ല്ലോ പെ​രു​മാ​റു​ക​യെ​ന്ന​ത് എ​ഴു​ത്തു​കാ​രാ​യ അ​വ​ർ​ക്ക് അ​റി​യാ​മാ​യി​രു​ന്നു. അ​ങ്ങ​നെ ജോ​ർ​ജി​നെ കാ​സി​മും കൗ​ശി​ക്കി​നെ ക​ണ്ണ​നും ഏ​റ്റെ​ടു​ക്ക​ട്ടേ​യെ​ന്ന് അ​വ​ർ​ക്കി​ട​യി​ൽ ധാ​ര​ണ​യാ​യി. ഒ​രു​മി​ച്ചി​രു​ന്നാ​ൽ ഒ​രു​പ​ക്ഷേ ഈ ​സ​മ​യ​പ​രി​ധി​ക്കു​ള്ളി​ൽ ഒ​രി​ക്ക​ലും ക​ഥ പൂ​ർ​ത്തി​യാ​വി​ല്ലെ​ന്ന് അ​വ​ർ ഭ​യ​പ്പെ​ട്ടു. മാ​ത്ര​വു​മ​ല്ല സൃ​ഷ്ടി​പ്പി​ൽ ദൈ​വം ഒ​റ്റ​ക്കാ​യി​രു​ന്നു​വെ​ന്ന് ഈ ​ക​ഴി​ഞ്ഞ ഒ​ന്ന​ര​യാ​ഴ്ച​ക്കി​ടെ ത​ന്നെ അ​വി​ശ്വാ​സി​ക​ളാ​യ അ​വ​ർ മ​ന​സ്സി​ലാ​ക്കി​യി​രു​ന്നു. ഓ​ഹ് ഗോ​ഡ്. അ​ല്ലാ​ത്ത​പ​ക്ഷം ഇ​ത്ര​യേ​റെ ക​ണി​ശ​ത​യോ​ടെ കാ​ര്യ​ങ്ങ​ൾ ന​ട​ക്കി​ല്ലെ​ന്ന് കൈ​ക​ൾ കൂ​പ്പി അ​വ​ർ സ​മ്മ​തി​ച്ചു.

മു​ൻ​വി​ധി​ക​ളൊ​ന്നു​മി​ല്ലാ​തെ അ​വ​ർ വേ​ഗ​ത്തി​ൽ പ​ണി തു​ട​ങ്ങി. ത​ങ്ങ​ളു​ടെ ക​ഥാ​പാ​ത്ര​ങ്ങ​ൾ ച​രി​ത്ര​പു​രു​ഷ​ന്മാ​രോ യു​ദ്ധ​യോ​ദ്ധാ​ക്ക​ളോ അ​ല്ലാ​ത്ത​തു​കൊ​ണ്ട് കാ​സി​മി​നും ക​ണ്ണ​നും അ​ധി​കം ക​ഷ്ട​പ്പെ​ടേ​ണ്ടി​വ​ന്നി​ല്ല. അ​വ​ർ ര​ണ്ടു​പേ​രും വെ​വ്വേ​റെ മു​റി​ക​ളി​ലി​രു​ന്ന് സ്വ​ന്തം ജീ​വി​ത​പ​രി​സ​ര​ങ്ങ​ൾ​ത​ന്നെ യ​ഥേ​ഷ്ടം ക​ഥാ​പാ​ത്ര​ങ്ങ​ൾ​ക്ക് ന​ൽ​കി.

ജോ​ർ​ജ് പ​ശ്ചി​മ​ഘ​ട്ട​ത്തി​ൽ ജ​നി​ച്ചു​വ​ള​ർ​ന്ന ആ​ളാ​ണെ​ന്ന് കാ​സിം എ​ഴു​തി. കൗ​ശി​ക്കാ​ക​ട്ടെ തീ​ര​പ്ര​ദേ​ശ​ത്തു​നി​ന്നു​ള്ള ആ​ളാ​ണെ​ന്ന് ക​ണ്ണ​നും എ​ഴു​തി. ജോ​ർ​ജി​ന് സ്വ​ന്ത​മാ​യി ഒ​രു കാ​മു​കി​യോ പ​റ​യ​ത്ത​ക്ക സു​ഹൃ​ത്തു​ക്ക​ളോ ഇ​ല്ലെ​ന്ന് കാ​സിം ക​ണ്ടെ​ത്തി. കൗ​ശി​ക്കി​ന് മു​മ്പൊ​രു കാ​മു​കി ഉ​ണ്ടാ​യി​രു​ന്നെ​ങ്കി​ലും ഇ​പ്പോ​ൾ പ്രേ​മ​മൊ​ന്നും ഇ​ല്ലെ​ന്ന് ക​ണ്ണ​നും ക​ണ്ടെ​ത്തി. സു​ന്ദ​ര​നും സു​മു​ഖ​നു​മാ​യ ചെ​റു​പ്പ​ക്കാ​ര​നാ​ണ് ജോ​ർ​ജെ​ന്ന് എ​ഴു​തി​യ​പ്പോ​ൾ മാ​ത്രം കാ​സിം ചി​രി​ച്ചു. ത​ന്റെ വി​രൂ​പ​മെ​ന്ന് പ​റ​യാ​ൻ ക​ഴി​യു​ന്ന മു​ഖ​വും ത്രി​കോ​ണാ​കൃ​തി​യി​ലു​ള്ള ത​ല​യും ക​ഥ​യി​ലെ​ങ്കി​ലും മാ​റ്റി​യെ​ഴു​താ​ൻ സാ​ധി​ച്ച​തി​ൽ കാ​സിം ആ​ന​ന്ദി​ക്കു​ക​യാ​യി​രു​ന്നു.

