പ്രശസ്ത തമിഴ് നടൻ പൊന്നമ്പലത്തിന് സഹായം പ്രഖ്യാപിച്ച് തമിഴിലെ മുൻനിര നടൻമാരായ കമൽഹാസനും രജനീകാന്തും. ചെന്നൈയിലെ സ്വകാര്യ ആശുപത്രിയിൽ കിഡ്നി സംബന്ധമായ രോഗം ബാധിച്ച് ഗുരുതരാവസ്ഥയിൽ ചികിത്സയിലാണ് പൊന്നമ്പലം.
സാമ്പത്തിക സഹായമാവശ്യപ്പെട്ടുകൊണ്ടുള്ള പൊന്നമ്പലത്തിെൻറ വീഡിയോ സമൂഹമാധ്യമങ്ങളിൽ വൈറലായിരുന്നു. ഇത് ശ്രദ്ധയിൽ പെട്ടതിനെ തുടർന്നായിരുന്നു കമൽഹാസൻ അദ്ദേഹത്തിെൻറ ചികിത്സാ ചിലവുകൾ ഏറ്റെടുക്കാൻ തെൻറ ടീമിനോട് ആവശ്യപ്പെട്ടത്. മക്കളുടെ വിദ്യാഭ്യാസ ചിലവുകളും കമൽഹാസൻ വഹിക്കുമെന്ന് അറിയിച്ചിരുന്നു. കമൽഹാസനാണ് മൈക്കൽ മദന കാമരാജൻ എന്ന അദ്ദേഹത്തിെൻറ ചിത്രത്തിലൂടെ പൊന്നമ്പലത്തെ തമിഴ് സിനിമയിലേക്ക് കൈപിടിച്ചുയർത്തുന്നത്. സ്റ്റണ്ട് മാസ്റ്ററായിരുന്നു അതുവരെ പൊന്നമ്പലം.
കമലിന് പിന്നാലെ രജനീകാന്തും പൊന്നമ്പലത്തിന് സാമ്പത്തിക സഹായം പ്രഖ്യാപിച്ചിരിക്കുകയാണ്. പൊന്നമ്പലവുമായി സംസാരിച്ച അദ്ദേഹം തുടർ ചികിത്സക്കുള്ള സഹായം നൽകാമെന്നും ഏറ്റിട്ടുണ്ട്. രജനീകാന്തിെൻറ വക്താവാണ് ഇത് അറിയിച്ചത്. തുക എത്രയാണെന്ന് വെളിപ്പെടുത്തുന്നില്ലെന്നും വക്താവ് അറിയിച്ചു.
രജനീകാന്തിെൻറ മുത്തു, അരുണാചലം, അപൂർവ്വ സഗോദരർഗൾ തുടങ്ങിയ ചിത്രങ്ങളിൽ പൊന്നമ്പലം അഭിനയിച്ചിട്ടുണ്ട്. ജയം രവിയുടെ കോമാളി എന്ന ചിത്രത്തിലാണ് അദ്ദേഹം ഏറ്റവും ഒടുവിലായി വേഷമിട്ടത്. മിഥുൻ മാനുവൽ തോമസ് സംവിധാനം ചെയ്ത ആട് 2 എന്ന ചിത്രത്തിലും അദ്ദേഹം വേഷമിട്ടിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.