ഇ​തേ ആ​ന​ന്ദം ക​ണ്ണ​നു​മു​ണ്ടാ​യി. ന​ഖം തി​ന്നു​ന്ന ദു​ശ്ശീ​ലം​പോ​ലു​മി​ല്ലാ​ത്ത ആ​ളാ​ണ് കൗ​ശി​ക്ക് എ​ന്നെ​ഴു​തി​യ​പ്പോ​ഴാ​യി​രു​ന്നു അ​ത്. ത​ന്റെ ത​ടു​ക്കാ​ൻ ക​ഴി​യാ​ത്ത ന​ഖ​ക്കൊ​തി​യെ ക​ഥ​യി​ലെ​ങ്കി​ലും മാ​റ്റി​യെ​ഴു​താ​ൻ സാ​ധി​ച്ച​തി​ലു​ള്ള തൃ​പ്തി അ​വ​നെ​യും സ​ന്തോ​ഷി​പ്പി​ച്ചു. അ​ങ്ങ​നെ തി​രി​ച്ച​റി​യാ​നു​ള്ള കാ​ക്ക​പ്പു​ള്ളി​ക​ൾ, വി​ദ്യാ​ഭ്യാ​സം, തി​രി​ച്ച​റി​യ​ൽ രേ​ഖ​യു​ടെ ന​മ്പ​ർ, അ​ച്ഛ​ന​മ്മ​മാ​ർ, കൂ​ട്ടു​കാ​ർ, ബ​ന്ധു​മി​ത്രാ​ദി​ക​ൾ തു​ട​ങ്ങി അ​വ​ർ​ക്കു​ള്ള​തെ​ല്ലാം ക​ഥാ​പാ​ത്ര​ങ്ങ​ൾ​ക്ക് അ​വ​ർ ന​ൽ​കി.

ക​ഥ​യു​ടെ കൃ​പ​യെ​ന്ന് വേ​ണം ക​രു​താ​ൻ. അ​വ​സാ​നം വെ​യി​ലി​നുപോ​ലും ത​ണു​ക്കു​ന്ന ന​വം​ബ​റി​ന്റെ ആ​ദ്യ പ​കു​തി ക​ഴി​യു​മ്പോ​ഴേ​ക്ക് ജോ​ർ​ജി​നെ​യും കൗ​ശി​ക്കി​നെയും അ​വ​ർ ക​ണ്ണാ​ടി​യി​ലെ​ന്ന​പോ​ലെ മ​ന​സ്സി​ലാ​ക്കി​യെ​ടു​ത്തു. പ​ഴു​തു​ക​ളി​ല്ലാ​തെ ക​ഥാ​പാ​ത്ര​ങ്ങ​ളെ മ​ന​സ്സി​ലാ​ക്കി​യ​തി​ലെ സ​ന്തോ​ഷം അ​വ​ർ​ക്കു​ണ്ടാ​യി. ഇ​നി ക​ഥാ​പാ​ത്ര​ങ്ങ​ളെ മ​ന​സ്സി​ലാ​ക്കു​ന്ന​തി​ൽ ലോ​ക​ത്ത് വ​ല്ല മ​ത്സ​ര​വും സം​ഘ​ടി​പ്പി​ച്ചാ​ൽ അ​വ​ർ​ക്കാ​യി​രി​ക്കും ലോ​ക​ത്തി​ൽ ത​ന്നെ ഫ​സ്റ്റ്. ഉ​ദാ​ഹ​ര​ണ​ത്തി​ന് ജോ​ർ​ജി​ന്റെ ആ​ദ്യ​ത്തെ അ​രി​പ്പ​ല്ല് പി​ഴു​തെ​ടു​ത്ത സ്കൂ​ൾ മാ​ഷി​ന്റെ പേ​രെ​ന്താ​ണെ​ന്ന് കാ​സി​മി​നോ​ട് ആ​രെ​ങ്കി​ലും ആ ​മ​ത്സ​ര​ത്തി​ൽ ചോ​ദി​ച്ചാ​ൽ അ​ത് പ​ത്മ​നാ​ഭ​ൻ എ​ന്നാ​ണെ​ന്ന് കാ​സിം കൂ​സ​ലി​ല്ലാ​തെ മ​റു​പ​ടി പ​റ​യും. ഇ​നി കൗ​ശി​ക്ക് അ​ഞ്ചു വ​യ​സ്സു​ള്ള​പ്പോ​ൾ കു​ഴി​ച്ചി​ട്ട ര​ണ്ട് രൂ​പ​യു​ടെ മു​ട്ട​നെ​വി​ടെ​യെ​ന്ന് ചോ​ദി​ച്ചാ​ൽ റ​ഡാ​റി​ല്ലാ​തെ ത​ന്നെ ക​ണ്ണ​ന് സ്ഥ​ലം കാ​ണി​ച്ച് കൊ​ടു​ക്കാ​നാ​വും. അ​ത്ര​യേ​റെ അ​വ​രു​ടെ പ​ണി​യി​ൽ അ​വ​ർ തൃ​പ്ത​രാ​യി​രു​ന്നു.

നേ​ര​ത്തേ തീ​രു​മാ​നി​ച്ച​തു​പോ​ലെ ദി​വ​സ​ങ്ങ​ൾ​ക്കുശേ​ഷം മാ​ർ​ട്ടി​ൻ ക​ഥ​പ​റ​ഞ്ഞ സ്ഥ​ല​ത്ത് അ​വ​ർ വീ​ണ്ടും മു​ഖാ​മു​ഖം ഇ​രു​ന്നു. തി​ര​ക്ക​ഥ​യു​ടെ ബാ​ക്കി എ​ഴു​തു​ക​യാ​യി​രു​ന്നു അ​വ​രു​ടെ ല​ക്ഷ്യം. എ​ന്നാ​ൽ അ​നി​ർ​വ​ച​നീ​യ​മാ​യ എ​ന്തോ ഒ​ന്ന് അ​വ​ർ​ക്കി​ട​യി​ൽ സം​ഭ​വി​ച്ച​താ​യി തോ​ന്നി​യ​തു​കൊ​ണ്ടോ എ​ന്തോ പ​ര​സ്പ​രം മു​ഖം കൊ​ടു​ക്കാ​തെ അ​വ​ർ ആ ​മു​റി​യി​ലെ ര​ണ്ട് വ്യ​ത്യ​സ്ത വ​സ്തു​ക്ക​ളി​ലേ​ക്ക് നോ​ട്ടം നി​ക്ഷേ​പി​ച്ചു. ഒ​ന്ന് മാ​ർ​ട്ടി​ന് ല​ഭി​ച്ച ച​ല​ച്ചി​ത്ര അ​ക്കാ​ദ​മി​യു​ടെ ബ​ഹു​മാ​ന​പ്പെ​ട്ട ശി​ൽ​പ​മാ​ണ്. ര​ണ്ട് അ​സ​ഹ്യ​മാ​യ ക​മ്പ്യൂ​ട്ട​റി​ന്റെ ച​തു​ര​വ​ടി​വും.

ഒ​ന്നി​ൽ ജോ​ർ​ജി​ന്റെ ജോ​ലി ത​ട്ടി​യെ​ടു​ത്ത താ​ട​ക​യു​ടെ ബ്ലൗ​സൂ​രി പ്ര​ദ​ർ​ശി​പ്പി​ക്കു​ന്ന രൂ​പം ക​ണ്ട് കാ​സിം ഞെ​ട്ടി. ര​ണ്ടി​ൽ കൗ​ശി​ക്കി​ന്റെ ടാ​ർ​ഗ​റ്റു​ക​ൾ ഓ​ർ​മ​പ്പെ​ടു​ത്തു​ന്ന ച​തു​ര​വ​ടി​വി​ലു​ള്ള ഇ-​മെ​യി​ൽ ഭീ​ഷ​ണി​ക​ളു​ടെ രൂ​പം ക​ണ്ട് ക​ണ്ണ​നും ഞെ​ട്ടി. അ​ധി​ക​നേ​രം അ​വ​ർ​ക്ക് അ​തി​ലേ​ക്ക് നോ​ക്കി​നി​ൽ​ക്കാ​ൻ ക​ഴി​ഞ്ഞി​ല്ല. അ​വ​സാ​നം അ​വ​ർ മു​ഖ​ത്തോ​ട് മു​ഖം നോ​ക്കി. ഒ​രു നി​മി​ഷം- കൂ​ടി​പ്പോ​യാ​ൽ അ​ര നി​മി​ഷം- അ​ത്ര​മാ​ത്ര​മേ അ​വ​ർ​ക്ക് പ​ര​സ്പ​രം നേ​രി​ടാ​ൻ ക​ഴി​ഞ്ഞൊ​ള്ളൂ. ശ​ക്ത​മാ​യ വെ​റു​പ്പും അ​വ​ജ്ഞ​യും പ​ര​സ്പ​രം പ്ര​സ​രി​ക്കു​ന്ന​ത് ക​ണ്ട് അ​വ​ർ വേ​ഗം മു​ഖ​ങ്ങ​ൾ താ​ഴ്ത്തി. ത​ന്റെ മു​ന്നി​ലി​രി​ക്കു​ന്ന​ത് കൗ​ശി​ക്ക​ല്ലേ​യെ​ന്ന് കാ​സി​മി​ന് തോ​ന്നി.

ത​ന്റെ മു​ന്നി​ലി​രി​ക്കു​ന്ന​ത് ജോ​ർ​ജ് ത​ന്നെ​യെ​ന്ന് ക​ണ്ണ​നും ഉ​റ​പ്പി​ച്ചു. കാ​ർ​ക്കി​ച്ച് തു​പ്പി​യ തു​പ്പ​ലു​മാ​യാ​ണ് താ​ൻ അ​വ​ന്റെ മു​ന്നി​ലി​രി​ക്കു​ന്ന​തെ​ന്ന് കാ​സി​മി​ന് അ​നു​ഭ​വ​പ്പെ​ട്ടു. ക​ര​ണം പു​ക​ച്ച ത​ല്ലു​മാ​യാ​ണ് താ​ൻ അ​വ​നെ എ​തി​രി​ടു​ന്ന​തെ​ന്ന് ക​ണ്ണ​നും തോ​ന്നി. ആ​രും അ​വ​ർ​ക്കി​ട​യി​ൽ സം​ഭ​വി​ക്കു​ന്ന​തി​ന്റെ ആ​ഴം മ​ന​സ്സി​ലാ​ക്കി​യി​ല്ല. ഒ​രു​വേ​ള മ​ന​സ്സി​ലാ​ക്കി​യാ​ൽ ത​ന്നെ​യും അ​തി​നെ മ​റി​ക​ട​ക്കു​ക അ​സാ​ധ്യ​മാ​യി​രു​ന്നു. കാ​ര​ണം, ജോ​ർ​ജും കൗ​ശി​ക്കും ഒ​രു അ​പ​ക​ടംപോ​ലെ നി​ത്യ​ശ​ത്രു​ക്ക​ളാ​യ​താ​ണെ​ങ്കി​ൽ കാ​സി​മി​നും ക​ണ്ണ​നും സം​ഭ​വി​ച്ച​ത് അ​തി​നേ​ക്കാ​ൾ വ​ലി​യ അ​പ​ക​ട​മാ​യി​രു​ന്നു. പ്ര​ഹ​ര​ശേ​ഷി മ​ന​സ്സി​ലാ​ക്കാ​തെ മാ​ർ​ട്ടി​നി​ൽ​നി​ന്ന് അ​വ​ർ സ്വീ​ക​രി​ച്ച​തും അ​ത് ത​ന്നെ. ലോ​ക​ത്തെ ഏ​റ്റ​വും വ​ലി​യ അ​പ​ക​ടം. ക​ഥ!!! സ്വ​ന്തം ജീ​വി​തം​കൂ​ടി ക​ഥ​യി​ൽ വെ​ച്ചു​മാ​റി​യ​തോ​ടെ ര​ക്ഷ​പ്പെ​ടാ​നാ​വാ​ത്ത വ​ലി​യൊ​രു കെ​ണി​യി​ലാ​ണ് അ​വ​ർ അ​ക​പ്പെ​ട്ട​ത്. കു​റ​ച്ച് നേ​രം​കൂ​ടി ക​ഴി​ഞ്ഞ​പ്പോ​ൾ പ​ര​സ്പ​ര സാ​മീ​പ്യം അ​സ​ഹ്യ​മാ​യ​തോ​ടെ അ​വ​ർ വേ​ഗം വ​ലി​യ കാ​ൽ​വെ​പ്പു​ക​ളോ​ടെ സ്വ​ന്തം മു​റി​ക​ളി​ലേ​ക്ക് ര​ക്ഷ​പ്പെ​ട്ടു.

സ്വാ​ഭാ​വി​ക​മാ​യും പി​ന്നീ​ടു​ള്ള ദി​വ​സ​ങ്ങ​ൾ പി​രി​മു​റു​ക്ക​ത്തി​ന്റേ​താ​യി​രു​ന്നു. സ​മാ​ധാ​നം പു​ല​രാ​ത്ത ര​ണ്ട് ശ​ത്രു​രാ​ജ്യ​ങ്ങ​ളെ​പ്പോ​ലെ അ​ലി​ഖി​ത​മാ​യ ന​യ​ത​ന്ത്ര അ​തി​ർ​ത്തി​ക​ൾ അ​വ​ർ​ക്കി​ട​യി​ൽ രൂ​പ​പ്പെ​ട്ടു. ഒ​രാ​ളു​ടെ ഇ​ഷ്ട​ങ്ങ​ൾ മ​റ്റൊ​രാ​ളു​ടെ അ​നി​ഷ്ട​ങ്ങ​ളാ​യി മാ​റി. ഒ​രാ​ൾ​ക്ക് ചാ​യ​യെ​ങ്കി​ൽ മ​റ്റെ​യാ​ൾ​ക്ക് കാ​പ്പി​യെ​ന്നാ​യി. ഒ​രാ​ൾ സ​സ്യാ​ഹാ​രി​യാ​വു​മ്പോ​ൾ മ​റ്റെ​യാ​ൾ മാം​സാ​ഹാ​രി​യാ​യി മാ​റി. ഉ​പ​യോ​ഗി​ക്കു​ന്ന വ​സ്തു​ക്ക​ളി​ലെ​ല്ലാം അ​വ​ർ ഉ​പ​രോ​ധം സൂ​ക്ഷി​ച്ചു. ക​ഴി​ക്കു​ന്ന പാ​ത്ര​ങ്ങ​ൾ​പോ​ലും മാ​റി​പ്പോ​കാ​തി​രി​ക്കാ​ൻ അ​വ​ക്കെ​ല്ലാം പ്ര​ത്യേ​കം പ്ര​ത്യേ​കം അ​ട​യാ​ള​ങ്ങ​ൾ ന​ൽ​കി. ഒ​രാ​ൾ ച​വി​ട്ടി​യ ടൈ​ൽ​സി​ൽ​പോ​ലും മ​റ്റെ​യാ​ൾ ച​വി​ട്ടി​ല്ലെ​ന്നാ​യി.

ദി​വ​സ​ങ്ങ​ൾ ക​ഴി​ഞ്ഞ​പ്പോ​ൾ അ​നു​ര​ഞ്ജ​നം സാ​ധ്യ​മ​ല്ലാ​തെ വേ​ർ​പി​രി​ഞ്ഞ കാ​മു​കീ കാ​മു​ക​ന്മാ​രെ​പ്പോ​ലെ​യാ​യി അ​വ​രു​ടെ പെ​രു​മാ​റ്റം. ഒ​രേ ഫ്ലാ​റ്റി​ൽ ക​ഴി​യു​മ്പോ​ഴും ഒ​രി​ക്ക​ലും ക​ണ്ടു​മു​ട്ടാ​തി​രി​ക്കാ​ൻ അ​വ​ർ പ്ര​ത്യേ​കം ശ്ര​ദ്ധി​ച്ചു. ഇ​നി അ​ഥ​വാ ക​ണ്ടു​മു​ട്ടി​യാ​ൽ​ത​ന്നെ ഇ​ല്ലാ​ത്ത ഒ​രു ഫോ​ൺ​കോ​ൾ ഉ​ണ്ടാ​ക്കി ശ​ത്രു​വി​നെ​ക്കാ​ൾ സ​ന്തോ​ഷം അ​ഭി​ന​യി​ച്ചു. ഒ​ഴി​വു​സ​മ​യ​ങ്ങ​ളി​ൽപോ​ലും ശ​ത്രു​വി​നെ കൂ​ടു​ത​ൽ അ​റി​യാ​ൻ ചു​മ​രു​ക​ളി​ൽ കാ​തു​വെ​ച്ച് നി​രീ​ക്ഷി​ച്ചു. കാ​സി​മി​ന്റെ ഉ​മ്മ നി​ര​ന്ത​രം പൈ​സ ചോ​ദി​ച്ച് ശ​ല്യം​ചെ​യ്യു​ന്ന ത​ള്ള​യാ​ണെ​ന്ന​റി​ഞ്ഞ​പ്പോ​ൾ ക​ണ്ണ​ൻ സ​ന്തോ​ഷി​ച്ചു. രാ​ത്രി​കാ​ല​ങ്ങ​ളി​ൽ ത​ന്നെ ച​തി​ച്ച കാ​മു​കി​യെ ഫോ​ൺ വി​ളി​ച്ച് തെ​റി പ​റ​യു​ന്ന ആ​ളാ​ണ് ക​ണ്ണ​നെ​ന്ന​റി​ഞ്ഞ​പ്പോ​ൾ കാ​സി​മി​ന് ജീ​വി​തം കൂ​ടു​ത​ൽ സ​ന്തോ​ഷ​ക​ര​മാ​ണെ​ന്ന് തോ​ന്നി.

നി​രീ​ക്ഷ​ണം സോ​ഷ്യ​ൽ മീ​ഡി​യ​യി​ലേ​ക്ക് വ്യാ​പി​ച്ച​തോ​ടെ ശ​ത്രു​ത കൂ​ടു​ത​ൽ വ​ർ​ധി​ച്ചു. ഫേ​ക് ഐ​ഡി​ക​ൾ ഉ​പ​യോ​ഗി​ച്ച് ആ​ത്മ​വി​ശ്വാ​സം​ കെ​ടു​ത്തു​ന്ന ക​മ​ന്റു​ക​ൾ യ​ഥേ​ഷ്ടം ന​ൽ​കി. ര​ണ്ടു മൂ​ന്ന് സി​നി​മാ വി​മ​ർ​ശ​ന​ത്തി​നി​ട​ക്ക് അ​വ​രു​ടെ പ്ര​ശ​സ്ത​മാ​യ ഹ്ര​സ്വചി​ത്ര​ങ്ങ​ൾ വി​മ​ർ​ശി​ക്ക​പ്പെ​ട്ടു. ത​ങ്ങ​ളെ അം​ഗീ​ക​രി​ക്കാ​ത്ത സു​ഹൃ​ത്തു​ക്ക​ളെ അ​വ​ർ കാ​രു​ണ്യ​മി​ല്ലാ​തെ ബ്ലോ​ക്കി. സ്വ​യം നി​രീ​ക്ഷി​ക്കു​മ്പോ​ഴും മ​റ്റൊ​രാ​ളാ​ൽ നി​രീ​ക്ഷി​ക്ക​പ്പെ​ടു​ക​യാ​വാം എ​ന്ന തി​രി​ച്ച​റി​വു​ണ്ടാ​യ​തോ​ടെ അ​വ​ർ ചു​വ​ടു​ക​ൾ മാ​റ്റി​പ്പി​ടി​ച്ചു.

സ്വ​ന്തം ആ​ന​ന്ദ​മാ​ണ് ശ​ത്രു​വി​നെ കൂ​ടു​ത​ൽ വേ​ദ​നി​പ്പി​ക്കു​ക​യെ​ന്ന് മ​ന​സ്സി​ലാ​ക്കി​യ അ​വ​ർ സ്വ​ന്തം സ​ന്തോ​ഷ​ങ്ങ​ൾ പ്ര​ച​രി​പ്പി​ക്കാ​ൻ തു​ട​ങ്ങി. വാ​യി​ച്ച പു​സ്ത​ക​ങ്ങ​ൾ, ക​ണ്ട സി​നി​മ​ക​ൾ, പ​ണ്ട് പോ​യ യാ​ത്ര​ക​ൾ എ​ല്ലാം ശ​ത്രു​വി​നെ​തി​രെ​യു​ള്ള ആ​യു​ധ​ങ്ങ​ളാ​യി മാ​റി. താ​ന്താ​ങ്ങ​ളി​ലെ കേ​മ​ന്മാ​ർ ആ​രാ​ണെ​ന്നു​ള്ള മ​ത്സ​രം അ​വ​ർ​ക്കി​ട​യി​ൽ മു​റു​കി. അ​തേ​സ​മ​യം, സ്വ​ന്തം സു​ഹൃ​ദ് വ​ല​യ​ങ്ങ​ളി​ൽ ഇ​തു​പോ​ലെ സോ​ഷ്യ​ൽ മീ​ഡി​യാ പ്ര​ക​ട​നം ന​ട​ത്തു​ന്ന​വ​രെ​ക്കു​റി​ച്ചും അ​വ​ർ ആ​ലോ​ചി​ച്ചു. അ​ദൃ​ശ്യ​രാ​യ മ​റ്റു ശ​ത്രു​ക്ക​ൾ​ക്കെ​തി​രെ​യു​ള്ള ഒ​ളി​യ​മ്പു​ക​ളാ​യി​രി​ക്കു​മോ ഇ​തെ​ന്ന് അ​വ​ർ സം​ശ​യി​ച്ചു.

അ​വ​സാ​നം എ​ല്ലാ ക​ഥ​യു​ടെ​യും പ​രി​സ​മാ​പ്തി​യെ​ന്ന​പോ​ലെ അ​വ​ർ​ക്കി​ട​യി​ലും ആ ​ദി​വ​സം വ​ന്നെ​ത്തി. മാ​ർ​ട്ടി​ൻ ന​ൽ​കി​യ അ​വ​ധി തീ​രു​ന്ന ആ ​ദി​വ​സ​വും പ​ക്ഷേ അ​വ​രു​ടെ ശ​ത്രു​ത​ക്ക് ഒ​രു കോ​ട്ട​വും സം​ഭ​വി​ച്ചി​രു​ന്നി​ല്ല. ക​ഥ​യു​ടെ മു​േ​മ്പാ​ട്ട് പോ​ക്കോ തി​ര​ക്ക​ഥ​യെ​ക്കു​റി​ച്ചോ അ​വ​ർ എ​ന്നോ മ​റ​ന്നു​ക​ഴി​ഞ്ഞി​രു​ന്നു. ഇ​തി​നി​ട​ക്ക് ഒ​രി​ക്ക​ൽ മാ​ത്ര​മാ​ണ് അ​വ​ർ ഒ​രു​മി​ച്ച് ഒ​രേ സ്ഥ​ല​ത്ത് നി​ന്ന​ത്. അ​ന്ന് പ​ക്ഷേ അ​വ​ർ പ​ര​സ്പ​രം തി​രി​ച്ച​റി​ഞ്ഞ​തു​പോ​ലു​മി​ല്ല. പ്രി​യ​ങ്ക​ര​നാ​യ ക്രി​സ്തു​വി​ന്റെ ജ​ന്മ​ദി​ന​ത്തി​ന്റെ​യ​ന്ന് പ​ക​ലി​ൽ ബാ​ൽ​ക്ക​ണി​യി​ലെ മ​ഞ്ഞ​വെ​യി​ല് കാ​യു​മ്പോ​ൾ സൂ​ര്യ​ര​ശ്മി​ക​ളു​ടെ ക​ന​ത്ത ഭി​ത്തി അ​വ​ർ​ക്കി​ട​യി​ൽ കോ​ട്ട​പോ​ലെ നി​ന്ന​താ​യി​രു​ന്നു അ​തി​ന് കാ​ര​ണം.

ഇ​ന്നി​പ്പോ​ൾ അ​വ​ർ​ക്കി​ട​യി​ൽ അ​ത്ത​രം പ്ര​തി​ബ​ന്ധ​ങ്ങ​ളൊ​ന്നു​മി​ല്ല. ഇ​രു​ട്ടി​നെ​പ്പോ​ലും ആ ​ഫ്ലാ​റ്റ് പു​റ​ത്താ​ക്കി​ക്ക​ഴി​ഞ്ഞി​രു​ന്നു. ഏ​ത് നി​മി​ഷ​വും ചാ​ടിവീ​ഴാ​ൻ പാ​ക​ത്തി​ന് ഫ്ലാ​റ്റി​നെ ചു​റ്റി​പ്പ​റ്റി അ​ത് ക​ട്ട​പി​ടി​ച്ച് നി​ൽ​ക്കു​ന്ന​ത് ആ​രും ഗൗ​നി​ച്ചി​ല്ല. അ​വ​രു​ടെ ശ്ര​ദ്ധ​മു​ഴു​വ​ൻ മ​ത്താ​പ്പു​ക​ൾ കോ​റി വ​ര​ഞ്ഞു​കൊ​ണ്ടി​രു​ന്ന പു​തു​വ​ർ​ഷ​ത്തി​ന്റെ ശൂ​ന്യ​മാ​യ ഹൃ​ദ​യ​ത്തി​ലേ​ക്കാ​യി​രു​ന്നു. സ്വ​ന്തം മു​റി​ക​ളി​ലി​രു​ന്ന് ത​ടു​ക്കാ​ൻ ക​ഴി​യാ​ത്ത ഇ​ത്ത​രം ജ​നാ​ല​ക്കാ​ഴ്ച​ക​ൾ ക​ണ്ടി​രി​ക്കേ ത​ങ്ങ​ളും മ​നു​ഷ്യ​രാ​ശി​യു​ടെ ഭാ​ഗ​മാ​ണ​ല്ലോ​യെ​ന്ന് അ​വ​ർ​ക്ക് ഓ​ർ​മ വ​ന്നു. വെ​റു​പ്പ് കാ​ര​ണം ദി​വ​സ​ങ്ങ​ളാ​യി അ​വ​ർ അ​തേ​ക്കു​റി​ച്ച് മ​റ​ന്നി​രി​ക്കു​ക​യാ​യി​രു​ന്നു.

ലോ​ക​സ​ന്തോ​ഷ​ത്തി​ന്റെ ഒ​രു വി​ഹി​തം ത​ങ്ങ​ൾ​ക്കും അ​വ​കാ​ശ​പ്പെ​ട്ട​താ​ണ​ല്ലോ എ​ന്നോ​ർ​ത്ത​പ്പോ​ൾ അ​വ​ർ​ക്കൊ​രു പാ​ട്ട് കേ​ൾ​ക്കാ​ൻ തോ​ന്നി. അ​വ​ർ ഒ​രു​മി​ച്ച് സ്വ​ന്തം മു​റി​ക​ൾ വി​ട്ട് പു​റ​ത്തേ​ക്ക് വ​ന്നു. ടി.​വി തു​റ​ക്കു​ക​യാ​യി​രു​ന്നു ല​ക്ഷ്യം. മൊ​ബൈ​ലി​ലോ മ​റ്റോ പാ​ട്ട് കേ​ട്ടാ​ൽ മ​തി​യാ​യി​രു​ന്നു. പ​ക്ഷേ, മ​നു​ഷ്യ​രു​ടെ തോ​ന്ന​ലി​നെ ത​ടു​ക്കാ​ൻ ക​ഴി​യു​മോ. അ​വ​ർ ഒ​രേ​പോ​ലെ ഒ​രേ ല​ക്ഷ്യം ലാ​ക്കാ​ക്കി ന​ട​ന്നു. നി​ർ​ഭാ​ഗ്യ​മെ​ന്നേ പ​റ​യേ​ണ്ടൂ; ആ ​ഫ്ലാ​റ്റി​ൽ ഒ​രു ടി.​വി​യും ഒ​രു റി​മോ​ട്ടും മാ​ത്ര​മാ​ണു​ണ്ടാ​യി​രു​ന്ന​ത്. ഒ​രേ വേ​ഗ​ത്തി​ൽ ഒ​രേ​പോ​ലെ ഒ​രേ വ​സ്തു​ക്ക​ളി​ലേ​ക്ക് അ​വ​രു​ടെ ല​ക്ഷ്യം നീ​ങ്ങി​യ​പ്പോ​ൾ റി​മോ​ട്ടി​ൽ കൈ​ക​ൾ തൊ​ടു​ന്ന​തി​ന് മു​ന്നേ അ​വ​രു​ടെ ത​ല​ക​ൾ കൂ​ട്ടി​യി​ടി​ച്ചു.

‘‘നി​ന്നെ കൊ​ല്ലു​മെ​ടാ പ​ട്ടീ...’’ അ​വ​ർ ഒ​രേ സ്വ​ര​ത്തി​ൽ അ​ല​റി. താ​ന്താ​ങ്ങ​ളി​ലേ​ക്ക് കു​ത്തി​യൊ​ഴു​കു​ന്ന പു​ഴ​പോ​ലെ അ​വ​ർ വേ​ഗം കൂ​ട്ടി​മു​ട്ടി. ര​ണ്ട് ചി​ല്ല് പാ​ത്ര​മാ​യി​രു​ന്നു അ​വ​രെ​ങ്കി​ൽ അ​തു മാ​ത്രം മ​തി​യാ​യി​രു​ന്നു ത​വി​ടു​പൊ​ടി​യാ​വാ​ൻ. പ​ക്ഷേ അ​വ​ർ മ​ജ്ജ​യും മാം​സ​വു​മു​ള്ള മ​നു​ഷ്യ​ര​ല്ലേ. ര​ണ്ട് ഭാ​ഗ​ങ്ങ​ളി​ലേ​ക്ക് അ​വ​ർ തെ​റി​ച്ച് പോ​യി. സ​ട​കു​ട​ഞ്ഞെ​ഴു​ന്നേ​റ്റ അ​വ​ർ വീ​ണ്ടും നേ​ർ​ക്കുനേ​ർ​ക്കോ​ടി. ക​യ്യി​ൽ കി​ട്ടി​യ വ​സ്തു​ക്ക​ളു​മാ​യി കു​തി​ക്കു​ന്ന അ​വ​രെ​ക്ക​ണ്ടാ​ൽ പു​രാ​ത​ന ഗോ​ത്ര​ത്തി​ലെ പു​തി​യ മ​നു​ഷ്യ​രെ​പ്പോ​ലെ തോ​ന്നും.

ആ​ദ്യ​ത്തെ കൂ​ട്ടി​മു​ട്ട​ലി​ൽ​ത​ന്നെ പൂ​ച്ച​ട്ടി​യും റി​മോ​ട്ടും ത​ക​ർ​ന്ന് ത​രി​പ്പ​ണ​മാ​യി. പോ​രാ​ട്ടം മു​റു​ക​വേ ഫ്ലാ​റ്റി​ലു​ണ്ടാ​യി​രു​ന്ന ഓ​രോ വ​സ്തു​ക്ക​ൾ​ക്കും രൂ​പ​മാ​റ്റം സം​ഭ​വി​ച്ചു. ടി.​വി​യും മേ​ശ​യും അ​തി​ന്റെ സ്വാ​ഭാ​വി​ക ച​തു​ര​വ​ടി​വു​ക​ൾ ഉ​പേ​ക്ഷി​ച്ചു. ക​സേ​ര​ക​ൾ​ക്ക് ര​ണ്ട് കാ​ലി​ലും നി​ൽ​ക്കാ​മെ​ന്നാ​യി. ബ​ഹു​മാ​ന​പ്പെ​ട്ട അ​ക്കാ​ദ​മി​യു​ടെ ശി​ൽ​പം ര​ണ്ട് പേ​ർ​ക്ക് ന​ൽ​കി​യ​താ​യി പ്ര​ഖ്യാ​പി​ച്ചു. വ​ലി​യ നോ​വ​ലു​ക​ൾ നി​ര​വ​ധി ചെ​റു​ക​ഥ​ക​ളാ​യി മാ​റി. സൗ​ണ്ട് ബോ​ക്സു​ക​ൾ ബാ​ൽ​ക്ക​ണി വ​ഴി പ​റ​ന്ന് പോ​യി. അ​തു​വ​ഴി വ​ന്ന വ​വ്വാ​ൽ പു​തി​യ ഇ​ണ​യാ​ണെ​ന്ന് ക​രു​തി അ​തി​നെ മ​ണ​പ്പി​ച്ച് ന​ട​ന്നു.

അ​ടി മു​റു​ക​വേ ജോ​ർ​ജ് കൗ​ശി​ക്കി​നെ​യാ​ണോ കാ​സിം ക​ണ്ണ​നെ​യാ​ണോ ത​ല്ലു​ന്ന​തെ​ന്നു​പോ​ലും അ​വ​ർ മ​റ​ന്നു. പ​ക​യു​ടെ ദു​ര മാ​ത്ര​മാ​ണ് അ​വ​ർ​ക്കി​ട​യി​ൽ പ്ര​വ​ർ​ത്തി​ച്ച​ത്. എ​ല്ലാ ശ​ത്രു​ക്ക​ളെ​യും​പോ​ലെ ശ​ത്രു​ത​യു​ടെ തു​ട​ക്കം​പോ​ലും അ​വ​ർ മ​റ​ന്നി​രു​ന്നു. പ​ര​സ്പ​രം ഉ​പ​ദ്ര​വി​ക്കു​ക മാ​ത്ര​മാ​യി​രു​ന്നു അ​വ​രു​ടെ ല​ക്ഷ്യം. അ​തി​നാ​യി ക​യ്യി​ൽ കി​ട്ടി​യ വ​സ്തു​ക്ക​ളു​മാ​യി അ​വ​ർ ഫ്ലാ​റ്റ് മു​ഴു​വ​ൻ ഒ​ഴു​കി​ന​ട​ന്നു. വ​സ്തു​ക്ക​ൾ​ക്കെ​ല്ലാം വേ​ദ​നി​പ്പി​ക്കു​ക​യെ​ന്ന മ​റ്റൊ​രു ഉ​പ​കാ​ര​മു​ള്ള​ത് ആ​ദ്യ​മാ​യി തി​രി​ച്ച​റി​ഞ്ഞ​തു​പോ​ലെ​യാ​യി​രു​ന്നു അ​വ​രു​ടെ പെ​രു​മാ​റ്റം. ത​ല്ലി​ത്ത​ല്ലി അ​വ​സാ​നം അ​വ​ർ ബാ​ൽ​ക്ക​ണി​യി​ലെ​ത്തി. ഇ​നി​യും ഇ​ത് തു​ട​രേ​ണ്ട കാ​ര്യ​മി​ല്ലെ​ന്ന് തീ​രു​മാ​നി​ച്ച ഒ​രാ​ൾ മ​റ്റെ​യാ​ളു​ടെ കാ​ല് വ​ലി​ച്ച് താ​ഴേ​ക്കി​ട്ടു. അ​തി​ൽ​കൂ​ടു​ത​ലൊ​ന്നും അ​വ​ന് ചെ​യ്യാ​നു​ണ്ടാ​യി​രു​ന്നി​ല്ല. കൊ​ന്നാ​ലെ​ങ്കി​ലും ഈ ​ക​ലി​പ്പ് അ​ട​ങ്ങ​ട്ടെ​യെ​ന്ന് അ​യാ​ൾ ക​രു​തി. ഭാ​ഗ്യ​വ​ശാ​ലോ നി​ർ​ഭാ​ഗ്യ​വ​ശാ​ലോ താ​ഴേ​ക്ക് വീ​ണ​യാ​ൾ പൂ​ർ​ണ​മാ​യും താ​ഴേ​ക്കെ​ത്തി​യി​ല്ല.

‘‘ര​ക്ഷി​ക്ക​ണേ... ര​ക്ഷി​ക്ക​ണേ...’’ ശ​ത്രു​തമാ​ത്രം താ​ഴേ​ക്ക് വീ​ണ് നി​ലം​പ​തി​ച്ച ശ​ബ്ദ​ത്തോ​ടൊ​പ്പം അ​യാ​ൾ ക​മ്പി​ക​ളി​ൽ തൂ​ങ്ങി ജീ​വ​ന് വേ​ണ്ടി കേ​ണു. ആ ​അ​പേ​ക്ഷ കേ​ട്ട് മ​റ്റേ​യാ​ൾ പ​ക​ച്ചു. താ​നെ​ന്താ​ണ് ചെ​യ്യു​ന്ന​തെ​ന്ന് ആ ​നി​മി​ഷം അ​യാ​ൾ​ക്ക് വീ​ണ്ടു​വി​ചാ​ര​മു​ണ്ടാ​യി. ഒ​രു മ​നു​ഷ്യ​നെ കൊ​ല്ലാ​ൻ മാ​ത്രം ഇ​വി​ടെ എ​ന്ത് സം​ഭ​വി​ച്ചെ​ന്ന് അ​യാ​ൾ ഓ​ർ​ത്തു. ഈ ​തൂ​ങ്ങി​ക്കി​ട​ക്കു​ന്ന മ​നു​ഷ്യ​ൻ ത​ന്നെ​പ്പോ​ലെ ജീ​വി​ക്കാ​ൻ അ​വ​കാ​ശ​മു​ള്ള മ​നു​ഷ്യ​ന​ല്ലേ​യെ​ന്ന് ആ ​നി​ല​വി​ളി അ​യാ​ളെ ഓ​ർ​മി​പ്പി​ച്ചു. അ​യാ​ൾ വേ​ഗം മ​റ്റേ​യാ​ൾ​ക്ക് നേ​രെ കൈ​ക​ൾ നീ​ട്ടി മു​ക​ളി​ലേ​ക്ക് വ​ലി​ച്ച് ക​യ​റ്റി. ജീ​വി​ത​ത്തി​ൽ ക​ര​ഞ്ഞു​പോ​കു​ന്ന സ​ന്ദ​ർ​ഭ​മാ​യി​രു​ന്നു അ​ത്. വീ​ണ്ടു​വി​ചാ​ര​ങ്ങ​ൾ​ക്കേ​റ്റ പ്ര​ഹ​ര​ത്തോ​ടെ അ​യാ​ൾ വാ​വി​ട്ട് ക​ര​ഞ്ഞു.

‘‘സോ​റി. നി​ങ്ങ​ളും എ​ന്നെ​പ്പോ​ലെ ജീ​വി​ക്കു​ക​യാ​ണെ​ന്ന് ഞാ​ൻ മ​റ​ന്നു​പോ​യി.’’ അ​യാ​ൾ ക്ഷ​മാ​പ​ണ​ത്തോ​ടെ ര​ക്ഷ​പ്പെ​ട്ട​യാ​ളെ കെ​ട്ടി​പ്പി​ടി​ച്ചു.

‘‘സാ​ര​മി​ല്ല’’ അ​യാ​ളും പ​റ​ഞ്ഞു, ‘‘എ​ന്നോ​ടും ക്ഷ​മി​ക്കൂ ഞാ​നും മ​റ​ന്നു​പോ​യി.’’ അ​വ​ർ പ​ര​സ്പ​രം സാ​ന്ത്വ​നി​പ്പി​ച്ചു. ഒ​രു അ​പ​ക​ട​ത്തി​ൽ തു​ട​ങ്ങി​യ ക​ഥ മ​റ്റൊ​രു അ​പ​ക​ട​ത്തോ​ടെ അ​വ​സാ​നി​ച്ച​തി​ന്റെ പൊ​രു​ൾ അ​വ​ർ​ക്ക് മ​ന​സ്സി​ലാ​യി​ല്ല. ഒ​രു​പ​ക്ഷേ ഇ​തി​നെ ക​ഥ​യു​ടെ അ​വ​സാ​ന​മെ​ന്ന് പ​റ​യാ​ൻ ക​ഴി​ഞ്ഞേ​ക്കി​ല്ല. ചി​ല​പ്പോ​ൾ ഇ​ത് മ​റ്റൊ​രു ക​ഥ​യു​ടെ തു​ട​ക്കം മാ​ത്ര​മാ​യി​രി​ക്കാം. മ​റ്റൊ​രു വി​ധ​ത്തി​ലു​ള്ള ജൈ​വി​ക​ത​യോ​ടെ അ​തി​ന്റെ ബീ​ജം അ​വ​ർ​ക്കി​ട​യി​ൽ വേ​റൊ​രു രീ​തി​യി​ൽ വീ​ണ്ടും പ്ര​വ​ർ​ത്തി​ച്ചേ​ക്കം. അ​ത് പ​ക്ഷേ ശ​ത്രു​ത​യു​ടേ​ത് മാ​ത്ര​മാ​വ​ണ​മെ​ന്നി​ല്ല. സ്നേ​ഹ​ത്തി​ന്റേ​തു​മാ​വാം.

‘‘ഹാ​പ്പീ...’’ പൊ​ടു​ന്ന​നെ വാ​തി​ൽ ത​ള്ളി​ത്തു​റ​ന്ന മാ​ർ​ട്ടി​ന് ഛിന്ന​ഭി​ന്ന​മാ​യി കി​ട​ക്കു​ന്ന സ്വ​ന്തം ഫ്ലാ​റ്റ് ക​ണ്ട് ‘‘ന്യൂ​യി​യ​ർ’’ എ​ന്ന് മു​ഴു​മി​പ്പി​ക്കാ​ൻ സാ​ധി​ച്ചി​ല്ല. ഒ​രു​വേ​ള ഭൂ​മി​കു​ലു​ക്ക​മെ​ങ്ങാ​നും ഉ​ണ്ടാ​യോ എ​ന്ന് അ​യാ​ൾ സം​ശ​യി​ച്ചു. പ്ര​കൃ​തി​ദു​ര​ന്ത​ത്തി​ൽ​നി​ന്ന് ര​ക്ഷ​പ്പെ​ട്ട​വ​രെ​പ്പോ​ലെ തോ​ന്നി​ച്ച ത​ന്റെ എ​ഴു​ത്തു​കാ​രോ​ട് അ​യാ​ൾ ‘‘എ​ന്തു​പ​റ്റി?..’’ എ​ന്ന് അ​തി​ശ​യ​ത്തോ​ടെ ചോ​ദി​ച്ചു. ക​ഥ​യു​ടെ കെ​ടു​തി​ക​ളി​ൽ​നി​ന്ന് ര​ക്ഷ​പ്പെ​ട്ട ആ​ശ്വാ​സ​ത്തോ​ടെ പ​ര​സ്പ​രം നോ​ക്കി പു​ഞ്ചി​രി​ച്ചു​കൊ​ണ്ട് അ​വ​ർ ഒ​രേ സ്വ​ര​ത്തി​ൽ പ​റ​ഞ്ഞു. ‘‘ക​ഥ തീ​ർ​ന്നു...’’